oq yoki deyarli oq rangli, dumaloq, bir tomonida riskali tabletkalar.

tizimli ta’sir etuvchi antigistamin vosita (H-retseptorlarning blokatori)

R06AX13

So‘rilishi, metabolizmi Ichga qabul qilingandan so‘ng, loratadin yaxshi va tez so‘riladi va jigar orqali birinchi marta o‘tishida, asosan CYP3A4 va CYP2D6 izofermentlari ishtirokida jadal metabolizmga uchraydi. Asosiy metaboliti – dezloratadin – farmakologik jihatdan faol va ahamiyatli darajadagi klinik samarasini ta’minlaydi. Loratadin va metabolitini plazmadagi maksimal kontsentratsiyasiga (Tmax) erishish vaqti, qabul qilingandan so‘ng, mos ravishda, 1-1,5 soat va 1,5-3,7 soatni tashkil etadi. Loratadinni plazma oqsillari bilan bog‘lanish darajasi yuqori (97-99%), faol metabolitiniki esa – o‘rtacha (73-76%). Taqsimlanishi Sog‘lom shaxslarda loratadinni plazmadan o‘rtacha yarim taqsimlanish davri 1 soatni, uning faol metabolitiniki esa – 2 soatni tashkil etadi. Chiqarilishi Katta yoshdagi sog‘lom shaxslarda loratadinni o‘rtacha yarim chiqarilish davri 8,4 soatni (3-20 soat diapazonida), uning asosiy faol metabolitiniki esa – 28 soatni (8,8-92 soat diapazonida) tashkil etadi. Qabul qilingan dozasining taxminan 40% siydik bilan, 42% – ahlat bilan 10 kun davomida, asosan, kon’yugatsiyalangan metabolitlar holida chiqariladi. Qabul qilingan dozasining taxminan 27% siydik bilan birinchi 24 soat davomida chiqariladi. Faol substantsiyasini 1% dan kamrog‘i o‘zgarmagan faol ko‘rinishda – loratadin yoki metabolit holida chiqariladi. Loratadin va uning faol metabolitining biokiraolishlik parametrlari qabul qilingan dozasiga proportsionaldir. Preparatni ovqat bilan bir vaqtda qabul qilinishi uning so‘rilishini biroz sekinlashtirishi mumkin, bu uning klinik samaradorligiga ta’sir ko‘rsatmaydi.

Lomilan quyidagi kasalliklarni oldini olish va davolash uchun qo‘llanadi: mavsumiy va yil mobaynida kuzatiladigan allergik rinit;allergik kon’yunktiviti;surunkali eshak yemi va terini boshqa allergik kasalliklari.

Kattalar va 12 yoshdan oshgan bolalar Ovqatlanishdan qat’iy nazar, 10 mg (bir tabletka) sutkada bir marta buyuriladi. 2 yoshdan 12 yoshgacha bo‘lgan bolalar: Tana vazni 30 kg dan ortiq 10 mg (bir tabletka) sutkada bir marta buyuriladi. Tana vazni  30 kg.gacha bo‘lgan bolalar 5 ml loratadin (½ tabletka) sutkada bir marta. 2 yoshgacha bo‘lgan bolalarda loratadinning samaradorligi va xavfsizligi aniqlanmagan. Keksa yoshdagi va buyraklar faoliyati buzilgan shaxslarga dozasini o‘zgartirish talab qilinmaydi. Jigarning faoliyati og‘ir darajada buzilgan patsiyentlarda loratadinning klirensini pasayish ehtimoli borligi tufayli, boshlang‘ich dozasini kamaytirish lozim. Katta yoshdagilar va tana vazni 30 kg dan ortiq bo‘lgan bolalarga 10 mg dan (1 tabletka) kunora, tana vazni 30 kg gacha bo‘lgan bolalarga – 5 mg dan (½ tabletka) kunora qabul qilish tavsiya etiladi.

