dumaloq, ikki yoqlama qavariq, diametri taxminan 5,5 mm, bir tomonida “D” va boshqa tomonida “75” markirovka bo‘lgan, oq yoki deyarli oq rangli plyonka qobiq bilan qoplangan tabletkalar.

Tizimli qo‘llash uchun gormonal kontratseptivlar. Progestagenlar.

G03AC09

So‘rilishi Ichga qabul qilinganidan keyin dezogestrel tez so‘riladi va etonogestrelgacha metabolizmga uchraydi. Muvozanatli holatida plazmadagi maksimal kontsentratsiyasiga ichga qabul qilingandan so‘ng 1,8 soatdan keyin erishiladi; etonogestrelning mutloq biokiraolishligi taxminan 70% ni tashkil etadi. Taqsimlanishi va qon plazmasi oqsillari bilan bog‘lanishi Etonogestrel qon plazmasi oqsillari bilan 95,5-99% ga, asosan albumin bilan va kamroq darajada jinsiy gormonlarni bog‘lovchi globulin bilan bog‘lanadi. Biotransformatsiyasi Dezogestrel gidroksil guruhini ajralishi va degidrogenizatsiya yo‘li bilan metabolizmga uchraydi va faol metaboliti etonogestrel hosil bo‘ladi. Etonogestrel metabolizmga uchrab, sulfat va glyukuronid kon’yugatlarini hosil qiladi. Chiqarilishi Bir marta yoki ko‘p marta qabul qiliganida etonogestrelning o‘rtacha yarim chiqarilish davri taxminan 30 soatni tashkil etadi. Qon plazmasida muvozanatli kontsentratsiyalariga 4-5 kundan keyin erishiladi. Etonogestrel vena ichiga yuborilganida zardob klirensi soatiga taxminan 10 l ni tashkil etadi. Etonogestrel va uning metabolitlari erkin steroidlar yoki kon’yugatlar shaklida siydik va ahlat bilan (1,5:1 nisbatda) chiqariladi. Emizikli ayollarda etonogestrel ko‘krak sutiga 0,37-0,55 (sut/qon plazmasi) nisbatida ajralib chiqadi. Ushbu ma’lumotlarni hisobga olgan holda, shuningdek emizikli bolani kuniga 1 kg tana vazniga 150 ml miqdorida ko‘krak sutini iste’mol qilishini hisobga olib, u sutkada taxminan 0,01-0,05 mkg etonogestrel qabul qilishi mumkin.

Kontratseptsiya uchun qo‘llanadi.

Kontratseptiv samaraga erishish uchun preparatni qabul qilish qoidalariga rioya qilish kerak (“Laktinet®­Rixter preparatini qabul qilish qoidalari” va “Laktinet®­Rixter preparatini qabul qilishni qanday boshlash kerak”).

Klinik tadqiqotlar davomida eng ko‘p muntazam bo‘lmagan qon ketishlar kabi noxush nojo‘ya reaktsiyalar (NNR) xaqida xabar berilgan. Dezogestrel qabul qilgan 50% gacha ayollarda muntazam bo‘lmagan qon ketishlar kuzatilgan. Dezogestrel ovulyatsiyani deyarli 100% ga (faqat progestagen saqlovchi boshqa kontratseptivlardan farqli ravishda) susayishiga olib kelishi tufayli, preparatni qabul qilganda kuzatiladigan nomuntazam qon ketishlar faqat progesteron saqlovchi boshqa kontratseptivlarni qabul qilgandagiga nisbatan ko‘proq kuzatiladi. 20-30% ayollarda qon ketishi tez-tez paydo bo‘lishi mumkin, ayni vaqtda boshqa 20% ayollarda – kamroq yoki umuman bo‘lmasligi mumkin. Bundan tashqari  uzoq vaqt qon ketishi kuzatilishi mumkin. Preparatni qabul qilinganidan ikki oy o‘tgach hayz ko‘rish tsikli odatda kamayadi. Hayz ko‘rish tsikli yuzasidan kerakli ma’lumotlarni, shuningdek shifokor maslahatlarini olgan  va hayz ko‘rish kundaligini olib borgan ayol yangi hayz ko‘rish jadvaliga yaxshiroq moslashadi. Dezogestrel yordamida o‘tkazilgan klinik tadqiqotlarning ma’lumotlariga ko‘ra husnbuzar toshmasi, kayfiyatni o‘zgaruvchanligi, sut bezlarida og‘riq, ko‘ngil aynishi va tana vaznini oshishi kabi noxush reaktsiyalar haqida eng ko‘p (> 2,5% hollarda) xabar berilgan. Nohush nojo‘ya reaktsiyalar quyidagi jadvalda sanab o‘tilgan. Nohush reaktsiyalar rivojlanish tez­tezligi va a’zolar tizimining sinfi bo‘yicha tasniflangan. Nohush reaktsiyalar rivojlanish tez­tezligini aniqlash: tez­tez (≥1/100 dan <1/10 gacha), tez­tez emas (≥1/1 000 dan <1/100 gacha) va kam hollarda (≥1/10 000 dan <1/1000 gacha).

