sariq, dumaloq, gomogen, plyonka qobiq bilan qoplangan, bir tomonida “d” xarfi tushirilgan tabletkalar.

Astmaga qarshi vosita. Leykotriyen retseptorlarining antagonisti.

R03DC03.

So‘rilishi Ichga qabul qilinganidan keyin montelukast tez so‘riladi. Kattalarda qobiq bilan qoplangan 10 mg tabletkalar och qoringa qabul qilingandan keyin plazmadagi maksimal kontsentratsiyasiga (Cmax) 3­4 soat (Tmax) dan so‘ng erishiladi. Ichga qabul qilinganda o‘rtacha biokiraolishligi 64% ni tashkil qiladi. Standart nonushta qilish biokiraolishligi va Cmax ga ta’sir qilmaydi. Kattalarda 5 mg chaynaladigan tabletkalar och qoringa qabul qilingandan keyin maksimal kontsentratsiyasiga o‘rtacha 2­2,5 soatdan so‘ng erishiladi. Biokiraolishligi 73% ni, standart nonushtadan keyin esa 63% ni tashkil qiladi. 2­5 yoshdagi bolalarda 4 mg chaynaladigan tabletkalar och qoringa qabul qilingandan keyin maksimal kontsentratsiyasiga o‘rtacha 2­2,5 soat o‘tgach erishiladi. 10 mg li 1 qobiq bilan qoplangan tabletkani qabul qilishga nisbatan 5 mg li 2 chaynaladigan tabletkalarni qabul qilinganda farmakokinetikasi baholanmagan. Taqsimlanishi Qon plazmasi oqsillari bilan 99% dan ortiq bog‘lanadi. Montelukastning barqaror taqsimlanish hajmi o‘rtacha 8­11 litrni tashkil qiladi. Metabolizmi Montelukast CYP3A4 va 2S8/9 jigar fermentlari tomonidan faol metabolizmga uchraydi. Terapevtik dozalarni qo‘llash bilan o‘tkazilgan tadqiqotlarda montelukastning metabolitlarini plazmadagi kontsentratsiyasi muvozanat holatda kattalar va bolalarda aniqlanmaydi. Chiqarilishi Montelukastning klirensi minutiga o‘rtacha 45 ml ni tashkil qiladi. Montelukastning yarim chiqarilish davri sog‘lom kattalarda 2,7­5,5 soatni tashkil qiladi. Montelukast va uning metabolitlari asosan safro bilan chiqariladi. 10 mg montelukastni kuniga 1 marta qabul qilganda plazmada faol moddani sust (taxminan 14%) to‘planishi kuzatiladi. Montelukastning farmakokinetikasi 50 mg gacha bo‘lgan dozalarni ichga qabul qilganda deyarli proportsional saqlanadi.

15 yosh va undan katta patsiyentlarda bronxial astmani oldini olish va uzoq muddatli davolash, shu jumladan kasallik simptomlarini kunduzgi va kechki vaqtlarda oldini olish uchun qo‘llaniladi.15 yosh va undan katta patsiyentlarda allergik rinitlar(mavsumiy va doimiy) simptomlarining bartaraf etish uchun qo‘llanadi.

15 yosh va undan katta patsiyentlar uchun uyqudan oldin qabul qilinadigan sutkalik doza 10 mg li qobiq bilan qoplangan 1 tabletkani tashkil qiladi.

