Oq yoki deyarli oq rangli kukun.

Antibiotiklar (penitsillinlar guruhi).

Amoksitsillin va klavulanat kislotasining asosiy farmakokinetik ko‘ratkichlari o‘xshash. Amoksitsillin va klavulanat kislotasi majmuada bir-biriga ta’sir qilmaydi. 1,2 g oqim bilan inyektsiyadan keyin plazmadagi maksimal kontsentratsiyasi (Cmax) 105,5 mg/l (amoksitsillin uchun) va 28,5 mg/l (klavulanat kislotasi uchun) ni tashkil etadi. Yaxshi taqsimlanish hajmi bilan xarakterlanadi. Organizmning suyuqlik va to‘qimalarida aniqlanadi (o‘pkalarda, plevral, peritoneal, sinovial suyuqliklarda, tanglayning bodomsimon bezlarida, bronxial sekretda, prostata bezida, peritoneal abstsessda, mushak to‘qimalarida, yog‘ to‘qimalarida, burunning yon bo‘shliqlari, o‘rta quloq va boshqalarda) aniqlanadi. Amoksitsillin ko‘pchilik penitsillinlar kabi ko‘krak sutiga o‘tadi. Ko‘krak sutida shuningdek klavulanat kislotasining qoldiq miqdori ham aniqlangan. Sensibilizatsiya xavfidan tashqari emizikli sog‘lom chaqaloqlarga amoksitsillin va klavulanat kislotasining boshqa hech qanday salbiy ta’sirlari noma’lum. Amoksitsillin buyraklar orqali deyarli o‘zgarmagan holda naychalar sekretsiyasi va kalava filtratsiyasi yo‘li bilan chiqariladi. Klavulanat kislotasi kalava filtratsiyasi orqali, qisman metabolitlari ko‘rinishida chiqariladi. Oz miqdori ichak va o‘pka orqali chiqarilishi mumkin. Amoksitsillin va klavulanat kislotasining yarim chiqarilish davri (T1/2) 1–1,5 soatni tashkil qiladi. Ikkala komponent gemodializ orqali va oz miqdorda peritoneal dializ orqali chiqariladi.

Preparatga sezgir mikroorganizmlar chaqirgan infektsiyalarni davolash: –           yuqori nafas yo‘llari infektsiyalari (shu jumladan, quloq, tomoq va burun infektsiyalari) masalan, Streptococcus pneumoniae, Hayemophilus influenzae, Moraxella catarrhalis va Streptococcus pyogenes chaqirgan qaytalanuvchi tonzillit, sinusit, o‘rta otit; –           quyi nafas yo‘llari infektsiyalari (Streptococcus pneumoniae, Hayemophilus influenzae va Moraxella catarrhalis chaqirgan surunkali bronxitning og‘ir zo‘rayishi, bo‘lakli pnevmoniya va bronxopnevmoniya); –           siydik-jinsiy yo‘llari infektsiyalari (Enterobacteriaceae oilasi bakteriyalari (asosan Escherichia coli), Staphylococcus saprophyticus va Enterococcus spp., chaqirgan tsistit, uretrit, piyelonefrit, ayollar jinsiy a’zolari infektsiyalari), shuningdek  Neisseria gonorrhoeae chaqirgan gonoreya; –           Streptococcus aureus, Streptococcus pyogenes va Bacteroides spp., chaqirgan teri va yumshoq to‘qimalar infektsiyalari; –           suyaklar va bo‘g‘imlar infektsiyalari (Streptococcus aureus chaqirgan osteomiyelit uzoq muddatli davolashni o‘tkazish zarurati bo‘lganida); –           boshqa infektsiyalar (septik abort, tug‘ruqdan keyingi sepsis, septitsemiya, peritonit, intraabdominal sepsis, operatsiyadan keyingi infektsiyalar va ularni oldini olish, ular me’da-ichak yo‘llaridagi katta jarrohlik aralashuvlari, chanoq, bosh va bo‘yin, yurak, buyrak, o‘t chiqarish yo‘llaridagi, hamda su’niy bo‘g‘imlarni ko‘chirib o‘tkazishdagi katta jarohlik aralashuvlari bilan bog‘liq bo‘lishi mumkin) da qo‘llanadi.

