dumaloq, ikki tomonlama silliq, pushti-jigarrang rangli plyonka qobiq bilan qoplangan tabletkalar.

gipolipidemik vosita (GMG-KoA-reduktaza ingibitori).

S10AA07

So‘rilishi: qon plazmasida rozuvastatinning maksimal kontsentratsiyasiga ichga muvofiq dozada qabul qilinganidan so‘ng taxminan 5 soatdan keyin erishiladi. Mutloq biokiraolishligi taxminan 20% ni tashkil etadi. Taqsimlanishi: rozuvastatin asosan xolesterinni sintezini va PZLP-XS metabolizmini asosiy joyi hisoblangan jigarda to‘planadi. Rozuvastatinning taqsimlanish hajmi – 134 l ni tashkil etadi. Rozuvastatinning 90% plazma oqsillari, asosan albuminlar bilan bog‘lanadi. Metabolizmi: rozuvastatin cheklangan metabolizmga uchraydi (taxminan 10%). Rozuvastatin tsitoxrom R450 fermentlar tizimi uchun metabolizmga uchrashi uchun yetarli darajada muvofiq bo‘lmagan substrat hisoblanadi. CYP2C9 rozuvastatinning metabolizmida ishtirok etuvchi asosiy izoferment hisoblanadi, ayni vaqtda CYP2C19, CYP3A4 va CYP2D6 fermentlari metabolizmiga kamroq darajada jalb qilingan. Asosiy metaboliti – N-desmetilmetabolitining faolligi, rozuvastatinga nisbatan 50% ga kamroq. Laktonli metabolitlari esa klinik jihatdan faol emas. Aylanib yuruvchi GMG KoA-reduktazani ingibitsiya bo‘lishi bo‘yicha farmakologik faolligining 90% dan ko‘proq qismini rozuvastatinni hisobiga ta’minlanadi, qolgan qismi – uning metabolitlari hisobiga ta’minlanadi. Chiqarilishi: rozuvastatinning qabul qilingan dozasini taxminan 90% organizmdan ichak orqali (shu jumladan so‘rilgan va so‘rilmagan rozuvastatin) o‘zgarmagan holda chiqariladi, qolgan qismi buyraklar orqali o‘zgarmagan holda chiqariladi. Yarim chiqarilish davri (T1/2) 19 soatni tashkil etadi va preparatning dozasi oshirilganida o‘zgarmaydi. O‘rtacha geometrik plazma klirensi taxminan soatiga taxminan 50 l (variatsiya koeffitsiyenti 21,7%) ni tashkil etadi. GMG-KoA-reduktazaning boshqa ingibitorlari bilan bo‘lgani kabi, rozuvastatinning “jigar” orqali qamrab olinishi jarayoniga xolesterinni membrana orqali olib o‘tuvchisi – organik anionlarning transport S proteini jalb qilingan. To‘g‘ri proportsionalligi: rozuvastatinning tizimli ekspozitsiyasi preparatning dozasiga proportsianal ravishda oshadi. Preparat sutkada bir necha marta qo‘llanganida farmakokinetik ko‘rsatkichlari o‘zgarmaydi. Yosh va jins: jins va yosh rozuvastatinning farmakokinetik ko‘rsatkichlariga klinik ahamiyatli ta’sir ko‘rsatmaydi. Etnik guruhlar: farmakokinetikasini o‘rganish bo‘yicha o‘tkazilgan qiyosiy tadqiqotlar osiyolik (yaponlar, xitoylar, fillippinlar, vyetnamlar va koreyslar) patsiyentlarda rozuvastatinning AUC (“kontsentratsiya – vaqt” egri chizig‘i ostidagi maydon) va maksimal kontsentratsiyasiga erishish vaqtini (TSmax) yevropa irqining vakillaridagi ko‘rsatkichlarga nisbatan, ikki marta oshishini ko‘rsatdi. Hindlarda rozuvastatinning AUC va Smax o‘rtacha qiymatini taxminan 1,3 marta oshishi aniqlangan. Bunda o‘rganilayotgan barcha populyatsiyalar uchun farmakokinetik ko‘rsatkichlarni tahlil qilishda yevropoid, negroid va lotinamerikalik irqlariga mansub vakillari orasida rozuvastatinning farmakokinetikasida klinik ahamiyatli farqlar aniqlamagan. Buyrak yetishmovchiligi: yengil va o‘rtacha darajadagi buyrak yetishmovchiligi bo‘lgan patsinetlarda rozuvastatin va N- desmetil metabolitining plazmadagi kontsentratsiyalari ahamiyatli darajada o‘zgarmaydi. Yaqqol ifodalangan buyrak yetishmovchiligi (kreatinin klirensi (KK) minutiga 30 ml dan kam) bo‘lgan patsiyentlarda rozuvastatinning plazmadagi kontsentratsiyasi sog‘lom ko‘ngillilarga nisbatan 3 marta, N-desmetil metabolitining kontsentratsiyasi esa – 9 marta oshadi. Gemodializda bo‘lgan patsiyentlarda Rozuvastatinning qon plazmasidagi kontsentratsiyasi, sog‘lom ko‘ngillilarga nisbatan taxminan 50% ga yuqori bo‘lgan. Jigar yetishmovchiligi: Chayld-Pyu shkalasi bo‘yicha 7 yoki kamroq balli turli darajadagi jigar yetishmovchiligi bo‘lgan patsiyentlarda rozuvastatinning T1/2 ni oshishi aniqlanmagan. Biroq Chayld-Pyu shkalasi bo‘yicha 8-9 balli ikkita patsiyentda T1/2 ni Chayld-Pyu shkalasi bo‘yicha ko‘rsatkichlari pastroq bo‘lgan patsiyentlar uchun o‘xshash ko‘rsatkichlardan taxminan 2 marta oshishi aniqlangan. Chayld-Pyu shkalasi bo‘yicha 9 balldan yuqori bo‘lgan patsiyentlarda rozuvastatinni qo‘llash tajribasi yo‘q.

