oq yoki deyarli oq rangli, bir tomonida qora rangli “ENZ” markirovkasi bo‘lgan uzunchoq kapsulalar.

antiandrogenlar

L02BB04.

Enzalutamid suvda yaxshi eriydi. Ushbu preparatda enzalutamidni eruvchanligi makroglitseridlarning kaprilokaproli va emulgator/surfaktantni ishlatilgani tufayli oshgan. Klinika oldi tadqiqotlarda enzalutamidni eruvchanligi makroglitseridlardagi kaprilokaprolda eritilganda oshgan. Enzalutamidning farmakokinetikasi prostata bezining raki bo‘lgan patsiyentlarda va sog‘lom ko‘ngillilarda o‘rganilgan. Bir marta og‘iz orqali qabul qilinganidan keyin enzalutamidning yarim chiqarilishini (T½) o‘rtacha davri 5,8 sutkani (2,8 kundan 10,2 kungachani) tashkil qiladi, muvozanat kontsentratsiyasiga esa, taxminan bir oydan keyin erishiladi. Har kuni peroral yuborilganda enzalutamid bir martalik dozaga nisbatan taxminan 8,3 marta tezroq akkumulyatsiyaga uchraydi. Qon plazmasidagi kontsentratsiyasining sutkalik tebranishlari (cho‘qqidan minimumga 1,25 gacha bo‘lgan nisbati) juda oz. Enzalutamidni chiqarilishi, asosan jigar metabolizmi yo‘li orqali amalga oshiriladi va faol metaboliti hosil bo‘ladi, u enzalutamid kabi faol bo‘lib, plazmada taxminan enzalutamidning kontsentratsiyasiga taxminan o‘xshash kontsentratsiyada aylanib yuradi. So‘rilishi Patsiyentlarda enzalutamidning plazmadagi maksimal kontsentratsiyasi (Smax) ichga qabul qilinganidan keyin 1-2 soatdan so‘ng kuzatiladi. Odamlarda og‘irlik muvozanatini o‘rganish asosida, enzalutamidni peroral qabul qilinganida, enzalutamidni so‘rilishi kamida 84,2% darajasida baholanadi. Enzalutamid R-glikoprotein yoki BCRP ning efflyuks transportterlarini substrati hisoblanmaydi. Enzalutamid va uning faol metabolitining barqaror darajasi, Cmax o‘rtacha ko‘rsatkichi muvofiq ravishda 16,6 pg/ml (variatsiya koeffitsenti [CV] 23%) va 12,7 pg/ml (CV 30%) ni tashkil etadi. Ovqat qabul qilish enzalutamidni so‘rilish darajasiga ahamiyatli ta’sir ko‘rsatmaydi. Klinik tadqiqotlarda Kstandi ovqat qabul qilishdan qatiy nazar qo‘llangan. Taqsimlanishi Bir marta peroral qabul qilinganidan keyin patsiyentlarda enzalutamidning o‘rtacha taqsimlanish hajmi 110 l (CV 29%) ni tashkil qiladi. Enzalutamidning taqsimlanish hajmi organizmdagi suyuqlikning miqdorini umumiy hajmidan ko‘p, bu periferik to‘qimalarda faol taqsimlanishini ko‘rsatadi. Kemiruvchilarda o‘tkazilgan tadqiqotlar, enzalutamid va uning faol metaboliti gematoentsefalik to‘siq orqali o‘ta olishi mumkinligini ko‘rsatdi. Enzalutamid plazma oqsillari bilan, birinchi navbatda albumin bilan 97-98% ga