Plyonka qobiq bilan qoplangan 10 mg li tabletkalar: oval, ikki tomonlama qavariq, och moviy rangli tabletkalar. Plyonka qobiq bilan qoplangan 20 mg li tabletkalar: oval, ikki tomonlama qavariq, oq rangli tabletkalar.

GMG-KoA reduktaza ingibitori.

S10A A07.

Ichga qabul qilingandan keyin rozuvastatinning qon plazmasidagi Smax ga taxminan 5 soatdan keyin erishiladi. Biokiraolishligi – taxminan 20%. Rozuvastatin jigarda to‘planadi. Vd – taxminan 134 l. Plazma oqsillari bilan bog‘lanishi (asosan albuminlar bilan) taxminan 90% ni tashkil etadi. Tsitoxrom R450 izofermentlar tizimi uchun maxsus bo‘lmagan substrat bo‘lib past darajada (taxminan 10%) biotransformatsiyaga uchraydi. Rozuvastatinning metabolizmida ishtirok etuvchi asosiy izoferment bo‘lib CYP2C9 hisoblanadi. CYP2C19, CYP3A4 va CYP2D6 izofermentlari metabolizmga kam darajada jalb qilingan. Rozuvastatinning asosiy aniqlangan metabolitlari bo‘lib, N-dismetil va lakton metabolitlari hisoblanadi. N-dismetil rozuvastatinga nisbatan taxminan 50% kamroq faol, lakton metabolitlari farmakologik faol emas. Rozuvastatin dozasining taxminan 90% o‘zgarmagan shaklda ahlat bilan chiqariladi. Qolgan qismi siydik bilan chiqariladi. Plazmadan T1/2 – taxminan 19 soat. Doza oshirilganda T1/2 o‘zgarmaydi. Plazmadagi klirensining o‘rtacha ko‘rsatkichlari taxminan soatiga 50 l (variatsiya koeffitsenti 21,7%) ni tashkil etadi. Yaqqol buyrak yetishmovchiligi (KK<30 ml/min) bo‘lgan patsiyentlarda sog‘lom ko‘ngillilarga nisbatan qon plazmasida rozuvastatinning kontsentratsiyasi 3 marta yuqori, N-dismetilning kontsentratsiyasi esa 9 marta yuqori. Sog‘lom ko‘ngillilarga nisbatan gemodializda bo‘lgan patsiyentlarda rovuvastatinning qon plazmasidagi kontsentratsiyasi taxminan 50% ga yuqori. Chayld-Pyu shkalasi bo‘yicha darajasi 8 va 9 ni tashkil etgan jigar yetishmovchiligi bo‘lgan patsiyentlarda T1/2 ni kamida 2 marta oshishi aniqlangan.

Fredrikson bo‘yicha birlamchi xolesterinemiya (IIa tip, shu jumladan geterozigot giperxolesterinemiya) yoki aralash giperxolesterinemiyada (IIb tip) parhez va davolashning medikamentoz bo‘lmagan usullari (masalan, jismoniy yuklama, tana vaznini kamayishi) yetarli bo‘lmaganda parhezga qo‘shimcha sifatida;parhezga yoki lipidlarni kamaytiruvchi (PZLP-aferez) davolashga qo‘shimcha sifatida oilaviy gomozigot giperxolesterinemiya yoki bunday davolash yetarli samara bermaganida;parhezga qo‘shimcha sifatida gipertriglitseridemiya (Fredrikson bo‘yicha IV tip);umumiy Xs va Xs-PZLP kontsentratsiyasini uchun davolash ko‘rsatilgan patsiyentlarda parhezga qo‘shimcha sifatida aterosklerozni avj olishini sekinlashtirish uchun;YUIKning klinik belgilarisiz, lekin uni rivojlanishini yuqori xavfi (erkaklar uchun 50 yosh va ayollarda 60 yoshdan oshganlar, S-reaktiv oqsil kontsentratsiyasini oshishi (≥2 mg/l) arterial gipertenziya, Xs-PZLP kontsentratsiyasini pastligi, chekish, oilaviy anamnezida YUIK ni erta boshlanishi kabi qo‘shimcha xavf omillaridan kamida bittasini mavjudligi) bo‘lgan katta patsiyentlarda yurak-qon tomirlarning asosiy asoratlarini (insult, infarkt, arterial revaskulyarizatsiya) birlamchi profilaktikasi.

