.

Ademetionin.

A16AA02

Ademetionin vena ichiga yuborilganidan so‘ng to‘qimalarga tez taqsimlanishi bilan xarakterlanadi va yarim chiqarilish davri taxminan 1,5 soat (T1/2 – 1,5 soat) ni tashkil etadi. Mushak ichidan so‘rilishi deyarli to‘liq (96%), plazmada cho‘qqi kontsentratsiyasiga yuborilgandan so‘ng 45 minutdan keyin erishadi. Ademetioninni plazma oqsillari bilan bog‘lanishi ahamiyatsiz darajada va ≤ 5% ni tashkil etadi. Gematoentsefalik to‘siq orqali o‘tadi. Yuborilish yo‘lidan qat’iy nazar orqa miya suyuqligida ademetioninning kontsentratsiyasini sezilarli darajada oshishi kuzatiladi. Jigarda metabolizmga uchraydi. Buyraklar orqali va axlat bilan chiqariladi, buyrak ekskretsiyasi 48 soatdan keyin taxminan 15,5±1,5%, axlat bilan ekskretsiyasi – 78 soatdan keyin taxminan 23,5±3,5% ni tashkil etadi.

tsirroz oldi holatlarida va jigar tsirrozida jigar ichi xolestazi;homiladorlikning III uch oyligidagi jigar ichi xolestazi;depressiv sindromda qo‘llanadi.

Umumiy terapevtik dozasi: kuniga bir flakondan mushak ichiga yoki vena ichiga 15-20 kun davomida yuboriladi. Depressiv sindromni davolash: sutkada 400 mg mushak ichiga yoki vena ichiga 15-20 kun davomida yuboriladi. Jigar patologiyasini davolash: sutkada 400-800 mg mushak ichiga yoki vena ichiga 2 hafta davomida yuboriladi. Davolash kursining davomiyligi kasallikning og‘irligi va kechishiga bog‘liq va shifokor tomonidan shaxsiy ravishda aniqlanadi.

Tez-tez – ko‘ngil aynishi, qorinda og‘riq, diareya; Rivojlangan nojo‘ya ko‘rinishlarning tezligi va preparat bilan bog‘liqligini har doim ham aniqlash imkoni bo‘lmagan. Siydik chiqarish tizimi tomonidan: siydik chiqarish yo‘llarining infektsiyalari; Nerv tizimi tomonidan: ongni chalkashishi, uyqusizlik, bosh aylanishi, bosh og‘rig‘i, paresteziyalar, havotirlik; Yurak-qon tomir tizimi tomonidan: kardiovaskulyar buzilishlar, qizib ketish hissi, yuzaki flebit; Me’da-ichak yo‘llari tomonidan: ko‘ngil aynishi, qusish, og‘izni qurishi, ezofagit, me’da-ichak buzilishlari, qorinda og‘riq, dispepsiya, meteorizm (qorinni dam bo‘lishi), me’da-ichakda og‘riq, diareya, me’da-ichakdan qon ketishi; Gepatobiliar tizimi tomonidan: jigar sanchig‘i, jigar tsirrozi; Teri qoplamlari tomonidan: gipergidroz, chiqishish, teri toshmasi; Tayanch-harakat apparati tomonidan: artralgiya, mushaklarni tirishishi; Immun tizimi tomonidan: o‘ta yuqori sezuvchanlik, anafilaktoid reaktsiyalar yoki anafilaktik reaktsiyalar (giperemiya, hansirash, bronxospazm kabilar), belda og‘riq, ko‘krakda diskomfort, arterial bosimni o‘zgarishi (gipotenziya, gipertenziya) yoki puls tezligini o‘zgarishi (taxikardiya, bradikardiya), xaqildoqni shishi, Kvinke shishi, allergik teri reaktsiyalari (toshma, qichishish, eshakemi, eritema); Boshqalar: asteniya, et uvishishi, grippga o‘xshash simptomlar, lohaslik, gipertermiya, periferik shishlar bo‘lishi mumkin.

preparatning biron-bir komponentiga yuqori sezuvchanlik;bolalar va 18 yoshgacha bo‘lgan o‘smirlar;metioninning metabolizmiga ta’sir qiluvchi genetik nuqsoni va/yoki gomotsisteinuriya va/yoki gipergomotsisteinemiyasi (masalan, tsistation beta-sintetaza fermentini tanqisligi, V12 vitaminining metabolizmini tanqisligi) bo‘lgan patsiyentlarga qo‘llash mumkin emas.

