Gipolipidemik vositalar.

Simvastatin me’da-ichak yo‘llarida so‘riladi va gidrolizdan keyin beta-gidroksikislota ko‘rinishidagi faol shakliga aylanadi. Boshqa faol va nofaol metabolitlari ajratilgan. Plazmada preparatning maksimal kontsentratsiyasiga 1,3-2,4 soat davomida erishiladi. Simvastatin uchun jigar orqali – dori vositasining asosiy o‘tish joyi, jadal birinchi o‘tish metabolizmga uchrashi xarakterli. Ichga qabul qilingan dozaning 5% dan kamrog‘i faol metabolitlari shaklida qon oqimiga tushadi. Plazma oqsillari bilan simvastatinni ham, uning faol metabolitlarini (beta-gidroksikislota ko‘rinishida) ham bog‘lanishi 95% ga yetadi. Simvastatin organizmdan metabolitlar ko‘rinishida o‘t-safro bilan me’da-ichak yo‘llariga tushib, asosan ahlat bilan chiqariladi. Qabul qilingan dori miqdorining taxminan 10-15% asosan nofaol metabolitlar ko‘rinishida siydik bilan chiqariladi.

Birlamchi giperxolesterinemiya, nasliy geterozigot giperxolesterinemiya, tug‘ma gomozigot giperxolesterinemiya, yoki parhez va boshqa tegishli choralar yordamida to‘g‘rilanmaydigan majmuaviy giperlipidemiya. Koronar intsidentlarini oldini olish, miokardning revaskulyarizatsiyasi muolajasi holida xavfni pasaytirish uchun, umumiy xolesterinning darajasi 5,5 mmol/l ga teng yoki yuqori bo‘lgan yurak ishemik kasalligi bo‘lgan patsiyentlarda koronar aterosklerozining zo‘rayishini sekinlashtirish uchun qo‘llanadi.

Simvastatin bilan davolashni boshlashdan oldin patsiyentlarga xolesterinning darajasi past bo‘lgan odatdagi parhezni tavsiya qilish, unga butun davolash davri davomida rioya qilish kerak. Birlamchi giperxolesterinemiya, nasliy geterozigot giperxolesterinemiya, aralash giperlipidemiya. Simvastatinning tavsiya qilingan dozasi sutkada 1 marta kechqurun 10 mg dan 80 mg gacha dozada tebranadi. Maksimal sutkalik doza – 80 mg. Doza 4 haftadan kam bo‘lmagan oraliqqa rioya qilib tanlanadi. Nasliy gomozigot giperxolesterinemiya. 40 mg dan bir marta kechqurun yoki sutkada 80 mg dan, bu doza 3 qabulga bo‘linadi (eng katta doza kechqurun qabul qilinadi). Yurak ishemik kasalligi. Boshlang‘ich doza – 20 mg kuniga bir marta, kechqurun. Keyinchalik doza 4 haftada bir martadan kam bo‘lmaganda tanlanadi. Maksimal sutkalik doza – 80 mg bir marta. Simvastatin tsiklosporin, gipolipidemik vosita sifatida ishlatiladigan nikotin kislotasi yoki fibratlar bilan birga qo‘llanganida, maksimal sutkalik doza – 10 mg. Yengil va o‘rtacha darajali buyrak yetishmovchiligi bo‘lgan patsiyentlarga dozani tanlashning zarurati yo‘q. Biroq og‘ir buyrak yetishmovchiligi bo‘lgan holda tavsiya qilingan boshlang‘ich doza sutkada 5 mg ni tashkil qiladi, bu toifa patsiyentlarni sinchiklab kuzatish kerak. Bolalarda qo‘llanishi. Bolalarda simvastatinni qo‘llash bo‘yicha tajribaning yo‘qligi sababli, u bolalarda qo‘llanmaydi. Preparatni, ayniqsa 2 yoshgacha bo‘lgan bolalarga buyurish tavsiya qilinmaydi, chunki xolesterin bolaning normal rivojlanishi uchun zarur.