Tabletkani chaynamasdan va maydalamasdan, butunligicha, suv bilan ichga qabul qilinadi. Preparatni ovqat qabul qilishdan qat’iy nazar kunning istalgan vaqtida buyurish mumkin. Krestat preparati bilan davolashni boshlashdan oldin patsiyent standart gipoxolesterinemik parhezga rioya qilishni boshlashi va davolash vaqtida unga rioya qilishni davom ettirishi lozim. Preparatning dozasini lipidlarning kutilgan kontsentratsiyalari bo‘yicha tegishli tavsiyalarni inobatga olgan xolda davolashning maqsadi va davolashga terapevtik javobga qarab shaxsiy ravishda tanlash kerak. Preparatni qabul qilishni boshlayotgan patsiyentlar yoki boshqa GMG-KoA reduktaza ingibitorlarini qabul qilishdan o‘tkazilgan patsiyentlar uchun tavsiya etilgan boshlang‘ich dozasi sutkada 1 marta Krestat preparatining 5 mg yoki 10 mg ni tashkil etishi kerak. Boshlang‘ich dozani tanlashda xolesterinning shaxsiy kontsentratsiyasiga asoslanish va yurak-qon tomir tomonidan bo‘lishi mumkin bo‘lgan asoratlar xavfini e’tiborga olish, shuningdek potentsial nojo‘ya samaralar rivojlanishi xavfini baholash kerak. Zarurati bo‘lganida dozani 4 xaftadan keyin yuqoriroq dozagacha oshirish mumkin. Avval shifokorga murojaat etmagan patsiyentlarga preparatni 40 mg dan yuqori dozalarda buyurish tavsiya etilmaydi. 2-4 xafta davolagandan keyin va/yoki Krestat preparatining dozasini oshirganda lipid almashinuvining ko‘rsatkichlarini nazorat qilish lozim (zarurati bo‘lsa dozaga tuzatish kiritish talab etiladi). Keksa yoshdagi patsiyentlarda dozaga tuzatish kiritish talab etilmaydi. Yengil yoki o‘rtacha og‘irlik darajasidagi buyrak yetishmovchiligi bo‘lgan patsiyentlarda dozaga tuzatish kiritish talab etilmaydi. Og‘ir darajali buyrak yetishmovchiligi bo‘lgan patsiyentlarda (KK minutiga 30 ml dan kam) Krestat preparatini qo‘llash mumkin emas. Buyrak faoliyatini o‘rtacha buzilishi (KK minutiga 30-60 ml) bo‘lgan patsiyentlarda preparatni 40 mg dozada qo‘llash mumkin emas. Buyrak faoliyatini o‘rtacha buzilishi bo‘lgan patsiyentlarda preparatning 5 mg boshlang‘ich dozasi tavsiya etiladi. Jigar yetishmovchiligi bo‘lgan patsiyentlar: Krestatni faol fazadagi jigar kasalliklari bo‘lgan patsiyentlarda qo‘llash mumkin emas.

