oqdan sarg‘ish-oq rangligacha bo‘lgan gravirovkasi va bo‘luvchi riskasi bo‘lgan dumaloq tabletkalar: tomonlaridan birida yurak shaklidagi simvol va “200” yozuvi bor.

Yurak kasalliklarini davolash uchun vositalar. III sinf antiaritmik preparati.

S018D01

So‘rilishi Amiodaronni so‘rilishi sekin va o‘zgaruvchan kechadi, preparat to‘qimalarga yuqori yaqinlikka egadir. Taqsimlanishi Taqsimlanish hajmi juda katta, biroq shaxsiy ravishda o‘zgarib turadi, chunki amiodaron to‘qimalarda (yog‘ to‘qimasida, jigarda, o‘pkada, taloqda) faol to‘planadi. Biotransformatsiyasi Amiodaron asosan CYP3A4, shuningdek CYP2S8 yordamida metabolizmga uchraydi. Amiodaron va uning metaboliti dezetilamiodaron in vitro sharoitda CYP2C9, CYP2C19, CYP2D6, CYP3A4, CYP2A6, CYP2B6 va 2C8 ni ingibitsiya qilish xususiyatiga ega. Amiodaron va dezetilamiodaron shuningdek ayrim transport tizimlarini, masalan, P-glikoprotein va organik kationlarning tashuvchisi (OCT2) ni xam ingibitsiya qilish xususiyatiga egadir. (Bir tadqiqotda kreatinin kontsentratsiyasini (OCT 2 substrat) 1,1% ga oshishi aniqlangan). In vitro tadqiqotlarning ma’lumotlari CYP3A4, CYP2C9, CYP2D6 va P-glikoproteinning substratlari bilan o‘zaro ta’siri to‘g‘risida ma’lumotlar saqlaydi. Ichga qabul qilingandan keyin biokiraolishligi 30 % dan 80 % gachani (o‘rtacha 50 % ni) tashkil qiladi. Bir martalik doza qabul qilingandan keyin plazmadagi maksimal kontsentratsiyasi 3-7 soatdan keyin kuzatiladi. Terapevtik samarasi o‘rtacha bir hafta davomida (bir necha kundan ikki haftagacha vaqt davomida) rivojlanadi. Chiqarilishi Amiodaron shaxsiy (20 dan 100 kungacha) o‘zgarib turuvchi, uzoq muddatli yarim chiqarilish davriga ega. Davolashning birinchi bir necha kuni davomida amiodaron organizmning ko‘pchilik to‘qimalarida, ayniqsa yog‘ to‘qimasida to‘planadi. Chiqarilishi bir necha kun o‘tganidan boshlanadi, muvozanat kontsenratsiyasiga esa, patsiyentga qarab, bir yoki bir necha oydan keyin erishiladi. Ko‘rsatilgan xususityalari tufayli, to‘qimalarda terapevtik samaralarni nomoyon bo‘lishi uchun zarur bo‘lgan kontsentratsiyalarga tezda erishish uchun  preparatning zarbdor dozalarini ishlatish kerak. Farmakokinetikasi va farmakodinamikasi orasidagi bog‘liqlik Amiodaronning 200 mg li dozasi o‘zida 75 mg yod saqlaydi. Yod guruhi molekuladan ajralib chiqadi va siydikka yodidlar ko‘rinishida tushadi. Bu 24 soat ichida amiodaronning 200 mg sutkalik dozasi uchun 6 mg erkin yodga to‘g‘ri keladi. Amiodaron asosan safro va axlat bilan chiqariladi. Amiodaronni buyrak orqali ekskretsiyasi juda xam kam, bu buyrak yetishmovchiligi bo‘lgan patsiyentlarda standart dozalarni qo‘llash imkonini beradi. Davolash tugaganidan keyin preparatni chiqarilishi yana bir necha oy davomida davom etadi; farmakodinamik samarasi esa 10 kundan bir oygacha bo‘lgan davr davomida saqlanib qolishini hisobga olish lozim. Na amiodaron, na uning metabolitlarini dializ yordamida chiqarib bo‘lmaydi. Nazorat qilingan pediatrik tadqiqotlar o‘tkazilmagan. Pediatrik patsiyentlar bo‘yicha mavjud cheklangan chop etilgan ma’lumotlarda kattalardan farqlar aniqlanmagan. Klinika oldi tadqiqotlarining ma’lumotlari Farmakologik xavfsizligi, ko‘p marta qo‘llangandagi toksiklik, genotoksiklik, kantserogenlik, teratogenlik va reproduktiv faoliyatga ta’siri yuzasidan toksikligini o‘rganish yuzasidan an’anaviy tadqiqotlarga asoslangan klinika oldi tadqiqotlarining ma’lumotlari, Homiladorlik, emizish va fertillik bo‘limida ko‘rsatilgan ma’lumotlardan tashqari, sog‘lom odam uchun spetsifik farqlar aniqlanmagan.