birlamchi giperxolesterinemiya yoki aralash dislipidemiyani parhezga qo‘shimcha sifatida davolash uchungomozigotali oilaviy giperxolesterinemiyani parhezga va qonda lipidlarning darajasini pasaytirish bo‘yicha boshqa davolashda qo‘llaniladi.

Davolashni boshlashdan oldin patsiyent xolesterinning miqdori past bo‘lgan mahsulotlarni iste’mol qilish kerak bo‘lgan standart parhezga rioya qilishi, va u butun davolanish davrida ham shu parhezga rioya qilishni davom ettirishi kerak. Preparatning dozasi, o‘tkazilayotgan davolashning maqsadiga va davolashga nisbatan patsiyentning javobiga qarab, lipidlarning maqsabdi darajasi bo‘yicha umumiy qabul qilingan zamonaviy tavsiyalarni hisobga olib, individual ravishda tanlanadi. Ichga, butun holda, chaynamasdan va maydalamasdan, ovqat qabul qilishdan qat’iy nazar sutkaning har qanday vaqtida suv bilan birga qabul qilinadi. Preparatning tavsiya etilgan boshlang‘ich dozasi ilgari statinlarni qabul qilmagan patsiyentlar uchun ham, GMG-KoA reduktazaning boshqa ingibitorlari bilan davolangandan so‘ng ushbu preparatni qabul qilishga o‘tgan patsiyentlar uchun ham sutkada marta 5-10 mg ni tashkil qiladi. Preparatning dozasini tanlash vaqtida har bir patsiyentdagi xolesterinning darajasini, shuningdek yurak-qon tomir tizimi tomonidan kuzatiladigan asoratlarning rivojlanish havfi va nojo‘ya samaralarning potentsial rivojlanish havfini inobatga olish kerak. Zarurati bo‘lganida 4 haftadan so‘ng preparatning dozasiga tuzatish kiritish mumkin. Preparatning kichikroq dozalariga nisbatan 40 mg dozada qabul qilinganida nojo‘ya samaralarni rivojlanishi mumkinligi sababli, preparatni 40 mg gacha bo‘lgan yakuniy titrlashni faqat giperxolesterinemiyaning og‘ir shakli va yurak-qon tomir tizimi tomonidan kuzatiladigan asoratlarni rivojlanish xavfi yuqori bo‘lgan (ayniqsa, nasliy giperxolesterinemiyasi bo‘lgan patsiyentlarda) patsiyentlarda, preparat 20 mg dozada qabul qilinganida xolesterinning maqsadli darajasiga erishilmaganida va shifokor nazoratida bo‘lgan patsiyentlarda o‘tkazish kerak. Preparat 40 mg dozada buyurilganida shifokorning sinchkov kuzatuvi tavsiya etiladi. Ilgari shifokorga murojaat qilmagan patsiyentlarga 40 mg dozada buyurish tavsiya etilmaydi! Keksa yoshdagi patsiyentlar 70 yoshdan oshgan patsiyentlar uchun preparatning tavsiya etilgan boshlang‘ich dozasi 5 mg ni tashkil etadi. Yoshga qarab dozaga tuzatish kiritish talab etilmaydi. Buyrak yetishmovchiligi bo‘lgan patsiyentlar Yengil va o‘rtacha darajadagi buyrak yetishmovchiligi bo‘lgan patsiyentlarda dozaga tuzatish kiritish talab etilmaydi. Preparatning tavsiya etilgan boshlang‘ich dozasi o‘rtacha darajadagi buyrak yetishmovchiligi (kreatinin klirensi minutiga 60 ml dan kam) bo‘lgan patsiyentlar uchun 5 mg ni tashkil etadi. Og‘ir darajadagi buyrak yetishmovchiligi bo‘lgan patsiyentlarga Lipiroz preparatini har qanday dozalarda buyurish mumkin emas (“Qo‘llash mumkin bo‘lmagan holatlar” bo‘limiga qarang). O‘rtacha darajadagi buyrak yetishmovchiligi bo‘lgan patsiyentlarga preparatni 40 mg dozada buyurish mumkin emas. Jigar yetishmovchiligi bo‘lgan patsiyentlar Chayld-Pyu shkalasi bo‘yicha 7 va undan past ball bo‘lgan patsiyentlarda rozuvastatinning tizimli kontsentratsiyasi aniqlanmagan. Ammo preparatning tizimli kontsentratsiyasini oshishi Chayld-Pyu shkalasi bo‘yicha 8 va 9 ball bo‘lgan bemorlarda kuzatilgan. Bunday patsiyentlarda preparat bilan davolanish fonida jigar faoliyatini nazorat qilish kerak. Chayld-Pyu shkalasi bo‘yicha 9 dan ortiq ball bo‘lgan patsiyentlar preparatni qabul qilish yuzasidan ma’lumotlar yo‘q. Jigarning faol bosqichidagi kasalliklari bo‘lgan patsiyentlarda Lipiroz preparatini qo‘llash mumkin emas. Etnik guruhlar Osiyo irqiga mansub bo‘lgan patsiyentlarida rozuvastatinning tizimli kontsentratsiyasi oshishi mumkin. 10 mg dan 20 mg gacha bo‘lgan dozalar buyurilganida osiyolik patsiyentlar uchun preparatning tavsiya etilgan boshlang‘ich dozasi 5 mg ni tashkil etadi. Bunday patsiyentlarga preparatni 40 mg dozada qo‘llash mumkin emas. Miopatiyaga moyilligi bo‘lgan patsiyentlar 10 mg va 20 mg dozalarda buyurilganida miopatiyaga moyilligi bo‘lgan patsiyentlar uchun preparatning tavsiya etilgan boshlang‘ich dozasi 5 mg ni tashkil etadi. Bunday patsiyentlarga preparatni 40 mg dozada qo‘llash mumkin emas.

Lipiroz preparatini qabul qilish bilan bog‘liq bo‘lgan nojo‘ya samaralari, odatda o‘rtacha darajada ifodalangan va qisqa muddatli bo‘ladi. Nazoratli klinik tadqiqotlarni o‘tkazish vaqtida rozuvastatin qabul qilgan 4% dan kamroq patsiyentlar nojo‘ya samaralar rivojlanganligi sababli, davolanishni to‘xtatganlar. Klinik tadqiqotlarda va/yoki preparat savdoga chiqarilgandan keyin kuzatilgan nojo‘ya samaralar xaqida quyidagi chastotadagi xabarlar keltirilgan:

