sariq rangli, dumaloq, yassi, chetlari qiya, burchak shaklli riskali va tabletkaning bir tomonida LO (25 mg), ZA (100 mg) harflar va boshqa tomonida -SANDOZ yozuvi bor tabletkalar.

antipsixotik preparatlar.

N05AH02.

“Klassik” antipsixotik preparatlarni qo‘llashdan samara bo‘lmagan yoki ularni o‘zlashtiraolmaydigan shizofreniyali bemorlarni davolashda qo‘llanadi. Samarani yo‘qligi kerakli davr davomida adekvat dozalarda qo‘llangan eng kamida ikki antipsixotik preparatlar bilan davolashga qaramasdan qoniqarli klinik yaxshilanish yo‘qligi sifatida belgilanadi. O‘zlashtiraolmaslik to‘g‘rilashga berilmaydigan og‘ir nojo‘ya reaktsiyalar (ekstrapiramid nojo‘ya ko‘rinishlar yoki kechki diskineziya) tufayli “klassik” antipsixotik preparatlar yordamida klinik yaxshilanishga erishish mumkin emasligi sifatida belgilanadi.

Preparatning dozasi shaxsiy ravishda tanlanadi. Har bir patsiyentda minimal samarali dozani qo‘llash kerak. Gipertenziya, tirishishlar va sedativ samarasi xavfini minimallashtirish uchun ehtiyotkorlik bilan titrlash va bo‘lib dozalash kerak. Preparat bilan davolashni faqat leykotsitlarning miqdori ≥3500/mm3 (3,5x109/l), NMM (neytrofillarning mutloq miqdori) ≥2000/mm3 (2,0x109/l), ko‘rsatgichlar esa normal qiymatlar chegarasida bo‘lgan bemorlarda boshlash mumkin. Klozapin bilan o‘zaro ta’sirga kirishadigan (benzodipinlar yoki serotoninni qayta qamrab olinishining selektiv ingibitorlari kabi) dori preparatlarini qabul qilayotgan patsiyentlarda, uning dozasini o‘zgartirish kerak.

