Oq yoki deyarli oq rangli, dumaloq shaklli, yassi tabletkalar.

Mikroblarga qarshi vosita.

J01EE01

Ichga qabul qilinganida preparatning ikkala komponenti me’da-ichak yo‘llaridan tez va deyarli to‘liq (90%) so‘riladi. Qon va to‘qimalarda faol moddalarning kontsentratsiyalariga terapevtik miqdori qabul qilinganidan keyin 60 minut o‘tgach erishiladi va 12 soat davomida saqlanadi. Qon plazmasidagi maksimal kontsentratsiyaga 2-4 soatdan keyin erishiladi. Organizmning to‘qima va suyuqliklariga, shu jumladan o‘pka, bodomsimon bezlar, orqa miya suyuqligi, prostata bezi va buyraklar, o‘rta quloq suyuqligi, bronxlar va qin ajralmalari, shuningdek ona sutiga va yo‘ldosh to‘sig‘i orqali kiradi. Plazma oqsillari bilan bog‘lanish darajasi trimetoprim uchun 45% va sulfametoksazol uchun 70% ga yetadi. Ikkala modda faol bo‘lmagan metabolitlarini hosil qilib, jigarda (atsetil guruhini qo‘shilishi) metabolizmga uchraydi. Sulfametoksazolning yarim chiqarilish davri 6-12 soatni, trimetoprimniki – 8-10 soatni tashkil qiladi. Preparatning ikkala komponenti asosan siydik bilan chiqariladi. Sulfametoksazolning 15 dan 30% gacha va trimetoprimning 40-60% o‘zgarmagan holda chiqariladi.

Preparat ovqatlanish vaqtida yoki ovqatlanishdan keyin darhol ko‘p miqdordagi suv bilan qabul qilinadi. Preparatni sutkada 2 marta (har 12 soatda) qabul qilish kerak. Kattalarga 960 mg (2 tabletka) sutkada 2 marta buyuriladi. Og‘ir infektsiyalarda ikki qabulga bo‘lingan 2,88 g (6 tabletka) buyurish mumkin. Buyrak yetishmovchiligi bo‘lgan patsiyentlarga uzoq muddatli qo‘llashda past dozalar buyuriladi. 6 oylikdan 5 yoshgacha bo‘lgan bolalarga – 240 mg (1/2 tabletka). 6 yoshdan 12 yoshgacha bo‘lgan bolalarga – 480 mg (1 tabletka). Qabul qilishlar soni – sutkada 2 marta.

Preparat odatda yaxshi o‘zlashtiriladi. Ayrim hollarda bosh og‘rig‘i, depressiya, bosh aylanishi kuzatiladi. Kam hollar ko‘ngil aynishi, qusish va me’da-ichak yo‘llari faoliyatining boshqa buzilishlari (diareya, soxtamembranoz kolit, xolestatik gepatit), teri toshmalari (shu jumladan, ko‘p shaklli bullyoz eritema, Stiven-Djonson sindromi, Layell toksik epidermal nekrolizi), buyrak (gematuriya, nefrit) va qon yaratish tizimini buzilishlari (leykopeniya, neytropeniya, trombotsitopeniya, agranulotsitoz, megaloblast anemiya) kuzatiladi.

O‘ta yuqori sezuvchanlik (shu jumladan, sulfanilamidlarga yoki trimetoprimga);Jigar yoki buyrak yetishmovchiligi.V12-tanqisligi anemiya.Agranulotsitoz.Leykopeniya.Glyukozo-6-fosfatdegidrogenazaning tanqisligi.Chala tug‘ilgan va 6 xaftagacha bo‘lgan yangi tug‘ilgan chaqaloqlar.Bolalardagi giperbilirubinemiyada qo‘llash mumkin emas.

Preparatni trombotsitopeniya (qonuvchanlik) sababli tiazid diuretiklar bilan bir vaqtda qabul qilish tavsiya qilinmaydi. “Ko-trimoksazol 480” varfarinning antikoagulyant va fenitoninning tirishishga qarshi faolligini kuchaytiradi. Trimetoprim sulfanilmochevina hosilalari – diabetga qarshi preparatlarning ta’sirini kuchaytiradi. Rifampitsin trimetoprimning yarim chiqarilish davrini qisqartiradi. “Ko-trimoksazol 480” va tsiklosporinni buyrakdagi operatsiyadan keyin bir vaqtda buyurish bemorlarning ahvolini yomonlashtiradi. Preparatni salitsilatlar, butadion, naproksen va paraaminobenzoy kislotasining hosilalari bilan bir vaqtda buyurish tavsiya qilinmaydi.

Buyrak faoliyatini o‘rta darajadagi buzilishi bo‘lgan patsiyentlarda to‘planish xavfini kamaytirish maqsadida, “Ko-trimoksazol 480” ni kamaytirilgan dozalarda buyurish mumkin. Jigar faoliyatini buzilishi, folat kislotasining tanqisligi bilan anemiyada, surunkali alkogolizmi bo‘lgan bemorlar va immunodepressantlarni qabul qilayotgan patsiyentlarga “Ko-trimoksazol 480” ni buyurishda ehtiyotkorlikka rioya qilish kerak. Keksa yoshdagi patsiyentlarga folat kislotasini qo‘shimcha buyurish kerak. Agar “Ko-trimoksazol 480” ni qo‘llash vaqtida ekzantema yoki boshqa allergik reaktsiyalarni paydo bo‘lishi kuzatilsa, “Ko-trimoksazol 480” ni qabul qilishni darhol to‘xtatish kerak. “Ko-trimoksazol 480” bilan davolash davrida suyuqlikni adekvat qabul qilish va yetarli miqdorda diurezni tutib turishni ta’minlash kerak, shuningdek siydikni kislotaligini oshiruvchi vositalarni (askorbin kislotasi, geksametiltetramin) qo‘llash mumkin emas, chunki kristalluriya rivojlanishi mumkin.

Homiladorlik va emizish (laktatsiya) davrida “Ko-trimoksazol 480” qo‘llashdan saqlanish kerak. Preparat bolalar ololmaydigan joyda saqlansin va yaroqlilik muddati tugaganidan keyin ishlatilmasin.

Quruq, yorug‘likdan himoyalangan joyda, 25oS yuqori bo‘lmagan haroratda saqlansin.

Simptomlari: anoreksiya, ko‘ngil aynishi, qusish, bosh og‘rig‘i, depressiya, isitma, gematuriya, kristalluriya, trombotsitopeniya, leykopeniya, megaloblast anemiya.

Retsept bo‘yicha

10 tabletkadan kontur-uyali o‘ramda. 2 yoki 10 kontur-uyali o‘ramda 10 tabletkadan qo‘llash bo‘yicha yo‘riqnoma bilan karton qutida.

3 yil.