bog‘lanadi. Faol metaboliti plazma oqsillari bilan 95% ga bog‘lanadi. In vitro sharoitdagi tadqiqotlarda, enzalutamid va oqsillar bilan yuqori bog‘lanish xususiyatiga ega bo‘lgan boshqa preparatlar (varfarin, ibuprofen va salitsil kislotasi) o‘rtasida plazma oqsillari bilan bog‘lanishda o‘rnini egallash holatlari aniqlanmagan. Metabolizmi Enzalutamid faol metabolizmga uchraydi. Odamning qon plazmasida ikkita asosiy metaboliti bo‘ladi: N-desmetil enzalutamid (faol) va karbon kislotasining hosila preparati (nofaol). Enzalutamid, faol metabolitining shakllanishida muhim rol o‘ynaydigan CYP2C8 va, kamroq darajada CYP3A4/5 fermentlari tomonidan metabolizmga uchraydi. In vitro sharoitdagi tadqiqotlarda N-desmetil enzalutamid karboksilesteraza 1 hisobiga karbon kislotasining metabolitigacha metabolizmga uchraydi, u ham shuningdek enzalutamidni karbon kislotasining metabolitigacha bo‘lgan metabolizmida uncha katta bo‘lmagan rol o‘ynaydi. N-desmetil enzalutamid in vitro sharoitlarda CYP fermentlari tomonidan metabolizmga uchramagan. Klinik qo‘llash sharoitlarida enzalutamid CYP3A4 fermentining kuchli induktori, CYP2C9 va CYP2C19 fermentlarining o‘rtacha induktori hisoblanadi va CYP2C8 fermentiga klinik ahamiyatli ta’sirga ega emas. Chiqarilishi Patsiyentlarda enzalutamidning o‘rtacha taxminiy klirensi soatiga 0,520 l dan 0,564 l gachani tashkil etadi. Nishonlangan 14S-enzalutamid og‘iz orqali qabul qilinganida radiofaol dozaning taxminan 84,6% chiqarilgan: 71,0% buyraklar orqali chiqarilgan (birinchi navbatda nofaol metaboliti sifatida ahamiyatsiz miqdordagi enzalutamid bilan va faol metaboliti) va 13,6% ichak orqali chiqarilgan (enzalutamidning 0,39% dozasi o‘zgarmagan holda). Laborator tadqiqotlardan olingan ma’lumotlar, enzalutamid OATR1V1, OATR1V3 yoki OST1 uchun substrat hisoblanmasligini; N-desmetil enzalutamid R-glikoprotein yoki BCRP uchun substrat hisoblanmasligini ko‘rsatdi. Laborator tadqiqotlardan olingan ma’lumotlar, enzalutamid va uning faol metabolitlari klinik ahamiyatli kontsentratsiyalarda quyidagi transporterlar: OATR1V1, OATR1V3, OST2 ni ingibitsiya qilmasligini ko‘rsatdi. Proportsionallik 40 dan 160 mg gacha bo‘lgan dozalar diapazonida dozaning proportsionalligida jiddiy siljishlar kuzatilmaydi. Enzalutamid va uning faol metabolitining Cmin barqaror darajasining qiymatlari ayrim patsiyentlarda bir yildan ortiq davomiylikdagi davolash davomida o‘zgarmasdan qolib, kontsentratsiyaning barqaror darajasiga erishilgandan keyin vaqtinchalik bir tekis farmakokinetikani namoyish etdi.