10 mg va 20 mg tabletkalar uchun rozuvastatinga yoki preparatning har qanday komponentiga yuqori sezuvchanlik;jigarning faol fazadagi kasalliklari, shu jumladan “jigar” transaminazalarining faolligini turg‘un oshishi, shuningdek qon zardobida “jigar” transaminazalarining faolligini normaning yuqori chegarasiga nisbatan 3 martadan ko‘p qiymatga oshishi;buyrak faoliyatini yaqqol buzilishlari (kreatinin klirensi (KK) minutiga 30 ml dan kam);miopatiya;tsiklosporin bilan bir vaqtda qabul qilish;miotoksik asoratlarni rivojlanishiga moyilligi bo‘lgan patsiyentlarda;homiladorlik va laktatsiya davri;kontratseptsiyaning ishonchli usullaridan foydalanmaydigan tug‘ruq yoshidagi ayollar;18 yoshgacha bolalar (samaradorligi va o‘zlashtirilishi aniqlanmagan);Chayld-Pyu shkalasi bo‘yicha 9 balldan yuqori jigar yetishmovchiligi bo‘lgan patsiyentlar;laktazani o‘zlashtirolmaslik, laktaza tanqisligi yoki glyukoza-galaktoza malabsorbtsiyasida qo‘llash mumkin emas.

Tsiklosporin: rozuvastatin va tsiklosporin bir vaqtda qabul qilinganida rozuvastatinning AUC, sog‘lom ko‘ngillilarda olingan qiymatlarga nisbatan 7 marta oshgan. Ularni birga qo‘llash qon plazmasida rozuvastatinning kontsentratsiyasi 11 marta oshishiga olib keladi. Preparatlar bir vaqtda qo‘llanganida qon plazmasida tsiklosporinning kontsentratsiyasini o‘zgarishi aniqlanmagan. K vitaminining antagonistlari: GMG KoA-reduktazaning boshqa ingibitorlari bilan bo‘lgani kabi, K vitaminining antagonistlarini (masalan, varfarin yoki boshqa kumarin antikoagulyantlari) bir vaqtda olayotgan patsiyentlarda rozuvastatin bilan davolashni boshlash yoki preparatning dozasini oshirish, xalqaro normallashtirilgan nisbatni (XNN) oshishiga olib kelishi mumkin. Rozuvastatinni bekor qilish yoki dozasini pasaytirish XNN ni kamayishiga olib kelishi mumkin. Bunday hollarda XNN ni monitoring o‘tkazish kerak. Ezetimib: rozuvastatin va ezetimib bir vaqtda qabul qilinganida ikkala preparatlarining AUC va Smax ni o‘zgarishi kuzatilmaydi. Biroq rozuvastatin va ezetimibni farmakodinamik o‘zaro ta’siri noxush ko‘rinishlarni chaqirishi mumkinligini istisno qilish mumkin emas. Gemfibrozil va lipidlarning darajasini pasaytiruvchi boshqa vositalar: rozuvastatin va gemfibrozilni bir vaqtda qabul qilish, rozuvastatinning Smax va AUC ni 2 marta oshishiga olib keladi. Spetsifik o‘zaro ta’sirini o‘rganish bo‘yicha o‘tkazilgan tadqiqotlarning ma’lumotlari asosida fenofibratlar bilan muvofiq farmakokinetik o‘zaro ta’sirlar kutilmaydi, biroq farmakodinamik o‘zaro ta’sir qilishi mumkin. Gemfibrozil, fenofibrat, boshqa fibratlar va nikotin kislotasining lipidlarni pasaytiruvchi dozalari (sutkada 1 g yoki undan ortiq dozalari) GMG-KoA-reduktaza ingibitorlari bilan bir vaqtda qabul qilinganida, ular monoterapiyada qo‘llanganida ham miopatiyani chaqirishi mumkinligi tufayli, miopatiya rivojlanish xavfini oshirganlar. Rozuvastatinning 40 mg dozasini fibratlar bilan bir vaqtda qabul qilish mumkin emas. Preparatni gemfibrozil va lipidlarni pasaytiruvchi boshqa