Krestat preparatini qabul qilganda kuzatiladigan nojo‘ya samaralar odatda kuchsiz namoyon bo‘ladi va o‘z-o‘zidan o‘tib ketadi. Boshqa GMG-KoA reduktaza ingibitorlarini qo‘llagandagi kabi nojo‘ya samaralarning paydo bo‘lish tez-tezligi asosan dozaga bog‘liq xarakterga ega. Immun tizimi tomonidan: kam hollarda – yuqori sezuvchanlik reaktsiyalari, shu jumladan angionevrotik shish. Endokrin tizimi tomonidan: tez-tez – 2 tip qandli diabet. Markaziy nerv tizimi tomonidan: tez-tez – bosh og‘rig‘i, bosh aylanishi. Ovqat-hazm qilish tizimi tomonidan: tez-tez – qabziyat, ko‘ngil aynishi, qorinda og‘riq; kam xollarda – pankreatit. Teri qoplamalari tomonidan: tez-tez emas – teri qichishishi, toshma, eshakemi. Suyak-mushak tizimi tomonidan: tez-tez mialgiya; kam hollarda – miopatiya (shu jumladan miozit), rabdomioliz. Siydik chiqarish tizimi tomonidan: Krestat qabul qilayotgan patsiyentlarda proteinuriya aniqlanishi mumkin. Siydikda oqsil miqdorini o‘zgarishi (yo‘qligidan yoki juda kam miqdordan ++ yoki undan ko‘proqqacha) preparatni 10-20 mg dozada qabul qilayotgan 1% dan kamroq patsiyentlarda, preparatni 40 mg dozada qabul qilayotgan taxminan 3% patsiyentlarda kuzatilgan. Siydik oqsil miqdorini biroz o‘zgarishi 20 mg dozada qabul qilinganda kuzatilgan. Ko‘pchilik holatlarda proteinuriya davolash jarayonida kamayadi yoki yo‘q bo‘ladi va buyrakni o‘tkir kasalligini paydo bo‘lishi yoki mavjud bo‘lganini avj olishini bildirmaydi. Suyak-mushak tizimi tomonidan: Krestat preparati barcha dozalarda, ayniqsa 20 mg dan yuqori dozalarda qo‘llanilganida – mialgiya, miopatiya (shu jumladan miozit); kam hollarda – o‘tkir buyrak yetishmovchiligi bilan yoki usiz rabdomioliz. KFK darajasini dozaga bog‘liq ravishda oshishi rozuvastatin qabul qilayotgan kam sonli patsiyentlarda kuzatiladi. Ko‘pchilik xollarda u ahamiyatsiz, simptomsiz va vaqtincha bo‘lgan. KFK faolligi oshganda (NYUChdan 5 martadan yuqori) davolashni to‘xtatish lozim. Jigar tomonidan: kam sonli patsiyentlarda jigar transaminazalari faolligini dozaga bog‘liq oshishi. Ko‘pchilik hollarda u ahamiyatsiz, simptomsiz va vaqtincha bo‘lgan. Laborator ko‘rsatkichlar: glyukoza, bilirubin kontsentratsiyasini, GGT, ishqoriy fosfataza faolligini oshishi, qalqonsimon bezi faoliyatini buzilishili. Boshqalar: tez-tez – astenik sindrom.

Tsiklosporin: rozuvastatin va tsiklosporinni bir vaqtda qo‘llaganda rozuvastatinning AUC sog‘lom odamlarda aniqlangan ko‘rsatkichdan o‘rtacha 7 marta yuqori bo‘lgan. Birga qo‘llash rozuvastatinning kontsentratsiyasini plazmada, qonda 11 marta oshishiga olib keladi. Tsiklosporinning plazmadagi kontsentratsiyasiga ta’sir qilmaydi. Bilvosita antikoagulyantlar: antikoagulyantlarni (masalan, varfarin) bir vaqtda qabul qilayotgan patsiyentlarda rozuvastatin bilan davolashni bolash yoki preparatning dozasini oshirish protrombin vaqtini (XMM) uzayishiga olib kelishi mumkin. Bunday xollarda XMM ni nazorat qilish tavsiya etiladi. OITV proteaza ingibitorlari: o‘zaro ta’sirning aniq mexanizmi noma’lumligiga qaramay, OITV proteaza ingibitorlarini birga qo‘llash rozuvastatinning ekspozitsiyasini sezilarli oshishiga olib kelishi mumkin. Sog‘lom ko‘ngillilarda o‘tkazilgan tadqiqotlarda 20 mg rozuvastatinni OITV proteaza ikkita ingibitorini (400 mg lopinavir/100 mg ritonavir) bir vaqtda qabul qilish rozuvastatinning AUC0-24 va Cmax ni muvofiq taxminan ikki marta va besh marta oshishiga olib kelgan. Shuning uchun OITV-infektsiyasi bo‘lgan patsiyentlarni davolashda rozuvastatin va OITV proteaza ingibitorlarini bir vaqtda qabul qilish tavsiya etilmaydi. Antatsidlar: rozuvastatin va alyuminiy va magniy gidroksidini saqlovchi antatsidlar suspenziyasini bir vaqtda qo‘llash rozuvastatinning plazmadagi kontsentratsiyasini taxminan 50% ga kamayishiga olib keladi. Agar antatsidlar rozuvastatin qabul qilingandan 2 soatdan keyin qo‘llanilsa, ushbu samara kuchsizroq namoyon bo‘ladi. Bunday o‘zaro ta’sirning klinik ahamiyati o‘rganilmagan. Eritromitsin: rozuvastatin va eritromitsinni bir vaqtda qo‘llash rozuvastatinning AUC0-24 20% va rozuvastatinning Cmax ni 30% ga kamayishiga olib keladi. Bunday o‘zaro ta’sir eritromitsinni qabul qilganda kuzatiladigan ichak motorikasini kuchayishi natijasi bo‘lishi mumkin. Peroral kontratseptivlar/o‘rinbosar gormonal davolash: rozuvastatin va peroral kontratseptivlarni bir vaqtda qo‘llash etinilestradiolning AUC va norgestrelning AUC ni muvofiq 26% va 34% ga oshiradi. Plazmadagi kontsentratsiyasini bunday oshishini peroral kontratseptivlarning dozasini tanlashda hisobga olish kerak. Krestat preparatini va o‘rinbosar gormonal davolashni bir vaqtda qo‘llash bo‘yicha farmakokinetik ma’lumotlar yo‘q, shunday qilib, bunday majmuani qo‘llaganda ham shunday samarani inkor etib bo‘lmaydi. Ammo bunday majmua klinik tadqiqotlar vaqtida keng qo‘llanilgan va patsiyentlar tomonidan yaxshi o‘zlashtirilgan. Boshqa dori vositalari: rozuvastatinni digoksin bilan klinik ahamiyatga ega o‘zaro ta’siri kutilmaydi.