Ta’sir etuvchi modda yoki preparatning boshqa har qanday komponentiga yuqori sezuvchanlik (“Tarkibi” bo‘limiga qrang).Preparatni qabul qilishning avvalida venoz tromboemboliya.Jigarni mavjud bo‘lgan yoki o‘tkazilgan jiddiy kasalliklari (preparat jigar sinamalari ko‘rsatkichlari normallashgunicha qo‘llanilmaydi).Diagnostika qilingan yoki gumon qilingan gormonga bog‘liq xavfli o‘smalar.Etiologiyasi aniqlanmagan qindan qon ketishlarida qo‘llash mumkin emas.

Gormonal kontratseptivlar va boshqa dori vositalari o‘rtasidagi o‘zaro ta’sir to‘xtovsiz qon ketishini rivojlanishiga va/yoki kontratseptiv preparatni samarasizligiga olib kelishi mumkin. Adabiyotlardan olingan ma’lumotlarga ko‘ra quyidagi preparatlar (asosan, bu majmuaviy kontratseptivlarga tegishli, biroq faqat progestagen saqlovchi kontratseptivlarga ham tegishli bo‘lishi mumkin) bilan o‘zaro ta’siri yuzasidan xabarlar berilgan. Jigardagi metabolizmi bosqichidagi o‘zaro ta’siri: mikrosomal fermentlarni induktsiya qiluvchi dori preparatlar bilan o‘zaro ta’siri rivojlanishi mumkin, bu jinsiy gormonlarning klirensini oshishiga olib kelishi mumkin (gidantoinlar kabilar (masalan, fenitoin), barbituratlar (masalan, fenobarbital), primidon, karbamazepin, rifampitsin va ehtimol okskarbazepin, topiramat, rifabutin, felbamat, ritonavir, nelfinavir, grizeofulvin va teshik dalachoy (Hypericum perforatum) saqlovchi preparatlar)). Fermentlarni maksimal induktsiyasi kamida 2-3 haftadan keyin kuzatiladi, biroq keyinchalik u davolash to‘xtatilganidan so‘ng kamida 4 hafta davomida saqlanib turishi mumkin. Laktinet®­Rixter preparatini va yuqorida keltirilgan dori preparatlaridan birini qabul qilayotgan ayollarga kontratseptsiyaning to‘siq usullarini vaqtinchalik qo‘llash tavsiya etiladi. Laktinet®­Rixter preparati fermentlarni induktsiya qiluvchi boshqa preparatlar bilan birga qo‘llanganida, davolash kursi davomida va ularni qabul qilishni tugatgandan so‘ng 28 kun davomida kontratseptsiyaning to‘siqli usulidan foydalanish tavsiya etiladi. Jigar fermentlarining induktorlari bilan uzoq vaqt davomida davolanayotgan ayollar uchun nogormonal kontratseptsiya usulidan foydalanishi mumkinligini ko‘rib chiqish kerak. Faollashtirilgan ko‘mir qabul qilinganida tabletkadagi steroidlarini so‘rilishi pasayishi mumkin, demak kontratseptsiyaning samaradorligi ham pasayadi. Ushbu holat preparatni qabul qilishni o‘tkazib yuborishga o‘xshaganligi sababli, bunday holatlarda o‘tkazib yuborilgan tabletkalarni qabul qilishdagi ko‘rsatmalarga rioya qilish kerak (“Qo‘llash usuli va dozalari” bo‘limiga qarang). Gormonal kontratseptivlar boshqa preparatlarning metabolizmiga ta’sir qilishi mumkin. Muvofiq ravishda, ularning qon plazmasi va to‘qimalardagi kontsentratsiyasi oshishi ham (masalan, tsiklosporin) yoki pasayishi ham mumkin. Izoh: kuzatilishi mumkin bo‘lgan o‘zaro ta’sirlarni aniqlash uchun ushbu dori vositalarning qo‘llash bo‘yicha yo‘riqnomalari bilan tanishib chiqish kerak.

