dumaloq ikki yoqlama qavariq yuzali, to‘q-pushti rangli (15 mg doza uchun), qizil-jigarrang rangli (20 mg doza uchun) plenka qobiq bilan qoplangan, “15” gravirovkali (15 mg doza uchun), “20” gravirovkali (20 mg doza uchun) va bir tomonida uchburchak, boshqa tomonida – bayer firmasining xoji bo‘lgan tabletkalar.

Antikoagulyantlar. Xa omilining bevosita ingibitorlari. Rivaroksaban.

V01AF01.

So‘rilishi va biokiraolishligi Rivaroksaban tez so‘riladi; maksimal kontsentratsiyasiga (Cmax) tabletka qabul qilinganidan keyin 2-4 soat o‘tgach erishiladi. Ichga qabul qilinganidan keyin rivaroksabanning so‘rilishi deyarli to‘liq va 10 mg doza qabul qilinganidan keyin biokiraolishligi yuqori va 80-100% ni tashkil qiladi.  Ovqat qabul qilish 10 mg rivaroksabanning AUC (“kontsentratsiya-vaqt” egri chiziq ostidagi maydoni) yoki Cmax  ga (maksimal kontsentratsiya) ta’sir qilmaydi. Och qoringa 20 mg tabletka qabul qilinganidan keyin, so‘rilish darajasini pasayishi oqibatida rivaroksabanning biokiraolishligi 66% ni tashkil qiladi. Ksarelto® 20 mg ovqat bilan birga qabul qilinganida AUC ni o‘rtacha ko‘rsatgichi, och qoringa qabul qilganda aniqlangan ko‘rsatgich bilan solishtirganda 39% ga oshishi kuzatiladi, bu deyarli to‘liq biokiraolishligini va ichga qabul qilinganida yuqori biokiraolishini ko‘rsatadi. Ksarelto® 15 mg va 20 mg ni ovqat qabul qilish bilan birga qabul qilish kerak (“Qo‘llash usuli va dozalari” bo‘limiga qarang). Ovqat qabul qilish sharoitlarida Ksarelto® 10 mg, 15 mg va 20 mg dozalarning proportsionalligi bilan xarakterlanadi. Rivaroksabanning farmakokinetikasi o‘rtacha o‘zgaruvchanlik bilan xarakterlanadi; shaxsiy o‘zgaruvchanlik (variotsion koeffitsiyent) 30% dan 40% gachani tashkil qiladi. Taqsimlanishi Odam organizmida rivaroksabanning katta qismi (92-95%) plazma oqsillari bilan bog‘langan, bunda asosiy bog‘lovchi komponent zardob albuminidir. Taqsimlanish hajmi – o‘rtacha, VSS taxminan 50 l ni tashkil qiladi. Metabolizmi va chiqarilishi Rivaroksaban asosan metabolitlari shaklida (buyurilgan dozasini taxminan 2/3) siydik va ahlat bilan teng nisbatlarda chiqariladi. Dozaning uchdan bir qismi o‘zgarmagan holda bevosita buyrak ekskretsiyasi orqali, asosan faol buyrak sekretsiyasi bilan chiqariladi. Rivaroksabanning metabolizmi CYP 3A4, CYP 2J2 izofermentlari, shuningdek tsitoxrom R450 tizimiga bog‘liq bo‘lmagan fermentlar tomonidan amalga oshiriladi. Biotransformatsiyasining asosiy joyi, oksidlanishli degradatsiyaga duchor bo‘luvchi morfolin guruhi va gidrolizga uchrovchi amid guruhlari hisoblanadi. In vitro sharoitda olingan ma’lumotlar bo‘yicha, rivaroksaban P-gp (R-glikoproteini) olib o‘tuvchi-oqsillar va Bcrp (sut bezining rakiga chidamli oqsil) uchun substrat hisoblanadi. O‘zgarmagan rivaroksaban odam plazmasidagi juda muhim birikma hisoblanadi, ahamiyatli yoki faol aylanib yuruvchi metabolitlari plazmada aniqlanmagan. Tizimli klirensi taxminan soatiga 10 l ni tashkil qiluvchi rivaroksaban, klirensi past dori vositalariga kiritilishi mumkin. Rivaroksabanni plazmadan chiqarilishida yarim chiqarilishining terminal davri yosh patsiyentlarda 5 soatdan 9 soatgachani va keksa patsiyentlarda – 11 soatdan 13 soatgachani tashkil qiladi. Jins Erkaklar va ayollarda farmakokinetikasining klinik ahamiyatli farqlari aniqlanmagan. Keksalar