Ademetionin va klomipramin qabul qilgan patsiyentlarda serotonin sindromini rivojlanganligi yuzasidan xabarlar bo‘lgan. Serotoninni qayta qamrab olinishini selektiv ingibitorlari, tritsiklik antidepressant preparatlar (klomipramin kabilar), tarkibida triptofan saqlovchi dorivor vositalar bilan bir vaqtda ehtiyotkorlik bilan qo‘llash kerak.

Vena ichiga inyektsiya juda sekin amalga oshirilishi kerak. Depressiya o‘z joniga qasd qilish fikrlari havfini oshishi bilan bog‘liq bo‘lishi mumkin. Agar birinchi hafta davomida yaxshilanish kuzatilmagan bo‘lsa, patsiyentlar sinchkov monitoringdan o‘tishlari kerak. Klinik tajriba, o‘z joniga qasd qilish havfi yaxshilanishni erta bosqichlarida kuchayishi mumkin. Antidepressantlar bilan medikamentoz davolash har doim patsiyentlarni, ayniqsa rivojlanish havfi yuqori bo‘lgan shaxslarni, ayniqsa davolashning boshlang‘ich bosqichida va dozasi o‘zgartirilgandan so‘ng sinchkov monitoringgi bilan bog‘liq bo‘lishi kerak. Patsiyentlar monitoringni zarurligi yuzasidan ogohlantirilgan bo‘lishlari va klinik holatini har qanday yomonlashishi, siuqasdlik harakatlari yoki fikrlarini boshlanishi kuzatilganida shifokorga zudlik bilan xabar berish kerak. Bipolyar psixozlari bo‘lgan paitsentlarga qo‘llash tavsiya etilmaydi. Ademetionin gomotsisteinni aniqlash uchun o‘tkaziladigan immunologik sinamalar bilan o‘zaro ta’sir qilmaydi, bu ademetionin bilan davolanayotgan patsiyentlarning qon plazmasida gomotsisteinning darajasini soxta oshishiga olib kelishi mumkin. Ushbu patsiyentlar toifasida qon plazmasida gomotsisteinning darajasini aniqlashni immunologik bo‘lmagan usullaridan foydalanish tavsiya etiladi. Homiladorlik va laktatsiya davri Homiladorlikning ІІІ uch oyiligada ademetioninni yuqori dozalarini qo‘llash biron-bir nojo‘ya reaktsiyalarni chaqirmagan. Homiladorlikning І va II uch oyliklarida faqat juda zarur bo‘lgan holatlarda qo‘llanadi. Laktatsiya davrida preparat qo‘llashdan kutilgan foyda go‘dak uchun havfdan ustun bo‘lgan holatdagina qo‘llanadi. Transport vositalari yoki potentsial havfli mexanizmlarni boshqarish qobiliyatiga dori vositasini ta’siri Ademetionin bilan davolanishda ba’zi patsiyentlarda bosh aylanishi rivojlanishi mumkin. Ko‘rsatilgan faoliyat turlarini bajarishda reaktsiya tezligiga ta’sir qilishi mumkin bo‘lgan simptomlar butunlay yo‘qolmagunicha, transport vositalarini boshqarish yoki boshqa mexanizmlar bilan ishlash mumkin emas. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

30 S dan yuqori bo‘lmagan haroratda saqlansin.

Simptomlari: nojo‘ya ta’sirlari kuchayishi mumkin. Davolash: organizmning hayotiy muhim faoliyatlarini va bemorning klinik holatini kuzatish fonida umumiy tutib turuvchi davolash o‘tkaziladi.

Retsept bo‘yicha

Preparat 400 mg dan rangsiz shisha flakonda, rezina tiqin bilan yopilgan va alyumin qalpoqcha bilan mahkamlangan. Erituvchi 5 ml dan rangsiz shisha ampulada. 5 preparatli flakon va 5 erituvchili ampula davlat va rus tillaridagi tibbiyotda qo‘llash bo‘yicha yo‘riqnomasi bilan birga karton qutiga joylangan.

3 yil. Inyektsiya uun eritmada suyultirilgandan keyin – 6 soat.