och-sariq tusli oq rangli yassitsilindrik tabletkalar. Tabletka yuzasida marmarlikka yo‘l qo‘yiladi.

mikroblarga qarshi majmuaviy vosita.

J01EE01.

Peroral qabul qilinganida so‘rilishi – 90%. Preparatning plazmada maksimal kontsentratsiyaga erishish vaqti 1-4 soat, kontsentratsiyasining terapevtik samarali darajasi bir marta qabul qilinganidan keyin 7 soat saqlanadi. Organizmda yaxshi taqsimlanadi. Gematoentsefalik to‘siq, yo‘ldosh to‘sig‘i orqali o‘tadi va ko‘krak sutiga kiradi. O‘pka va siydikda plazmadagi miqdoridan yuqori kontsentratsiya hosil qiladi. Kam darajada bronxial sekretida, qin ajralmalarida, prostata bezining sekreti va to‘qimasida, o‘rta quloq suyuqligida (uni yallig‘lanishida), orqa miya suyuqligida, safroda, suyaklarda, so‘lakda, ko‘zning suvli namligida, ko‘krak sutida, interstitsial suyuqlikda to‘planadi. Plazma oqsillari bilan bog‘lanishi – sulfametoksazolning – 60%, trimetoprimning – 45%. Ikkala komponenti atsetil guruhi qo‘shilgan hosilalarini hosil qilib metabolizmga uchraydi, sulfametoksazol ko‘proq darajada. Metabolitlari mikroblarga qarshi faolikka ega emas. Buyraklar orqali metabolitlari ko‘rinishida (80% – 72 soat davomida) va o‘zgarmagan ko‘rinishda chiqariladi (20% sulfametoksazol, 50% trimetoprim); oz miqdori – ichak orqali chiqariladi. Preparatning yarim chiqarilish davri, sulfametoksazolni – 9-11 soat, trimetoprimni – 10-12 soat, bolalarda sezilarli kam darajada va yoshiga bog‘liq; 1 yoshgacha 7-8 soat, 1-10 yosh – 5-6 soat. Keksa va buyrak faoliyatini buzilishi bo‘lgan patsiyentlarda preparatning yarim chiqarilish davri uzayadi.

Siydik-jinsiy a’zolarining infektsiyalari: uretrit, tsistit, piyelit, piyelonefrit, prostatit, epididimit, gonoreya, yumshoq shankr, venerik limfogranulema, chov granulemasi;nafas yo‘llarining infektsiyalari: bronxit (o‘tkir va surunkali), bronxoektatik kasallik, krupoz pnevmoniya, bronxopnevmoniya, pnevmotsist pnevmoniya;LOR-a’zolarining infektsiyalari: o‘rta otit, sinusit, laringit, angina, skarlatina;me’da-ichak yo‘llarining infektsiyalari: qorin tifi, paratif, salmonellela tashuvchanlik, vabo, dizenteriya, xoletsitit, xolangit, Esherichia coli ning enterotoksik shtammlari chaqirgan gastroenteritlar;teri va yumshoq to‘qimalarning infektsiyalari: husnbuzar, furunkulyoz, piodermiya, jarohat infektsiyalari;osteomiyelit (o‘tkir va surunkali) va boshqa osteoartrikulyar infektsiyalar: brutsellyoz (o‘tkir), janubiy amerika blastomikozi, bezgak (Plasmodium falciparum), toksoplazmozda (majmuaviy davolash tarkibida) qo‘llanadi.

Dozalash tartibi kasallikning og‘irligiga, qo‘zg‘atuvchining sezgirligiga va turiga, bemorning yoshiga qarab shaxsiy ravishda belgilanadi. Kattalar va 12 yoshdan oshgan bolalarga – sutkada 960 mg bir marta yoki 480 mg 2 marta. Infektsiyaning og‘ir kechishda – 480 mg dan sutkada 3 marta, surunkali infektsiyalarda samarani bir maromda ushlab turuvchi doza – 480 mg sutkada 2 marta. Asoratlanmagan infektsiyada: 12 yoshdan oshgan bolalar va kattalarga 1 tabletkadan sutkada 2 marta buyuriladi. Davolash kursining davomiyligi 5 kundan 14 kungacha. Og‘ir kechishida va/yoki infektsion kasallikning surunkali shaklida bir martalik dozani 30-50% ga oshirishga yo‘l qo‘yiladi. Preparatni ovqatlanish vaqtida yoki undan keyin qabul qilinadi. Ishqoriy ichimlik (sut, mineral suv) ichish tavsiya qilinadi.