Keksa patsiyentlarda plazmadagi rivaroksabanning kontsentratsiyasi yosh patsiyentlardagiga qaraganda yuqori,  AUC ni o‘rtacha qiymati yosh patsiyentlardagi shu qiymatdan, asosan pasaygan umumiy va buyrak klirensi oqibatida, taxminan 1,5 marta yuqori. Turli vazn toifalari O‘ta kichik yoki katta tana vazni (50 kg dan kam va 120 kg dan ko‘p) plazmadagi rivaroksabanning kontsentratsiyasiga faqat ahamiyatsiz ta’sir qiladi (farqi 25% dan kamroqni tashkil qiladi). Dozaga tuzatish kiritish talab qilinmaydi. Bolalar Bolalar va 18 yoshdan kichik o‘smirlarda xavfsizligi va samaradorligi aniqlanmagan. Irqlararo farqlar Yevropoid, afro-amerika, lotin amerikasi, yapon yoki xitoy irqiga mansub bo‘lgan patsiyentlardagi farmakokinetikasi va farmakodinamikasida klinik ahamiyatli farqlar kuzatilmagan. Jigar yetishmovchiligi Jigar tsirrozi va yengil darajali jigar yetishmovchiligi (Chayld-Pyu bo‘yicha A sinfi) rivaroksabanning farmakokinetikasi nazorat guruhi sog‘lom sinaluvchilarning muvofiq ko‘rsatgichlaridan faqat ahamiyatsiz farqlangan (rivaroksabanning AUC ni o‘rtacha 1,2 marta oshishi aniqlangan). Jigar tsirrozi va og‘irligi o‘rtacha darajali jigar yetishmovchiligi (Chayld-Pyu bo‘yicha V sinfi) rivaroksabanning o‘rtacha, sog‘lom ko‘ngilliklar bilan solishtirganda ahamiyatli (2,3 marta) yuqori bo‘lgan. AUC bilan bog‘liq bo‘lmagan oshish 2,6 marta bo‘lgan. Bu patsiyentlarda shuningdek rivaroksabanning buyrak ekskretsiyasini, buyraklar faoliyatini o‘rtacha buzilishi bo‘lgan patsiyentalardagi bilan o‘xshash pasayishi bo‘lgan. Xa omilining faolligini bostirilishi, sog‘lom ko‘ngillilardagiga nisbatan kuchliroq ifodalangan (2,6 marta). Protrombin vaqti xam sog‘lom ko‘ngillilardagi ko‘rsatgichlardan 2,1 marta yuqori bo‘lgan. O‘rtacha jigar yetishmovchiligi bo‘lgan patsiyentlar rivaroksabanga sezuvchanroq bo‘lganlar, bu ayniqsa rivaroksabanning plazmadagi kontsentratsiyasi va protrombin vaqti orasidagi yaqinroq farmakokinetik va farmakodinamik o‘zaro bog‘liqlik bilan ifodalanadi. Ksarelto®ni klinik ahamiyatli qon ketishi xavfini belgilovchi, shu jumladan Chayld-Pyu bo‘yicha V va S sinfi patsiyentlarda, koagulopatiya bilan kechuvchi jigar kasalliklari bo‘lgan patsiyentlarda qo‘llash mumkin emas. Buyrak yetishmovchiligi Buyrak yetishmovchiligi bo‘lgan patsiyentlarda rivaroksabanning kreatinin klirensi bo‘yicha aniqlanadigan buyrak faoliyatini pasayishiga teskari praportsional o‘zaro ta’siri darajasini oshishi kuzatiladi. Yengil (kreatinin klirensi minutiga 80-50 ml), o‘rtacha og‘ir (kreatinin klirensi minutiga 30-49 ml), yoki og‘ir (kreatinin klirensi minutiga 15-29 ml) buyrak yetishmovchiligi bo‘lgan bemorlarda, plazmada rivaroksabanning kontsentratsiyasini (AUC) muvofiq 1,4-, 1,5- va 1,6 marta oshishi kuzatilgan. Farmakodinamik samaralarining muvofiq oshishi yaqqolroq bo‘lgan.

dimlangan yurak yetishmovchiligi, gipertenziya, >75 yosh, qandli diabet, insult yoki anamnezdagi tranzitor ishemik ataka kabi bir yoki bir necha xavf omillari bo‘lgan, klapanga bog‘liq bo‘lmagan fibrillyatsiyasi bo‘lgan patsiyentlarda insult va tizimli tromboemboliyani oldini olish.chuqur venalar trombozi va o‘pka arteriyasining tromboemboliyasini davolash.katta patsiyentlarda takroriy chuqur venalar trombozi va o‘pka arteriyasining troboemboliyasini oldini olishda qo‘llaniladi.