Eng tez-tez kuzatiladigan nojo‘ya samaralari bo‘lib, me’da-ichak yo‘llarining faoliyatini buzilishi – meteorizm, qorin og‘rig‘i, qabziyat yoki ichni ketishi, ko‘ngil aynishi, qusish. Bosh og‘rig‘i, toshma toshishi, bosh aylanishi, ko‘rishning noaniqligi, uyquni buzilishi (uyqusizlik, dahshatli tushlar), ta’m sezgisini buzilishi kuzatilishi mumkin. Depressiyalar, xotirani yo‘qotish, seksual buzilishlar, o‘pkalarning interstitsial kasalliklari rivojlanishini xavfi bor. Jigar va mushaklarga ta’siri kam kuzatiladi. Zardob aminotransferazalarining faolligi oshishi mumkin, ammo bu o‘zgarishlar orqaga qaytuvchidir. Sariqlik, gepatit va pankreatit, shuningdek angionevrotik shish rivojlanishi bilan yuqori sezuvchanlik sindromi hollari haqida xabarlar bor. Mialgiya shaklida kechuvchi miopatiya, miozit va bir vaqtda kreatinfosfokinaza faolligini oshishi bilan mushak kuchsizligi, ayniqsa simvastatinni immunodepressantlar, fibratlar, nikotin kislotasi, eritromitsin, itrakonazol va boshqa preparatlar bilan birga qabul qilayotgan patsiyentlarda kuzatilishi mumkin (“Dorilarning o‘zaro ta’siri” bo‘limiga qarang). Paresteziya va periferik nevropatiya bo‘lishi mumkin. Rabdomioliz va ikkilamchi buyrak yetishmovchiligi hollari ta’riflangan.

Dori vositasining har qanday tarkibiy qismiga yuqori sezuvchanlik. Jigarning o‘tkir kasalligi yoki zardob aminotransferazalarining faolligini noma’lum sababli davomli oshishi. Porfiriya. Homiladorlik va emizish davri. Alkogolizm.

Greypfrut sharbati plazmada simvastatinning kontsentratsiyasini oshiradi. Antibiotiklar klaritromitsin va eritromitsin, antidepressant nefazodon, zamburug‘larga qarshi vositalar itrakonazol va ketokonazol va ehtimol, imidazol va triazolning boshqa hosilalari, viruslarga qarshi vositalar (virus proteazalarining ingibitorlari), immunodepressant tsiklosporin, shuningdek lipidlarning darajasini pasaytiruvchi boshqa vositalar – fibratlar va nikotin kislotasi, miopatiyani rivojlanish xavfini oshirishi mumkin. Simvastatin yoki simvastatin saqlovchi dori vositalari amiodaron bilan bir vaqtda buyurilganida, simvastatinning dozasi kuniga 20 mg dan oshmasligi kerakligini hisobga olish kerak. Simvastatinning dozasi 20 mg dan ko‘proq bo‘lishi rabdomiolizni rivojlanish xavfini oshiradi. Aniq mexanizmi noma’lum. Biroq, ushbu o‘zaro ta’sir amiodaronni tsitoxrom R450 CYP3A4, shuningdek simvastatinning metabolizmida ishtirok qiluvchi izofermentining faolligini ingibirlash qobiliyati bilan bog‘lanadi. Agarda plazmada lipoproteidlarning darajasini pasaytirish uchun kuniga 20 mg dan ko‘proq simvastatinning dozasi talab qilinsa, amiodaron qabul qilayotgan patsiyentlarga statinlar guruhining boshqa preparatini buyurish kerak. Statinlarni qabul qilishda rabdomiolizni rivojlanishiga 65 dan katta yosh, nazorat qilib bo‘lmaydigan gipotireoz, buyrak yetishmovchiligi moyil omillar bo‘lib hisoblanadi. Statinlar va antikoagulyantlar – oksikumarinning hosilalarini (masalan, atsenokumarin, varfarin) bir vaqtda qo‘llash, protrombin vaqti yoki qon ketishi xavfini oshirishi mumkin.

