oq sochiluvchan kukun saqlovchi ko‘k/oq qattiq jelatin kapsulalar (№2),

zamburug‘larga qarshi vosita.

J02AC01

Ichga qabul qilinganidan so‘ng flukonazol yaxshi so‘riladi. Biokiraolishligi kamida 90% ni tashkil etadi. Maksimal kontsentratsiyasiga (Smax) flukonazol qabul qilingandan so‘ng 1-2 soatdan keyin erishiladi. Plazmadagi kontsentratsiyasi taxminan 50-400 mg chegaralarida dozaga proportsionaldir. Preparat takroran qabul qilinganida plazmadagi cho‘qqi kontsentratsiyasi oshadi. Muvozanatli kontsentratsiyaga 5-10 kun davomida erishiladi, ammo zarb doza buyurilganida 2 kundan so‘ng erishishi mumkin. Plazma oqsillari bilan bog‘lanishi past (taxminan 12%). Flukonazol organizmning barcha suyuqliklariga yaxshi o‘tadi. Ko‘krak suti, so‘lak, balg‘am, sinovial, vaginal va peritoneal suyuqliklarda flukonazolning darajasi plazmadagi kontsentratsiyasi bilan bir xil. Zamburug‘li meningiti bo‘lgan bemorlarda orqa miya suyuqligidagi flukonazolning darajasi, uning plazmadagi darajasining taxminan 50-90% ni tashkil etadi. Flukonazol asosan buyraklar orqali chiqariladi; qabul qilingan dozaning taxminan 80% o‘zgarmagan holda siydikda aniqlanadi. Yarim chiqarilish davri (T1/2) taxminan 30 soatni tashkil etadi. Flukonazolning klirensi kreatinin klirensiga proportsional. Flukonazol dializ yordamida chiqariladi.

genital kandidoz – vaginal kandidoz (o‘tkir yoki qaytalanuvchi), vaginal kandidoz qaytalanishlarini oldini olish (yiliga 3 marta va ko‘proq paydo bo‘lishi tez-tezligida), shuningdek kandidoz balanit;shilliq qavatlar, shu jumladan orofaringeal kandidozda: og‘iz bo‘shlig‘i va tomoqning, qizilo‘ngachning shilliq qavati kandidozi;teri-shilliq kandidozi va og‘iz bo‘shlig‘i shilliq qavatining surunkali atrofik kandidozi (tish protezlarini taqish bilan bog‘liq bo‘lgan). Shuningdek flukonazol dermatomikozlarda, shu jumladan oyoqlar, tana, chov sohasi mikozlarida qo‘llaniladi;

Ichga qabul qilish uchun kapsulalar. Davolashning davomiyligi klinik va mikologik samaralarga bog‘liq. Flukonazol har kuni sutkada 1 marta qabul qilinadi. Vaginal kandidozda flukonazol ichga 150 mg bir marta qabul qilinadi. Kasallikning qaytalanishlari sonini kamaytirish uchun preparat 150 mg dozada, oyda 1 marta qabul qilinadi. Davolashning davomiyligi individual ravishda belgilanadi; u 4 oydan 12 oygacha davom etishi mumkin. Ayrim hollarda qabul qilishlar soni oshiriladi. Candida chaqirgan balanitda, flukonazol ichga 150 mg dozada bir marta buyuriladi. OITS bemorlarda orofaringeal kandidozning qaytalanishlarini oldini olish uchun, birlamchi davolash kursi tugaganidan so‘ng, flukonazol 150 mg dozada haftada 1 marta buyuriladi. Keksa yoshdagi odamlarni davolashda buyrak yetishmovchiligining belgilari bo‘lmaganida, preparat odatdagi dozada ishlatiladi. Buyrak yetishmovchiligi bo‘lgan bemorlarda (kreatinin klirensi 11-50 ml/min) yuborishlar uchun flukonazolning sutkalik dozasi 2 marta pasaytiriladi. Dializ seansini doimo oladigan bemorlarga flukonazol har dializdan keyin yuboriladi. 7 yoshdan oshgan bolalarga flukonazol shifokor tavsiyasi bo‘yicha buyuriladi. Bolalar uchun sutkalik dozasi kattalar uchun qo‘llanadigan dozasidan oshmasligi kerak.

flukonazolga yoki kimyoviy tuzilishi bo‘yicha unga yaqin bo‘lgan azol birikmalarga yuqori sezuvchanlikda;flukonazol sutkada 400 mg va undan ortiq dozada qabul qilayotgan bemorlarga terfenadin bir vaqtda qo‘llanganida;jigar yetishmovchiligida;homiladorlik va laktatsiyada;7 yoshgacha bo‘lgan bolalarda qo‘llash mumkin emas.

