dumaloq (250 mg) yoki kapsulasimon (500 mg), ikki yoqlama qavariq, jigarrangroq-qizil rangli qobiq bilan qoplangan, ikki tomoni silliq tabletkalar.

antibakterial vosita (ftorxinolonlar guruhi).

J01MA12

Ichga qabul qilinganida levofloksatsin tez va deyarli to‘liq so‘riladi. Plazmadagi maksimal kontsentratsiyasiga ichga qabul qilinganidan keyin 1-2 soat o‘tgach erishiladi va 5,2±1,2 mkg/ml ni tashkil qiladi. Levofloksatsinning biokiraolishligi – taxminan 99%. Preparatni ovqat qabul qilishdan qat’iy nazar qabul qilish mumkin. Organizmning to‘qimalari va suyuqliklariga yaxshi kiradi. Levofloksatsinning o‘pka to‘qimasidagi kontsentratsiyasi (maksimal kontsentratsiyasi taxminan 11,3 mkg/ml ni tashkil qiladi va 4-5 soatdan keyin erishiladi) qon plazmasidagiga qaraganda 2-5 marta yuqori. 24-38% preparat plazma oqsillari bilan bog‘lanadi. Preparat organizmda qisman metabolizmga uchraydi. Asosan o‘zgarmagan holda buyraklar orqali (taxminan 87%) va 5% – metabolitlari ko‘rinishida 48 soat davomida chiqariladi. 4% dan kamrog‘i 72 soat davomida ichak orqali chiqariladi. Yarim chiqarilish davri 6 soatdan 8 soatgacha o‘zgaradi. Alohida guruh bemorlari Buyrak yetishmovchiligi. Buyrak funktsiyasini buzilishi bo‘lgan bemorlarda levofloksatsinning plazmadan yarim chiqarilish davri uzayadi, bu holat preparatni to‘planishidan saqlanish uchun dozaga tuzatish kiritishni talab qiladi. Levofloksatsin organizmdan gemodializ yoki davomli ambulator peritoneal dializ yo‘li bilan chiqarilmaydi. Jigar yetishmovchiligi. Jigar funktsiyasini buzilishi levofloksatsinning metabolizmiga ahamiyatli ta’sir ko‘rsatmaydi.

Levofloksatsinga sezgir mikroorganizmlar chaqirgan quyidagi infektsion-yallig‘lanish kasalliklarda qo‘llanadi: LOR-a’zolarining infektsiyalari (shu jumladan o‘tkir sinusit);quyi nafas yo‘llarining infektsiyalari (shu jumladan surunkali bronxitni zo‘rayishi, kasalxonadan tashqari pnevmoniya);siydik chiqarish yo‘llari va buyraklarning infektsiyalari (shu jumladan o‘tkir piyelonefrit);jinsiy a’zolarning infektsiyalari (shu jumladan surunkali bakterial prostatit);teri va yumshoq to‘qimalarning infektsiyalari (yiringlagan ateromalar, abstsess, furunkulyoz);intraabdominal infektsiya.tuberkulyoz (dorilarga chidamli shakllarini majmuaviy davolash);septitsemiya/bakteriyemiya (yuqorida ko‘rsatilgan kasalliklar bilan bog‘liq bo‘lgan) da qo‘llanadi.

Ichga, ovqatdan oldin yoki ovqat qabul qilish orasidagi tanaffuslarda, chaynamasdan, yetarli miqdordagi suyuqlik bilan qabul qilinadi. Buyrak funktsiyasi normal bo‘lgan bemorlarda (kreatinin klirensi ≥50 ml/min) turli ko‘rsatmalarda preparatning quyidagi dozalari qo‘llanadi:

Nojo‘ya reaktsiyalar tez-tezligini aniqlash (bemorlarning sonini holatlarning umumiy soniga nisbati): tez-tez (>1/100 va <1/10), tez-tez emas (>1/1000 va <1/100), kam hollarda (>1/10000 va <1/1000), juda kam hollarda (<1/1000). Ovqat hazm qilish tizimi tomonidan: tez-tez – ko‘ngil aynishi, diareya, “jigar” transaminazalari faolligini oshishi; tez-tez emas – ishtahani yo‘qolishi, qusish, anoreksiya, qorin og‘riqlari, ovqat hazm bo‘lishini buzilishi; kam hollarda – qonli diareya, soxtamembranoz kolit, giperbilirubinemiya; juda kam hollarda – jigar reaktsiyalari (masalan, jigarni yallig‘lanishi yoki gepatit). Yurak-qon tomir tizimi tomonidan: kam hollarda – arterial bosimni pasayishi, taxikardiya; juda kam hollarda – tomirli kollaps; alohida hollarda – QT intervalini cho‘zilishi; juda kam hollarda – hilpillovchi aritmiya. Moddalar almashinuvi tomonidan: juda kam hollarda – gipokaliyemiya (ishtahani oshishi, ko‘p terlash, asabiylik, qaltirash). Nerv tizimi tomonidan: tez-tez emas – bosh og‘rig‘i, bosh aylanishi va/yoki qotib qolish, kuchsizlik, uyquchanlik, uyqusizlik; kam hollarda – depressiya, xavotirlik, qo‘rquv, gallyutsinatsiyalar, ongni chalkashishi, harakat buzilishlari, tirishishlar, paresteziyalar, tremor; juda kam hollarda – ko‘rish va eshitishni buzilishi, ta’m va xid sezishni buzilishi, taktil sezuvchanlikni buzilishi, periferik sensor va sensor-motor neyropatiya, quloqlarda jaranglash, ajitatsiya (qo‘zg‘alish), “dahshatli” tushlar ko‘rish, o‘ziga zarar yetkazishli xulqni buzilishlari bilan ruhiyatni buzilishi, suitsidal fikrlar, suitsidal urinishlar, ekstrapiramid buzilishlar. Tayanch-harakat apparati tomonidan: kam hollarda – paylarni shikastlanishi (shu jumladan tendinit), bo‘g‘im va mushak og‘riqlari; juda kam hollarda – mushak kuchsizligi, paylarni uzilishi (masalan, axillov payini), bu nojo‘ya samara davolash boshlanganidan keyin 48 soat davomida kuzatilishi mumkin va ikki tomonli xarakterga ega bo‘lishi mumkin; alohida hollarda – rabdomioliz. Siydik chiqarish tizimi tomonidan: kam hollarda – giperkreatininemiya; juda kam hollarda – interstitsial nefrit, o‘tkir buyrak yetishmovchiligi. Qon yaratish a’zolari tomonidan: tez-tez emas – eozinofiliya, leykopeniya; kam hollarda – neytropeniya, trombotsitopeniya; juda kam hollarda – agranulotsitoz va og‘ir infektsiyalarni rivojlanishi; alohida hollarda – pantsitopeniya, gemolitik anemiya. Allergik reaktsiyalar: tez-tez emas – qichishish, teri giperemiyasi; kam hollarda –  eshakemi, bronxospazm va mumkin bo‘lgan og‘ir bo‘g‘ilish kabi o‘ta yuqori sezuvchanlikning umumiy reaktsiyalari (anafilaktik va anafilaktoid); juda kam hollarda – teri va shilliq qavatlarning shishi, arterial bosimni keskin pasayishi va shok, fotosensibilizatsiya (quyosh va UB-nurlariga yuqori sezuvchanlik), allergik pnevmonit, vaskulit; alohida hollarda – xavfli ekssudativ eritema (Stivens-Djonson sindromi), toksik epidermal nekroliz (Layell sindromi). Boshqalar: tez-tez emas – umumiy kuchsizlik; juda kam hollarda – turg‘un isitma, superinfektsiyani rivojlanishi; alohida hollarda – porfiriyani zo‘rayishi.

Levofloksatsinga, boshqa xinolonlarga yoki dori vositasining ayrim komponentlariga individual o‘ta yuqori sezuvchanlik. Markaziy nerv tizimining buzilishlari (tutqanoq, tserebral aterosklerozning og‘ir shakli). Xinolonlar bilan ilgari o‘tkazilgan davolashda paylarni  shikastlanishi. Homiladorlik va laktatsiya davri. Bolalar va 18 yoshgacha bo‘lgan o‘smirlarda. Buyrak funktsiyasini buzilishida (kreatinin klirensi minutiga 20 ml dan kam) qo‘llash mumkin emas. Ehtiyotkorlik bilan Tirishish reaktsiyalariga moyillik (bosh miya tomirlarining aterosklerozi, bosh miyada qon aylanishini buzilishlari (anamnezdagi), markaziy nerv tizimining organik kasalliklari), keksalar, glyukoza-6-fosfatdegidrogenaza tanqisligi, buyrak yetishmovchiligi, Q-T intervalini tug‘ma uzayish sindromi, yurak kasalliklari (yurak yetishmovchiligi, miokard infarkti, bradikardiya), elektrolitlar disbalansi (masalan, gipokaliyemiyadagi, gipomagniyemiyadagi), qandli diabet, miasteniya gravis, psixozlar va anamnezdagi boshqa ruhiy buzilishlar, jigar porfiriyasi, Q-T intervalini uzaytiruvchi (IA va III sinflari antiaritmik vositalar, tritsiklik va tetratsiklik antidepressantlar, neyroleptiklar, makrolidlar, zamburug‘larga qarshi vositalar, imidazol hosilalari, ayrim antigistaminlar, shu jumladan astemizol, terfinadin, ebastin) va bosh miyaning tirishishga tayyorlik bo‘sag‘asini pasaytiruvchi (fenbufen, teofillin) dori vositalarini bir vaqtda qo‘llashda ehtiyotkorlikka rioya etish kerak.