Nerv tizimi tomonidan: bosh og‘rig‘i, bosh aylanishi, vertigo, tirishishlar, ataksiya, paresteziya, quloqlarni shang‘illashi, uveit, gallyutsinatsiyalar, asabiylik; aseptik meningit, depressiya, apatiya, tremor, periferik nevritlar. Nafas tizimi tomonidan: bronxospazm, o‘pka infiltratlari: (eozinofil infiltrat, allergik alveolit (yo‘tal, hansirash). Ovqat-hazm qilish tizimi tomonidan: ko‘ngil aynashi, qusish, ishtahani pasayishi, diareya, gastrit, qorinda og‘riq, glossit, stomatit, xolestaz, “jigar” transaminazalari faolligini oshishi, gepatit, shu jumladan xolestatik, gepatonekroz, soxtamembranoz kolit, “o‘t chiqarish yo‘lini yo‘qolishi” sindromi (duktopeniya), giperbilirubinemiya, o‘tkir pankreatit. Qon yaratish a’zolari tomonidan: leykopeniya, neytropeniya, trombotsitopeniya, agranulotsitoz, anemiya (megaloblastik, gemolitik/autoimun yoki aplastik anemiya), metgemoglobinemiya, eozinofiliya, gipoprotrombinemiya. Siydik chiqarish tizimi tomonidan: poliuriya, interstitsial nefrit, buyrak faoliyatini buzilishi, kristalluriya, gematuriya, mochevina kontsentratsiyasini oshishi, giperkreatininemiya, oliguriya va anuriya bilan kechuvchi toksik nefropatiya. Tayanch-harakat apparati tomonidan: artralgiya, mialgiya, rabdomioliz. Allergik reaktsiyalar: qichishish, fotosensibilizatsiya, toshma, ko‘p shaklli ekssudativ eritema (shu jumladan Stivens-Djonson sindromi), toksik epidermal nekroliz (Layell sindromi), eksfoliativ dermatit, allergik miokardit, tana haroratini oshishi, angionevrotik shish, skleralarning giperemiyasi, eshakemi, kon’yunktivani qizarishi, anafilaktik/anafilaktoid reaktsiyalar, zardob kasalligi, gemorragik vaskulit (Shenleyn-Genox purpurasi), tugunli periarteriit, yuguriksimon sindrom, eozinofiliya va tizimli simptomatika bilan kechuvchi dori oqibatidagi toshma (DRESS-sindromi). Boshqalar: gipoglikemiya, giperkaliyemiya (asosan OITS bo‘lgan patsiyentlarda pnevmotsist pnevmoniyani davolaganda), giponatriyemiya, holsizlik, toliqish, uyqusizlik, kandidoz.

O‘ta yuqori sezuvchanlik (shu jumladan sulfanilamidlarga), jigar va/yoki buyrak yetishmovchiligi (kreatinin klirensi minutiga 15 ml dan kam), aplastik anemiya, V12-tanqisligi anemiyasi, agranulotsitoz, leykopeniya, glyukozo-6-fosfatdegidrogenaza tanqisligi, homiladorlik, laktatsiya davri, 12 yoshgacha bo‘lgan bolalar, (ushbu dori shakli uchun), bolalardagi giperbilirubinemiyada qo‘llash mumkin emas.