vositalar bilan bir vaqtda qabul qilganda rozuvastatinning boshlang‘ich dozasi 5 mg dan oshmasligi kerak. Proteaza ingibitorlari: garchi aniq o‘zaro ta’sir qilish mexanizmi ma’lum bo‘lmasa-da, rozuvastatinni proteaza ingibitorlari bilan bir vaqtda qabul qilish rozuvastatinning yarim chiqarilish davrini uzayishiga olib kelishi mumkin. Bir farmakokinetik tadqiqotda 20 mg rozuvastatin va tarkibida ikkita proteaza ingibitorlarini saqlagan majmuaviy preparat (400 mg lopinavir/100 mg ritonavir) bir vaqtda sog‘lom ko‘ngillilarga qo‘llanganida, rozuvastatinning AUC(0-24) 2 marta va Cmax ni 5 marta oshishi aniqlangan. Shuning uchun OITV bo‘lgan patsiyentlarni davolashda rozuvastatin va proteaza ingibitorlarini bir vaqtda buyurish tavsiya etilmaydi. Antatsidlar: rozuvastatin va tarkibida alyuminiy va magniy gidroksidini saqlovchi suspenziya dori shaklidagi antatsidlarni bir vaqtda qabul qilish, rozuvastatinning plazmadagi kontsentratsiyasini taxminan 50% ga kamayishiga olib keladi. Agar antatsidlar rozuvastatin qabul qilinganidan so‘ng 2 soatdan keyin qabul qilinsa, ushbu samara kuchsizroq ifodalanadi. Ushbu o‘zaro ta’sirning klinik ahamiyati o‘rganilmagan. Eritromitsin: rozuvastatin va eritromitsinni bir vaqtda qabul qilish rozuvastatinning AUC(0-t) ni 20% ga va Smax ni 30% ga kamayishiga olib kelishi mumkin. Bunday o‘zaro ta’sir ichakning motorikasini, eritromitsinni qabul qilish bilan bog‘liq bo‘lgan kuchayishi natijasida paydo bo‘lishi mumkin. Peroral kontratseptivlar/o‘rinbosar gormonal davolash (O‘GD): rozuvastatin va peroral kontratseptivlarni bir vaqtda qabul qilish etinilestradiol va norgestrelning AUC ni muvofiq 26% va 34% ga oshishiga olib kelishi mumkin. Plazmadagi kontsentratsiyasini bunday oshishini, peroral kontratseptivlarning dozalarini tanlashda hisobga olish kerak. Rozuvastatin va gormon o‘rnini bosuvchi davolashni bir vaqtda qo‘llash bo‘yicha farmakokinetik ma’lumotlar yo‘q, shuning uchun, ushbu majmua qo‘llanganida ham o‘xshash samarani istisno qilish mumkin emas. Biroq klinik tadqiqotlarni o‘tkazish vaqtida preparatlarning bunday majmuasi ayollar tomonidan keng qo‘llangan va yaxshi o‘zlashtirilgan. Boshqa dori preparatlari: rozuvastatin va digoksin bir vaqtda qabul qilinganida klinik ahamiyatli o‘zaro ta’siri kutilmaydi. Tsitoxrom R450 izofermentlari: In vivo va in vitro sharoitlarida o‘tkazilgan tadqiqotlarning natijalari, rozuvastatinni tsitoxrom R450 izofermentlarining na ingibitori, na induktori ekanligini ko‘rsatadi. Bundan tashqari, rozuvastatin ushbu izofermentlar uchun kuchsiz substrat hisoblanadi. Rozuvastatin va flukonazol (CYP2C9 va CYP3A4 izofermentlarning ingibitori) va ketokonazol (CYP2A6 va CYP3A4 izofermentlarining ingibitori) orasida klinik ahamiyatli o‘zaro ta’sir aniqlanmagan. Rozuvastatin va itrakonazolni (CYP3A4 izofermentining ingibitori) birga qo‘llash rozuvastatinning AUC ni 28% ga oshiradi, (bu klinik ahamiyatga ega emas). Shuning uchun, tsitoxrom R450 ning metabolizmi bilan bog‘liq bo‘lgan o‘zaro ta’sir kutilmaydi.