Klozapinning nojo‘ya reaktsiyalari, agranulotsitozdan tashqari, uning farmakologik xususiyatlariga asoslanadi. Klozapin bilan bog‘liq bo‘lgan eng jiddiy nojo‘ya reaktsiyalar agranulotsitoz, tirishishlar, yurak-qontomir tizimi tomonidan samaralar va isitma hisoblanadi. Eng ko‘p tarqalgan nojo‘ya samaralari uyquchanlik/sedativ samara, bosh aylanishi, taxikardiya, qabziyat va gipersalivatsiya xisoblanadi. Klinik tadqiqotlarda olingan ma’lumotlar, klozapin qabul qilgan patsiyentlarning bir qismida (7,1 dan 15,6% gacha) davolash nojo‘ya reaktsiyalar tufayli to‘xtatilgan, shu jumladan faqat reaktsiyalari klozapin bilan bog‘liq bo‘lishi mumkin bo‘lgan patsiyentlarda. Davolashni to‘xtatishga sababi hisoblangan eng ko‘p tarqalgan nojo‘ya reaktsiyalar leykopeniya, uyquchanlik, bosh aylanishi (vertigodan tashqari) va psixotik buzilishlar bo‘lgan. Nojo‘ya reaktsiyalar paydo bo‘lishi tez-tezligini baholashda quyidagi mezonlar ishlatilgan: “juda tez-tez” (≥1/10), “tez-tez” (≥1/100 dan <1/10 gacha), “tez-tez emas” (≥1/1000 dan <1/100 gacha), “kam hollarda” (≥1/10000 dan <1/1000 gacha), “juda kam hollarda” (<1/10000). Qon va limfatik tizim tomonidan Tez-tez: leykopeniya, neytropeniya, eozinofiliya, leykotsitoz. Tez-tez emas: agranulotsitoz. Kam hollarda: anemiya. Juda kam hollarda: trombotsitopeniya, trombotsitemiya. Moddalar almashinuvini buzilishi Tez-tez: tana vaznini oshishi. Kam hollarda: glyukozaga tolerantlikni buzilishi, diabeti bo‘lgan patsiyentlarda holatni yomonlashishi, birinchi aniqlangan diabet. Juda kam hollarda: ketoatsidoz, giperosmolyar koma, o‘tkir giperglikemiya, giperxolesterinemiya, gipertriglitseridemiya. Ruhiyatni buzilishi: Tez-tez: dizartriya. Tez-tez emas: disfemiya. Kam hollarda: bezovtalik, qo‘zg‘alish. Nerv tizimi tomonidan buzilishlar Juda tez-tez: uyquchanlik/sedativ samara, bosh aylanishi. Tez-tez: bosh og‘rig‘i, tremor, mushaklarning rigidligi, akatiziya, ekstrapiramid simptomlar, tutqanoq xurujlari, monoklonik tortilishlar. Tez-tez emas: neyroleptik ekstrapiramid buzilishlar. Kam hollarda: ongni chalkashishi, deliriy. Juda kam hollarda: kechki diskeniziya, miyaga o‘rnashib qolgan g‘oyalar. Ko‘rish a’zosi tomonidan Tez-tez: ko‘rishni noaniqligi. Yurak-qon tomir tizimi tomonidan Juda tez-tez: taxikardiya. Tez-tez: EKG da o‘zgarishlar, arterial gipertenziya, ortostatik gipotenziya, xushdan ketish. Kam hollarda: yurak-qon tomir yetishmovchiligi, aritmiyalar, miokarditlar, perikarditlar, tromboemboliya. Juda kam hollarda: kardiomiopatiya. Nafas tizimi tomonidan Kam hollarda: ovqat aspiratsiyasi (nafas yo‘llariga tushishi), o‘limga olib kelishi mumkin bo‘lgan pnevmoniya va quyi nafas yo‘llarining infektsiyalari. Juda kam hollarda: nafasni susayishi/to‘xtashi. Ovqat hazm qilish tizimi t omonidan Kam hollarda: qabziyat, gipersalivatsiya. Tez-tez: ko‘ngil aynishi, qusish, og‘izni qurishi, jigar fermentlarining darajasini oshishi. Kam hollarda: disfagiya, gastrit, xolestatik sariqlik, pankreatit. Juda kam hollarda: jigarning yashinsimon nekrozi, ichak parezi/tutilishi/qabziyat, quloq oldi bezlarini kattalashishi. Teri va teri osti kletchatkasi tomonidan Juda kam hollarda: teri reaktsiyalari. Siydik-jinsiy tizimi tomonidan Tez-tez: siydikni tutib tura olmaslik, siydikni tutilishi. Juda kam hollarda: interstitsial nefrit, priapizm. Umumiy buzilishlar Juda tez-tez: charchoqlik, xavfsiz gipertermiya, ter ajralishi/termoregulyatsiyani buzilishi. Tez-tez: xavfli neyroleptik sindrom. Juda kam hollarda: to‘satdan tushuntirib bo‘lmaydigan o‘lim. Laboratoriya ko‘rsatgichlari

Klozapinga yoki preparatning boshqa har qanday ingrediyentiga yuqori sezuvchanlik;bemorda qonning holatini muntazam nazorat qilish imkoniyatini yo‘qligi;anamnezdagi toksik yoki idiosinkrotik granulotsitopeniya yoki agranulotsitoz (ilgari qo‘llangan ximioterapiya oqibatidagi granulotsitopeniya yoki agranulotsitoz rivojlanishidan tashqari);suyak ko‘migi faoliyatini buzilishi;nazorat qilib bo‘lmaydigan tutqanoq;alkogolli yoki boshqa toksik psixozlar, dorili intoksikatsiyalar, komatoz holatlar;tsirkulyar kollaps va/yoki har qanday etiologiyali MNT susayishi;buyrak yoki yurakning og‘ir kasalliklari (shu jumladan, miokardit);ko‘ngil aynishi, anoreksiya yoki sariqlik bilan birga kechuvchi jigarning og‘ir kasalliklari; jigarning rivojlanib boruvchi kasalliklari, jigar yetishmovchiligi;paralitik ichak tutilishida qo‘llash mumkin emas.