2 yoshdan 12 yoshgacha bo‘lgan bolalar ishtirokida o‘tkazilgan klinik tadqiqotlarda loratadin bilan davolashda platseboga nisbatan eng ko‘p uchraydigan noxush reaktsiyalar: bosh og‘rig‘i (2,7%), yuqori ta’sirchanlik (2,3%) va toliqish (1%) bo‘lgan. Sutkada 10 mg tavsiya etilgan terapevtik dozada qabul qilgan, allergik rinit va surunkali idiopatik eshakemi bo‘lgan kattalar va o‘smirlar ishtirokida o‘tkazilgan klinik tadqiqotlarda loratadin guruhidagi noxush reaktsiyalar tez-tezligi platsebo guruhiga nisbatan eng ko‘pi bilan 2% dan oshmagan. Uyquchanlik (1,2%), bosh og‘rig‘i (0,6%), ishtahani oshishi (0,5%) va uyqusizlik (0,1%) eng ko‘p kuzatilgan. Postmarketing amaliyotida anafilaksiya, bosh aylanishi, taxikardiya, yurakni urib ketishi, ko‘ngil aynishi, og‘izni qurishi, gastrit, toshma, alopetsiya, toliqish, jigar faoliyati sinamalarini o‘zgarishi kabi reaktsiyalar juda kam qayd etilgan.

Loratadinga va preparatni boshqa komponentlariga o‘ta yuqori sezuvchanlik bo‘lganida qo‘llash mumkin emas. Homiladorlik va laktatsiya davri, 2 yoshgacha bo‘lgan bolalar.

Lomilan alkogol bilan bir vaqtda qabul qilinganida, uning ta’sirini kuchaytirmaydi, bundan psixomotor funktsiyalar tadqiqotlaridan olingan natijalar dalolat beradi. Loratadinni plazmadagi kontsentratsiyasini oshishiga va nojo‘ya samaralar tez-tezligini o‘sishiga olib keluvchi, tsitoxrom CYP3A4 va CYP2D6 izofermentlarini ma’lum ingibitorlari bilan o‘zaro ta’sir qidishini istisno qilib bo‘lmaydi. Ketokonazol, eritromitsin va tsimetidin bilan bir vaqtda qabul qilingandan so‘ng, loratadin plazmadagi kontsentratsiyasini oshish ehtimoli mavjud, biroq klinik ahamiyatli oqibatlarga olib kelmaydi.

Jigar faoliyatini og‘ir buzilishlari bo‘lgan patsiyentlarda Lomilanning boshlang‘ich dozasi loratadin klirensi pasayish ehtimoli tufayli, kamaytirilishi lozim. Kattalar va tana vazni 30 kg dan ortiq bo‘lgan bolalarga 10 mg dan kunora, tana vazni 30 kg gacha bo‘lgan bolalarga –5 mg.dan kunora qabul qilish tavsiya etiladi. Homiladorlik va emizish Eksperimental tadqiqotlarning ma’lumotlariga ko‘ra, loratadin teratogen xususiyatlarga ega emas. Homiladorlarda loratadinni qo‘llash xavfsizligi aniqlanmagan, shuning uchun homiladorlik davrida uni qo‘llash tavsiya etilmaydi. Loratadin ko‘krak sutiga o‘tadi, shu sababli emizish davrida uni qo‘llash tavsiya etilmaydi. Transport vositalarini boshqarish va mexanizmlar bilan ishlash qobiliyatiga ta’siri Klinik tadqiqotlarda loratadin avtomobilni boshqarish qobiliyatiga salbiy ta’sir ko‘rsatmagan. Shunga qaramasdan, Lomilan kam hollarda transport vositalarini boshqarish va mexanizmlar bilan ishlash qobiliyatiga salbiy ta’sir ko‘rsatishi mumkin bo‘lgan uyqusizlikni yuzaga keltirishini bemor bilishi kerak. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Quruq, yorug‘likdan himoyalangan joyda, 25°C dan yuqori bo‘lmagan haroratda saqlansin.

Lomilanning dozasini oshirib yuborilishi uning antixolinergik ta’siri: uyquchanlik, taxikardiya va bosh og‘rig‘i bilan ifodalangan simptomlar bilan kechadi. Lomilanning dozasi oshirib yuborilganida, ko‘rsatmalar bo‘yicha umumiy tutib turuvchi choralar va simptomatik davolash tavsiya qilinadi. Zarurat bo‘lganida, me’dani yuvish va faollashtirilgan ko‘mir buyuriladi. Gemodializ samara bermaydi. Peritoneal dializ vaqtida loratadinni chiqarilishi noma’lum. Shoshilinch yordam ko‘rsatilgandan so‘ng, kuzatishni davom ettirish tavsiya etiladi.

Retseptsiz

10 mg tabletkalar: 10 donadan alyuminiy / PVXdan tayyorlangan blisterda. 10 (1×10), 20 (2×10) va 30 (3×10) tadan tabletkalar, qo‘llanishi bo‘yicha yo‘riqnoma bilan birga karton qutida.

4 yil.