Rozuvastatinning yuqori dozalarini, xususan 40 mg dozasini qabul qilgan patsiyentlarda, asosan buyrak naychalari oqibatidagi proteinuriya kuzatilgan, va ko‘pchilik hollarda davriy va qisqa muddatli bo‘lgan. Bunday proteinuriya buyraklarning o‘tkir kasalliklarini rivojlanishi yoki buyraklarning mavjud bo‘lgan kasalliklarini kuchayishidan dalolat bermaydi. Rozuvastatin 40 mg dozada qabul qilinganida buyrak faoliyatining jiddiy buzilishlarini rivojlanish tez-tezligi ortadi. Lipiroz preparati bilan davolanish vaqtida buyrak faoliyatining ko‘rsatgichlarini nazorat qilish tavsiya etiladi. Rozuvastatin barcha dozalarda qo‘llanganida va, ayniqsa preparat 20 mg dan yuqori dozalarda qabul qilinganida, mialgiya, miopatiya, kam hollarda rabdomioliz aniqlangan. GMG-KoA-reduktaza ingibitorlari va ezetimib bir vaqtda qabul qilinganida rabdomioliz juda kam hollarda rivojlangan. Bunday holatda preparatlarning farmakologik o‘zaro ta’sirini istisno qilib bo‘lmaydi, shuning uchun Lipiroz va ezetimibni birga ehtiyotkorlik bilan qo‘llash kerak. Rozuvastatin 40 mg dozada qabul qilinganida rabdomiolizni rivojlanish hollari oshadi. KFK ning faolligini, KFK ni oshishiga olib keladigan jadal jismoniy harakatlardan so‘ng aniqlash mumkin emas, chunki bu olingan natijalarni talqin qilishni qiyinlashtirishi mumkin. Preparat bilan davolash boshlanishidan oldin, KFK ning ko‘rsatkichlari normaning yuqori chegarasidan 5 marta ko‘p oshganida, 5-7 kundan keyin takroran o‘lchash kerak., Agar takroran o‘lchanganida KFK ning dastlabki ko‘rsatkichi tasdiqlansa (normaning yuqori chegarasidan 5 marta ko‘p), Lipiroz bilan davolashni boshlash mumkin emas. GMG-KoA-reduktazaning boshqa ingibitorlari kabi, Lipiroz preparatini miopatiya / rabdomiolizning xavf omillari bo‘lgan patsiyentlarga ehtiyotkorlik bilan buyurish kerak. Bunday omillarga quyidagilar kiradi: buyrak yetishmovchiligi;gipotireoz (40 mg dozasi uchun);shaxsiy va oilaviy anamnezda mushaklarning kasalliklari (40 mg dozasi uchun);anamnezda GMG-KoA-reduktazaning boshqa ingibitorlari yoki fibratlarni qabul qilish fonida miotoksiklikni kuzatilganligi (40 mg dozasi uchun);alkogolni haddan tashqari ko‘p iste’mol qilish (40 mg dozasi uchun);70 yoshdan kattalar;qon plazmasida preparatning kontsentratsiyasini oshishi bilan kechadigan holatlar (40 mg dozasi uchun);bir vaqtda fibratlarni qabul qilish (40 mg dozasi uchun). Bunday patsiyentlarda davolashdan kutilgan foyda va xavf nisbatini baholash kerak va butun davolash kursi davomida klinik kuzatishni amalga oshirish kerak. Kutilmaganda mushak og‘riqlari, mushaklarni kuchsizligi yoki spazmlari, ayniqsa lohaslik yoki isitma bilan birga kechgan holatlarda, darhol shifokorga murojaat qilish kerakligi haqida patsiyentlarni xabardor qilish tavsiya etiladi. Bunday patsiyentlarda KFK ning faolligini nazorat qilish shart. Agar KFK ning darajasi normaning yuqori chegarasiga nisbatan 5 martadan ko‘p oshgan bo‘lsa, yoki mushaklar tomonidan kuzatilgan simptomlar keskin ifodalangan bo‘lsa, va butun kun