Levofloksatsin tsiklosporinning yarim chiqarilish davrini oshiradi. Ichak motorikasini susaytiruvchi preparatlar, sukralfat, magniy- va alyuminiy saqlovchi antatsid vositalar, temir ionlari, multivitaminlar tarkibidagi rux levofloksatsinning samarasini pasaytiradi (bu preparatlar va levofloksatsinni qabul qilish kamida 2 soatlik tanaffus bo‘lishi kerak). Levofloksatsinni chiqarilishi tsimetidin, probenitsid va naychalar sekretsiyasini bloklovchi dori vositalarining ta’siri ostida sekinlashadi. Nosteroid yallig‘lanishga qarshi preparatlar va teofillin: levofloksatsin bilan qo‘llanganida tirishishga tayyorlikni oshiradi. Glyukokortikosteroidlar: paylarni uzilish xavfini oshiradi. Antidiabetik preparatlar: qondagi glyukoza darajasini qat’iy nazorat qilish kerak, chunki ular levofloksatsin bilan bir vaqtda ishlatilganida giper- va gipoglikemiyaning ehtimoli bor. Kumarin hosilalari bilvosita antikoagulyantlar bilan bir vaqtda qo‘llanganida, xalqaro normallashtirilgan nisbatni nazorat qilish kerak. Q-T intervalini uzaytiruvchi preparatlar (IA va III sinfi antiaritmik vositalar, tritsiklik va tetratsiklik antidepressantlar, neyroleptiklar, makrolidlar, zamburug‘larga qarshi vositalar, imidazol hosilalari, ayrim antigistaminlar, shu jumladan astemizol, terfenadin, ebastin) bir vaqtda qo‘llanganida Q-T intervalini uzayishi mumkin.

Pseudomobos aeruginosa chaqirgan gospital infektsiyalar, majmuaviy davolashni talab qilishi mumkin. Levofloksatsin asosan buyrak orqali chiqarilishi tufayli, buyrak funktsiyasi buzilgan bemorlarda, buyrak funktsiyasini nazorat qilish, shuningdek dozalash tartibiga tuzatish kiritish talab qilinadi. Ftorxinolonlarni, shu jumladan levofloksatsinni qabul qilayotgan patsiyentlarda Q-T intervali uzayishi mumkin. Ftorxinolonlar, shu jumladan levofloksatsin qo‘llanganida, Q-T intervalining uzayishini xavf omillari bo‘lgan ayrim patsiyentlarda ehtiyotkorlikka rioya qilish kerak: keksalar; elektrolit muvozanatini buzilishi (gipokaliyemiya, gipomagniyemiya); Q-T intervalini tug‘ma uzayishi sindromi; yurak kasalliklari (yurak yetishmovchiligi, miokard infarkti, bradikardiya); Q-T intervalini uzaytirish xususiyatiga ega bo‘lgan dori vositalarini bir vaqtda qabul qilish. Peroral gipoglikemik preparatlar (masalan, glibenklamid) yoki insulin qabul qilayotgan qandli diabeti bo‘lgan patsiyentlarda, levofloksatsin qo‘llanganida gipoglikemiyani rivojlanish xavfi oshadi. Bunday patsiyentlarda qondagi glyukozaning kontsentratsiyasini monitoringi talab qilinadi. Ftorxinolonlar, shu jumladan levofloksatsin qilayotgan patsiyentlarda, sensor va    sensor-motor periferik neyropatiya aniqlangan, uning boshlanishi tez bo‘lishi mumkin. Patsiyentlarda neyropatiya simptomlari paydo bo‘lganida, levofloksatsinni qo‘llashni to‘xtatish kerak (mumkin bo‘lgan qaytmas o‘zgarishlar rivojlanishi xavfini minimallashtiradi). Preparatni birinchi qabul qilishda yoki u bekor qilinganida o‘ziga xos ta’sirlar ko‘rsatmaydi. Boshlangan davolash kursini mustaqil ravishda muddatidan oldin to‘xtatish yoki vaqtincha tanaffus qilish, shuningdek preparatni nomuntazam qabul qilish mumkin emas. Bir dozani qabul qilish o‘tkazib yuborilganida, preparatning navbatdagi dozasini iloji boricha tezroq qabul qilish, keyinchalik preparatni shifokor belgilagan tartib bo‘yicha qabul qilishni davom ettirish kerak. Preparatni ikki barobar katta dozasini qabul qilish mumkin emas. Homiladorlik va laktatsiya Homiladorlikda preparatni qo‘llash mumkin emas. Davolanish vaqtida emizishni to‘xtatish kerak. Transport vositalari va mexanizmlarni boshqarish qobiliyatiga ta’siri Davolanish vaqtida diqqatni yuqori jamlashni va psixomotor reaktsiyalar tezligini talab qiluvchi potentsial xavfli faoliyat turlari bilan shug‘ullanishdan saqlanish kerak. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Quruq, yorug‘likdan himoyalangan joyda, 25ºS dan yuqori bo‘lmagan haroratda saqlansin.

Simptomlari: ongni chalkashishi, bosh aylanishi, tirishishlar, me’da-ichak buzilishlari (masalan, ko‘ngil aynishi) va shilliq qavatlarning eroziv shikastlanishi, QT intervalini uzayishi. Davolash: simptomatik, dializ samarasiz.

Retsept bo‘yicha

5 tabletkadan tegishli markirovkaga ega alyumin blisterda. Blister va qo‘llash bo‘yicha yo‘riqnomasi joylangan karton quti.

36 oy.