Ichga qabul qilish uchun buyuriladi. Ksarelto® 15 mg va 20 mg ni ovqatlanish vaqtida qabul qilish kerak. Agar patsiyent tabletkani butunligicha yutish qobiliyatiga ega bo‘lmasa, tabletkani maydalash va bevosita qabul qilish oldidan suv yoki yumshoq konsistentsiyali ovqat, masalan, olma pyuresi bilan aralashtirib iste’mol qilish, shundan keyin ovqat qabul qilish kerak. Katta bo‘lmagan miqdordagi suvda suyultirilgan Ksarelto®ning maydalangan tabletkasini me’da zondi orqali berish mumkin, bunda tabletkani qabul qilish oldidan, zondni xaqiqatda me’dadaligiga ishonch hosil qilish kerak. Maydalangan tabletka zond orqali yuborilganidan keyin, oldin zondni suv bilan yuvish, so‘ngra esa enteral ovqatni yuborish kerak.

Ksarelto®ning xavfsizligi II tadqiqotlarning III fazasi vaqtida 32625 patsiyentlarda baxolangan. Bunda Ksarelto®ning xavfsizligi 10 mg dozada 39 kungacha davomiylikdagi qabulda, tizza yoki chanoqson bo‘g‘imida rejali tiklash jarrohlik aralashuvlarni o‘tkazgan 6097 patsiyentlarda baxolangan. CHVT va O‘ATE ni davolash va ularning qaytalanishini oldini olishdagi Ksarelto®ning xavfsizligi  kuniga ikki marta 15 mg dozada 3 hafta davomida, keyingi kuniga bir marta 20 mg dozada 21 oygacha davr davomida qabul qilish bilan 4556 patsiyentlarda baholangan. Insult va tizimli tromboemboliyani oldini olishda Ksarelto®ning xavfsizligi klapanga bog‘liq bo‘lmagan bo‘lmachalar fibrillyatsiyasi, Ksarelto® 20 mg kuniga bir marta 41 oygacha davr davomida qabul qilgan, 7750 patsiyentlarda, shuningdek o‘tkir koronar sindromi (O‘KS) bo‘lgan kamida bir doza yoki 2,5 mg Ksarelto® (kuniga ikki marta) yoki 5 mg Ksarelto® (kuniga ikki marta) qabul qilgan, qo‘shimcha atsetilsalitsil kislotasi yoki atsetilsalitsil kislotasini klopidogrel yoki tiklopedin bilan majmuasini 31 oygacha davrda qabul qilgan 10225 patsiyentlarda baholangan. Ksarelto®ni ishlatishda qayd etilgan nojo‘ya reaktsiyalarning tez-tezligi haqidagi umumlashtirilgan ma’lumotlar, quyida keltirilgan: Tez-tez (≥1/100 dan <1/10 gacha) anemiya (shu jumladan muvofiq laboratoriya ko‘rsatkichlari)ko‘zlarga qon quyilishi (shu jumladan kon’yunktivaga qon quyilishi)milklarning qonashi, me’da-ichak yo‘llari soxasida og‘riq, dispepsiya, ko‘ngil aynishi, qabziyat*, diareya, qusish*, me’da-ichak qon ketishlari (shu jumladan rektal qon ketishi)isitma*, periferik shishlar, umumiy o‘zini xis qilishni yomonlashishi (shu jumladan kuchsizlik va asteniya)o‘tkazilgan muolajalardan keyingi qon quyilishi (shu jumladan anemiya va jarohatdan qon ketishi), qontalashtransaminazalar darajasini oshishioyoq-qo‘llarda og‘riq*bosh aylanishi, bosh og‘rig‘iurogenital yo‘llaridan qon ketishi (shu jumladan gematuriya va menorragiya**), buyrak yetishmovchiligi (shu jumladan kreatinin darajasini oshishi, mochevina darajasini oshishi)*burundan qon ketishi, qon tupurishqichishish (shu jumladan tarqalgan qichishishning ko‘p uchramaydigan hollar), toshma, ekximoz, teri va teri osti qon quyilishlargipotenziya, gematoma Tez-tez emas (≥1/1000 dan <1/100) gacha trombotsitemiya* (shu jumladan trombotsitlar darajasini oshishi)trombotsitopeniya (postmarketing tajriba davomida Ksarelto®ni qo‘llash bilan vaqtinchalik o‘zaro aloqada kuzatilgan)taxikardiyaog‘iz qurishio‘zini yomon xis qilish, shu jumladan lohaslikjigar faoliyatini buzilishiallergik reaktsiyalar, allergik rinitjarohatlardan ajralmalar*bilirubinning kontsentratsiyasini oshishi, ishqoriy fosfataza*, laktatdegidragenaza (LDG)*, lipaza*, amilaza* faolligini oshishi, gammaglyutamiltransferaza (GGT*) darajasini oshishigemartrozmiya ichki va bosh miya ichki qon quyilishlar, xushdan ketisheshakemiangionevrotik shishi, allergik shishi (postmarketing tajriba davomida Ksarelto® qo‘llash bilan vaqtinchalik o‘zaro aloqada). Kam hollarda  (≥1/10000 dan <1/1000 gacha) lokal shishlar*sariqliktomirli soxtaanevrizma (o‘tkir koronar sindromi bo‘lgan patsiyentlarda teri orqali interventsion aralashuvlardan keyin kuzatilgan)kon’yugatsiyalangan bilirubinning kontsentratsiyasini oshishi (alanintransferaza-ning yondosh oshishi bilan yoki usiz)mushaklarga qon quyilishixolestaz, gepatit, shu jumladan gepatotsellyulyar shikastlanish (postmarketing tajriba davomida Ksarelto® qo‘llash bilan vaqtinchalik aloqada). * oyoqlardagi katta ortopedik operatsiyalardan keyin qayd etilgan ** VTE davolashda <55 yoshli ayollarda juda tez-tez sifatida qayd etilgan Ta’sir mexanizmini hisobga olib, Ksarelto®ni qo‘llash xar qanday a’zolar va to‘qimalardan qon ketishini yashirin yoki aniq yuqori xavfi bilan birga kechishi mumkin, u postgemorragik anemiyaga olib kelishi mumkin. Qon ketishlar rivojlanishining xavfi nazorat qilinmaydigan arterial gipertenziyasi bo‘lgan patsiyentlarda va/yoki gemostazga ta’sir etuvchi preparatlar bilan birga qo‘llanganida oshishi mumkin (“Maxsus ko‘rsatmalar” bo‘limiga qarang). Belgilari, simptomlari va og‘irlik darajasi (shu jumladan o‘lim bilan yakunlanishi mumkin bo‘lishi), qon ketishini joylashishi, jadalligi yoki davomiyligi va/yoki anemiyaga qarab o‘zgaradi (“Dozani oshirib yuborilishi” bo‘limiga qarang). Gemorragik asoratlar kuchsizlik, rangsizlik, bosh aylanishi, bosh og‘rig‘i, hansirash, shuningdek oyoq-qo‘llar hajmini oshishi yoki shok bilan namoyon bo‘lishi mumkin, ularni boshqa sabablar bilan tushuntirish mumkin emas. Ayrim hollarda anemiya oqibatida ko‘krakda og‘riq va stenokardiya kabi miokard ishemiyasining simptomlari rivojlangan. Ksarelto® qo‘llanganida kompartment-sindrom va gipoperfuziya oqibatida buyrak yetishmovchiligi sifatidagi og‘ir qon ketishlariga nisbatan ikkilamchi bo‘lgan ma’lum asoratlar xam qayd etilgan. Shunday qilib, antikoagulyantlarni qabul qilayotgan xar qanday patsiyentning holatini baholashda qon ketish imkoniyatini baxolash kerak.

rivaroksabanga yoki preparatning yordamchi moddalariga yuqori sezuvchanlikklinik ahamiyatli faol qon ketishlarmavjud bo‘lgan yoki yaqinda bo‘lgan me’da-ichak yo‘llarining yarasi, qon ketishining yuqori xavfi bo‘lgan onkologik kasalliklar, bosh yoki orqa miyaning yaqindagi jarohati, bosh, orqa miya yoki ko‘zlardagi yaqinda o‘tkazilgan jarrohlik aralashuvlar, yaqindagi bosh miya ichki qon quyilishi, ma’lum bo‘lgan yoki gumon qilingan qizilo‘ngach venalarining varikoz kengayishi, arteriovenoz malformatsiyalar, tomirli anevrizmalar yoki orqa yoki bosh miyaning yirik tomirlarining patologiyasi kabi ko‘p qon ketishining ahamiyatli omillari sifatida ko‘riladigan shikastlanishlar yoki holatlarfraktsiyalanmagan geparin (FG), quyimolekulyar geparinlar (enoksaparin, dalteparin va boshq.), geparin hosilalari (fondaparinkus va boshq.), peroral antikoagulyantlar (varfarin, dabigatran eteksilat, apiksabar va boshq.) kabi har qanday boshqa antikoagulyantlar bilan yondosh davolash, boshqa antikoagulyant davolashga o‘tishning aloxida hollaridan (“Qo‘llash usuli va dozalari” bo‘limiga qarang) yoki FG markaziy venoz yoki arterial kateterning o‘tkazilishini ta’minlash uchun kerak bo‘lgan dozalarda yuborilishidan tashqari.klinik ahamiyatli qon ketishini rivojlanish xavfi bilan bog‘liq bo‘lgan, shu jumladan Chayld-Pyu bo‘yicha V va S sinfi jigar tsirrozi bo‘lgan patsiyentlarda, koagulopatiya bilan birga kechuvchi jigar kasalliklari.homiladorlik va emizish davribolalar va 18 yoshgacha bo‘lgan o‘smirlarda qo‘llash mumkin emas (bu yosh guruhida xavfsizligi va samaradorligi aniqlanmagan).

