ikki yoqlama qavariq, oq yoki deyarli oq rangli tabletkalar, marmarlikka yo‘l qo‘yiladi.

peroral kontratseptiv vositalar.

G03AA09

Dezogestrel Dezogestrel me’da-ichak yo‘llaridan tez va amalda to‘liq so‘riladi va darhol 3- keto-dezogestrelga metabollanadi, u dezogestrelning biologik faol metaboliti hisoblanadi. Smax ga 1 tabletka qabul qilinganidan keyin 1,5 soat o‘tgach erishiladi va u 2 ng/ml ni tashkil qiladi. Dezogestrelning biokiraolishligi 62-81%. 3- keto-dezogestrel qon plazma oqsillari, asosan albuminlar va globulinlar bilan bog‘lanadi. Vd 1,5 l/kg ni tashkil qiladi. 3- keto-dezogestreldan tashqari (u jigarda va ichak devorida hosil bo‘ladi) boshqa metabolitlari: 3α-ON-dezogestrel, 3β-ON-dezogestrel, 3α-ON-5α-N-dezogestrel (birinchi faza metabolitlari) ham bor. Bu metabolitlari farmakologik faollikka ega emas. Qon plazmasidan klirensi 2 ml/min/kg tana vaznigani tashkil qiladi. 3- keto-dezogestrelni T1/2 o‘rtacha 30 soatni tashkil qiladi. Metabolitlari siydik va axlat bilan (6:4 nisbatda) chiqariladi. Etinilestradiol Etinilestradiol me’da-ichak yo‘llaridan tez va to‘liq so‘riladi. Smax  ga preparat qabul qilinganidan keyin 1-2 soat o‘tgach erishiladi va u 80 ng/ml ni tashkil qiladi. Preparatning biokiraolishligi tizimoldi kon’yugatsiyasi va jigar orqali “birinchi o‘tish” samarasi hisobiga taxminan 60% ni tashkil qiladi. Preparat qon plazmasi oqsillari, asosan albuminlar bilan to‘liq bog‘lanadi. Vd 5 l/kg ni tashkil qiladi. Etinilestradiolning tizimoldi kon’yugatsiyasi ahamiyatli. Ichak devorini chetlab (metabolizmning birinchi fazasi) u jigarda kon’yugatsiyaga uchraydi (metabolizmning ikkinchi fazasi). Etinilestradiol va uning kon’yugatlari metabolizmning birinchi fazasida (sulfatlar va glyukuronidlar) o‘t-safro bilan chiqariladi va enterogepatik tsirkulyatsiyaga tushadi. Qon plazmasidagi klirensi 5 ml/min/kg tana vazniga atrofida. Etinilestradiolni T1/2 o‘rtacha taxminan 24 soatni tashkil qiladi. Taxminan 40% siydik bilan va taxminan 60% ahlat bilan chiqariladi.

– Kontratseptsiya.

Preparat sutkada 1 tabletkadan (iloji boricha bir xil vaqtda) hayz tsiklining birinchi kunidan boshlab 21 kun davomida buyuriladi. So‘ngra 7 kunlik tanaffus qilinadi, bu vaqtda hayzga xos qon ketishi yuz beradi. Keyin tabletkalarni keyingi o‘ramdan qabul qilish tiklanadi (xatto agarda qon ketishi to‘xtamagan bo‘lsa ham). Qabul qilish qoidasiga rioya qilinganda kontratseptiv ta’siri 7 kunlik tanaffus vaqtida ham saqlanadi. Agarda birinchi tabletkani qabul qilish xayz tsiklining birinchi kuni yuz bersa, u holda qo‘shimcha kontratseptiv usullar talab etilmaydi. Tabletkani qabul qilishni xayzni 2-5 kunlari boshlash mumkin, ammo bunday hollarda birinchi tsiklda qo‘shimcha kontratseptiv usullarni tabletkani qabul qilishni birinchi 7 sutkasida qo‘llash kerak. Agarda xayz boshlangandan keyin 5 kundan ko‘p o‘tgan bo‘lsa, qabul qilishni boshlashni keyingi xayzgacha kechiktirish lozim. Tug‘ruqdan keyin emizmaydigan ayollarga preparatni 21 kundan keyin buyurish mumkin. Bunday hollarda kontratseptsiyani qo‘shimcha boshqa usullarini qo‘llashga zarurat yo‘q. Agarda tug‘ruqdan keyin seksual aloqa bo‘lgan bo‘lsa, u holda gormonal kontratseptivlarni qabul qilishni birinchi xayzdan keyin boshlash lozim. Agarda preparat tug‘ruqdan keyin 21 kundan kech buyurilgan bo‘lsa, u holda qabulni birinchi 7 sutkasida qo‘shimcha kontratseptsiya usullarini ishlatish zarur. Abortdan keyin preparatni qabul qilishni darhol operatsiyadan keyin boshlash tavsiya qilinadi, va bunday holda qo‘shimcha kontratseptsiya usullarini qo‘llashga zarurat yo‘q. Xayz muddatini uzaytirish kerak bo‘lganida tabletkalarni qabul qilishni 7 kunlik tanaffussiz davom ettirish lozim. Bunday hollarda xayzlar orasida qon ketishi paydo bo‘lishi mumkin, ammo bu preparatni homilaga qarshi ta’sirini kamaytirmaydi. Preparatni muntazam qabul qilishni odatda 7 kunlik tanaffusdan keyin tiklash mumkin. Preparatni qabul qilish o‘tkazib yuborilgan hollarda, agarda o‘tkazib yuborilgan qabuldan keyin 12 soat vaqt o‘tgan bo‘lsa, u holda o‘tkazib yuborilgan tabletkani qabul qilish va keyinchalik qabulni odatdagi vaqtda davom ettirish kerak. Agarda o‘tkazib yuborilgan preparatni qabulidan 12 soatdan ko‘p vaqt o‘tgan bo‘lsa, preparat o‘tkazib yuborilgan deb hisoblanadi, bu davrda kontratseptsiyaning ishonchliligi kafolatlanmaydi va qo‘shimcha kontratseptsiya usullarini qo‘llash tavsiya qilinadi.