Montelukast umuman yaxshi o‘zlashtiriladi. Yengil nojo‘ya samaralar preparatni bekor qilishni talab qilmaydi. Nojo‘ya samaralarining umumiy soni platseboda kuzatilgan nojo‘ya samaralari bilan bir xil. Montelukast bilan davolashda quyidagi nojo‘ya samaralar kuzatilgan (tez-tezligi platseboga nisbatan 1% va undan ko‘proq): bosh og‘rig‘i va abdominal og‘riq. Boshqa nojo‘ya samaralar: qorinda og‘riq, ko‘ngil aynishi, diareya, gastroenterit, grippga o‘xshash ko‘rinishlar, faringit, sinusit, yo‘tal, burun bitishi, toliqish va uyquchanlik. Shish, ruxiy buzilishlar (shuningdek vahimali qo‘zg‘aluvchanlik va xavotirlik), anafilaksiya, angionevrotik shish, eshakemi, ko‘krakda og‘riq, et uvishishi, og‘iz qurishi, bosh aylanishi va artralgiyalar shubha qilingan, biroq isbotlanmagan nojo‘ya ta’sirlar hisoblanadi. Nojo‘ya samaralar paydo bo‘lgan hollarda shifokorga murojaat qiling.

Preparatning har qanday komponentlariga yuqori sezuvchanlikda qo‘llash mumkin emas.

Lyukamonttm qobiq bilan qoplangan tabletkalarini bronxial astmani oldini olish va uzoq muddat davomida davolash uchun an’anaviy qo‘llaniladigan boshqa dori vositalari bilan birga buyurish mumkin. O‘zaro ta’sirini o‘rganish bo‘yicha klinik tadqiqotlarda montelukastning tavsiya qilingan klinik dozasi teofilin, prednizon, prednizolon, peroral homilaga qarshi vositalar (etinilestradiol/noretindron 35/1), terfenadin, digoksin va varfarinning farmakokinetikasiga klinik ahamiyatli samara ko‘rsatmagan. Tez-tez yozib beriladigan tireoid gormonlari, sedativ uxlatuvchi dori vositalari, nosteroid yallig‘lanishga qarshi vositalar, benzodiazepinlar, dekongensantlar bilan bir vaqtda buyurilganda noxush o‘zaro ta’sirlar kuzatilmagan. Bir vaqtda 10 mg montelukast fenobarbital bilan bir marta buyurilganida kontsentratsiya-vaqt egri chiziq ostidagi maydon (AUC) taxminan 40% ga pasaygan. Montelukast jigar tsitoxromi R450 CYP3A4 va 2S8/9 tomonidan metabolizmga uchraydi. R450 CYP3A4 ni induktsiyalovchi fenobarbital va rifampitsin kabi vositalar bilan bir vaqtda qo‘llanganda plazmadagi kontsentratsiyasini ahamiyatli darajada pasayishi kuzatiladi. Lyukamonttm qobiq bilan qoplangan tabletkalarining dozasiga tuzatish kiritish talab qilinmaydi. Dalachoy ekstrakti (St. John’s wort) bilan bir vaqtda qo‘llanganida montelukastning kontsentratsiyasi pasayishi mumkin.