Farmakokinetik o‘zaro ta’sirlar Ravaroksabanning chiqarilishi asosan tsitoxrom R450 (CYP 3A4, CYP 2J2) tizimi orqali jigardagi metabolizmi  va P-gp/Bcrp (R-glikoproteini/sut bezi rakiga chidamli oqsil) olib o‘tuvchilar tizimini ishlatish bilan o‘zgarmagan moddaning buyrak ekskretsiyasi orqali amalga oshiriladi. Rivaroksaban  CYP 3A4 izofermentini  va tsitoxromning boshqa muhim izoformalarini bostirmaydi va induktsiya qilmaydi. Ksarelto® va CYP 3A4 izofermentining kuchli ingibitorlari va R-glikoproteninni bir vaqtda qo‘llash, buyrak va jigar klirensini pasayishiga va shunday qilib, tizimli ta’sirini ahamiyatli oshishiga olib kelishi mumkin. Ksarelto® va CYP 3A4 va R-glikoproteinning kuchli ingibitori bo‘lgan azolli zamburug‘larga qarshi preparat ketokonazolni (400 mg sutkada 1 marta) birga qo‘llash, preparatning farmakodinamik samaralarini ahamiyatli kuchayishi bilan birga kechuvchi Ksarelto®ni o‘rtacha muvozanatli AUC ni 2,6 marta oshishiga va Ksarelto®ni o‘rtacha Cmax ni 1,7 marta oshishiga olib keladi. Ksarelto® va CYP 3A4 va R-glikoproteinning kuchli ingibitori bo‘lgan OITV proteaza ingibitori ritonavirni (600 mg sutkada 2 marta) birga buyurish preparatning farmakodinamik samaralarini ahamiyatli kuchayishi bilan birga kechuvchi Ksarelto®ni o‘rtacha muvozanatli AUC ni 2,5 marta oshishiga va Ksareltoni o‘rtacha Cmax ni 1,6 marta oshishiga olib keladi. Shuning uchun Ksarelto®ni azol guruhi zamburug‘larga qarshi preparatlar yoki OITV proteazasi ingibitorlari bilan tizimli davolanayotgan patsiyentlarda qo‘llash tavsiya qilinmaydi (“Maxsus ko‘rsatmalar” bo‘limiga qarang). Rivaroksabanning chiqarilish yo‘llaridan faqat birini – CYP 3A4 yoki R-glikoprotein ishtiroki bilan – kuchli susaytiruvchi boshqa dori vositalarini plazmadagi rivaroksabanning kontsentratsiyasini kamroq ahamiyatli qiymatlargacha oshirishi kutiladi. CYP 3A4 izofermentini kuchli bostiruvchi va R-glikoproteinni o‘rtacha bostiruvchi klaritromitsin (500 mg sutkada 2 marta), rivaksobanning AUC va Cmax ni o‘rtacha muvozanatli qiymatlarini 1,5 va 1,4  marta oshishini chaqirgan. Bu oshish AUC va Cmax ni normal o‘zgaruvchanligi tartibiga ega va klinik ahamiyatsiz deb hisoblanadi. CYP 3A4 izofermentini va R-glikoproteinni o‘rtacha bostiruvchi eritromitsin (500 mg sutkada 3 marta), rivaksobanning AUC va Cmax ni o‘rtacha muvozanatli qiymatlarini 1,3  marta oshishini chaqirgan. Bu oshish AUC va Cmax ni normal o‘zgaruvchanligi tartibiga ega va klinik ahamiyatsiz deb hisoblanadi. CYP 3A4 izofermentini o‘rtacha ingibitsiya qiluvchi flukonazol (400 mg sutkada bir marta), rivaksobanning o‘rtacha AUC ni 1,4 marta va o‘rtacha Cmax ni 1,3 marta oshishini chaqirgan. Bu oshish AUC va Cmax ni normal o‘zgaruvchanligi tartibiga ega va klinik ahamiyatsiz deb hisoblanadi. Ksarelto® va CYP 3A4 izofermentini va R-glikoproteinni kuchli induktori bo‘lgan rifampitsinni birga buyurish, rivaroksabanning o‘rtacha AUC ni taxminan 50% ga pasayishiga va parallel uning farmakodinamik ta’sirini kamayishiga olib kelgan. Ksarelto®ni CYP 3A4 ning boshqa kuchli induktorlari (masalan, fenitoin, karbamazepin, fenabarbital yoki teshik dalachoy) bilan birga buyurish ham, plazmada rivaroksabanning kontsentratsiyasini pasayishiga olib kelishi mumkin. CYP 3A4 ning  kuchli induktorlarini ehtiyotkorlik bilan qo‘llash kerak. Farmakodinamik o‘zaro ta’sirlari Enoksaparin (40 mg bir martalik doza) va Ksarelto® (10 mg bir martalik doza) majmuada buyurilganidan keyin, qon ivishining sinamalariga (protrombin