Kstandi quyidagilarni davolash uchun qo‘llaniladi: ximioterapiyaga klinik ko‘rsatmalar yo‘qligida patsiyentlarda simptomsiz yoki o‘rtacha simptomlar bilan kechuvchi androgendeprivatsion davolash fonida progressiyasi kuzatilgan prostata bezining metastatik kastratsion-rezistent raki,patsiyentlarda dotsetakselni o‘z ichiga olgan ximioterapiya vaqtida yoki ximioterapiyadan keyin kasallikni progressiyasi kuzatilgan prostata bezining metastatik kastratsion-rezistent raki.

Kstandi peroral qo‘llaniladi. Dozalari Kstandining tavsiya etilgan sutkalik dozasi kuniga 1 marta 160 mg ni (40 mg dan to‘rt kapsula) tashkil qiladi. Kapsulalarni butunligicha, suv bilan yutish kerak, ularni ovqat qabul qilishdan qat’iy nazar qabul qilish mumkin. Jarrohlik kastratsiya operatsiyasi o‘tkazilmagan patsiyentlarda davolanish vaqtida LGRG analogini qo‘llash bilan o‘tkaziladigan medikamentoz kastratsiya davom ettirilishi lozim. Agar patsiyent odatdagi vaqtda Kstandini qabul qilishni o‘tkazib yuborgan bo‘lsa, belgilangan dozani odatdagi vaqtiga iloji boricha yaqinroq qabul qilishi kerak. Agar patsiyent preparatni qabul qilishni butun kun davomida o‘tkazib yuborgan bo‘lsa, davolashni keyingi kuni odatdagi sutkalik dozada tiklashi kerak. Agar patsiyentda 3 darajali va yuqori toksiklik yoki xavfli noxush reaktsiyalar rivojlansa, preparatni qabul qilishni bir xaftaga yoki simptomlar 2-daraja va pastroqqa pasaygunicha bekor qilish kerak, so‘ngra esa, agar bu afzal deb hisoblansa, qabul qilishni shu dozada yoki kamaytirilgan dozada (120 yoki 80 mg) qaytadan boshlash kerak. CYP2C8 fermentining kuchli ingibitorlari bilan bir vaqtda qo‘llash Iloji boricha, CYP2C8 fermentining kuchli ingibitorlari bilan bir vaqtda qo‘llashdan saqlanish kerak. Agar patsiyent bir vaqtda CYP2C8 fermentining kuchli ingibitorini qabul qilishi kerak bo‘lsa, enzalutamidning dozasini kuniga bir marta 80 mg gacha pasaytirish kerak. Agar CYP2C8 fermentining kuchli ingibitorini qo‘llash to‘xtatilgan bo‘lsa, enzalutamidning dozasini dastlabki darajasigacha oshirish kerak. Maxsus patsiyentlar guruhi Keksa odamlar uchun dozaga tuzatish kiritishga zarurat yo‘q. Yengil, o‘rtacha va og‘ir jigar yetishmovchiligi (Chayld-Pyu shkalasi bo‘yicha A, V va S sinflari) bo‘lgan patsiyentlarda enzalutamidning dozasiga tuzatish kiritishga zarurat yo‘q. Biroq og‘ir jigar yetishmovchiligi bo‘lgan patsiyentlarda preparatni yarim chiqarilish davrini oshishi aniqlangan. Yengil va o‘rtacha buyrak yetishmovchiligi bo‘lgan patsiyentlarda dozaga tuzatish kiritishga zarurat yo‘q. Og‘ir buyrak yetishmovchiligi bo‘lgan patsiyentlarda va buyrak yetishmovchiligining terminal bosqichi bo‘lgan patsiyentlarda preparat ehtiyotkorlik bilan qo‘llanishi kerak. Preparatni bolalarda prostata bezining metastatik kastratsion-rezistent rakini davolash uchun qo‘llash mumkinligi to‘g‘risida ma’lumotlar yo‘q.

Eng ko‘p uchraydigan noxush reaktsiyalari asteniya/toliqish, “qizib ketishlar”, bosh og‘rig‘i va gipertoniya bo‘lgan. Boshqa muhim noxush reaktsiyalar yiqilishlar, nopatologik sinishlar, kognitiv buzilishlar va neytropeniyani o‘z ichiga olgan. Tirishishlar enzalutamid guruhida 0,4% patsiyentda va platsebo guruhida 0,1% patsiyentda kuzatilgan. Enzalutamid bilan davolashda orqa qaytuvchan entsefalopatiya sindromining kam uchraydigan holatlari kuzatillgan. Quyida klinik tadqiqotlar davomida kuzatilgan nohush reaktsiyalari keltirilgan va tez-tezligi bo‘yicha taqsimlangan. Uchrash tez-tezligi mezonlari quyidagicha taqsimlangan: juda tez-tez (≥1/10); tez-tez (≥1/100 dan <1/10 gacha); tez-tez emas (≥1/1000 dan <1/100 gacha); kam (≥1/10000 dan <1/1000 gacha); juda kam (<1/10000 gacha), noma’lum (mavjud ma’lumotlar asosida baholashning iloji yo‘q). Barcha nohush reaktsiyalar har bir guruhda jiddiyligini kamayishi tartibida keltirilgan.