Leponeks® preparati bilan bir vaqtda suyak ko‘migi faoliyatini ahamiyatli susaytiruvchi ta’sirga ega bo‘lgan preparatlarni qo‘llash mumkin emas. Leponeks® alkogolning, MAO ingibitorlarining va MNT ni susaytiruvchi preparatlarning (narkoz uchun vositalar, antigistamin preparatlar va benzodiazepinlar) markaziy ta’sirni susaytirishi mumkin. Leponeks® preparati bilan davolash benzodiazepinlar yoki har qanday boshqa psixotrop preparatlar qabul qilayotgan (yoki yaqinda qabul qilgan) bemorlarga buyurilganida alohida ehtiyotkorlikka rioya qilish kerak, chunki bunda kollaps rivojlanishini xavfi oshadi, u ayrim hollarda og‘ir bo‘lishi va yurak va/yoki nafasni to‘xtashiga olib kelishi mumkin. Additiv ta’siri bo‘lishi mumkinligi uchun antixolinergik, gipotenziv samaralarga ega bo‘lgan preparatlar, shuningdek nafasni susaytiruvchi preparatlar bilan bir vaqtda ehtiyotkorlik bilan qo‘llash kerak. Klozapin ahamiyatli darajada plazma oqsillari bilan bog‘lanishi tufayli, oqsillar bilan yuqori bog‘lanish xususiyatiga ega bo‘lgan har qanday boshqa preparatni (masalan, varfarin) qabul qilayotgan bemorlarga Leponeks® preparatini buyurish, qonda bu preparatning kontsentratsiyasini oshishiga va buning oqibatida uning uchun xarakterli bo‘lgan nojo‘ya reaktsiyalarni paydo bo‘lishiga olib kelishi mumkin. Va, aksincha, plazma oqsillari bilan ahamiyatli darajada bog‘lanadigan preparatlar ishlatilganida, klozapinni oqsillar bilan bog‘dan siqib chiqarilishi oqibatida unga xos bo‘lgan nojo‘ya reaktsiyalar rivojlanishi mumkin. Klozapinning metabolizmi asosan tsitoxrom R450 1A2 va, ehtimol, kamroq darajada – tsitoxrom R450 2D6 orqali bo‘lishi tufayli, bir yoki ikkala fermentlarga yaqinlikka ega bo‘lgan preparatlar bilan bir vaqtda qo‘llash, plazmada klozapin va/yoki bir vaqtda qo‘llanayotgan preparatning kontsentratsiyasini oshishiga olib kelishi mumkin. Lekin klozapin bilan tritsiklik antidepressantlar, fenotiazinlar va IC sinfi antiaritmik vositalar qo‘llanganida, ularga tsitoxrom R450 2D6 bilan bog‘lanish xarakterli, hozirgi vaqtgacha klinik ahamiyatli o‘zaro ta’sirlar aniqlanmagan. Shunga qaramasdan, klozapin plazmada bu preparatlarning kontsentratsiyasini nazariy jihatdan oshirishi mumkin, shuning uchun bunday hollarda, odatda tavsiya etiladiganga qaraganda ularni kamroq dozalarda qo‘llash kerak. Leponeks® preparatining yuqori dozalari bilan tsimetidin yoki eritromitsinni bir vaqtda qo‘llash, plazmada klozapinning kontsentratsiyasini oshishiga va nojo‘ya ko‘rinishlar rivojlanishiga olib kelgan. Tsiprofloksatsin plazmada klozapinning darajasini oshishiga olib kelishi mumkin, buning natijasida nojo‘ya samaralari paydo bo‘lishi mumkin. Leponeks®ni fluvoksamin (10 martagacha) yoki paroksetin, sertralin, fluoksetin yoki tsitalopram (2 martagacha) kabi serotoninni qayta qamrab olinishining selektiv ingibitorlari bilan bir vaqtda qabul qilgan bemorlarda qon zardobida klozapinning darajasini oshishi haqida xabar berilgan. Tsitoxrom R450 tizimi fermentlarning faolligini oshirish xos bo‘lgan dori preparatlari, plazmada klozapinning kontsentratsiyasini pasaytirishi mumkin. Bir vaqtda qabul qilinayotgan karbamazepinni bekor qilish, plazmada klozapinning kontsentratsiyasini pasayishiga olib kelgan. Bir vaqtda fenitoinni qo‘llash plazmada klozapinning kontsentratsiyasini pasayishiga olib kelishi ko‘rsatilgan, bu preparatning samaradorligini pasayishi bilan birga kechgan. Ma’lumki 3A4 faoliyatini induktsiya qiluvchi va klozapin bilan o‘zaro ta’sir qiluvchi moddalarga, masalan, karbamazepin, fenitoin va rifampitsin kiradi. Klozapinning metabolizmida ishtirok etuvchi, asosiy izofermentlarning faolligini ingibitsiya qiluvchi moddalarga, masalan, tsimetidin, eritromitsin (3A4), fluvoksamin (1A2) va tsiprofloksatsin (1A2) kiradi. Litiy va MNT faoliyatiga ta’sir qiluvchi boshqa preparatlarni bir vaqtda qo‘llash, xavfli neyroleptik sindrom rivojlanishi xavfini oshirishi mumkin. O‘zining noradrenolitik ta’siri tufayli Leponeks®, noradrenalinning yoki ko‘proq α-adrenergik ta’sirga ega bo‘lgan boshqa preparatlarning gipertenziv ta’sirini susaytirishi va adrenalinning pressor ta’sirini yo‘qotishi mumkin. Kofeinni (1A2) iste’mol qilish oqibatida plazmada klozapinning kontsentratsiyasi oshadi va kofeinsiz 5 kundan keyin deyarli 50% ga pasayadi. 1A2 ning ma’lum induktorlariga, masalan, omeprazol va tamaki tutuni kiradi. Chekish birdan to‘xtatilgan holda, plazmada klozapinning kontsentratsiyasi oshishi mumkin, bu nojo‘ya samaralarini yomonlashishiga olib keladi. Tsitoxrom R450 izofermentlari faolligini ingibitorlari sifatida ma’lum bo‘lgan moddalarni bir vaqtda qo‘llash, plazmada klozapinning kontsentratsiyasini oshirishi mumkin. Azol antimikotiklari va proteaza ingibitorlari kabi CYP3A ning kuchli ingibitorlari potentsial plazmada klozapinning kontsentratsiyasini oshirishlari mumkin; lekin bugungi kunda bunday o‘zaro ta’sirlar qayd qilinmagan. Leponeks®ni boshqa neyroleptiklar bilan majmuada qo‘llash tavsiya etilmaydi.