vaqti, FQPV) nisbatan qo‘shimcha samaralar bilan birga kechmaydigan Xa qarshi-omilining faolligiga nisbatan additiv samara kuzatilgan. Enoksaparin rivaroksabanning farmakokinetikasini o‘zgartirmagan. Ksarelto® (15 mg) va klopidogrel (300 mg zarb doza keyingi 75 mg samarani bir maromda saqlab turuvchi doza bilan) orasida farmakokinetik o‘zaro ta’sirlar aniqlanmagan, lekin patsiyentlarning kichik guruhida trombotsitlarning agregatsiyasini darajasi va R-selektinning miqdori yoki GPIIb/IIIa-retseptori bilan korrelyatsiya qiluvchi qon ketishi vaqtining klinik ahamiyatli oshishi aniqlangan (“Maxsus ko‘rsatmalar” bo‘limiga qarang).. Ksarelto® (15 mg) va naproksen 500 mg dozada birga qo‘llanganidan keyin, qon ketishi vaqtining klinik ahamiyatli oshishi kuzatilmagan. Shunga qaramasdan, aloxida shaxslarda yaqqolroq farmakodinamik javob bo‘lishi mumkin. Patsiyentlarni varfarindan (XNN 2,0 dan 3,0 gacha) Ksarelto®ga (20 mg) yoki Ksarelto®dan (20 mg) varfaringa o‘tishida protrombin vaqti/XNN (Neoplastin), kutish mumkin bo‘lgan oddiy yig‘indi samaraga qaraganda kattaroq darajada oshgan (XNN ning aloxida qiymatlari 12 ga yetishi mumkin), shu vaqtning o‘zida FQPV ga ta’siri, Xa omilining faolligini bostirilishi va trombinning endogen potentsiali additiv bo‘lgan. Agar o‘tish davri vaqtida Ksarelto®ning farmakodinamik samaralarini tekshirishning zarurati bo‘lsa, kerakli testlar sifatida anti-Xa faolligi aniqlash, PiCT va HepTest® ishlatish mumkin, ularga varfarin ta’sir qilmaydi. Varfarinni qo‘llash to‘xtatilganidan keyin 4-nchi kundan boshlab barcha taxlillarning natijalari (shu jumladan PTV, FQPV, Xa omili faolligini ingibitsiya qilinishi va TEP (trombinning endogen potentsiali) faqat Ksarelto®ning ta’sirini aks ettiradi (“Qo‘llash usuli va dozalari” bo‘limiga qarang). O‘tish davri vaqtida varfarinning farmakodinamik ta’sirini tekshirishning zarurati bo‘lgan xolda, zarur testlar sifatida, ularga Ksarelto® minimal darajada ta’sir ko‘rsatadi,  Ksarelto®ni oxirgi qabulidan keyin 24 soat o‘tgach XNN ni aniqlashda rivaroksabanning S0 ishlatilishi mumkin. Ksarelto® va varfarin orasida  xech qanday farmakokinetik o‘zaro ta’sirlar qayd etilmagan. Ksarelto® 15 mg va 20 mg tabletkalarini ovqatlanish vaqtida qabul qilish kerak (“Farmakologik xususiyatlari/Farmakokinetikasi” bo‘limiga qarang).

Yurakning sun’iy klapanlari bo‘lgan patsiyentlarda Ksarelto®ni qo‘llashning xavfsizligi va samaradorligi o‘rganilmagan, demak, bu guruh patsiyentlarda Ksarelto® 20 mg ni qo‘llash (15 mg buyraklar faoliyatini o‘rtacha yoki og‘ir buzilishlari bo‘lgan patsiyentlarda) yetarli antikoagulyatsion samara ta’minlashini isbotlovchi ma’lumotlar yo‘q. Bunday bemorlarni Ksarelto®ni qo‘llash bilan davolash tavsiya etilmaydi. Ksarelto®ni azol guruhi zamburug‘larga qarshi preparatlar (masalan, ketokanozol) yoki OITV proteazasi ingibitorlari (masalan, ritonavir) bilan tizimli davolanayotgan patsiyentlarda qo‘llash tavsiya qilinmaydi. Bu dori preparatlari CYP 3A4 izofermenti va R-glikoproteinning kuchli ingibitorlari hisoblanadi. Natijada, bu dori preparatlari rivaroksabanning plazmadagi kontsentratsiyasini klinik ahamiyatli darajagacha (o‘rtacha 2,6 marta) oshirishi mumkin, bu qon ketishlarini rivojlanish xavfini oshiradi. CYP 3A4 o‘rtacha ingibitori, azolli zamburug‘larga qarshi preparat flukonazol, rivaroksabanning ekspozitsiyasiga kamroq ifodalangan ta’sir ko‘rsatadi va u bilan bir vaqtda qo‘llanishi mumkin (“Dorilarning o‘zaro ta’siri” bo‘limiga qarang). CHVT