Faol komponentga yoki preparatning yordamchi moddalaridan birontasiga o‘ta yuqori sezuvchanlik. Ayollar va 18 yoshgacha bo‘lgan bolalarda qo‘llash mumkin emas.

Enzalutamid fermentlarning kuchli induktori bo‘lib, ko‘pchilik tez-tez ishlatiladigan dori vositalarining samaradorligini pasayishiga olib kelishi mumkin. Shuning uchun, enzalutamid bilan davolashni boshlashda, bir vaqtda qo‘llanadigan dori vositalarining tahlilini o‘tkazish kerak. Enzalutamidni ko‘pchilik metabolizmda qatnashuvchi fermentlar yoki tranporterlarning sezgir substratlari bo‘lgan dori vositalari bilan, agar ularning terapevtik ta’siri patsiyent uchun katta ahamiyatga ega bo‘lsa, shuningdek agar samaradorligi yoki plazmadagi kontsentratsiyasi asosida dozaga tuzatish kiritishning iloji bo‘lmasa, bir vaqtda qo‘llashdan saqlanish kerak. Varfarin va kumaringa o‘xshash antikoagulyantlar bilan bir vaqtda qo‘llashdan saqlanish kerak. Agar Kstandi CYP2C9 fermenti tomonidan metabolizmga uchraydigan antikoagulyant (masalan, varfarin yoki atsenokumarol) bilan birga ishlatilayotgan bo‘lsa, xalqaro normallashgan nisbatni (XNN) qo‘shimcha nazorati talab qilinadi. CYP2C8 ingibitorlari CYP2C8 fermenti enzalutamidning chiqarilishi va uning faol metabolitini shakllanishida muhim rol o‘ynaydi. Enzalutamid bilan davolanish vaqtida CYP2C8 fermentining kuchli ingibitorlarni (masalan, gemfibrotsil) qabul qilishdan saqlanish, yoki ularni ehtiyotkorlik bilan qo‘llash kerak. CYP2C8 ning kuchli ingibitori gemfibrozilni (600 mg dan kuniga ikki marta) peroral qo‘llangandan so‘ng sog‘lom erkak patsiyentlarda enzalutamidning AUC ko‘rsatkichi 326% ga oshgan, ayni paytda enzalutamidning Cmax ko‘rsatkichi 18% ga kamaygan. Bog‘lanmagan enzalutamid plyus bog‘lanmagan faol metabolitning yig‘indisida AUC ko‘rsatkichi 77% ga oshgan, ayni paytda Cmax ko‘rsatkichi 19% ga kamaygan. Enzalutamid bilan davolanish vaqtida CYP2C8 fermentining kuchli ingibitorlarni (masalan, gemfibrotsil) qabul qilishdan saqlanish, yoki ularni ehtiyotkorlik bilan ishlatish kerak. Agar patsiyentlarda CYP2C8 ning kuchli ingibitorlarni birga qo‘llash zarurati bo‘lsa, enzalutamidning dozasini kuniga bir marta 80 mg gacha pasaytirish kerak. CYR3A4  ingibitorlari CYR3A4 fermenti enzalutamidning metabolizmida ahamiyatsiz rol o‘ynaydi. Sog‘lom ko‘ngillilar tomonidan CYR3A4 fermentining kuchli ingibitori itrakonazol (200 mg kuniga bir marta) qabul qilinganidan keyin, enzalutamidning AUC ko‘rsatkichi 41% ga oshgan, ayni paytda Smax esa o‘zgarmagan. Bog‘lanmagan enzalutamid plyus bog‘lanmagan faol metabolitning yig‘indisida AUC ko‘rsatkichi 27% ga oshgan, ayni paytda Cmax ko‘rsatkichi esa yana o‘zgarmagancha qolgan. Kstandini CYR3A4 ingibitorlari bilan birga qo‘llanganida, dozaga tuzatish kiritish talab etilmaydi. CYP2C8 va CYR3A4 induktorlari CYP2C8 fermentining o‘rtacha induktori va CYR3A4 fermentining kuchli induktori bo‘lgan rifampitsin preparatini (600 mg dan kuniga bir marta har kuni) peroral qo‘llangandan so‘ng sog‘lom ko‘ngillilarda enzalutamid plyus faol metabolitning AUC ko‘rsatkichi 37% ga pasaygan, Cmax ko‘rsatkichi esa o‘zgarmagan. Kstandini CYP2C8 yoki CYR3A4 induktorlari bilan birga qo‘llanganda dozaga tuzatish kirtish talab etilmaydi. Fermentlarning induktsiyasi Enzalutamid fermentlarning kuchli induktori bo‘lib, ko‘pchilik fermentlar va transporterlarning sintezini oshiradi, shuning uchun u fermentlarning substratlari yoki transporterlari hisoblangan