Leponeks® agranulotsitozning sababi bo‘lishi mumkinligi tufayli, quyida keltirilgan xavfsizlik choralariga rioya qilish shart hisoblanadi. Leponeks® preparati bilan bir vaqtda suyak ko‘migining faoliyatiga yaqqol susaytiruvchi ta’sirga ega bo‘lgan dori preparatlari qo‘llanmasligi kerak. Bundan tashqari, davomli ta’sirga ega bo‘lgan depo shaklidagi antipsixotik preparatlarni bir vaqtda qo‘llashdan saqlanish kerak, o‘zlarining potentsial miyelosupressiv ta’siri tufayli ularni kerakli vaziyatlarda (masalan, granulotsitopeniya paydo bo‘lganida) organizmdan tez chiqarib yuborish mumkin emas. Anamnezida suyak ko‘migining birlamchi kasalliklariga ega bo‘lgan patsiyentlarga Leponeks®ni faqat davolashdan kutilayotgan samara noxush reaktsiyalar rivojlanishi xavfidan yuqori bo‘lgan xoldagina buyurish mumkin. Bunday patsiyentlar preparat bilan davolashni boshlashdan oldin gematolog tomonidan sinchiklab tekshirilishlari kerak. Xavfsiz etnik neytropeniya oqibatida leykotsitlarning miqdori kam bo‘lgan bemorlarga aloxida e’tibor berish kerak. Bunday hollarda Leponeks® preparati bilan davolash gematologning ruxsati olingandan keyin boshlanishi mumkin. Leykotsitlarning miqdorini va neytrofillarning mutloq miqdorini muntazam nazorati Preparat bilan davolashdan 10 kun oldin, preparatni faqat ko‘rsatgichlar darajasi normal (leykotsitlar miqdori ≥3500/mm3 (≥3,5x109/l) va neytrofillarning mutloq miqdori ≥2000/mm3 (≥2,5x109/l)) bo‘lgan bemorlar olishlariga ishonch hosil qilish uchun, leykotsitlar miqdorini va leykotsitar formulani aniqlash kerak. Preparat bilan davolash boshlanganidan keyin leykotsitlar miqdorini va agar iloji bo‘lsa, neytrofillarning mutloq miqdorini 18 hafta davomida muntazam har haftada, keyinchalik esa – preparatni qo‘llashning hamma davri davomida oyida bir martadan kam emas va keyinchalik esa uni qo‘llash butunlay to‘xtatilganidan keyin bir oy o‘tgach nazorat qilish kerak. Preparatni buyurgan shifokorlar, kerakli xavfsizlik choralariga to‘liq rioya qilishlari kerak. Har bir maslahat vaqtida shifokor bemorga har qanday infektsiya paydo bo‘lganida, tana harorati oshganida, tomoq og‘rig‘ida yoki boshqa gripp simptomlar paydo bo‘lganida, ular neytropeniyadan dalolat berishlari mumkin, bemorga darhol shifokorga murojaat qilishlari kerakligini ogohlantirishlari kerak. Infektsiyaning har qanday simptomlari paydo bo‘lgan holda, darhol qonning leykotsitar formulasini aniqlash kerak. Leykotsitlarning miqdorini va neytrofillarning mutloq miqdorini pasayishi Agar Leponeks® preparati bilan davolashning birinchi 18 haftasida leykotsitlarning miqdori 3500-3000/mm2 gacha va/yoki neytrofillarning mutloq miqdori 2000-1500/mm2 gasa pasaysa, bu ko‘rsatgichlarni haftada kamida 2 marta nazorat qilish kerak. Leponeks® preparati bilan 18 hafta davolashdan keyin leykotsitlarning miqdori 3000-2500/mm2 gacha va/yoki neytrofillarning mutloq miqdori 1500-1000/mm2 gacha pasaygan holda, gematologik nazoratni haftada kamida 2 marta nazorat qilish kerak. Bundan tashqari, agar preparat bilan davolashni har qanday davrida leykotsitlarning miqdorini dastlabki daraja bilan solishtirganda