va O‘ATE ni davolash: buyraklar faoliyatini buzilishi O‘rtacha buyrak yetishmovchiligi (kreatinin klirensi <50-30 ml/min) bo‘lgan va qon plazmasida rivaroksabanning kontsentratsiyasini oshiruvchi preparatlar bilan yondosh davolanayotgan patsiyentlarga Ksarelto®ni ehtiyotkorlik bilan buyurish kerak. Klapanga bog‘liq bo‘lmagan bo‘lmachalar fibrillyatsiyasi bo‘lgan patsiyentlarda insult va tizimli tromboemboliyani davolash; CHVT va O‘ATE ni davolash: buyrak faoliyatini buzilishi Buyrak faoliyatini og‘ir buzilishlari (kreatinin klirensi <30 ml/min) bo‘lgan bemorlarda, qon plazmasida rivaroksabanning kontsentratsiyasi ahamiyatli oshgan bo‘lishi mumkin (o‘rtacha 1,6 marta), bu qon ketishlarining yuqori xavfiga olib kelishi mumkin. Ma’lumotlarning cheklanganligi tufayli, Ksarelto®ni kreatinin klirensi <15-30 ml/min bo‘lgan bemorlarda ehtiyotkorlik bilan qo‘llash kerak. Kreatining klirensi <15 ml/min li og‘ir buyrak yetishmovchiligi bo‘lgan bemorlarda klinik ma’lumotlarning yo‘qligi tufayli Ksarelto®ni qo‘llash tavsiya qilinmaydi. Og‘ir buyrak yetishmovchiligi yoki qon ketishining yuqori xavfi bo‘lgan patsiyentlar va azol guruhi zamburug‘larga qarshi preparatlar yoki OITV proteazasi ingibitorlari bilan yondosh tizimli davolanayotgan patsiyentlar, davolash boshlanganidan keyin qon ketishlari shaklidagi asoratlarning belgilarini o‘z vaqtida aniqlash uchun shifokorning sinchkov kuzatuvi ostida bo‘lishlari kerak. Qon ketishining xavfi Ksarelto®ni, boshqa antitrombotik preparatlar kabi, qon ketishining yuqori xavfi bo‘lgan patsiyentlarni davolashda ehtiyotkorlik bilan ishlatish kerak, shu jumladan, agar quyidagilar bo‘lsa: qon ketishlarga tug‘ma yoki orttirilgan moyilliknazorat qilinmaydigan og‘ir arterial gipertenziyafaol bosqichdagi me’da-ichak yo‘llarining yara kasalligiyaqinda o‘tkazilgan me’da-ichak yo‘llarining yarasitomirli retinopatiyayaqinda o‘tkazilgan bosh miya ichki yoki miya ichki qon quyilishibosh va orqa miyaning tomirli kasalliklaribosh, orqa miyada yoki ko‘zlarda yaqinda o‘tkazilgan operatsiyalarbronxoektazlar yoki anamnezdagi o‘pkadan qon ketishi Gemostazga ta’sir etuvchi dori preparatlarini (masalan, nosteroid yallig‘lanishga qarshi preparatlar (NYAQP), antiagregantlar yoki boshqa antitrombotik vositalar) qabul qilayotgan patsiyentlarga Ksarelto®ni buyurishda ehtiyotkorlikka rioya qilish kerak (“Dorilarning o‘zaro ta’siri” bo‘limiga qarang). Me’da-ichak yo‘llarining yara kasalligini rivojlanish xavfiga ega bo‘lgan patsiyentlarda, muvofiq profilaktik davolashni o‘tkazish masalasini ko‘rish kerak. Gemoglobinning darajasini yoki arterial bosimini tushuntirib bo‘lmaydigan pasayishida qon ketish joyini izlash kerak. Jarrohlik aralashuvlari Agar invaziv muolaja yoki jarrohlik aralashuvi o‘tkazishning zarurati bo‘lsa, Ksarelto® qabul qilishni, eng kamida, aralashuvdan 24 soat oldin va shifokorning klinik xulosasi asosida to‘xtatish kerak. Agar muolajani kechiktirib bo‘lmasa, qon ketishining yuqori xavfini shoshilinch aralashuvning zarurati bilan qiyoslab baholash kerak. Ksarelto® qabul qilishni, muvofiq klinik ko‘rsatgichlar va adekvat gemostaz mavjudligida, invaziv muolaja yoki jarrohlik aralashuvdan keyin iloji boricha tezroq qayta boshlash kerak (“Farmakologik xususiyatlari/Metabolizmi va chiqarilishi” bo‘limiga qarang). CHVT va O‘ATE: trombolizis yoki o‘pka embolektomiyasiga muhtoj bo‘lgan gemodinamik beqaror patsiyentlar O‘ATE bo‘lgan patsiyentlarda Ksarelto®ni fraktsiyalanmagan geparinga muqobil sifatida