ko‘pchilik oddiy dori vositalari bilan o‘zaro ta’sirga kirishadi. Plazmadagi kontsentratsiyasini pasayishi jiddiy bo‘lishi va klinik samarasini yo‘qolishiga yoki kamayishiga olib kelishi mumkin. Shuningdek faol metabolitlarini hosil bo‘lishini oshish xavfi ham mavjud. Hosil bo‘lishi qo‘zg‘alishi mumkin bo‘lgan fermentlarga jigar va ichakdagi CYP3A fermenti, CYP2C9, CYP2C19, CYP1A2 va uridin-5-difosfat glyukuronoziltransferaza kiradi. Shuningdek transport oqsili R-glikoproteinni va boshqa transporterlarning, shuningdek, masalan, ko‘p sonli doriga rezistentlik oqsili – 2 (MRP2) oqsili, sut bezi rakiga rezistentlik oqsili (VCRP) va organik anion- transporter polipeptidi 1V1 (OATR1V1) ning induktsiyasi kuzatilishi mumkin. In vivo sharoitdagi tadqiqotlar enzalutamidni CYP3A4 ning kuchli induktori va CYP2C9 va CYP2C19 ning o‘rtacha induktori ekanligini ko‘rsatadi. Prostata bezi raki bo‘lgan bemorlarda enzalutamidni (160 mg kuniga bir marta) birga qo‘llash, midazolamning (CYP3A4 ning substrati) AUC ko‘rsatkichini 86% ga pasayishiga, S-varfarinning (CYP2C9 ning substrati) AUC ko‘rsatkichini 56% ga pasayishiga va omeprazolning (CYP2C19 ning substrati) AUC ko‘rsatkichini 70% ga pasayishiga olib kelgan. Shunngdek UGT1A1 fermentini induktsiyasi yuz berishi mumkin. Prostata bezining KKR bo‘lgan patsiyentlar ishtirokida o‘tkazilgan klinik tadqiqotlarda Kstandini (160 mg dan kuniga bir marta) qabul qilish, vena ichiga (v/i 75 mg/m2 har 3 haftada) yuboriladigan dotsetakselning farmakokinetikasiga ahamiyatli ta’sir ko‘rsatmagan. Dotsetakselning AUC ko‘rsatkichi 12% ga pasaygan [o‘rtacha geometrik nisbat (O‘GN) = 0,882 (90% li II: 0,767, 1,02)], ayni paytda Smax esa 4% ga pasaygan [O‘GN = 0,963 (90% li II: 0,864, 1,11)]. Shuningdek metabolizm yoki faol transport jarayonida chiqarilishiga uchraydigan ayrim dori vositalari bilan preparat o‘zaro ta’sirga kirishadi. Agar ularning terapevtik samarasi patsiyent uchun katta ahamiyatga ega bo‘lsa va samaradorligi yoki plazmadagi kontsentratsiyasining nazorati asosida dozaga tuzatish kiritish oson bo‘lmasa, bu dori vositalarini qabul qilishdan saqlanish yoki ularni ehtiyotkorlik bilan ishlatish kerak. Paratsetamol qabul qilingandan so‘ng jigarni shikastlanish xavfi, ferment induktorlari bir vaqtda yuborilgan patsiyentlarda yuqoriroq ekanligi taxmin qilinadi. Preparat bilan o‘zaro ta’sirga kirishishi mumkin bo‘lgan dori vositalari guruhiga cheklanmagan holda quyidagilar kiradilar: Analgetiklar (masalan, fentanil, tramadol)Antibiotiklar (masalan, klaritromitsin, doksitsiklin)O‘smalarga qarshi preparatlar (masalan, kabazitaksel)Antikoagulyantlar (masalan, atsenokumarol, varfarin)Tutqanoqqa qarshi vositalar (masalan, karbamazepin, klonazepam, fenitoin, primidon, valproat kislotasi)Neyroleptiklar (masalan, galoperidol)Beta-blokatorlar (masalan, bisoprolol, propranolol)Kaltsiy kanallarining blokatorlari (masalan, diltiazem, felodipin, nikardipin, nifedipin, verapamil)Yurak glikozidlari (masalan, digoksin).Kortikosteroidlar (masalan, deksametazon, prednizolon)OITV-infektsiyasini davolash uchun viruslarga qarshi preparatlar (masalan, indinavir, ritonavir)Uyqu vositalari (masalan, diazepam, midazolam, zolpidem)CYP3A4 fermenti ishtirokida metabolizmga uchraydigan statinlar (masalan, atorvastatin, simvastatin)Tireoid vositalar (masalan, levotiroksin) Enzalutamidning barcha induktsion imkoniyatlari davolash boshlanganidan keyin taxminan 1 oy