Bilvosita antikoagulyantlarning faolligini, shuningdek gipoglikemik dori vositalarining va metotreksatning ta’sirini oshiradi. Fenotoin (uning yarim chiqarilish davrini 39% ga uzaytiradi) va varfarinning samarasini oshirib, jigardagi metabolizmi jadalligini pasaytiradi. Peroral kontratseptsiyaning ishonchliligini (ichak mikroflorasini susaytiradi va gormonal birikmalarni ichak-jigar tsirkulyatsiyasini pasaytiradi) qisqartiradi. Rifampitsin trimetoprimning yarim chiqarilish davrini qisqartiradi. Pirimetamin bir haftada 25 mg dan yuqori dozalarda megaloblast anemiyani rivojlanish xavfini oshiradi. Diuretiklar (ko‘pincha tiazid) trombotsitopeniyaning rivojlanishi xavfini oshiradi. Benzokain, prokain, prokainamidning samarani pasaytiradi (va boshqa dori vositalarini, ularning gidrolizi natijasida paraaminobenzoy kislotasi hosil bo‘ladi). Diuretiklar (tiazidlar, furosemid va boshqalar) va peroral gipoglikemik dori vositalari (sulfonilmochevina hosilalari) orasida bir tomonidan va mikroblarga qarshi preparatlar bilan – boshqa tomonidan kesishgan allergiyani rivojlanishi mumkin. Fenitoin, barbituratlar, paraaminobenzoy kislotasi folat kislotasining tanqisligi belgilarini kuchaytiradi. Salitsil kislotasining hosilalari ta’sirini kuchaytiradi. Askorbin kislotasi, geksametilentetramin (va boshqa siydikning kislotaliligini oshiruvchi dori vositalari) kristalluriya rovojlanishi xavfini oshiradi. Kolestiramin so‘rilishini kamaytiradi, shuning uchun uni ko-trimaksozolni qabul qilishdan 4-6 soat oldin yoki 1 soat keyin qabul qilish kerak. Suyak ko‘migida qon yaratilishini susaytiruvchi dori vositalari miyelosupressiyani xavfini oshiradi.

Davolash kursini 5 kundan ko‘proqqa uzaytirish va/yoki dozani oshirish hollarida gematologik nazoratni o‘tkazish kerak. Qon manzarasining o‘zgarishi holida folat kislotasini sutkada 5-10 mg dan buyurish lozim. Uzoq muddatli davolash kurslarida (bir oydan ko‘p) muntazam qon tahlillarini o‘tkazish kerak, chunki gematologik o‘zgarishlarning (ko‘pincha asimptomatik) paydo bo‘lish ehtimoli mavjud. Bu o‘zgarishlar folat kislotasi buyurilganida (sutkada 3-6 mg) qaytuvchan bo‘lishi mumkin, bu preparatning mikroblarga qarshi faolligini axamiyatli buzmaydi. Keksa bemorlarni yoki folatlarning dastlabki yetishmovchiligiga shubha bo‘lgan bemorlarni davolashda alohida ehtiyotkorlik kerak. Shuningdek uzoq muddat yuqori dozalarda davolashda folat kislotasini buyurish ham maqsadga muvofiqdir. Kristalluriyaning oldini olish uchun chiqarilayotgan siydikni yetarli miqdorda tutib turish tavsiya qilinadi. Sulfanilamidlarning toksik va allergik asoratlarini ehtimoli, buyraklarning filtratsion foaliyati pasayganida sezilarli darajada oshadi. Xaddan ziyod quyosh va UB nurlanishdan saqlanish lozim.

Homilador ayollarda ko-trimoksazolni qo‘llashning xavfsizligi aniqlanmaganligi tufayli, preparatni homiladorlikda qo‘llash mumkin emas. Trimetoprim va sulfametoksazol ko‘krak sutiga kirishi ma’lum, shuning uchun preparatni laktatsiya davrida qo‘llash zarurati bo‘lganida emizishni bekor qilish masalasini hal etish kerak.

25oS dan yuqori bo‘lmagan haroratda saqlansin.

Simptomlari: ko‘ngil aynashi, qusish, ichak sanchig‘i, bosh aylanishi, bosh og‘rig‘i, uyquchanlik, depressiya, hushdan ketish, ongni chalkashishi, ko‘rishni buzilishi, isitma, gematuriya, kristalluriya, davomli dozani oshirib yuborilishida – trombotsitopeniya, leykopeniya, megaloblast anemiya, sariqlik. Davolash: me’dani yuvish, siydikning kislotaliligini oshirish trimetoprimning chiqarilishini oshiradi, ichga suyuqlik qabul qilish, m/i sutkada 5-15 mg kaltsiy folinatini (trimetoprimning suyak ko‘migiga ta’sirini bartaraf qiladi), zarurati bo‘lganida – gemodializ.

Tabletkalar 480 mg. 10 tabletkadan kontur uyali o‘ramda. 2 o‘ram davlat va rus tillaridagi qo‘llash bo‘yicha yo‘riqnomasi bilan birga karton qutiga joylanadi.

3 yil.