dumaloq, yassi, oq yoki deyarli oq rangli, ikki tomoni faskali tabletkalar. Tabletkalarning bir tomonida “LIBEXIN” gravirovkasi, boshqa tomonida esa -tabletkani to‘rt bo‘lakka ajratuvchi riska bor.

periferik ta’sirga ega yo‘talga qarshi vosita.

R05DB18.

Prenoksdiazin me’da-ichak yo‘llaridan tez va ahamiyatli darajada so‘riladi. Prenoksdiazinning plazmadagi maksimal kontsentratsiyasiga preparat qabul qilinganidan 30 minutdan keyin erishiladi, uning terapevtik kontsentratsiyasi 6-8 soat davomida saqlanib turadi. Plazma oqsillari bilan bog‘lanishi 55-59% ni tashkil qiladi. Yarim chiqarilish davri 2,6 soatni tashkil qiladi. Qabul qilingan dozaning asosiy qismi jigarda metabolizmga uchraydi, preparatning qabul qilingan dozasining faqat taxminan 1/3 qismigina o‘zgarmagan holda, qolgan qismi esa – metabolitlari ko‘rinishida chiqariladi (prenoksdiazinning 4 ta metaboliti aniqlangan). Prenoksdiazin metabolizmining dastlabki 12 soatida va uning metabolitlarining biliar ekskretsiyasi muhim rol o‘ynaydi. Qabul qilingandan 24 soatdan keyin preparatning 93% chiqariladi. Ichga qabul qilingandan keyin 72 soatda qabul qilingan dozaning 50-74% ahlat bilan va 26-50% – siydik bilan birga  chiqariladi.

Kelib chiqishi turlicha bo‘lgan quruq yo‘talda (yuqori nafas yo‘llarining katarida, grippda, o‘tkir va surunkali bronxitlarda, pnevmoniyada, emfizemada, yurak yetishmovchiligi bo‘lgan bemorlardagi tungi yo‘talda; patsiyentlarni bronxoskopiya va bronxografiya tekshirishlariga tayyorlashda) qo‘llanadi.

Kattalar uchun o‘rtacha dozasi 100 mg dan kuniga 3-4 marta (1 tabletkadan kuniga 3-4 marta) ni tashkil qiladi. Yanada murakkab holatlarda dozani kuniga 200 mg dan 3-4 martagacha yoki 300 mg dan 3 martagacha (2 tabletkadan kuniga 3-4 marta yoki 3 tabletkadan kuniga 3 marta) oshirish mumkin. Bolalar uchun o‘rtacha doza bolaning tana vazni va yoshiga qarab belgilanadi, odatda kuniga 25-50 mg dan 3 yoki 4 marta (1/4-1/2 tabletkadan kuniga 3-4 marta). Bolalar uchun maksimal bir martalik doza – 50 mg (1/2 tabletka), kattalar uchun – 300 mg (3 tabletka). Bolalar uchun maksimal sutkalik doza – 200 mg (2 tabletka), kattalar uchun – 900 mg (9 tabletka). Bronxoskopiyaga tayyorlashda muolajani boshlashdan 1 soat oldin tana vazniga 0,9-3,8 mg/kg dozani 0,5-1 mg atropin bilan birga qo‘llanadi. Tabletkalar chaynalmasdan yutiladi (og‘iz bo‘shlig‘i shilliq qavatining anesteziyasidan saqlanish uchun).

Allergik reaktsiyalar Kam: teri toshmasi, angionevrotik shish. Me’da-ichak yo‘llari tomonidan: Kam: og‘iz va tomoqni qurishi, og‘iz bo‘shlig‘i shilliq qavatining anesteziyasi (vaqtinchalik uvishishi va sezuvchanlikni yo‘qolishi). 10% dan kam: me’dada og‘riq, qabziyatga moyillik, ko‘ngil aynishi. Nerv tizimi tomonidan (preparatni yuqori dozalarda qo‘llanganda): yengil sedativ samara, toliqish. Shuni ta’kidlash lozimki, sedativ samara ham, toliqish ham preparatning terapevtik dozasidan yuqori dozalarda qo‘llanganda namoyon bo‘lishi mumkin, va bu simptomlar preparatni qabul qilishni to‘xtatilgandan keyin bir necha soat davomida o‘z-o‘zidan to‘xtaydi.

Preparatga yuqori sezuvchanlik. Ko‘p miqdorda bronxial sekretsiya bilan kechadigan kasalliklar. Ingalyatsion narkozdan keyingi holatlar. Galaktozani o‘zlashtiraolmaslik, laktaza yetishmovchiligi yoki glyukoza-galaktoza malabsorbtsiya sindromida qo‘llash mumkin emas. Ehtiyotkorlik bilan: bolalarda.

Preparatni mukolitik va balg‘am ko‘chiruvchi vositalar bilan birga qo‘llash tavsiya qilinmaydi, chunki u mukolitik va balg‘am ko‘chiruvchi vositalar ta’sirida suyultirilgan balg‘amni chiqarilishini qiyinlashtirishi mumkin. Boshqa preparatlar bilan o‘zaro ta’siri to‘g‘risida klinika oldi ham, klinik ma’lumotlar ham yo‘q.

Preparat laktazani o‘zlashtiraolmaydigan bemorlarda me’da-ichak yo‘llari tomonidan shikoyatlarni chaqirishi mumkin, chunki tabletkalar tarkibida laktoza saqlaydi (har bir tabletka 0,38 mg laktoza saqlaydi). Homiladorlik va emizish Libeksin®ni homiladorlik va emizish davrida faqat agar ona uchun potentsial foyda homila va bola uchun bo‘lishi mumkin bo‘lgan xavfdan ustun bo‘lgandagina qo‘llash mumkin. Avtotransportni boshqarish va yuqori xavf bilan bog‘liq ishlarni bajarish qobiliyatiga ta’siri Preparatni yuqori dozalarda qabul qilish reaktsiyalar tezligini sekinlashtirishi mumkin, shuning uchun preparatni yuqori dozalarda qabul qilinganda avtomobilni boshqarish yoki yuqori xavf bilan bog‘liq faoliyatlar bilan shug‘ullanish to‘g‘risidagi masala shaxsiy ravishda hal qilinishi kerak. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

25°S dan yuqori bo‘lmagan haroratda saqlansin.

Inson uchun dozani oshirib yuborilishi bo‘yicha ma’lumotlar yo‘q. Terapevtik dozadan yuqori dozani qabul qilgan hollarda preparatning sedativ samarasi va holsizlik kuchayishi mumkin.

Retseptsiz

Tabletkalar, 100 mg. 20 tabletkadan polivinilxlorid plyonkali va alyumin folgali blisterda. 1 blisterdan qo‘llash bo‘yicha yo‘riqnomasi bilan birga karton qutida.

5 yil.