Preparatni vena ichiga (v/i) yuboriladi. Preparatning dozasi patsiyentning yoshi, tana vazni va buyrak faoliyatiga, hamda infektsiyaning og‘irligiga bog‘liq. Kattalarga va 12 yoshdan oshgan bolalarga – 1,2 g dan (1000 mg + 200 mg) xar 8 soat (og‘ir xollarda – xar 6 soat), 3 oylikdan 12 yoshgacha bo‘lgan bolalarga 30 mg/kg dan (hamma Klamotsit Neo ga hisoblanganda) xar 8 soat (og‘ir xollarda – xar 6 soat) buyuriladi, 3 oylikkacha (chala tug‘ilgan va yangi tug‘ilgan chaqaloqlarga) – 30 mg/kg dan (hamma Klamotsit Neo ga hisoblanganda) xar 12 soat 0 dan 3 oylikkacha – xar 8 soat buyuriladi. Jarrohlik aralashuvlardagi profilaktik dozalari 1,2 g dan kiritish narkozida, davomli operatsiyalarda 1,2 g dan sutkada 4 martagachani tashkil qiladi. Buyrak yetishmovchiligi bo‘lgan patsiyentlar uchun doza va/yoki preparatni yuborilishlar orasidagi interval kreatinin klirensiga qarab to‘g‘rilanishi kerak.

Allergik reaktsiyalar: angionevrotik shish, anafilaksiya, zardob kasalligiga o‘xshash sindrom, allergik vaskulit, ba’zida eshakemi yoki teri toshmasi, terini qichishishi, kam hollarda-ko‘p shaklli eritema, Stivens-Djonson sindromi, toksik epidermal nekroliz, bullyoz eksfoliativ dermatit, o‘tkir yoyilgan ekzantematoz pustulyoz. Ovqat-hazm qilish tizimi tomonidan: diareya, ko‘ngil aynishi, qusish, kam hollarda -teri va shilliq qavatlar kandidozi, antibiotiklarni qabul qilish bilan assotsiatsiyalangan kolit (shu jumladan, soxtamembranoz va gemorragik kolit). AST yoki ALT fermentlarining faolligini o‘rtacha (klinik ahamiyati no’malum) oshishi, kam hollarda-gepatit, xolestatik sariqlik bo‘lishi mumkin. Qon yaratish tizimi tomonidan: kam hollarda-tranzitor leykopeniya (shu jumladan, neytropeniya va agranulotsitoz), qaytuvchan trombotsitopeniya va gemolitik anemiya. Qon ivishi tizimi tomonidan: ba’zida-qon ketish vaqtini va protrombin vaqtini uzayishi. Markaziy nerv tizimi tomonidan: kam hollarda-bosh aylanishi, bosh og‘rig‘i, tirishish, qaytuvchan giperfaollik. Siydik-chiqarish tizimi tomonidan: kam hollarda – interstitsial nefrit, juda kam hollarda-kristalluriya. Mahalliy reaktsiyalar: inyektsiya joyida tromboflebit bo‘lishi mumkin. .

Anamnezida amoksitsillin/klavulanat kislotasini qabul qilish chaqirgan xolestatik sariqlik yoki jigar faoliyatini buzilishiga ko‘rsatma:Penitsillin guruhi antibiotiklariga yuqori sezuvchanlik.Amoksitsillin yoki klavulanat kislotasiga yoki preparatning boshqa komponentlariga yuqori sezuvchanlikda qo‘llash mumkin emas.