Simvastatin bilan davolash vaqtida zardob aminotransferazalarining faolligi me’yor chegarasidan oshishi mumkinligini hisobga olish kerak. Bu oshgan ko‘rsatkichlar odatda tanaffussiz davolanganda davolashni boshlashdan oldin kuzatilgan darajagacha pasayadi. Jigarning funktsional ko‘rsatkichlarini davolashni boshlashdan oldin, so‘ngra – davolash boshlanganidan keyin 1-3 oy o‘tgach, keyinchalik esa har 6 oyda aniqlash kerak. Agarda davolash vaqtida zardob transaminazalarining faolligini oshishi aniqlansa, takroriy jigar sinamalari o‘tkaziladi. Biroq, agarda ALT va AST ning faolligi uzoq vaqt davomida normaning yuqori chegarasidan 3 marta va ko‘proqqa oshsa, davolashni to‘xtatish kerak. Jigar kasalliklari va alkogolizm bilan kasallangan patsiyentlarda preparatni ehtiyotkorlik bilan qo‘llash kerak (“Qo‘llash mumkin bo‘lmagan holatlar” bo‘limiga qarang). Davolashni boshlashdan oldin va davolash vaqtida kreatinfosfokinazaning faolligini aniqlash kerak. Agarda patsiyentda bu ko‘rsatkich yuqori bo‘lsa yoki mushaklarning kuchsizligi kuzatilsa, miopatiyani rivojlanish ehtimolini baholash kerak. Ayniqsa umumiy holsizlik va isitma bilan kechuvchi har qanday kutilmagan mushak og‘rig‘i va/yoki mushak kuchsizligi paydo bo‘lganida shifokorga darhol murojaat qilish kerakligi haqida patsiyentlar ma’lumot olgan bo‘lishlari kerak. Agarda kreatinfosfokinazaning faolligi normaning yuqori chegarasidan 10 marta oshsa, davolashni to‘xtatish kerak, miopatiya rivojlanishiga, yoki unga tashxis quyilishiga gumon bor. Og‘ir o‘tkir infektsiyalar, gipotenziya, jarohatlar yoki og‘ir operatsiya o‘tkazilgan, endokrin kasalliklari, metabolizm va elektrolit muvozanati buzilgan, shuningdek nazorat qilib bo‘lmaydigan tirishish hollari bo‘lgan patsiyentlarda rabromioliz va ikkilamchi buyrak yetishmovchiligini rivojlanish xavfini sinchiklab baholash kerak. Simvastatin bilan davolashni boshlayotgan, ushbu preparatning dozasini oshirish rejalashtirilayotgan barcha patsiyentlar rabdomiolizni rivojlanish ehtimoli haqida ogohlantirilishlari kerak. Davolashni boshlashdan oldin va uning boshlang‘ich davrida oftalmologik tekshiruvlar o‘tkazilishi tavsiya qilinadi (ko‘zlarning biomikroskopiyasi). Davolash vaqtida plazmada xolesterinning darajasini muntazam aniqlash kerak. PZLP retseptorlari butunlay bo‘lmagan, nasliy gomozigot giperxolesterinemiyasi bo‘lgan patsiyentlarda simvastatin kamroq samarali. Xolesterin va uning sintezini boshqa oraliq mahsulotlari homilani rivojlanishi uchun, shu jumladan steroidlarning sintezi va xujayra membranalari uchun zarur moddalar hisoblanadi. Statinlar xolesterinning sintezi va ehtimol xolesterinning boshqa biologik faol hosilalarining sintezini tormozlar ekan, homiladorlik vaqtida qo‘llanganida ular homilani shikastlashi mumkin. Shuning uchun homiladorlik va emizish vaqtda statinlarni qo‘llash mumkin emas. Tug‘ish yoshidagi ayollarni statinlar bilan davolashda, davolash vaqtida va u tugaganidan keyin 1 oy davomida tegishli homiladorlikka qarshi vositalarni qo‘llash kerak. Agarda davolash vaqtida homiladorlik kuzatilsa, dori vositasini qo‘llashni to‘xtatish kerak. Simvastatin tabletkalari laktoza saqlaydi, galaktozani tug‘ma o‘zlashtiraolmaslik, laktaza tanqisligi yoki glyukoza-galaktozaning kam so‘rilishi bo‘lgan patsiyentlarga ushbu dori vositasini buyurish mumkin emas. Preparat bolalar olaolmaydigan joyda saqlansin va yaroqlilik muddati o‘tgach ishlatilmasin.

Quruq, yorug‘likdan himoyalangan joyda, 25°S dan yuqori bo‘lmagan haroratda.

Simvastatinning dozasini oshirib yuborilishi haqida axborotlar kam. Dozani oshirib yuborilishini simptomsiz va asoratlarsiz kechgan faqat bir necha hollari haqida xabarlar bor. Eng ko‘p qabul qilingan doza – suteada 450 mg. Mavjud tajribani e’tiborga olib, maxsus davolashning zarurati yo‘q. Organizmdan simvastatin va uning metabolitlarini chiqarilishiga nisbatan dializning samarali ekanligi noma’lum.

Retsept bo‘yicha

10 mg va 20 mg dan qobiq bilan qoplangan tabletkalar, qo‘llash bo‘yicha yo‘riqnomasi bilan birga kontur uyali o‘ramda.

3 yil.