o‘tgach, enzalutamidning plazmadagi barqaror kontsentratsiyasiga erishilganidan keyin namoyon bo‘lishi mumkin. CYP3A4, CYP2S9, CYP2S19, CYP1A2 yoki UGT1A1 fermentlarining substratlari bo‘lgan dori preparatlarini qabul qilayotgan patsiyentlarda, enzalutamid bilan davolashning birinchi oyi davomida farmakologik o‘zaro ta’sirni mumkin bo‘lgan pasayishini (yoki faol metabolitlari hosil bo‘lgan holda o‘zaro ta’sirni oshishini) baholash kerak. Enzalutamidning davomli yarim chiqarilish davrini (5,8 sutka) hisobga olib, fermentlarning hosil bo‘lishiga ta’siri enzalutamidni qo‘llash to‘xtatilganidan keyin bir oy va ko‘proq vaqt davomida saqlanishi mumkin. Enzalutamid bilan davolash to‘xtatilganida yondosh qo‘llanadigan dori vositalarining dozasini asta-sekin pasaytirish talab qilinishi mumkin. CYP1A2 va CYP2A8 fermentlaring substratlari Enzalutamid (160 mg dan kuniga bir marta) kofein (CYP1A2 ning substrati) yoki pioglitazon (CYP2A8 ning substrati) ning AUC yoki Cmax ko‘rsatkichida klinik ahamiyatli o‘zgarishlar chaqirmagan. Pioglitazonning AUC ko‘rsatkichi 20% ga oshgan, ayni paytda Cmax ko‘rsatkichi 18% ga pasaygan. Kofeinning AUC va Cmax ko‘rsatkichlari muvofiq ravishda 11% va 4% ga pasaygan. Agar CYP1A2 va CYP2A8 fermentlarning substratlari Kstandi bilan birga qo‘llanilsa, dozaga tuzatish kiritish talab etilmaydi. R-glikoprotein substratlari In vitro sharoitidagi tadqiqotlar enzalutamid R-glikoproteinning efflyuksli transporterining ingibitori bo‘lishi mumkinligini ko‘rsatadi. Enzalutamidni in vivo sharoitida R-glikoproteinning substratlariga ta’siri baholanmagan, lekin klinik qo‘llash sharoitlarida enzalutamid yadroli pregnan-retseptorining (pregnan-X-retseptori) faollanishi orqali R-glikoproteinning induktori bo‘lishi mumkin. R-glikoproteini uchun substrat bo‘lgan tor terapevtik diapazonli dori preparatlarni (masalan, kolxitsin, dabigatron eteksilat, digoksin) Kstandi bilan bir vaqtda qo‘llanganida ehtiyotkorlik bilan ishlatish kerak, plazmadagi optimal kontsentratsiyasini bir maromda tutib turish uchun esa, dozaga tuzatish kiritish talab qilinishi mumkin. Sut bezi rakiga rezistentlik oqsillari (BCRP), ko‘p sonli doriga rezistentlik oqsili – 2 (MRP2) oqsillari, 3 turdagi odam organik anionlarini transporteri (OFTZ) va odam organik kationlari 1 transporteri (OST1) substratlari Laborator tekshirishlarining ma’lumotlari asosida, BCRP va MRP2 (ichakda), shuningdek 3 turdagi odam organik anionlarini transporteri (OFTZ) va odam organik kationlari 1 transporteri (OST1) (tizimli) ingibitsiya qilinishini inkor etib bo‘lmaydi. Nazariy jihatdan, bu transporterlarning induktsiyasi bo‘lishi ham mumkin, va hozirgi vaqtda yig‘indi samara noma’lum. QT intervalini uzaytiruvchi preparatlar Androgendeprivatsion terapiya QT intervalini uzaytirishi mumkinligi tufayli, Kstandini QT intervalini uzaytiruvchi preparatlar bilan, shuningdek “piruet” turidagi yurak qorinchalari taxikardiyasini yuz berishini chaqirishi mumkin bo‘lgan, IA sinfi antiaritmik preparatlari (masalan, xinidin, dizopiramid) yoki III sinfi antiaritmik preparatlari (masalan, amiodaron, sotalol, dofetilid, ibulitid), metadon, moksifloksatsin, neyroleptiklar va boshqalar bir vaqtda qo‘llanilishi sinchkov baholanishi lozim. Enzalutamidning ta’siriga ovqatni ta’siri Ovqat iste’mol qilish enzalutamidning ta’sir darajasiga klinik ahamiyatli ta’sir ko‘rsatmaydi. Klinik tadqiqotlarda Kstandini ovqat qabul qilishdan qat’iy nazar qo‘llangan.