Qaytalanishlarni oldini olish: – Hayotga xavf soluvchi yurak qorinchalari taxikardiyasini oldini olish: davolash statsionarda sinchkov nazorat ostida boshlanishi lozim. – Elektrokardiografik jihatdan tasdiqlangan, simptomatik va noshirnlikka olib keluvchi qorinchalari taxikardiyasini oldini olish. – Elektrokardiografik jihatdan tasdiqlangan supraventrikulyar taxikardiyani, agar taxikardiyani davolashning boshqa usullari bilan davolab bo‘lmasa yoki boshqa preparatlarni ishlatishga qarshi ko‘rsatmalar bo‘lganda davolashning zarurati aniqlangan hollarda qo‘llaniladi. – Yurak qorinchalari fibrillyatsiyasi. – Volf-Parkinson-Uayt sindromida ritm buzilishlarini oldini olishda qo‘llaniladi. Xilpillovchi aritmiyani davolash: yurak bo‘lmachalari lipillashi yoki xilpillashida (fibrillyatsiyasida) yurak qisqarishlari sonini sekinlashtirish yoki sinusli ritmni tiklash uchun qo‘llaniladi. Amiodaron yurak ishemik kasalligi bo‘lgan va/yoki yurakning chap qorinchasi disfunktsiyasi bo‘lgan hollarda xam qo‘llanilishi mumikn (Farmakodinamika bo‘limiga qarang). Yurakdan qon otilib chiqishining past fraktsiyasi yoki asimptomatik yurak qorinchalari ekstrasistolalari fonidagi simptomatik dimlangan yurak yetishmovchiligi yoki yaqinda o‘tkazilgan miokard infarkti oqibatida o‘lim bilan yakunlanish holatlarini oldini olish. Amiodaron ishemik yoki noishemik tabiatga ega dimlangan yurak yetishmovchiligi bilan xastalangan yuqori xavf guruhi patsiyentlarida umumiy o‘limni, shu jumladan yurak kasalligi oqibatidagi behosdan o‘lim holatlarini oldini olish uchun qo‘llaniladi. Yuqori xavf asosan yaqqol yurak yetishmovchiligining klinik simptomlarini borligi yoki chap qorinchadan qon otilib chiqish fraktsiyasini normadan 40% ga pasayishi, qorinchalar aritmiyasini borligi yoki yo‘qligi bilan belgilanadi.

Ko‘rsatilgan dozalar faqar kattalarda qo‘llanilishi mumkin. Boshlang‘ich davolash Dozalashni boshlang‘ich tartibi (yuklama doza) sutkada 3 tabletka (600 mg) ni 8-10 kun davomida buyurishdir. Ayrim xollarda davolashning boshida yuqoriroq dozalari (sutkada 4 yoki 5 tabletka) qo‘llanishi mumkin, lekin qisqa vaqt davomida va elektrokardiografik nazorat ostida qo‘llaniladi. Terapevtik to‘yinishning natijasi EKG dagi xarakterli o‘zgarishlar hisoblanadi: U to‘lqinini paydo bo‘lish ehtimoli bilan kechuvchi QT intervalini uzayishi (Maxsus ko‘rsatmalarga qarang). Samarani bir maromda tutib turuvchi davolash Shaxsiy minimal tutib turuvchi dozani tanlash kerak, u patsiyentning shaxsiy javobiga qarab, sutkada ½ tabletkadan (yoki har ikkinchi kuni bir tabletkadan) har kuni 2 tabletkagacha diapazonda bo‘lishi mumkin. Davolash mobaynida muntazam EKG-nazoratini o‘tkazish lozim. Maxsus guruh  patsiyentlari Buyrak yetishmovchiligi Buyrak yetishmovchiligi bo‘lgan patsiyentlarda dozaga tuzatish kiritish talab etilmaydi (Farmakodinamika. Farmakokinetika va farmakodinamikasi orasidagi bog‘liqlikka qarang), biroq klinik tajriba yo‘q. Jigar yetishmovchiligi Jigar faoliyatini buzilishi bo‘lgan patsiyentlar bo‘yicha klinik tajriba yo‘q. Keksa  patsiyentlar Keksa  patsiyentlarda qo‘llash bo‘yicha yetarli klinik ma’lumotlar mavjud emas. Amiodaronni keksa patsiyentlarda o‘ziga xos ehtiyotkorlik bilan qo‘llash kerak. Pediatrik patsiyentlar Bolalarda amiodaronning xavfsizligi va samaradorligi aniqlanmagan. Hozirgi vaqtda mavjud ma’lumotlar Farmakodinamikasi va Farmakokinetikasi bo‘limlarida ta’riflangan. Qo‘llash usuli Ichga qabul qilish buyuriladi.

