Oq rangli, oval shaklli, bir tomonida riskali, qobiq bilan qoplangan tabletkalar.

Antibakterial sintetik vositalar (ftorxinolonlar guruhi).

Ichga qabul qilinganida levofloksatsin tez va deyarli to‘liq so‘riladi (ovqat qabul qilish so‘rilish tezligiga va to‘liqligiga kam ta’sir qiladi). Biokiraolishligi – 99%. Plazmada maksimal kontsentratsiyaga erishish vaqti (TSmax) -1-2 soat. 50 mg qabul qilinganida plazmadagi maksimal kontsentratsiyasi (Smax) 5,2 mkg/ml ni tashkil qiladi. Plazma oqsillari bilan bog‘lanishi taxminan 30-40%. Levofloksatsinni o‘rtacha kumulyatsiyasi preparat 500 mg dozada kuniga 2 marta qabul qilinganida uchinchi kuni kuzatiladi. A’zolar va to‘qimalarga yaxshi kiradi: o‘pka, bronxlarni shilliq qavati, balg‘am, siydik-jinsiy tizimi a’zolari, polimorf-yadroli leykotsitlar, alveolyar mikrofaglar. Bronxlarning shilliq qavatida va epitelial qoplama suyuqligida 500 mg preparatni peroral qabul qilinganidan keyin Smax muvofiq -8,3 mkg/g va 10,8 mkg/ml ga qavariqlarning suyuqligida levofloksatsinning Smax 4,0-6,7 mkg/ml, Tmax holatida 2-4 soat, 500 mg preparat peroral qabul qilinganidan keyin o‘pka to‘qimasidagi Smax-11,3 mkg/g; TSmax esa -4-6 soat. Levofloksatsin oz miqdorda orqa miya suyuqligiga kiradi. Sutkada 500 mg levofloksatsin peroral qabul qilinganidan keyin davolashning uchinchi kuni preparat qabul qilinganidan keyin 2, 6 va 24 soatdan keyin prostata bezi to‘qimasida Smax muvofiq.-8,7 mkg/g, 8,2 mkg/g va 2,0 mkg/g. Prostata bezi/plazma kontsentratsiya nisbati o‘rtacha -1,84. 500 mg preparat qabul qilinganidan keyin siydikdagi Smax o‘rtacha qiymati 8-12 soatdan keyin-200 mkg/l. Jigarda preparatni katta bo‘lmagan qismi oksidlanadi va/yoki dezatsetillanadi. Yarim chiqarilish davri (T1/2)-6-8 soat. Organizmdan asosan buyraklar orqali (qabul qilingan dozaning taxminan 85%) kalava filtratsiyasi va naychalar sekretsiyasi yo‘li bilan chiqariladi. Levofloksatsinning ichga qabul qilingan dzasining 4% ichak orqali 72 soat davomida chiqariladi. Buyraklar faoliyatining buzilishlarida va buyrak klirensini kamayishida T1/2 oshadi. Klinik sinovlarda erkak va ayollarda preparatning farmakokinetikasida farqlar aniqlangan.

Kattalarda preparatga sezgir mikroorganizmlar yengil va o‘rtacha og‘irlik darajasidagi chaqirgan infektsion-yallig‘lanish kasalliklari: – o‘tkir sinusitlar; – surunkali bronxitni zo‘rayishi; – kasalxonadan tashqari va kasalxona ichki pnevmoniyasi; – teri va teri osti yog‘ qavatining asoratlangan va asoratlanmagan infektsiyalari; – surunkali prostatit; – siydik-chiqarish yo‘llarining asoratlangan va asoratlanmagan infektsiyalari; – o‘tkir piyelonefrit.