davomida kundalik diskomfort chaqirsa (xatto agar KFK ning darajasi normaning yuqori chegerasidan 5 marta kam bo‘lsa ham), davolash to‘xtatilishi kerak. Agar simptomlar yo‘qolsa, va KFK ning faolligi normaga qaytsa, u holda Lipiroz preparatini takroran buyurish yoki GMG-KoA-reduktazaning muqobil ingibitorlarini kichikroq dozalarda patsiyentni sinchkov kuzatuvi ostida buyurish masalasini ko‘rib chiqish kerak. Rabdomiolizning simptomlari bo‘lmaganida patsiyentlarda KFK ning faolligini muntazam nazorat qilish maqsadga muvofiq emas. Biroq miozit va miopatiya hollarini oshishi, fibrat kislotasining hosilalari, shu jumladan gemifibrazil, tsiklosporin, nikotin kislotasini lipidlarni pasaytiruvchi dozalarda, zamburug‘larga qarshi vositalar, proteaza ingibitorlari va makrolid antibiotiklar bilan birga GMG-KoA-reduktazaning boshqa ingibitorlarini qabul qilgan patsiyentlarda aniqlangan. Gemfibrozil GMG-KoA-reduktazaning ayrim ingibitorlari bilan birga buyurilganida miopatiyani rivojlanish havfini oshiradi. Shunning uchun, rozuvastatin va gemfibrozilni bir vaqtda qabul qilish tavsiya etilmaydi. Rozuvastatin fibratlar yoki nikotin kislotasining lipidlarni pasaytiruvchi dozalari (1 g dan ortiq) bilan majmuada qo‘llanganida bo‘lishi mumkin foyda va havf nisbatin sinchiklab baholanishi kerak. Rozuvastatinni 40 mg dozada fibratlar bilan bir vaqtda qabul qilish mumkin emasyu. Lipiroz preparatini miopatiyaga gumon qilish imkonini beruvchi yoki ikkilamchi buyrak yetishmovchiligini rivojlanishiga olib kelishi mumkin bo‘lgan o‘tkir, og‘ir darajadagi kasalliklari (masalan, sepsis, arterial gipertenziya, jarrohlik aralashuvlari, jarohatlar, metabolik sindrom, tirishishlar, endokrin va elektrolit buzilishlar) bo‘lgan patsiyentlarga buyurish mumkin emas. GMG-KoA-reduktazaning boshqa ingibitorlari kabi, Lipiroz preparatini alkogolni haddan tashqari ko‘p miqdorda iste’mol qiluvchi yoki anamnezida jigar kasalliklari bo‘lgan patsiyentlarga ehtiyotkorlik bilan buyurish kerak. Davolash boshlanishidan oldin va boshlanganidan so‘ng 3 oydan keyin jigar faoliyatining ko‘rsatgichlarini aniqlash tavsiya etiladi. Agar qon zardobida “jigar” transaminazalarining faolligi normaning yuqori chegarasidan 3 marta oshsa, Lipiroz preparatini qabul qilishni to‘xtatish yoki qabul qilinayotgan dozani kamaytirish kerak. Jigar faoliyatini yaqqol buzilishlarining rivojlanish tez-tezligi (asosan, “jigar” transaminazalarining faolligini oshishi bilan bog‘liq) preparat 40 mg dozada qabul qilinganida oshadi. Gipotireoz yoki nefrotik sindrom oqibatida giperxolesterinemiyasi bo‘lgan patsiyentlarda asosiy kasallikni davolash Lipiroz preparati bilan davolashni boshlashdan oldin o‘tkazilishi kerak. Farmakokinetik tadqiqotlarni o‘tkazish vaqtida osiyolik patsiyentlar ichida rozuvastatinning tizimli kontsentratsiyasi yevropa irqining vakillari mansub patsiyentlar ichidan olingan ma’lumotlarga nisbatan yuqori ekanligi aniqlangan. Rozuvastatinni proteaza ingibitorlari bilan bir vaqtda qabul qilish tavsiya etilmaydi.