Probenitsid va unga o‘xshash preparatlar (diuretiklar, fenilbutazon, NYAQV) buyrak naychalar sekretsiyasini kamaytiradi. Bu preparatlarni bir vaqtda buyurish tavsiya qilinmaydi va u qonda preparatning kontsentratsiyasini oshishi va persistentsiyalashishi bilan kechadi. Bunda klavulanat kislotasining buyrak sekretsiyasi sekinlashmaydi. Preparatni qabul qilayotgan patsiyentlarda protrombin vaqtini uzayishi kam kuzatiladi va shuning uchun antikoagulyantlar bilan bir vaqtda qo‘llanganida, muvofiq monitoringni o‘tkazish kerak. Allopurinol bilan bir vaqtda qo‘llash allergik teri reaktsiyalarini chaqirish mumkin. Hozirgi vaqtda adabiyotlarda bu haqida ma’lumotlar yo‘q. Preparat peroral kontratseptivlarning samarasini pasaytirishi mumkin (bu haqida patsiyentlarni xabardor qilish lozim). Preparat bir vaqt qo‘llanganida metotreksatning toksikligi kuchayadi. Disulfiram bilan bir vaqtda qo‘llashdan saqlanish lozim. Preparatni boshqa dori vositalari bilan bir shpritsda yoki infuzion flakonda aralashtirish mumkin emas. Preparatni dekstrozaga (glyukoza), dekstran, bikarbonat (ularda preparatning turg‘unligi kamroq), shuningdek qon, proteinlarni va lipidlarni saqlovchi eritmalar bilan aralashtirishdan saqlanish lozim.

Preparat kurs bilan qo‘llanganida qon yaratish a’zolari, jigar, buyrak faoliyatining nazoratini o‘tkazish kerak. Buyrak faoliyatining og‘ir buzilishlari bo‘lgan patsiyentlarda preparatning dozalarini adekvat to‘g‘rilash yoki preparatni qo‘llashlari orasidagi intervalni uzaytirish talab qilinadi. Ampitsillin qabul qilgan infektsion mononukleozi va limfoleykozi bo‘lgan ko‘p sonli patsiyentlarda eritematoz toshmalar paydo bo‘lishi kuzatilgan. Bunday patsiyentlarda penitsillin guruhi antibiotiklarini qo‘llash tavsiya qilinmaydi. Preparat kaliy saqlaydi. Natriy miqdori cheklangan parhezga rioya qiladigan patsiyentlar har bir 1,2 g li flakonda 59,3 mg natriy saqlanishini hisobga olish lozim. Har kungi maksimal dozadagi natriyning miqdori 200mg dan oshadi. Preparat yuqori dozalarda qo‘llanganida siydikda glyukoza darajasini Benedikt yoki Folling eritmasidan foydalanib aniqlashda soxtamusbat reaktsiya bo‘lishi mumkin (glyukooksidazali fermentativ reaktsiyalarni qo‘llash tavsiya etiladi). Tsefalosporin qatori antibiotiklariga ma’lum bo‘lgan yuqori sezuvchanlikda, anamnezida soxtamembranoz koliti bo‘lgan patsiyentlarda, jigar yetishmovchiligida, buyrak faoliyatining og‘ir buzilishlarida preparat extiyotkorlik bilan buyuriladi. Preparatni homiladorda faqat aniq ko‘rsatmalar bo‘lganda buyurish mumkin. Amoksitsillin va klaulanat kislotasi oz miqdorda ko‘krak suti bilan chiqariladi Preparatni tavsiya qilingan dozalarda avtotransportni haydash va mexanizmlarni boshqarish qobiliyatiga salbiy ta’siri to‘g‘risida ma’lumotlar yo‘q. Preparat bolalar olaolmaydigan joyda saqlansin va uni yaroqlilik muddati o‘tganidan keyin ishlatilmasin.

Quruq, yorug‘likdan ximoyalangan joyda, 250S dan yuqori bo‘lmagan haroratda saqlansin.

Preparatning dozasi oshirib yuborilishi oqibatidagi o‘lim yoki hayotga xavf tug‘diruvchi nojo‘ya samaralarining paydo bo‘lishi to‘g‘risida habarlar yo‘q. Simptomlari: qorinda og‘riq, diareya, qusish, shuningdek xavotirli qo‘zg‘alish, uyqusizlik, bosh aylanishi, alohida hollarda tirishishlar bo‘lishi mumkin. Davolash: simptomatik davolash o‘tkaziladi, shifokor kuzatuvi zarur. Gemodializ samarali.

Retsept bo‘yicha

Inyektsiya uchun eritma tayyorlash uchun kukun 0,6 g va 1,2 g dan flakonlarda.

2 yil.