Ichga. Preparatni butunligicha, chaynamasdan, ko‘p miqdordagi suv bilan (0,5-1 stakan) qabul qilish kerak. Levofloksatsin tabletkalarini ovqat qabul qilishdan qat’iy nazar qabul qilish mumkin. Preparat kattalarga jadvalda ko‘rsatilganidek buyuriladi:

Me’da-ichak yo‘llari tomonidan: ko‘ngil aynishi, diareya, ishtahaning yo‘qolishi, qorinda og‘riqlar, ovqat hazm bo‘lishining buzilishi; qon zardobidagi bilirubin darajasining oshishi, gepatit. Markaziy nerv tizimi tomonidan: bosh og‘rig‘i, bosh aylanishi, uyquchanlik, uyquning buzilishi, bezovtalik, qo‘rquv holati, gallyutsinatsiyalar, depressiya, ko‘rish, eshitish, ta’m va hid bilish hislarining buzilishi. Yurak-tomir tizimi tomonidan: yurak urishining kuchayishi, arterial bosimning pasayishi. Tayanch-harakat tizimi tomonidan: paylarning shikastlanishi, bo‘g‘im va mushak og‘riqlari, axillov payining uzilishi, mushaklar zaifligi, rabdomioliz. qon yaratish tizimi tomonidan: qon zardobida kreatinin darajasining oshishi, eozinofiliya, leykopeniya, neytropeniya, trombotsitopeniya, ifodalangan agranulotsitoz, gemolitik anemiya, pantsitopeniya. Allergik reaktsiyalar: qichishish terini qizarishi, anafilaktik va anafilaktoid reaktsiyalari, shok, Stivens-Djonson sindromi, toksik epidermal nekroliz, ekssudativ ko‘p shaklli eritema, fotosensibilizatsiya.

Xinolon guruhiga mansub mikroblarga qarshi vositalarga va preparatning har qanday boshqa komponentlariga o‘ta yuqori sezuvchanlik, tutqanoq, homiladorlik va laktatsiya davri, bolalar va 18 yoshgacha bo‘lgan o‘smirlar, anamnezda xinolonlarni qabul qilish bilan bog‘liq bo‘lgan tendinitlar.

Bir vaqtda: – antatsidlar, ya’ni polivalent kation – saqlovchi preparatlar (magniy/alyuminiy antatsidlari, sukralfat), didenozin yoki kaltsiy, temir yoki rux saqlovchi preparatlar (chaynaladigan tabletkalar va bolalar kukuni), levofloksatsinning so‘rilishini sezilarli pasaytirishi mumkin, bu zardob va siydikdagi darajasi kutilgandan ancha past bo‘lishiga olib keladi. Bu preparatlar, levofloksatsin qabul qilingandan keyin kamida ikki soat o‘tgach yoki qabul qilishdan ikki soat oldin qabul qilinishi kerak. – teofillin bilan, zardobda teofillinning kontsentratsiyasini oshishiga va yarim chiqarilish vaqtini uzayishiga olib kelishi mumkin. Bu teofillinni qabul qilinishi bilan bog‘liq nojo‘ya samaralar xavfini oshishi bilan tugallanishi mumkin. Agarda birga qo‘llashdan saqlanib bo‘lmasa, zardobdagi teofillinning darajasi nazorat qilinishi va dozani muvofiq ravishda to‘g‘rilash o‘tkazilishi kerak. – varfarin bilan, protrombin vaqtini, halqaro me’yorlashtirilgan nisbat (XMN) (International Normalized ratio – NMR) yoki boshqa tegishli antikoagulyant sinamalarni muntazam nazorat qilish lozim. Bemorlar, shuningdek, qon ketishi xavfi yuzasidan kuzatuv ostida bo‘lishlari kerak. – tsiklosporin, digoksin, probenetsid, tsimetidin bilan, levofloksatsinning yoki sanab o‘tilgan preparatlarning dozasini to‘g‘rilash talab qilinmaydi. – klinikagacha bo‘lgan tadqiqotlarda nosteroid yallig‘lanishga qarshi preparatlarni (atsetilsalitsil kislotasidan tashqari) xinolin preparatlari bilan majmuada katta dozalarda qo‘llanganida tirishishlarni qo‘zg‘atgan. – gipoglikemik preparatlari bilan, bemorlarning qonidagi glyukoza darajasini sinchiklab nazorat qilinishi kerak.