ahamiyatli pasayishi aniqlansa, leykotsitlar miqdori va leykotsitar formulani aniqlashni takroran o‘tkazish kerak. Leykotsitlar miqdorini pasayishi uning bir martalik pasayishi 3000/mm2 gacha va undan kamga yoki uch hafta davomida yig‘indi kamayishi 3000/mm2 bo‘lgan holida “ahamiyatli” deb hisoblanadi. Leponeks® preparati bilan davolashning birinchi 18 haftasida leykotsitlarning miqdori <3000/mm2 gacha va/yoki neytrofillarning mutloq miqdori <1500/mm2 gacha, preparat bilan davolashining 18 haftasidan keyin muvofiq <2500/mm2 gacha va/yoki <1000/mm2 gacha, pasayganida, preparatni darhol bekor qilish kerak. Bunday hollarda leykotsitlar miqdorini va leykotsitar formulani har kuni tekshirish va bemorlarni ularda infektsiya borligiga ishora qiluvchi grippsimon simptomlar yoki boshqa belgilar paydo bo‘lishiga nisbatan sinchiklab kuzatish kerak. Gematologik nazorat gematologik ko‘rsatgichlar to‘liq normallashgunicha o‘tkaziladi. Agar Leponeks® preparati bekor qilinganidan keyin leykotsitlarning miqdori 2000/mm2 dan kamga va/yoki neytrofillarning mutloq miqdori 1000/mm2 dan kamga yanada pasayishi kuzatilsa, bu holatni davolashni tajribali gematolog rahbarligi ostida o‘tkazish kerak. Iloji bo‘lsa, bemor maxsus gematologik bo‘limga, alohida boksga o‘tkazilishi kerak va unga granulotsitar-makrofagal koloniyestimulyatsiyalovchi omilni yoki granulotsitar koloniyestimulyatsiyalovchi omilni yuborish buyurilishi mumkin. Koloniyestimulyatsiyalovchi omil bilan davolashni neytrofillar miqdori 1000/mm2 darajagacha oshganidan keyin to‘xtatish tavsiya etiladi. Leykopeniya va/yoki neytropeniya tufayli preparatni qabul qilishni to‘xtatgan bemorlarga preparatni takroran buyurish mumkin emas. Gematologik ko‘rsatgichlarning qiymatlarini tasdiqlash uchun keyingi kuni qonning takroriy tahlilini o‘tkazish tavsiya etiladi, lekin birinchi taxlil natijalari olinganidayoq Leponeks®ni bekor qilish kerak. Leponeks® preparati bilan davolashning birinchi 18 haftasi davomida qonning nazorati Qon xujayralarining miqdoriLeykotsitlar/mm3 (/l)Neytrofillarning/mm3 (/l)mutlaq miqdoriXarakat≥3500(≥3,5 x 109)≥2000(≥2,0 x 109)Leponeks® preparati bilan davolashni davom ettirish≥3500 va <3000(≥3,0 x 109 va <3,5 x 109)≥1500 va <2000(≥1,5 x 109 va <2,0 x 109)Leponeks® preparati bilan davolashni davom ettirish;ko‘rsatkichlar barqaror-lashgunicha yoki oshgunicha haftada ikki marta qonni tekshirish<3000 (<3,0 x 109)<1500 (<1,5 x 109)Leponeks® preparati bilan davolashni darhol to‘xtatish; gematologik og‘ishlar yo‘qolgunicha qonni har kuni tekshirish, infektsiyalanishni nazorat qilish.Preparat bilan davolash qayta tiklanmaydi Leponeks® preparati bilan 18 hafta davolashdan keyin qonning nazorati Qon xujayralarining miqdoriLeykotsitlar/mm3 (/l)Neytrofillarningmutloq miqdori /mm3 (/l)Xarakat≥3000(≥3,0 x 109)≥1500(≥1,5 x 109)Leponeks® preparati bilan davolashni davom ettirish≥2500 va <3000(≥2,5 x 109 va <3,0 x 109)≥1000 va <1500(≥1,0 x 109 va <1,5 x 109)Leponeks® preparati bilan davolashni davom ettirish;ko‘rsatkichlar barqarorlash-gunicha yoki oshgunicha haftada ikki marta qonni tekshirish<2500 (<2,5 