Preparatni bekor qilishni talab qiladigan og‘ir nojo‘ya ko‘rinishlar. Yurak- tomir tizimi tomonidan: kam- arterial va venoz tromboembolik kasalliklar (shu jumladan miokard infarkti, insult, oyoqlarning chuqur venalarini trombozi, o‘pka tomirlarining tromboemboliyasi), arterial gipertenziya. Endokrin tizimi tomonidan: estrogenga qaram o‘smalarni paydo bo‘lishi. Ovqat hazm qilish tizimi tomonidan: xolestatik sariqlik, o‘t-tosh kasalligi. Boshqalar: kam – tizimli qizil yugurikni zo‘rayishi, alohida hollarda – Sidenxem xoreyasi, u preparat bekor qilinganidan keyin o‘tib ketadi. Boshqa ko‘pincha uchraydigan ammo preparatni bekor qilinishini talab etmaydigan nojo‘ya ko‘rinishlar. Jinsiy tizimi tomonidan: xayzlar orasidagi qon ketishlar, preparat bekor qilinganidan keyingi amenoreya, qin shillig‘ini o‘zgarishi, bachadon fibromiomasini o‘sishi, endometriozning kechishini yomonlashishi, qin infektsiyasini rivojlanishi (shu jumladan kandidoz), sut bezlarining taranglashishi, og‘rishi, kattalashishi, sutni chiqarilishi. Ovqat hazm qilish tizimi tomonidan: ko‘ngil aynishi, qusish. Dermatologik reaktsiyalar: tugunli eritema, toshma, xloazmalar. MNT tomonidan: bosh og‘rig‘i, migren, kayfiyatni o‘zgarishi, depressiv holatlar. Ko‘rish a’zolari tomonidan: kontakt linzalarni taqishda shox pardaning sezuvchanligini oshishi mumkin. Moddalar almashinuvi tomonidan: organizmda suyuqlikning tutilishi, tana vaznining o‘zgarishi, karbon suvlarga tolerantlikni pasayishi.

homiladorlik yoki unga shubha;laktatsiya davri;og‘ir yoki o‘rtacha og‘irlik darajasidagi arterial gipertenziya;lipid almashinuvini buzilishi;anamnezida arterial tromboembolik kasalliklarni bo‘lishi (miokard infarkti, tserebrovaskulyar kasalliklar);arterial yoki venoz tromboemboliyaning xavfini bo‘lishi;shaxsiy yoki oilaviy anamnezdagi venoz tromboemboliya;diabetik angipatiya;og‘ir jigar kasalliklari, xolestatik sariqlik, gepatit, homiladorlik vaqtidagi sariqlik mavjudligi yoki anamnezda bo‘lishi, steroid saqlovchi preparatlarni qabul qilishda, Dubin-Djonson sindromida, Rotor sindromida, jigar o‘smasida, porfiriyada;o‘tkir virusli gepatit (laboratoriya ko‘rsatkichlari tiklangunicha va bu ko‘rsatkichlar me’yoriga qaytganidan keyin 3 oy davomida);o‘t-tosh kasalligi;estrogenga qaram o‘smalar yoki unga shubha;endometriyaning giperploziyasi;qindan noaniq etiolagiyali qon ketishlar;tizimli qizil yugurik (shu jumladan anamnezdagi);genital gerpes (shu jumladan anamnezdagi);otoskleroz (oldingi homiladorlikda chuqurlashgan);og‘ir teri qichimasi (shu jumladan anamnezdagi);preparatning komponentlariga yuqori sezuvchanlik.