Xinolon preparatlarini qabul qilayotgan bemorlarda yelka, qo‘l, axillov paylari va boshqa paylar uzilishi mumkin, ular travmatologik yordamni talab qiladi va uzoq muddat davomida mehnatga yaroqsizlikka olib keladi. Paylarning uzilish xavfi, bir vaqtda kortikosteroid preparatlarni qabul qilayotgan bemorlarda, ayniqsa keksalarda oshadi. Agar bemor payning og‘rishi, yallig‘lanishi yoki uzilishini qayd etsa, levofloksatsin qo‘llanilishini to‘xtatish kerak. Tendinit yoki payni uzilishi tashxis butunlay istisno qilinmagunicha bemorlar davolash kursidan saqlanishlari kerak. Deyarli barcha antibakterial vositalarni qo‘llaganda soxtamembranoz kolit kuzatilishi va og‘irligi bo‘yicha yengil darajadan to hayot uchun xavf tug‘diruvchi holatgacha bo‘lishi mumkin. Shuning uchun antibakterial vositalarni buyurgandan keyin diareya yuz bergan patsiyentlarda tashhisni aniqlash juda muhim. Antibakterial vositalar bilan davolash, yo‘g‘on ichak florasini o‘zgartirish va klostridiylarni haddan ziyod tez o‘sishiga olib kelishi mumkin. Clostridium difficile ishlab chiqaradigan toksin «antibiotik bilan bog‘liq kolitning» birinchi sababchisidir. Soxta membranoz kolit tashxisi aniqlanganidan keyin davolovchi choralarni boshlash kerak. O‘rtacha va og‘ir darajasida infuziya uchun eritmalar, elektrolitlar, oqsillar va Clostridium difficile chaqirgan kolitda klinik jihatdan samarali hisoblangan antibakterial vositalar buyurilishi kerak. Xinolon preparatlarini, shu jumladan levofloksatsinni olayotgan bemorlarda tirishishlar va toksik psixozlar aniqlangan. Boshqa xinolon preparatlari kabi, levofloksatsin ham, markaziy nerv tizimining shubha qilingan yoki aniqlangan kasalliklari bo‘lgan bemorlarda yoki xurujlarga moyillik chaqirishi yoki xurujlar bo‘sag‘asini pasaytirishi (masalan, tserebral arteroskleroz, tutqanoq, teofillin bilan davolash, buyraklar faoliyatining buzilishi) mumkin bo‘lgan boshqa xavf omillari bo‘lganida ehtiyotkorlik bilan qo‘llash kerak. Xinolon preparatlari bilan davolash vaqtida gemolitik reaktsiyalar rivojlanishi tufayli, preparatni glyukoza-6-fosfatdegidrokinaza tanqisligi bo‘lgan bemorlarga ehtiyotkorlik bilan buyurish kerak. Buyraklar faoliyatini buzilishi bo‘lgan bemorlar uchun dozalash tartibini to‘g‘rilash kerak. Fotosensibilizatsiya rivojlanishidan saqlanish uchun bemorlarga kuchli quyosh yoki sun’iy ultrabinafsha nurlanishga uchramaslik tavsiya qilinadi. Fotosensibilizatsiya paydo bo‘lganida davolash to‘xtatilishi kerak. Geriatrik bemorlarda qo‘llanishi Buyraklar faoliyati me’yorida bo‘lgan keksa bemorlarga dozani to‘g‘rilash talab qilinmaydi. Dori vositasini transport vositalarini yoki potentsial xavfli mexanizmlarni boshqarish qobiliyatiga ta’siri Bemorlarni transport vositalarini boshqarish, mexanik qo‘rilmalarga xizmat qilish va boshqa potentsial xavfli faoliyat turlari bilan bog‘liq xavf to‘g‘risida xabardor qilish lozim. Preparatni bolalar ola olmaydigan joyda saqlash va uni yaroqlilik muddati o‘tgach ishlatmaslik lozim.

Simptomlari: ongni chalkashishi, bosh aylanishi, tirishish xurujlari, ko‘ngil aynishi, shilliq qavatlarni shikastlanishi. Davolash: maxsus antidoti yo‘q. Simptomatik davolash o‘tkazish kerak. Gemodializ yoki peritoneal dializ samarasiz.

Retsept bo‘yicha

2 yil.