tiniq, rangsizdan to biroz sarg‘ish rangligacha bo‘lgan, o‘ziga xos hidli suyuqlik.

Metabolik vosita.

A16AA01

Taqsimlanishi Parenteral yuborilganida barcha to‘qimalarga yaxshi kiradi, yuqori kontsentratsiyalari skelet mushaklarida va miokardda hosil bo‘ladi. Chiqarilishi Asosan atsil efirlari ko‘rinishida buyrak orqali chiqariladi, erkin karnitin qayta so‘riladi.

Pediatriya amaliyotida (shifokor nazorati ostida 3 yoshgacha bo‘lgan bolalarni davolash):chala tug‘ilgan go‘daklar, yangi tug‘ilgan chaqaloqlar, tug‘ruq travmasi yoki asfiksiya o‘tkazganlarni parvarish qilishda;so‘rish refleksi sust va tana vaznini oshishi past bo‘lgan bolalarda; mushaklar tonusi pasaygan bolalarda, harakat va ruhiy faoliyatlarni rivojlanishi yetarli bo‘lmaganda, shuningdek “xavf guruhi” bolalarda bu buzilishlarni oldini olish maqsadida;yangi tug‘ilgan chaqaloqlarda respirator distress sindromida qo‘llaniladi.Endokrinologiya: 16 yoshgacha bo‘lgan bolalarda o‘sishdan orqada qolish, tireotoksikozning yengil shakllari, diabetik polinevropatiya, ekzogen konstitutsional semirishda qo‘llaniladi.Kardiologiya: kardiomiopatiya, miokardit, yurak ishemik kasalligi (o‘tkir miokard infarkti, infarktdan keyingi holatlar).Bosh miyaning qon tomir patologiyasi oqibatidagi, toksik va travmatik shikastlanishlaridagi nevrologik ko‘rinishlar.Gastroenterologiya: sekretor funktsiyasi past bo‘lgan surunkali gastrit, tashqi sekretor funktsiyasi past bo‘lgan surunkali pankreatit, jigar kasalliklari.Ishtahani pasayishi, tana vaznini kamayishi va ozib ketish bilan kechuvchi holatlar va kasalliklar.O‘tkazilgan kasalliklar va jarrohlik muolajalaridan keyingi tiklanish davrida.Muntazam jismoniy yuklama, sport mashg‘ulotlari (ish qobiliyati va chidamlilikni oshirish, toliqishni kamaytirish uchun).Karnitin yetishmovchiligi yoki uni yo‘qotilishini oshishi bilan kechuvchi kasalliklar (miopatiyalar, mitoxondriyalarni yetishmovchiligi bo‘lgan nasliy kasalliklar) − uning tanqisligini to‘ldirish uchun majmuaviy davolash tarkibida.Karnitin ikkilamchi yetishmovchiligi uzoq vaqt gemodializda bo‘lgan bemorlarda kuzatiladi.Dermatologiya: psoriaz, seboreyali ekzema, sklerodermiya, diskoid qizil yugurikda qo‘llaniladi. Imkoniyati bo‘lganida qonda karnitinning darajasini aniqlash lozim.

Vena ichiga va mushak ichiga yuboriladi. Vena ichiga tomchilab sekin yoki oqim bilan (2-3 min) yoki mushak ichiga yuboriladi. Vena ichiga yuborishdan oldin ampulaning ichidagisi 100-200 ml erituvchida (0,9% natriy xloridi eritmasi yoki 5% dekstroza (glyukoza) eritmasi) eritiladi. Dozalari va davolash davomiyligi ko‘rsatmalarga qarab, individual ravishda belgilanadi.

L-karnitinning katta (sutkada 15 grammgacha) dozalarni uzoq vaqt davomida qabul qilinishi hech qanday nojo‘ya samaralarni chaqirmagan. Yuqori darajada energiya ajralib chiqishi tufayli, karnitinni qabul qilish vaqtida, garchi bu juda kam kuzatilsa-da, uyqusizlik rivojlanishi mumkin. Buni oldini olish uchun L-karnitinni kunning birinchi yarmida qabul qilish kerak, shu bilan birga, bu vaqtda u samaraliroq xamdir. Kazuistik jihatdan ko‘ngil aynishi, bosh og‘rig‘i, ahlatni buzilishi bilan namoyon bo‘luvchi karnitinni individual o‘zlashtirolmaslik paydo bo‘ladi.

Preparatning komponentlariga yuqori sezuvchanlikda qo‘llash mumkin emas.

L-karnitin boshqa dori vositalari bilan o‘zaro ta’sirga kirishmaydi, shuning uchun uni boshqa preparatlar va yog‘ni kamaytiruvchilar bilan qo‘shish sog‘liqqa zarar yetkazmaydi.

Glyukozaning utilizatsiyasi oshganida insulinni qabul qilish va peroral gipoglikemik davolash fonida diabetik bemorlarga levokarnitinni buyurish gipoglikemiyani kuchaytirishi mumkin. Agar talab qilinsa, gipoglikemik davolashni darhol yo‘liga olish uchun plazmada glyukozaning darajasini muntazam aniqlash lozim. Levokarnitinning peroral shakli bilan davolashning xavfsizligini va samaradorligini buyrak yetishmovchiligi bo‘lgan bemorlarda baholash mumkin emas. Buyrak funktsiyasining turli buzilishlari bo‘lgan bemorlarga yoki gemodializda buyrak kasalliklarining oxirgi bosqichida levokarnitinning yuqori dozalarini peroral uzoq vaqtga buyurish toksik metabolitlari, trimetilamin va trimetilamin-n-oksidni to‘planishiga olib kelishi mumkin, chunki bu metabolitlari siydik bilan chiqariladi. Bunday vaziyat levokarnitin v/i yoki m/i buyurilganida kuzatilmaydi.

Reproduktsiyani o‘rganishi yuzasidan eksperimental tadqiqotlari biron bir teratogen samarasi yo‘qligini ko‘rsatdi. Karnitinning birlamchi yetishmovchiligi fonida homiladorlarda preparatni qo‘llash bo‘yicha ma’lumotlar yo‘q. Preparat bilan davolash bekor qilinganida homila uchun nazariy xavfdan, ona uchun xavfni ustun kelishini hisobga olish lozim. Levokarnitin ona sutining normal komponenti hisoblanadi. Emizikli ayollarda levokarnitinni ishlatilishi o‘rganilmagan. Transport vositalarini va  mexanizmlarni boshqarish qobiliyatiga ta’siri Preparat avtotransportni boshqarish va boshqa potentsial xavfli faoliyatlar turlarini bajarish qobiliyatiga ta’sir qilmaydi. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Original o‘ramlarda, yorug‘likdan himoyalangan joyda, 25oS dan yuqori bo‘lmagan haroratda saqlansin.

Dozani oshirib yuborilishida levokarnitinning toksikligi haqida ma’lumotlar yo‘q. Doza oshirib yuborilgan holatda, umumiy qabul qilingan chora-tadbirlar o‘tkaziladi.

Retsept  bo‘yicha

Birlamchi o‘rami:  2 ml, 5 ml, 10 ml dan preparat to‘q rangli shisha ampulalarda. Ikkilamchi o‘rami: 5, 10 ampulalar PVX plyonkali blisterda, qo‘llash bo‘yicha yo‘riqnomasi bilan birga karton qutiga joylangan.

2 yil.