Buyrakka ta’siri Krestat preparatining yuqori dozalarini (asosan 40 mg) qabul qilgan patsiyentlarda ko‘pgina xollarda o‘tuvchan bo‘lgan kanalchalar proteinuriyasi kuzatilgan. Bunday proteinuriya buyrakning o‘tkir kasalligi yoki buyrak kasalligini avj olishidan dalolat bermagan. Preparatni 40 mg dozada qabul qilgan patsiyentlarda davolash vaqtida buyrak faoliyatini nazorat qilish tavsiya etiladi. Tayanch-harakat apparati tomonidan Krestat preparatini barcha dozalarda, ayniqsa 20 mg dan yuqori dozalarda qo‘llanilganida tayanch-xarakat apparatiga quyidagi ta’sirlar xaqida xabar berilgan: mialgiya, miopatiya, kam xollarda – rabdomioliz. Davolashdan oldin Krestat preparati buyurilganda, shuningdek boshqa GMG-KoA reduktaza ingibitorlari buyurilganda miopatiya/rabdomioliz xavf omillari bo‘lgan patsiyentlarda ehtiyotkorlikka rioya qilish lozim, xavf va davolashdan bo‘lishi mumkin bo‘lgan foyda nisbatini ko‘rib chiqish va klinik kuzatuvni amalga oshirish lozim. Krestat preparatini 40 mg dan yuqori dozada fibratlar bilan qabul qilish mumkin emas. Krestat preparati bilan davolash boshlanganidan 2-4 xaftadan keyin va/yoki dozasi oshirilganda lipid almashinuvining ko‘rsatkichlarini nazorat qilish lozim (zarurati bo‘lganida dozaga tuzatish kiritish talab etiladi). Davolashni boshlashdan oldin va davolash boshlanganidan 3 oydan keyin jigar faoliyati ko‘rsatkichlarini aniqlash tavsiya etiladi. Agar qon zardobida transaminazalarning faolligi NYUCh dan 3 marta yuqori bo‘lsa, Krestat preparatini qabul qilishni to‘xtatish yoki preparatning dozasini kamaytirish lozim. Gipotireoz yoki nefrotik sindrom oqibatidagi giperxolesterinemiyasi bo‘lgan patsiyentlarda asosiy kasalliklarni davolash Krestat preparati bilan davolashni boshlashdan oldin o‘tkazilishi kerak. OITV proteaza ingibitorlari Preparatni OITV proteaza ingibitorlari bilan birga qo‘llash tavsiya etilmaydi. Preparatni laktaza yetishmovchiligi, galaktozani o‘zlashtiraolmaslik va glyukozo-galaktoz malabsorbtsiyasi bo‘lgan patsiyentlarda qo‘llash mumkin emas. O‘pkaning interstitsial kasalligi Ba’zi statinlarni uzoq vaqt davomida qo‘llanganida o‘pkaning insterstitsial kasalligining yakka xolatlari haqida xabar berilgan. Kasallikning belgilari hansirash, balg‘amsiz yo‘tal va umumiy xolatni yomonlashishi (xolsizlik, tana vaznini kamayishi va isitma) bo‘lishi mumkin. O‘pkaning interstitsial kasalligiga gumon bo‘lganida statinlar bilan davolashni to‘xtatish lozim. Qandli diabetning 2 tipi Glyukozaning kontsentratsiyasi 5,6 dan 6,9 mmol/l gacha bo‘lgan patsiyentlarda Krestat preparati bilan davolash qandli diabetning 2 tipini rivojlanish xavfini