Homiladorolik va laktatsiya Ayollarda Kstandi preparatini qo‘llash mumkin emas. Erkaklar va ayollar uchun kontratseptsiya Enzalutamid va uning metabolitlarini spermada mavjudligi xaqida ma’lumotlar yo‘q. Agar patsiyent homilador ayol bilan jinsiy aloqada bo‘lsa, enzalutamid bilan davolanish vaqtida va keyin 3 oy davomida prezervativni ishlatish talab qilinadi. Agar patsiyent tug‘ruq yoshidagi ayol bilan jinsiy aloqada bo‘lsa, davolanish vaqtida va keyin 3 oy davomida kontratseptsiyaning boshqa samarali usullari bilan bir qatorda prezervativ ishlatishi kerak. Hayvonlarda o‘tkazilgan tadqiqotlar preparatning reproduktiv toksikligini ko‘rsatgan. Urug‘lantirish qobiliyati Hayvonlarda o‘tkazilgan tadqiqotlar enzalutamidni erkak kalamushlar va itlarning reproduktiv tizimiga ta’sir qilishini ko‘rsatgan.

30oS dan yuqori bo‘lmagan haroratda saqlansin.

Enzalutamidning antidoti mavjud emas. Doza oshirib yuborilgan holda enzalutamid bilan davolashni to‘xtatish va 5,8 sutka yarim chiqarilish davrini hisobga olgan holda umumiy choralarni ko‘rish kerak. Doza oshirib yuborilganidan keyin patsiyentlarda tirishishlarni rivojlanish xavfi yuqori bo‘lishi mumkin.

Shifokor retsepti bo‘yicha

Kapsulalar 40 mg. 28 kapsuladan PVX/PXTF alyumin folga blisterda. 1 blisterdan karton g‘ilofda.          4 karton g‘ilofdan (112 kapsula) tibbiyotda qo‘llash bo‘yicha yo‘riqnomasi bilan birga karton qutida.

2 yil.