qo‘llash tavsiya etilmaydi, ular gemodinamik beqaror hisoblanadilar yoki trombolizis yoki o‘pka embolektomiya olishlari mumkin, chunki bu klinik hollarda Ksarelto®ning samaradorligi aniqlanmagan. Neyroaksal (epidural/spinal) anesteziya Neyroaksil (epidural/spinal) anesteziya yoki spinal punktsiya o‘tkazishda, tromboembolik asoratlarni oldini olish uchun antitrombotik vositalarni qo‘llayotgan patsiyentlar, epidural yoki spinal gematoma rivojlanish xavfiga duchor bo‘ladilar, u davomli yoki doimiy falaj chaqirishi mumkin. Bunday ko‘rinishlar rivojlanishning xavfi doimiy epidural kateterlar ishlatilganida yoki gemostazga ta’sir etuvchi preparatlar birga qabul qilinganida yanada ko‘proq oshadi. Xavf shuningdek jarohat yoki ko‘psonli epidural yoki spinal punktsiyadan keyin ham oshishi mumkin. Nevrologik buzilishlarning belgilari yoki simptomlarini (masalan, oyoqlarni uvishishi yoki kuchsizligi, ichak yoki qovuqning disfunktsiyasi) aniqlash uchun patsiyentlarni ko‘proq nazorat qilish kerak. Nevrologik o‘zgarishlar aniqlanganida shoshilinch tashxis o‘tkazish va patsiyentni davolash kerak. Antikoagulyantlarni qabul qilayotgan patsiyentlarda va trombozni oldini olish uchun antikoagulyant davolash buyurilgan patsiyentlarda, neyroaksal aralashuvni o‘tkazishdan oldin,  shifokor xavfga nisbatan potentsial foydani hisobga olishi kerak. Bunday vaziyatlarda 15 mg va 20 mg rivaroksabanni qo‘llashni klinik tajribasi yo‘q. Rivaroksaban va epidural/spinal anesteziya yoki spinal punktsiyani bir vaqtda qo‘llash bilan assotsiatsiyalangan qon ketishining potentsial xavfini pasaytirish maqsadida, rivaroksabanning farmakokinetik profilini hisobga olish kerak. Epidural kateterni qo‘yish yoki olish yoki lyumbal punktsiyani yaxshisi, rivaroksabanning antikoagulyant samarasi kuchsiz deb baholangan vaqtda o‘tkazish kerak. Lekin yetarlicha kuchsiz antikoagulyant samaraga erishish uchun aniq vaqt xar bir patsiyent uchun noma’lum. Epidural kateterni olish preparatning umumiy farmakokinetik xususiyatlarini hisobi bilan Ksarelto® tabletkalarini oxirgi qabulidan keyin kamida ikki yarim chiqarilish davriga erishilganda amalga oshiriladi, xususan, yosh patsiyentlarda kamida 18 soatdan va keksa shaxslarda 26 soatdan keyin. Ksarelto®ni kateter olinganidan keyin kamida 6 soat o‘tgach qabul qilish kerak

30ºS dan yuqori bo‘lmagan xaroratda saqlansin

Simptomlari: 600 mg gacha rivaroksaban qabul qilinganida qon ketishlar yoki boshqa nojo‘ya reaktsiyalarni rivojlanishisiz dozani oshirib yuborilishining kam hollari qayd qilingan. So‘rilishi cheklanganligi munosabati bilan, 50 mg ga teng va yuqori, terapevtikdan yuqori dozalar qo‘llanganida qon plazmasida uning o‘rtacha kontsentratsiyasini keyingi oshishisiz past darajali plato rivojlanishi kutiladi. Davolash: rivaroksanning spetsifik antidoti noma’lum. Doza oshirib yuborilgan holda rivaroksabanning so‘rilishini pasaytirish uchun faollashtirilgan ko‘mirni ishlatish mumkin. Qon plazmasi oqsillari bilan jadal bog‘lanishini hisobga olib, dializ o‘tkazishda rivaroksabanni yomon chiqarilishi kuzatiladi.

Retsept bo‘yicha

14 tabletkadan Al/PP yoki Al/PVX/PVDX kontur uyali o‘ramda. Ksarelto® 15 mg 14 tabletka saqlovchi 2 kontur uyali o‘ramdan davlat va rus tillaridagi tibbiyotda qo‘llash bo‘yicha yo‘riqnomasi bilan birga karton qutiga joylanadi. Ksarelto® 20 mg 14 tabletka saqlovchi 2 kontur uyali o‘ramdan davlat va rus tillaridagi tibbiyotda qo‘llash bo‘yicha yo‘riqnomasi bilan birga karton qutiga joylanadi.

3 yil.