Nojo‘ya ta’sirlari a’zolar va tizimlar bo‘yicha, shuningdek namoyon bo‘lishining tez-tezligiga qarab quyidagicha tasniflangan: Juda tez-tez (≥1/10); tez-tez (≥1/100 do <1/10); tez-tez emas (≥1/1 000 do <1/100); kam hollarda (≥1/10000 do <1/1000); juda kam hollarda (<1/10000), noma’lum (mavjud ma’lumotlar asosida baholab bo‘lmaydi). Quyida ta’riflanmagan o‘xshash simptomlar paydo bo‘lgan holda (ayniqsa yo‘g‘on kursiv bilan ajratilgan), iltimos, darhol o‘zingizning davolovchi shifokoringizga murojaat qiling! Ko‘rish a’zosi tomonidan buzilishlar: Juda tez-tez: kattalarda shox pardada deyarli doimo bo‘luvchi mikro cho‘kmalar, ular odatda qorachiq osti sohasi bilan cheklangan bo‘ladi va davolashni to‘xtatishni talab etmaydi. Ular juda kam hollarda yorqin yorug‘likda bo‘lgan oreol paydo bo‘lishi yoki tumanni xis qilish ko‘rinishidagi ko‘rishini buzilishiga olib keladi va preparat bekor qilinganidan keyin xar doim qaytuvchan hisoblanadi.

Bu preparatni quyidagi vaziyatlarda qo‘llash mumkin emas: Yurak ritmini kamayishi, ritmni sun’iy yurgizuvchisi yordamida holat muvofiqlashtirilgan holatlar bundan mustasnodir.Sinus tugunining kuchsizligi sindromi, ritmni sun’iy yurgizuvchisi yordamida holat muvofiqlashtirilgan holatlar bundan mustasnodir (sinus tugunini to‘xtashi xavfi bor).Giperterioz, amiodaron tomonidan holat yomonlashishi mumkinligi tufayli.Yodga yoki amiodaronga, yoki yordamchi moddalardan biriga ma’lum bo‘lgan allergiya.Homiladorlikning 2 va 3-chi uch oyliklari.Emizish.“Piruet” turidagi taxikardiyani chiqarish xususiyatiga ega bo‘lgan preparatlar bilan birga qo‘llash.I sinf antiaritmik preparatlar (xinidin, gidroxinidin, dizopiramid).III sinf antiaritmik preparatlari (sotalol, dofetilid, ibutimid).Sultoprid.Bepridil, tsisaprid, difamanil, vena ichiga yuboriladigan eritromitsin, mizolastin, moksifloksatsin, vena ichiga yuboriladigan vinkamin kabi boshqa preparatlar (Boshqa dori vositalari bilan o‘zaro ta’siri va o‘zaro ta’sirining boshqa turlari ga qarang).

