Anis va yalpiz ta’mli tabletkalar: oq yoki deyarli oq rangli, yassi yuzali, riska va faskali, anis va yalpiz ta’mli tabletkalar. Shokolad ta’mli tabletkalar: kulrangdan jigarrang rangligacha bo‘lgan, dog‘lari bo‘lgan, yassi yuzali, riska va faskali, kakao ta’mli tabletkalar. Tabletkalarning yuzasida marmarlik bo‘lishiga yo‘l qo‘yiladi. Apelsin ta’mli tabletkalar: pushti-zarg‘aldoq rangli, dog‘lari bo‘lgan, yassi yuzali, riska va faskali, apelsin ta’mli tabletkalar. Tabletkalarning yuzasida marmarlik bo‘lishiga yo‘l qo‘yiladi.

Tomoq kasalliklarida qo‘llanadigan preparatlar. Turli antiseptiklar.

R02A A20.

– Preparatga sezgir qo‘zg‘atuvchilar chaqirgan og‘iz bo‘shlig‘i va tomoqning yallig‘lanish jarayonlarini (kataral, yarali, fibroz gingivitlar; aftoz stomatitlar; og‘iz bo‘shlig‘i va xalqumning kandidozi; faringitlar; tonzillitlar; laringitlar va glossitlar) mahalliy antiseptik davolash. – Og‘iz bo‘shlig‘i va tomoqdagi operativ aralashuvlardan oldin va keyin infektsiyalarni oldini olishda qo‘llanadi.

Kattalar va 12 yoshdan oshgan bolalar uchun tavsiya etilgan dozalari. Shimish uchun 1 tabletkadan har 2-3 soatda qo‘llanadi (sutkada 10 tabletkadan oshmasligi kerak). Yallig‘lanish simptomlari kamayganidan so‘ng – 1 tabletkadan har 4 soatda buyuriladi. 4 yoshdan 12 yoshgacha bo‘lgan bolalar uchun tavsiya qilingan dozalari. Shimish uchun 1 tabletkadan har 3 soatda qo‘llanadi (sutkada 5 tabletkadan oshmasligi kerak). Yallig‘lanish simptomlari kamayganidan so‘ng – 1 tabletkadan har 4 soatda buyuriladi. Tabletkani chaynamasdan asta-sekin shimish kerak. Preparatni qabul qilgandan keyin 30 minut davomida yeyish va ichish tavsiya qilinmaydi. Davolashni kasallik simptomlari yo‘qolganidan keyin yana 1-2 sutka davomida davom ettirish tavsiya qilinadi. Lizakni kasallikning simptomlari yo‘qolgunicha qo‘llash tavsiya qilinadi. Agar 5-7 sutka davomida davolashdan keyin simptomlari yo‘qolmasa, davolashning keyingi taktikasini aniqlash uchun shifokorga murojaat qilish lozim.

Preparat odatda yaxshi o‘zlashtiriladi, jiddiy nojo‘ya reaktsiyalari to‘g‘risida xabarlar bo‘lmagan, shunday bo‘lsada quyidagi noxush dori reaktsiyalari bo‘lishi mumkin. me’da-ichak yo‘llari tomonidan: ko‘ngil aynishi, og‘izni quruqligi, og‘iz bo‘shlig‘ining disbakteriozi (uzoq muddat qo‘llanganida); immun tizimi tomonidan: juda kam allergik reaktsiyalar (eshakemi, toshma, qichishish) bo‘lishi mumkin; mahalliy reaktsiyalar: tomoqda achishish va ta’sirlanish hissi.

Ta’sir etuvchi moddalar yoki preparatning biron bir qo‘shimcha komponentiga o‘ta yuqori sezuvchanlikda qo‘llash mumkin emas. Qo‘llashdagi tegishli xavfsizlik choralari Anis va yalpiz ta’mli tabletkalar qand saqlamaydi, shuning uchun ularni qandli diabeti bo‘lgan bemorlarni davolash uchun qo‘llash mumkin. Shokolad yoki apelsin ta’mli shimish uchun 1 tabletka 0,05 NB saqlaydi, buni qandli diabeti bo‘lgan bemorlar hisobga olishlari lozim. Infektsiyani tarqalishining asosiy klinik simptomlari bo‘lganida tegishli tizimli antibakterial davolashni buyurish lozim. Biron-bir nojo‘ya samaralar paydo bo‘lganida Lizakni qabul qilishni to‘xtatish va boshqa dori vositasini buyurish lozim. Mahalliy davolash uchun qo‘llanadigan boshqa preparatlar bilan bir vaqtda qabul qilishni ehtiyotkorlik bilan o‘tkazish kerak.

Kayeksalat (giperkaliyemiyani davolash uchun vosita) bilan bir vaqtda qabul qilinganida teri va shilliq qavatlarning, ayniqsa me’da-ichak yo‘llarining og‘ir nekrotik shikastlanishlarini rivojlanish ehtimoli bor. Dekvaliniy xloridining antibakterial faolligi anion detergentlarni, masalan, tish pastasi bir vaqtda qo‘llanganida pasayadi.

Homiladorlik va laktatsiya davrida qo‘llanishi Nazoratli tatqiqodlar o‘tkazilmagan. Shu sababli preparat homiladorlik yoki emizish davrida shifokor bilan maslahatlashgandan so‘ng, agar terapevtik samara bola uchun ta’sirining xavfidan ustun bo‘lsagina qo‘llanadi. Bolalar Preparat ushbu dori shaklida 4 yoshgacha bo‘lgan bolalarni davolash uchun aspiratsiyani rivojlanish xavfi tufayli qo‘llanmaydi. Avtomobilni va murakkab mexanizmlarni boshqarish qobiliyatiga ta’siri Ta’sir qilmaydi. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

25oS yuqori bo‘lmagan haroratda saqlansin.

Dozani oshirib yuborilishi to‘g‘risida ma’lumotlar yo‘q. Preparat oz miqdorda so‘riladi, shuning uchun dozani oshirib yuborilishining ehtimoli kam.

Retseptsiz

6 yoki 10 tabletkadan xira (pigmentlangan oq), polimer plyonkali va perforatsiyali yoki perforatsiyasiz laklangan alyumin folgali blisterda. 1 blisterdan (10 tabletka) yoki 2 blisterdan (6 tabletka) tibbiyotda qo‘llash bo‘yicha yo‘riqnomasi bilan karton qutiga joylanadi.

2 yil.