x 109)<1000 (<1,0 x 109)Leponeks® preparati bilan davolashni darhol to‘xtatish; gematologik og‘ishlar yo‘qolgunicha qonni har kuni tekshirish, infektsiyalanishni nazorat qilish.Preparat bilan davolash qayta tiklanmaydi Nogematologik bo‘lmagan sabablar tufayli davolashni to‘xtatish Leponeks® preparati bilan davolash 18 haftadan ko‘p davom etgan patsiyentlarda 3 kundan ko‘proq (lekni 4 haftadan kamroq) to‘xtatib qo‘yilganida, leykotsitlar sonini har kuni va agar imkoniyati bo‘lsa, qondagi neytrofillarni qo‘shimcha 6 hafta davomida nazorat qilish ko‘rsatilgan. Agar bunda gematologik o‘zgarishlar aniqlanmasa, gematologik ko‘rsatgichlarning keyingi nazorati 4 haftada bir marta amalga oshirishishi mumkin. Agar preparat bilan davolashni to‘xtatib qo‘yish 4 hafta va ko‘proq bo‘lsa, keyingi 18 hafta davolashda har hafta gematologik nazoratli o‘tkazish kerak. Eozinofiliya Eozinofiliya rivojlangan xolda Leponeks® preparatini qabul qilishni, eozinofillar miqdori 3000/mm3 yuqori bo‘lgan xolda to‘xtatish tavsiya etiladi, faqat eozinofillarning miqdori 3000/mm3 dan kamga pasayganidan keyin esa davolashni tiklash mumkin. Trombotsitopeniya Trombotsitopeniya rivojlangan xolda, agar trombotsitlarning miqdori 50000/mm3 dan kamga pasaysa preparat qabul qilishni to‘xtatish tavsiya etiladi. Yurak-qon tomir buzilishlari Leponeks® preparati qabul qilinganida ortostatik gipotenziya rivojlanishi mumkin, bu xushdan ketish bilan birga kechishi yoki kechmasligi mumkin. Kam hollarda (Leponeks® qabul qilgan 3000 bemordan taxminan birida) og‘ir kollaps rivojlanishi mumkin, u yurakni va/yoki nafasni to‘xtashi bilan birga kechishi mumkin. Bunday asoratlarning rivojlanishini ehtimoli preparatning dozasini tanlash vaqtida, u xaddan ziyod tez oshirilganida yuqori bo‘ladi. Juda kam hollarda bu asoratlar xatto preparatni birinchi qabul qilgandan keyin rivojlangan. Shuning uchun preparat bilan davolashni boshida bemorlarni sinchkov tibbiy kuzatish kerak. Tinchlik holatida paydo bo‘luvchi va aritmiya, hansirash va yurak yetishmovchiligining simptomlari bilan birga kechuvchi taxikardiya, Leponeks® preparatini qabul qilishni birinchi oyi davomida xam, davolash yakunlanganida ham kam hollarda paydo bo‘lishi mumkin. Bu simptomlarni paydo bo‘lishi miokardit borligiga shoshilinch diagnostik baholashga muxtoj bo‘ladi. Bu tashhis tasdiqlangan holda preparat qabul qilishni to‘xtatish kerak. Parkinson kasalligi bo‘lgan bemorlarda turgan va yotgan holatda arterial bosimning nazoratini davolashning birinchi haftasi davomida o‘tkazish kerak. Anamnezida tirishishlari bo‘lgan bemorlarda yurak-qon tomir kasalliklari yoki buyrak kasalliklari bo‘lganida, birinchi kuni buyuriladigan preparatning dozasi bir marta 12,5 mg dan oshmasligi kerak; dozaning keyingi oshirilishini asta-sekin, kichik “qadamlar” bilan o‘tkazish kerak. Miokard infarkti Bundan tashqari, miokard infarkti xaqida postmarketing xabarlar bo‘lgan,  ular fatal bo‘lishi mumkin. Ko‘pchilik bu hollarning sababini baholash, ilgari mavjud bo‘lgan yurakning jiddiy kasalligi va muqobil sabablar ehtimoli tufayli qiyin bo‘lgan. Jigar yetishmovchiligi