Varfarin va flukonazolni bir vaqtda qabul qilish protrombin vaqtini uzaytiradi; flkonazol va sulfonilmochevina hosilalari guruhiga mansub peroral gipoglikemik preparatlar (xlorpropamid, glibenklamid, glipizid va tolbutamid) ni bir vaqtda qabul qilganda – ularning yarim chiqarilish davrini uzaytiradi (gipoglikemiya rivojlanishi mumkinligini hisobga olish kerak). Lukomed preparati va fenitoin bir vaqtda qabul qilinganida, fenitoinning kontsentratsiyasi klinik jihatdan ahamiyatli oshadi (kontsentratsiyani monitoring o‘tkazish va dozani tanlash kerak). Gidroxlortiazidni ko‘p marta qo‘llash qon plazmasida flukonazolning kontsentratsiyasini oshiradi, biroq flukonazolni dozalash tartibini, odatda, o‘zgartirish kerak emas. Flukonazolni 50-200 mg dozalarda qabul qilish, peroral qo‘llanadigan homiladorlikka qarshi majmuaviy vositalarning samaradorligiga ta’sir qilmaydi. Flukonazol va rifampitsinni bir vaqtda qabul qilish AUC (“kontsentratsiya/vaqt” bog‘liqligini aniqlovchi farmakologik egri chiziq ostidagi maydon) ni 25% ga va flukonazolning yarim chiqarilish davrini 20% ga pasayishiga olib kelgan. Ko‘rsatilgan preparatlar majmuasini qabul qilayotgan bemorlarda, flukonazolning dozasini oshirish maqsadga muvofiqligini hisobga olish kerak. Flukonazolni qo‘llash vaqtida qonda tsiklosporinning kontsentratsiyasini nazorat qilish tavsiya etiladi. Flukonazol va zidovudinning majmuasi buyurilganida, zidovudinning nojo‘ya reaktsiyalarini erta aniqlash maqsadida bemorlarning holatini kuzatish kerak, ularda bunday holda AUC (“kontsentratsiya/vaqt” bog‘liqligini aniqlovchi farmakologik egri chiziq ostidagi maydon) ahamiyatli darajada oshadi. Tsizaprid, astemizol, rifabutin, takrolimus va boshqa tsitoxrom R450 tizimi tomonidan metabolizmga uchraydigan dori vositalarini qabul qilayotgan bemorlarda bir vaqtda flukonazolni qo‘llash, qonda ushbu preparatlarning kontsentratsiyalarini oshishi bilan kechishi mumkin. Tsimetidin yoki antatsidlarni bir vaqtda qabul qilish flukonazolning so‘rilishiga klinik ahamiyatli ta’sir qilmaydi.

Bu preparatni buyurgan shifokor, davolashni kechishini kuzatishi juda muhim. Uni qabuliga u belgilagan muddatda kelishni unutmang. Davolashni boshlashdan oldin shifokor bilan maslahatlashing! Flukonazol bilan davolanish vaqtida jigar faoliyatini buzilishi bo‘lgan bemorlar, shifokor nazorati ostida bo‘lishlari kerak. Jigarning shikastlanishini klinik belgilari paydo bo‘lishi bilan flukonazolni bekor qilish kerak. OITS li bemorlar ko‘pchilik preparatlarni qabul qilganlarida og‘ir darajadagi teri reaktsiyalarini rivojlanishiga moyilroq bo‘ladilar. Yuza zamburug‘li infektsiya bo‘yicha davolanayotgan bemorda toshma paydo bo‘lganida, bu flukonazolni qo‘llash bilan bog‘liq bo‘lishi mumkin, preparatni bekor qilish kerak. Invaziv/tizimli zamburug‘ infektsiyalari bo‘lgan bemorlarda toshmalar paydo bo‘lganida, bemorning holatini kuzatish va polimorf eritema paydo bo‘lganida flukonazolni bekor qilish kerak.

Homiladorlarni davolash uchun flukonazolni buyurishdan saqlanish kerak, ayol uchun kutilayotgan foyda homila uchun potentsial xavfdan ustun bo‘lgan, og‘ir va hayot uchun potentsial xavfli zamburug‘ infektsiyalaridan tashqari. Flukonazol ko‘krak sutida, qonda bo‘lgan kontsentratsiyalarida aniqlanadi, shuning uchun uni laktatsiya davrida qo‘llash tavsiya etilmaydi. Preparat bolalar olaolmaydigan joyda saqlansin va yaroqlilik muddati o‘tgach ishlatilmasin.

Yorug‘likdan himoyalangan quruq, salqin joyda, +25oS dan yuqori bo‘lmagan haroratda saqlansin.

Retsept bo‘yicha

Bir kapsuladan Al/PVX blisterda. 1 blister tibbiyotda qo‘llash bo‘yicha yo‘riqnomasi bilan birga karton qutiga joylangan.

3 yil.