Preparat spazmolitiklar, fenobarbital hosilalari, antibiotiklar (tetratsiklin, ampitsilin, rifampitsin), grizeofulvin, surgi preparatlari va ayrim dorivor o‘simliklar (masalan, dag‘al dalachoy) bilan bir vaqtda qo‘llanganida, Lotsipilning kontratseptiv samarasini kamayishi mumkin. Preparat peroral gipoglikemik preparatlar yoki insulin bilan bir vaqtda qo‘llanganida karbonsuvlar almashuvi holatini nazoratini buzilishi mumkin, chunki Lotsepil karbonsuvlarga bo‘lgan tolerantlikni pasaytirishi va insulinga yoki gipoglikemik vositalarga bo‘lgan extiyojni oshirishi mumkin, bu dozani to‘g‘irlashni talab qiladi.

Preparat gemostaz tizimi kasalliklarida, yurak yetishmovchiligida (shu jumladan anamnezdagi), buyrak yetishmovchiligida (shu jumladan anamnezdagi), tutqanoqda (shu jumladan anamnezdagi), migrenda (shu jumladan anamnezida), anamnezida o‘t-tosh kasalligida, estrogenga qaram o‘smalarni yoki estrogenga qaram ginekologik kasalliklarning rivojlanishini xavfi bo‘lganida, qandli diabetda, og‘ir depressiyada (shu jumladan anamnezdagi), o‘roqsimon-xujayrali anemiyada extiyotkorlik bilan va faqat qo‘llashdan foyda va xavf sinchkov baholaganidan keyin buyuriladi. Agarda jigarning funktsional ko‘rsatkichlarida o‘zgarishlar paydo bo‘lsa, preparatni qabul qilishni to‘xtatish lozim. Rejali operatsiya hollarida preparatni qabul qilishni operativ aralashuvlardan 4 hafta oldin to‘xtatish, remobilizatsiyadan keyin esa 2 hafta o‘tgach tiklash lozim. Migren xurujlari paydo bo‘lganida yoki chuqurlashganida preparatni qabul qilishni to‘xtatish lozim. Tug‘ma yoki ortirilgan biokimyoviy nuqsonlar (faollashtirilgan protein S ga rezistentlik, giperxromotsisteinemiya, protein S,S tanqisligi, antitrombin III tanqisligi, antifosfolipid antitelalar bo‘lganida) ham tromboembolik kasalliklarning rivojlanishini xavfi oshadi. Preparatni, uning kontratseptiv ta’sirini kamaytiradigan boshqa preparat bilan bir vaqtda qo‘llash davrida, qo‘shimcha kontratseptsiya usullarini qo‘llash lozim. Preparatni, agarda uni qo‘llashni bir necha oydan keyin xayzlar orasida qon ketishlar paydo bo‘lsa, samaradorligi kamayishi mumkin. Agarda bunda tanaffus davrida xayzga xos qon ketishlar paydo bo‘lmasa, tabletkani qabul qilishni faqat homiladorlik istisno qilingandan keyin davom ettirish mumkin. Preparatni qabul qilishdan oldin qarshi ko‘rsatmalarni va homiladorlikni istisno qilish uchun umumiy tibbiy (to‘liq oilaviy va shaxsiy anamnez, AB o‘lchash, laboratoriya tekshiruvlari) va ginekologik tekshiruvlar (shu jumladan sut bezlarini tekshirish, tservikal ajralmani tsitologik tahlili) o‘tkazish kerak. Preparatni qabul qilish vaqtida xloazmni paydo bo‘lish xavfi bo‘lganida, quyoshdan va UB nurlari ta’siridan saqlanish lozim. Preparatni qabul qilish davrida laboratoriya tekshirishlarining ayrim ko‘rsatkichlarini (jigar, buyraklar, buyrak usti bezlari, qalqonsimon bezining funktsional ko‘rsatkichlari, qon ivishining ko‘rsatkichlari va fibrinolitik omillari, lipoproteinlar va tashuvchi proteinlar) o‘zgarishi mumkin. Preparatni bolalar ololmaydigan joyda saqlash va uni yaroqlilik muddati o‘tgach ishlatmaslik lozim.

Original o‘ramda, namlikdan himoyalangan joyda, 25ºS dan yuqori bo‘lmagan haroratda saqlansin.

Oral kontratseptivning katta dozalari qabul qilinganida jiddiy salbiy oqibatlar qayd qilinmagan. Ammo dozani oshirilib yuborilishi hollarida ko‘ngil aynishi va ayollarda qon ketishini uzilishi, ya’ni xayzga ta’siri (xayz tsiklining muntazamligini oshishi, qon yo‘qotishni va temir tanqisligi anemiyasini kamayishi, dismenoreya tez-tezligini kamayishi) va ovulyatsiyani kechikishi (tuxumdonlarning funktsional kistalari va bachadondan tashqari homiladorlik tez-tezligini kamayishi) bo‘lishi mumkin. Davolash: simptomatik. Birinchi 2-3 soatlarda me’dani yuvishni o‘tkazish mumkin. Maxsus antidoti yo‘q.

Retsept bo‘yicha

21 tabletkalar blisterlarda. 1 yoki 3 blisterdan qo‘llash bo‘yicha yo‘riqnomasi bilan karton qutiga joylangan.

2 yil