Hayvonlardagi reproduktivlikning tekshirishlarida fertillikning buzilishlarini biron-bir belgilarini yoki klozapinni homilaga salbiy ta’siri aniqlanmagan. Lekin homilador ayollarda Leponeks® preparatini qo‘llashni xavfsizligi aniqlanmagan, shuning uchun homilador ayollarga preparatni faqat, davolashdan kutilayotgan samara, mumkin bo‘lgan xavfdan aniq yuqori bo‘lgan holdagina buyurish mumkin.

30oS dan yuqori bo‘lmagan joyda saqlansin.

Leponeks® preparati bilan qasddan yoki tasodifan o‘tkir doza oshirib yuborigan xolda, o‘lim hollari tez-tezligi taxminan 12% ni tashkil qiladi. Ko‘pchilik o‘lim hollari preparatning 200 mg dan yuqori dozalari qabul qilinganidan keyin yurak yetishmovchiligi yoki aspiratsion pnevmoniya bilan bog‘liq bo‘lgan preparatni 10000 mg dan yuqori dozada qabul qilish bilan bog‘liq dozani oshirib yuborilgandan keyin bemorni sog‘ayib ketgan holatlari tariflangan . Lekin, asosan ilgari Leponeks® qabul qilmagan bir necha katta bemorlarda, preparatni bor-yo‘g‘i 400 mg qabul qilish, hayotga xavf soluvchi komatoz holatlar rivojlanishiga va bir holatda o‘limga olib kelgan. Kichik yoshli bolalarda 50 mg dan 200 mg gacha dozani qabul qilish kuchli sedativ samaraga yoki o‘lim bilan yakunlanmagan komaga olib kelgan. Shikoyatlar va simptomlar Uyquchanlik, letargiya, arefleksiya, koma, ongni chalkashishi, gallyutsinatsiyalar, qo‘zg‘alish, deliriy, ekstrapiramid simptomlar, reflekslarni oshishi, tirishishlar, ko‘p so‘lak ajralishi, qorachiqlarni kengayishi, ko‘rishni noaniqligi, tana haroratini o‘zgarishlari; arterial gipotenziya, kollaps, taxikardiya, aritmiyalar; aspiratsion pnevmoniya, hansirash, nafasni susayishi yoki to‘xtashi. Davolash Leponeks® preparatiga spetsifik antidot mavjud emas. Preparat qabul qilinganidan keyingi birinchi 6 soatlarda – me’dani yuvish va/yoki faollashtirilgan ko‘mir yuborish (peritoneal dializ va gemodializ samarali emas). Yurak-qon tomir tizimini uzluksiz nazoratida, nafasni tutib turishda, elektrolitlar va kislota-ishqor muvozanatini nazorati bilan simptomatik davolash. Arterial gipotenziyani davolash uchun, paradoksal samarani rivojlanish xavfi tufayli adrenalin qo‘llash tavsiya etilmaydi. Kechki reaktsiyalar rivojlanishi mumkinligi tufayli, kamida 5 kun davomida e’tiborli tibbiy kuzatuv amalga oshirish kerak.

Retsept bo‘yicha

50 tabletkadan o‘ramda (10 tabletka blisterda; 5 blister o‘ramda).

5 yil.