Boshqa dori vositalari bilan o‘zaro ta’siri va o‘zaro ta’sirining boshqa shakllari O‘z davolovchi shifokoringizni Kordaron bilan birga Siz qabul qilayotgan barcha dorilar haqida, xatto agar vaqti-vaqti bilan qabul qilayotgan bo‘lsangiz ham albatta xabardor qiling. Torsade de Pointes turidagi aritmiyalarni chaqiruvchi yoki QT intervalni uzaytiruvchi dori vositalar A/ Torsade de Pointes turidagi aritmiyalarni chaqiruvchi dori vositalar Torsade de Pointes turidagi aritmiyalarni chaqirishi mumkin bo‘lgan dori vositalarni bir vaqtda buyurish mumkin emas (4.3 bo‘limga qarang): – Ia sinfi antiaritmik vositalari, sotalol, bepridil – Antiaritmik hisoblanmagan vinkamin, sultoprid, eritromitsin (vena ichiga yuboriladigan), pentamidin (parenteral qo‘llanganda) kabi vositalar, chunki birga qo‘llanganda torsade de pointes turidagi potentsial o‘lim bilan yakunlanuvchi aritmiyalarni rivojlanish xavfi bor. B/ QT intervalini uzaytiruvchi dori vositalar Amiodaronni QT intervalini uzaytiruvchi dori vositalar bilan birga qo‘llanishi, har bir patsiyent uchun kutilgan foyda va xavfni sinchiklab baholanishiga asoslangan bo‘lishi kerak, chunki torsade de pointes turidagi aritmiyani rivojlanish xavfi oshishi mumkin(4.4 bo‘limga qarang), va patsiyentlarda QT intervalini uzayishini nazorat qilish lozim. Amiodaron qabul qilayotgan patsiyentlarda ftorxinolonlarni buyurishdan saqlanish kerak. Yurak qisqarishlari sonini kamaytiruvchi yoki avtomatizm yoki o‘tkazuvchanlikni buzilishini chaqiruvchi dori vositalari: Bu dori vositalarni bir vaqtda buyurish tavsiya etilmagan: – Beta-blokatorlar va yurak qisqarishlari sonini kamaytiruvchi kaltsiy kanallarining i ingibitorlari (verapamil, diltiazem), chunki avtomatizmni buzilishi (xaddan tashqari bradikardiya) va o‘tkazuvchanlikni buzilishi rivojlanishi mumkin. Gipokaliyemiyani chaqirishi mumkin bo‘lgan vositalar: Quyidagi dori vositalarni bir vaqtda buyurish tavsiya etilmagan: – rag‘batlantiruvchi surgi vositalari gipokaliyemiyani chaqirishi mumkin va shu yo‘l bilan “torsade de pointes” turidagi aritmiyalarni rivojlanish xavfini oshirishi mumkin; boshqa turdagi surgi vositalarini ishlatish kerak. Kordaron bilan birga quyidagi dori vositalarnni ishlatilganda ehtiyotkorlikka amal qilish kerak: – Gipokaliyemiyani chaqiruvchi diuretiklar (xam monopreparatlar, xam majmuaviy preparatlar). – Tizimli kortikosteroidlar (glyuko-, mineralokortikosteroidlar), tetrakozaktid. Nomaqbul majmualar – Amfoteritsin B (vena ichiga yuboriladigan). Gipokaliyemiyani rivojlanishini oldini olish va u yuz bergan hollarda muvofiqlashtirish lozim. QT intervalni nazorat qilish va torsade de pointes turidagi aritmiyalarda antiaritmik vositalarni buyurmaslik kerak (yurak qorinchalarini kardiostimulyatsiyasini boshlash kerak, magniyni vena ichiga yuborish mumkin). Umumiy anesteziya: Umumiy anesteziya o‘tkazilgan patsiyentlarda potentsial og‘ir asoratlar: bradikardiya (atropinga rezistent bo‘lgan), gipotenziya, o‘tkazuvchanlikni buzilishi, yurakdan otilib chiqayotgan qon hajmini oshishini rivojlanishi to‘g‘risida xabar berilgan. Juda kam hollarda nafas tizimi tomonidan og‘ir asoratlar (kattalarning o‘tkir respirator distress sindromi), ba’zan, odatda operatsiyadan keyingi davrda darhol  yuz beruvchi fatal asoratlar kuzatilgan. Kislorodning yuqori kontsentratsiyasi bilan o‘zaro bog‘liqlikni taxmin qilish mumkin. Amiodaron va/yoki uning metabolitlari, dezetilamiodaron, CYP3A4, CYP2C9, CYP2D6 va P-glikoproteinni ingibitsiya qiladi va ularning subtratlariga ta’sirini oshirishi mumkin. Amiodaronning yairim chiqarilishi davri uzoq bo‘lganligi tufayli, o‘zaro ta’sirlar amiodaronni qabul qilish to‘xtatilganidan keyin birnecha oy davomida kuzatilishi mumikn. P-glikoprotein (P-gp) ning substratlari Amiodaron P-gp ning ingibitori hisoblanadi. P-gp ning substratlari bilan bir vaqtda qo‘llanishi ularning ta’sirini oshishiga olib keladi de taxmin qilinadi. Digitalis: Avtomatizmni buzilishi (xaddan tashqari bradikardiya) va atrioventrikulyar o‘tkazuvchanlikni buzilishi (sinergik ta’sir) rivojlanishi mumkin; bundan tashqari, digoksinni klirensini pasayishi oqibatida plazmada digoksinning kontsentratsiyasi oshishi mumkin.