Bronxial astma hurujlari vaqtida bronxospazmni bartaraf etish uchun Lyukamonttm qobiq bilan qoplangan tabletkalarining samaradorligi isbotlanmagan, shu sababli patsiyentlarga xurujlarni bartaraf etish uchun mavjud bo‘lgan tegishli dori vositalarini buyurish kerak. Bronxial astmani zo‘rayishida Lyukamonttm qobiq bilan qoplangan tabletkalari bilan davolashni davom ettirish mumkin. Bir vaqtda qo‘llanilayotgan ingalyatsion glyukokortikosteroidlarning dozasini shifokor nazorati ostida asta sekin pasaytirish mumkin, ingalyatsion yoki peroral glyukokortikosteroidlarni Lyukamonttm qobiq bilan qoplangan tabletkalari bilan keskin almashtirish mumkin emas. Lyukamonttm qobiq bilan qoplangan tabletkalarini jismoniy zo‘riqish oqibatidagi bronxospazmda qo‘llash mumkin emas. Jismoniy zo‘riqishdan keyin zo‘rayuvchi bronxial astmasi bo‘lgan patsiyentlar xurujlarni oldini olish uchun ingalyatsion β­agonistlarini qo‘llashni davom ettirishlari kerak. Lyukamonttm qobiq bilan qoplangan tabletkalari bilan davolanish davrida aspiringa sezuvchan astmasi bo‘lgan patsiyentlarni aspirinni va boshqa nosteroid yallig‘lanishga qarshi vositalarni qo‘llashdan saqlanish kerakligi haqida ogohlantirish kerak. Lyukamonttm qobiq bilan qoplangan tabletkalarini qabul qilayotgan patsiyentlarda tizimli eozinofiliya va kam hollarda ­ ba’zida Charga­Strauss (Churg-Strauss) sindromi sifatida tashxislanuvchi  va tizimli glyukokortikosteroidlarning dozasini kamayishi bilan bog‘liq bo‘lgan  vaskulit yuz berishi mumkin. Patsiyentlarni eozinofiliya, vaskulyar toshma, o‘pka simptomlarini kuchayishi, kardiologik asoratlar va neyropatiya haqida ogohlantirish kerak. Lyukamonttm qobiq bilan qoplangan tabletkalarini qabul qilayotgan patsiyentlarda tizimli glyukokortikosteroidlarning dozasini pasaytirishda ehtiyotkorlikka rioya qilish va muvofiq ravishda klinik kuzatuvlarni o‘tkazish kerak. Lyukamonttm qobiq bilan qoplangan tabletkalarini qabul qilayotgan kattalarda, o‘smirlarda va bolalarda psixonevrologik buzilishlar to‘g‘risida xabar qilingan. Postmarketing ma’lumotlarda vahimali qo‘zg‘aluvchanlik, tajovuzkor xulq yoki adovat, vahima, depressiya, uyquni buzilishi, gallyutsinatsiyalar, uyqusizlik, xavotir, haddan tashqari harakatchanlik, somnambulizm, suitsidal fikrlar va xulq (shuningdek suitsidal harakatlar), tremor kabi buzilishlar yuzasidan xabar qilingan. Patsiyentlar va shifokor psixonevrologik buzilishlar borasida ehtiyotkor bo‘lishlari kerak. Patsiyentlarni bunday turdagi buzilishlar paydo bo‘lganida shifokorga xabar qilishlari kerakligi haqida ogohlantirish kerak, va u o‘z navbatida Lyukamonttm qobiq bilan qoplangan tabletkalari bilan davolashning xavfi va foydasini diqqatbilan baholashi kerak.

Homiladorlik (V kategoriyasi) Lyukamonttm qobiq bilan qoplangan tabletkalarini homilador ayollarda nazoratli va adekvat tadqiqotlari o‘tkazilmagan. Lyukamonttm qobiq bilan qoplangan tabletkalarini homiladorlik davrida faqat juda zarur hollardagina qo‘llash kerak. Laktatsiya Montelukast ko‘krak sutiga o‘tish-o‘tmasligi ma’lum emas. Ko‘p dori vositalari ko‘krak sutiga o‘tishi sababli, Lyukamonttm qobiq bilan qoplangan tabletkalarini laktatsiya davrida buyurilganda ehtiyotkorlikka rioya qilish kerak.

25°S dan yuqori bo‘lmagan, yorug‘likdan va namlikdan himoyalangan joyda, original o‘ramida saqlansin.

Lyukamonttm qobiq bilan qoplangan tabletkalarining dozasi oshirib yuborilganda spetsifik davolash choralari haqida ma’lumotlar yo‘q. Montelukastni peritoneal dializ yoki gemodializ yo‘li bilan chiqarilishi haqida ma’lumotlar yo‘q.

Retsept bo‘yicha beriladi

Lyukamonttm qobiq bilan qoplangan tabletkalari blisterlarda. 2 blister (qobiq bilan qoplangan 28 tabletkalar) qo‘llash bo‘yicha yo‘riqnomasi bilan komplektda karton qutiga joylangan.

3 yil.