Quyida keltirilgan kasalliklar/xavf omillaridan birontasi bo‘lganida, Laktinet®­Rixter preparatini qo‘llashdan kutilgan foyda va mumkin bo‘lgan xavfni shaxsiy baholash va ayol preparatni qabul qilishni boshlashidan oldin ularni muhokama qilishi kerak. Bu kasalliklar paydo bo‘lganida, qaytalanganida yoki zo‘rayganida ayol davolovchi shifokorga murojaat qilishi kerak, va u preparatni bekor qilish haqidagi savolni hal qiladi. Umuman olganda, sut bezi rakini rivojlanish xavfi yosh o‘tgan sari oshib boradi. Ayollarda majmuaviy peroral kontratseptivlar (MOK) ni qabul qilish vaqtida sut bezi rakini rivojlanish xavfi biroz oshgan bo‘ladi. Sut bezi rakini rivojlanish xavfi MOK ni qabul qilish to‘xtatilganidan so‘ng 10 yil davomida asta-sekin pasayadi. Bu xavf MOK larni qabul qilish davomiyligi, bilan emas, balki MOK ni qabul qilayotgan ayolning yoshiga bog‘liq. Quyidagi jadvalda MOK ishlatuvchi 10000 ayol (MOKlarni qabul qilish to‘xtatilganidan so‘ng ko‘pi bilan 10 yil davomida) orasida, shu vaqt davomida MOK ni qabul qilmagan ayollarga nisbatan, sut bezi raki tashxisi taxmin qilingan  holatlar soni keltirilgan. Ma’lumotlar yosh guruhlari bo‘yicha hisoblangan va ifodalangan.

Homiladorlik Laktinet®­Rixter ni homiladorlik davrida qo‘llash mumkin emas. Homiladorlik yuzaga kelganda preparatni qabul qilish to‘xtatiladi. Hayvonlarda o‘tkazilgan tadqiqotlar, progestagen juda katta dozalari urg‘ochi naslida maskulinizatsiya bo‘lishiga olib kelishi mumkinligini ko‘rsatdi. Kengaytirilgan epidemiologik tadqiqotlar vaqtida, homiladorlikdan oldin MOK qabul qilgan ayollardan tug‘ilgan bolalarda tug‘ma rivojlanish nuqsonlari xavfini oshishi ham, yoki homiladorlikni erta muddatlarida MOK ni bexosdan qabul qilganda teratogen ta’sir ham aniqlanmagan. Dezogestrel saqlovchi turli MOK larga nisbatan farmakologik ogohlik ma’lumotlari ham rivojlanishda nuqsonlar xavfini oshishidan dalolat bermaydi. Emizish davri Dezogestrel ko‘krak sutini ishlab chiqarilishiga va uning sifatiga (protein, laktoza yoki yog‘larning kontsentratsiyasi) ta’sir qilmaydi. Biroq etonogestrel (dezogestrelning metaboliti) ning ko‘p bo‘lmagan miqdori ko‘krak suti bilan ajralib chiqadi: chaqaloq kuniga 1 kg tana vazniga 0,01-0,05 mkg (iste’mol qilinadigan sut hajmining taxminan kuniga 150 ml/kg hisobida) etonogestrel qabul qilishi mumkin. Tug‘ruqdan so‘ng 4 haftadan 8 haftagacha bo‘lgan davr davomida Laktinet®­Rixter  preparatini qabul qilishni boshlagan onalardan tug‘ilgan bolalar xususida uzoq muddatli tadqiqotlarning cheklangan ma’lumotlari mavjud. Bolalar 7 oylikkacha emizilganlar. Ular 1,5 yoshgacha (n=32) va 2,5 yoshgacha (n=14) nazoratda bo‘lganlar. Bolalarning bo‘yi, jismoniy va aqliy rivojlanishini baholashda bachadon ichi terapevtik tizim (BITT) dan foydalangan onalardan tug‘ilgan go‘daklarga nisbatan farqlar aniqlanmagan. Mavjud bo‘lgan ma’lumotlarga asosan, Laktinet®­Rixter preparatini emizish davrida qo‘llash mumkin. Shunday bo‘lsada, Laktinet®­Rixter preparatini qabul qiladigan onalardan tug‘ilgan bolalarni o‘sishi va rivojlanishini sinchiklab kuzatish kerak. Fertillik Laktinet®­Rixter preparati homiladorlikni oldini olish uchun mo‘ljallangan. Fertillikni tiklash bo‘yicha ma’lumotlar uchun “Farmakodinamikasi” bo‘limiga qarang.

Dezogestrel transport vositalarini boshqarish va mexanizmlar bilan ishlash qobiliyatiga ta’sir ko‘rsatmaydi yoki biroz ta’sir ko‘rsatadi. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

30oS dan yuqori bo‘lmagan haroratda, yorug‘likdan va namlikdan himoya qilish uchun original o‘ramda saqlansin.

Simptomlari: ko‘ngil aynishi, qusish, yosh qizlarda esa – biroz vaginal qon ketishi kuzatilishi mumkin. Davolash: antidotlari mavjud emas. Simptomatik davolash o‘tkazish tavsiya etiladi.

Retsept bo‘yicha

Qobiq bilan qoplangan 28 tabletka, PVX/PVDX-plyonka va alyumin folgali blisterda. Har bir blister alyumin folgali laminatsiyalangan paketga joylangan. 1 yoki 3 blister qo‘llash bo‘yicha yo‘riqnomasi bilan birga karton qutiga joylangan. Karton qutiga blisterni saqlash uchun yassi karton futlyarga joylangan.

3 yil.