Yurakdagi samaralar Davolash boshlanishidan oldin EKG o‘tkazish kerak. Keksa bemorlarda yurak qisqarishlari soni yanada yaqqolroq pasayishi mumkin.Amiodaronning farmakologik ta’siri EKG da o‘zgarishlar chiqaradi: U to‘lqinini paydo bo‘lish ehtimoli bilan kechuvchi QT intervalini uzayishi (repolyarizatsiyani cho‘zilishi tufayli): bu o‘zgarishlar zaharlilikni emas, balki terapevtik to‘yinishning natijasidir.2-chi va 3-chi darajali atrioventrikulyar blokada, sinoatrial blokada yoki ikkita tutam blokadasi yuz bergan hollarda preparat bekor qilinishi lozim. 1-chi darajali atrioventrikulyar blokada yuz bergan hollarda kuzatuvni kuchaytirish kerak. Ritm buzilishlarining yangi turlarini yuz berishi yoki ilgari bo‘lgan buzilishlarni og‘irlashishi to‘g‘risida ma’lumotlar mavjud (Nojo‘ya ta’siri ga qarang).Amiodaronning aritmogen samarasi kuchsiz bo‘lib, ko‘pchilik antiaritmik preparatlardan kamroq, va odatda ayrim dori vositalari bilan majmuada namoyon bo‘ladi (Boshqa dori vositalari bilan o‘zaro ta’siri va o‘zaro ta’sirining boshqa shakllariga ga qarang) yoki elektrolit balansi buzilishlarida yuz beradi. Qalqonsimon bezi tomonidan simptomlar Amiodaron yod saqlaydi va shuning uchun u qalqonsimon bezining faoliyatini baholash uchun ishlatiladigan ayrim sinamalarning natijalariga ta’sir qilishi mumkin (radioaktiv yodni bog‘lanishi, PBI). Qalqonsimon bezining faoliyatini qondagi gormonlar (T3, T4, TTG) darajasini aniqlash yordamida nazorat qilish mumkin.Amiodaron qalqonsimon bezining faoliyatini, ayniqsa anamnezda qalqonsimon bezining disfunktsiyasi bo‘lgan bemorlarda buzilishini chiqarishi mumkin. Shuning uchun davolashni boshlashgacha, so‘ngra esa muntazam (masalan, har 6 oyda) davolash davomida va davolash tugaganidan keyin birnecha oy o‘tgach, qon zardobida TTG darajasini aniqlashni o‘tkazish kerak (Nojo‘ya ta’siriga qarang). O‘pkadagi simptomlar Dispnoe xurujlari yoki quruq yo‘tal o‘pkadagi zaharlilik bilan, masalan interstitsial pnevmonitni rivojlanishi bilan bog‘liq bo‘lishi mumkin. Jismoniy zo‘riqishdan keyin yagona simptom sifatida yoki patsiyentning umumiy ahvolini yomonlashishi (toliqish, tana vaznini yo‘qotilishi va isitma) fonida dispnoe epizodlari kuzatilgan patsiyentlarda ko‘krak qafasining flyuorografik tekshiruvini o‘tkazish kerak. Amiodaron bilan davolashni davom ettirish maqsadga muvofiqligini ko‘rib chiqish lozim, chunki interstitsial pnevmonit amiodaronni erta bekor qilinganda doimo qaytuvchandir (klinik simptomlar 3-4 hafta davomida tuzaladi, radiologik o‘zgarishlar va o‘pka faoliyatini yaxshilanishi birnecha oydan keyin kuzatiladi). Kortikosteroidlarni qo‘llash mumiknligini baholash kerak. Juda kam hollarda og‘ir respirator asoratlar, ba’zida, odatda jarrohlik aralashuvidan keyin o‘lim bilan yakunlangan holatlar (kattalarda o‘tkir nafas yetishmovchiligi sindromi) aniqlangan. Bu asoratlar kislorodning yuqori kontsentratsiyasi bog‘liq o‘zaro ta’sirlar tufayli rivojlanishi mumkin. Jigar simptomlari Amiodaron bilan davolashning boshida va davolash jarayonida