Homiladorlik va laktatsiya davrida Lipiroz preparatini qo‘llash mumkin emas. Tug‘ruq yoshidagi ayollar ishonchli va adekvat kontratseptiv vositalarni qo‘llashlari kerak. Xolesterin va uning biosintezi mahsulotlari homilaning rivojlanishi uchun katta ahamiyatga ega ekanligi tufayli, GMG-KoA-reduktazani ingibitsiya bo‘lishini potentsial xavfi, uni homiladorlikda qo‘llashdan kutilgan foydadan yuqori. Homiladorlik aniqlanganida preparatni qabul qilishni zudlik bilan to‘xtatish kerak. Preparatni ona sutiga o‘tishi yuzasidan ma’lumotlar yo‘q. Laktatsiya davrida preparatni buyurish zarurati bo‘lganida emizishni darhol to‘xtatish kerak.

25oS dan past bo‘lgan xona haroratida, zich yopilgan original o‘ramda saqlansin.

Rozuvastatinning dozasi oshirib yuborilganida spetsifik davolash mavjud emas. Doza oshirib yuborilganida simptomatik davolash va tutib turuvchi tadbirlarni o‘tkazish tavsiya etiladi. Jigar faoliyatini va KFK ning faollik darajasini nazorat qilish kerak. Bunday holatda gemodializning samarali bo‘lishini ehtimoli kam.

Retsept bo‘yicha

10 tabletkadan 3 blister alyumin folgada, qo‘llash bo‘yicha yo‘riqnomasi bilan karton qutiga joylangan.

2 yil.