oshishi bilan assotsiatsiyalangan. Homiladorlik va emizish davrida qo‘llanishi Krestatni homiladorlik va laktatsiya (emizish) davrida qo‘llash mumkin emas. Reproduktiv yoshdagi ayollar kontratseptsiyaning adekvat usullarini qo‘llashlari kerak. Xolesterin va xolesterin biosintezining boshqa maxsulotlari homilani rivojlanishi uchun muhimligi tufayli, GMG-KoA reduktazani ingibitsiya qilishning potentsial xavfi preparatni homiladorlarda qo‘llashdagi foydadan ustun. Davolash jarayonida homiladorlik yuz bersa, preparatni qabul qilishni darhol to‘xtatish kerak. Rozuvastatinni ko‘krak suti bilan ajralishi bo‘yicha ma’lumotlar yo‘q, shuning uchun emizish davrida preparatni qabul qilishni to‘xtatish kerak. Jigar faoliyatini buzilishida qo‘llanishi Krestatni faol fazadagi jigar kasalliklari bo‘lgan patsiyentlarda qo‘llash mumkin emas. Buyrak faoliyatini buzilishida qo‘llanishi Yengil yoki o‘rtacha og‘irlik darajasidagi buyrak yetishmovchiligi bo‘lgan patsiyentlarda dozaga tuzatish kiritish talab etilmaydi. Og‘ir buyrak yetishmovchiligi (KK minutiga 30 ml dan kam) bo‘lgan patsiyentlarda Krestat preparatini qo‘llash mumkin emas. Buyrak faoliyatini o‘rtacha buzilishi bo‘lgan (KK minutiga 30-60 ml) patsiyentlarda preparatni 40 mg dozada qo‘llash mumkin emas. Buyrak faoliyatini o‘rtacha buzilishi bo‘lgan patsiyentlarga preparatning 5 mg boshlang‘ich dozasi tavsiya etiladi. Keksa patsiyentlarda qo‘llanishi Dozaga tuzatish kiritish talab etilmaydi. Ehtiyotkorlikka rioya qilish lozim. Avtotransportni xaydash va mexanizmlarni boshqarish qobiliyatiga ta’siri Krestat preparatini transport vositalarini boshqarish va mexanizmlarni ishlatish qobiliyatiga ta’sirini o‘rganish bo‘yicha tadqiqotlar o‘tkazilmagan. Avtotransportni boshqarish yoki diqqatni yuqori jamlash va psixomotor reaktsiyalarning tezligini talab qiluvchi ishlarni bajarishda ehtiyotkorlikka rioya qilish lozim (davolash vaqtida bosh aylanishi paydo bo‘lishi mumkin).

Quruq, salqin va yorug‘likdan himoyalangan joyda, 30oS dan yuqori bo‘lmagan haroratda saqlansin.

Bir nechta sutkalik dozani bir vaqtda qabul qilganda rozuvastatinning farmakokinetik ko‘rsatkichlari o‘zgarmaydi. Rozuvastatin dozasini oshirib yuborilganda spetsifik davolash mavjud emas. Doza oshirib yuborilganda simptomatik davolash va xayot uchun muhim a’zolar va tizimlar faoliyatini tutib turishga qaratilgan choralar tavsiya etiladi. Jigar va KFK darajasini nazorat qilish lozim. Gemodializ samarali bo‘lishini ehtimoli kam.

Preparat retsept bo‘yicha beriladi

10 tabletkadan alyumin folga blisterda. 1 va 3 blisterdan qo‘llash bo‘yicha yo‘riqnomasi bilan karton qutida.

2 yil.