jigar faoliyatini muntazam nazorat qilish tavsiya qilinadi (Nojo‘ya ta’siriga qarang). Peroral terapiyada jigar faoliyatini o‘tkir (og‘ir jigar-xujayralari jigar yetishmovchiligi yoki ba’zan o‘lim bilan yakunlanuvchi jigarni shikastlanishi) yoki jigar faoliyatini surunkali buzilishlari rivojlanishi mumkin; shu boisdan amiodaronning dozasini pasaytirish yoki agar transaminazalar darajasi normadan 3 martadan ortiq yuqori bo‘lsa, preparat bilan davolashni to‘xtatish tavsiya etiladi. Surunkali jigar yetishmovchiligining klinik va biologik simptomlari darajasi bo‘yicha yengil bo‘lishi (jigarni kattalashishi, transaminazalar darajasini normadan 5 martadan ortiq oshishi) va preparat bilan davolash bekor qilinganda qaytuvchan bo‘lishi aniqlangan, biroq shuningdek o‘lim bilan yakunlangan holatlar to‘g‘risida xam xabar berilgan. Nerv-mushak simptomlari Amiodaron sensor, motor yoki aralash periferik neyropatiyalar va miopatiyalarni chaqirishi mumkin (Nojo‘ya ta’siriga qarang). Simptomlarni yo‘qolishi amiodaron bilan davolash bekor qilingandan keyin odatda birnecha oy davomida kuzatiladi, biroq ayrim simptomlar vaqti-vaqti bilan yana namoyon bo‘lishi mumkin. Oftalmologik simptomlari Ko‘rishni xiralashishida yoki ko‘rish o‘tkirligini pasayishi yuz berganida darhol to‘liq oftalmologik ko‘ruvni, shu jumladan ko‘z tubini ko‘ruvini o‘tkazish kerak. Amiodaron tomonidan chaqirilgan neyropatiya yoki ko‘z nervining nevriti rivojlangan hollarda preparatni bekor qilish kerak, chunki ko‘r bo‘lib qolish ehtimoli bor (Nojo‘ya ta’siriga qarang). Majmualar (Kombinatsiyalar) (Boshqa dori vositalari bilan o‘zaro ta’siri va o‘zaro ta’sirning boshqa shakllari ga qarang): beta-adrenoretseptorlarining blokatorlari, sotaloldan (qo‘llash mumkin bo‘lmagan majmua) va esmololdan tashqari (qo‘llaganda ehtiyotkorlikni talab qiluvchi majmua);verapamil va diltiazem faqat hayot uchun xavf tug‘diruvchi yurak qorinchasi aritmiyalarini oldini olishda ishlatilishi mumkin. Preparat laktoza saqlaganligi tufayli, uni tug‘ma galaktozemiya, glyukoza va galaktozani malabsorbtsiya sindromi yoki laktaza tanqisligi bilan xastalangan bemorlarda qo‘llash mumkin emas. Nojo‘ya ta’sirlari (Nojo‘ya ta’siriga qarang), odatda dozaga bog‘liq bo‘ladi, shuning uchun minimao samarali terapevtik dozani qo‘llash kerak. Patsiyentlarni quyosh nuridan saqlanish lozimligi va davolanish davrida quyosh nuridan himoyalanish yuzasidan choralarni qo‘llash to‘g‘risida xabardor qilish kerak (Nojo‘ya ta’siriga qarang). Klinik holatni monitoringi (Maxsus ko‘rsatmalar va qo‘llashdagi ehtiyotkorliklar va Nojo‘ya ta’siri bo‘limlariga qarang). Amiodaronni qabul qilishni boshlashdan oldin EKG olish va zardobda kaliy darajasini aniqlash tavsiya qilinadi. Davolash jarayonida transaminazalar darajasini va EKG monitoringini o‘tkazish tavsiya qilinadi. Bundan tashqari, amiodaron, ayniqsa anamnezida qalqonsimon bezi faoliyatini buzilishlari bo‘lgan patsiyentlarda gipotireozga yoki gipertireozga olib kelishi mumkinligi tufayli, amiodaronni qo‘llashdan oldin klinik va biologik monitoringni (TTG) boshlash tavsiya qilinadi. Ushbu monitoringni davolash jarayonida va u to‘xtatilganidan keyin birnecha oy davomida davom ettirish kerak. Qalqonsimon bezi faoliyatini buzilishlariga shubha tug‘ilganda zardobda TTG darajasini o‘lchash kerak. Yurak defibrillyatsiyasini va/yoki ritm yurgizuvchisini stimulyatsiya bo‘sag‘asini yoki preparatning samaradorligiga, ayniqsa aritmiyaga qarshi vositalarni uzoq muddat davomida qo‘llanganda potentsial ta’sir qiluvchi imlantatsiya qilingan yurakning elektr defibrillyatorining stimulyatsiya bo‘sag‘asini oshishi hollari haqida xabar berilgan. Shu boisdan amiodaron bilan davolashni boshlashdan oldin va davolanish vaqtida ishalatilayotgan qurilmalarning ishini vaqti-vaqti bilan tekshiruvini o‘tkazib turish kerak. Qalqonsimon bez kasalliklari (Nojo‘ya ta’siri ga qarang). Amiodaron yod saqlaydi va shuning uchun radioyodni qabul qilishga ta’sir qilishi mumkin. Shunday bo‘lsada, qalqonsimon bez faoliyatining sinamalarini natijalari (erkin T3, erkin T4, TTG) tahlili qilish mumkin bo‘lgan darajada qoladi. Amiodaron periferik to‘qimalarda tiroksinni (T4) triyodtironinga (T3) konversiyasini ingibitsiya qiladi va qalqonsimon bez faoliyati normal bo‘lgan patsiyentlarda lokal biokimyoviy o‘zgarishlarni (erkin T3 darajasini biroz pasayishi yoki xatto normada qolishi fonida erkin T4 darajasini oshishini) chaqirishi mumkin. Shunga o‘xshash holatlar amiodaron bilan davolashni bekor qilishni talab etmaydi. Gipotireozga shubha tug‘ilishi uchun quyidagi klinik simptomlarni: tana vaznini oshishi, sovuqni ko‘tara olmaslik, faollikni pasayishi, xaddan tashqari bradikardiyani rivojlanishi asos bo‘lib xizmat qiladi. Tashhis zardobda TTG darajasini yaqqo oshishi bilan tasdiqlanadi. Qalqonsimon bez faoliyatini normagacha tiklanishi odatda davolash bekor qilinganidan keyin 1-3 oy davomida yuz beradi. Hayot uchun xavfli bo‘lan holatlarda amiodaron bilan davolash L-tiroksinni qabul qilinishi bilan birga davom ettirilishi mumkin. L-tiroksinning dozasiga TTG darajasiga muvofiq tuzatish kiritiladi.

+30° S dan past xaroratda saqlansin. Bolalar olaolmaydigan joyda saqlansin.

Dori vositasining dozasi oshirib yuborilgan hollarda darhol shifokorga yoki tez yordam bo‘limiga murojaat qiling! Amiodaronning yuqori dozalarini qabul qilish bo‘yicha ma’lumotlar kam. Sinusli bradikardiyaning, yurak qorinchalari taxikardiyasining bir necha hollari, xususan “piruyet” turi qorinchalar taxikardiyasi va jigarni shikastlanishi ta’riflangan. Davolash simptomatik bo‘lishi kerak. Preparatning farmakokinetik profilini xisobga olib, bemorning holatini yetarlicha uzoq vaqt davomida nazorat qilish tavsiya etiladi, ayniqsa yurak ritmini monitoringi muxim. Na aminodaron, na uning metabolitlari dializ davomida yo‘qotilmaydi.

Retsept bo‘yicha

10 bo‘linuvchi tabletkadan PVX/alyuminiy blisterda, 3 blisterdan qo‘llash bo‘yicha yo‘riqnomasi bilan birga karton qutida.

3 yil. O‘ramida ko‘rsatilgan yaroqlilik muddati o‘tganidan so‘ng ishlatilmasin.