Oq rangli qobiq bilan qoplangan, ikki tomoni qavariq yuzali tabletkalar.

So‘rilishi Ichga qabul qilinganida ketorolak me’da-ichak yo‘llaridan yaxshi so‘riladi. 10 mg dozada och qoringa qabul qilinganidan so‘ng qon plazmasidagi maksimal kontsentratsiyasiga (Smax) 40 minutdan keyin erishiladi va 0,7-1,1 mkg/ml ni tashkil etadi. Yog‘ga boy ovqatlar preparatning qondagi maksimal kontsentratsiyasini pasaytiradi va unga erishishini 1 soatga kechiktiradi. Taqsimlanishi Plazma oqsillari bilan bog‘lanishi 99% ni tashkil etadi. Gipoalbuminemiyada qonda erkin moddaning miqdori oshadi. 10 mg dozada sutkada 4 marta peroral qabul qilinganida muvozanat kontsentratsiyasiga (Sss) erishish vaqti – 24 soat. Ko‘krak sutiga o‘tadi. Metabolizmi Yuborilgan dozaning 50% dan ko‘prog‘i jigarda farmakologik jihatdan nofaol metabolitlarini hosil bo‘lishi bilan metabolizmga uchraydi. Asosiy metabolitlari glyukuronidlar va R-gidroksiketorolak hisoblanadi. Chiqarilishi Preparat buyrak orqali (91%) va ichak orqali (6%) chiqariladi. Glyukuronidlar siydik bilan chiqariladi. Buyrak faoliyati normal bo‘lgan patsiyentlarda yarim chiqarilish davri (T1/2), o‘rtacha 5,3 (10 mg dozada ichga qabul qilingandan so‘ng 2,4-9) soatni tashkil qiladi. Umumiy klirensi 10 mg dozada – soatiga 0,025 l/kg ni tashkil etadi. Alohida klinik holatlardagi farmakokinetikasi Buyrak yetishmovchiligi bo‘lgan bemorlarda ketorolakning taqsimlanish hajmi – Vd 2 marta oshishi mumkin, uning R-enantiomerining Vd esa – 20% ga oshadi. Keksa yoshli bemorlarda yarim chiqarilish davri uzayadi, kichik yoshlilarda esa qiskaradi. Jigar faoliyati T1/2 ga ta’sir ko‘rsatmaydi. Buyrak faoliyatini buzilishi bo‘lgan patsiyentlarda qon plazmasidagi kreatinin kontsentratsiyasi 19-50 mg/l (168-442 mmol/l) bo‘lganida yarim chiqarilish davri 10,3-10,8 soatni, buyrak yetishmovchiligi yanada kuchliroq namoyon bo‘lganida – 13,6 soatdan ko‘proqni tashkil qiladi. Buyrak yetishmovchiligi bo‘lgan patsiyentlarda qon plazmasidagi kreatinin kontsentratsiyasi 19-50 mg/l bo‘lganida 10 mg dozada umumiy klirensi – soatiga 0,016 l/kg ni tashkil etadi. Gemodializ o‘tkazilganida organizmdan chiqarilmaydi.

Kuchli va o‘rtacha yaqqollikdagi og‘riq sindromi: jarohatlar, tish og‘rig‘i, tug‘ruqdan va operatsiyadan keyingi davrdagi og‘riqlar, onkologik kasalliklar, mialgiya, artralgiya, nevralgiya, radikulit, chiqishlar, cho‘zilishlar, revmatik kasalliklarda qo‘llaniladi. Ishlatilayotgan paytda og‘riq va yallig‘lanishni kamaytirishda simptomatik davolash uchun mo‘ljallangan, kasallikni avj olishiga ta’sir qilmaydi.

Ichga buyuriladi. Dozalash tartibi og‘riq sindromiga qarab, shaxsiy ravishda belgilanadi. 16 yoshdan 64 yoshgacha bo‘lgan, tana vazni 50 kg dan ortiq bo‘lgan kattalarga odatda 1 tabletka (10 mg) dan sutkada 3-4 marta buyuriladi. Tana vazni 50 kg dan kam yoki buyrak yetishmovchiligi bo‘lgan kattalarga preparatni qo‘llashlar soni kuniga 1-2 martagacha kamayadi. Maksimal sutkalik doza 4 tabletka (40 mg) ni tashkil qiladi. Kurs davomiyligi – 5 kundan ko‘p emas.

Tez-tez – 3% dan ortiq, kamroq – 1-3%, kam hollarda – 1% dan kam. Ovqat-hazm qilish tizimi tomonidan: ko‘pincha – gastralgiya, diareya; kamroq – stomatit, meteorizm, qabziyat, qusish, me’dani to‘lib ketish hissi; kam – ishtahani pasayishi, ko‘ngil aynishi, me’da-ichak yo‘llarining eroziv – yarali shikastlanishlari (shu jumladan perforatsiya va/yoki qon ketishi bilan – qorinda og‘riq, epigastriya sohada spazm yoki achishish, ahlatda qon yoki melena; qon bilan yoki “kofe quyqasi” turidagi qusish, ko‘ngil aynishi, jig‘ildon qaynashi va boshqalar), xolestatik sariqlik, gepatit, gepatomegaliya, o‘tkir pankreatit. Siydik-chiqarish tizimi tomonidan: kam hollarda – o‘tkir buyrak yetishmovchiligi, belda og‘riq, gematuriya, azotemiya, gemolitiko – uremik sindrom (gemolitik anemiya, buyrak yetishmovchiligi, trombotsitopeniya, purpura), siydik chiqarishni tezlashishi, siydik hajmini oshishi yoki pasayishi, nefrit, buyrak genezli shishlar. Sezgi a’zolari tomonidan: kam hollarda – eshitishni pasayishi, quloqlarni shang‘illashi, ko‘rishni buzilishi (shu jumladan ko‘rishni noaniqligi). Nafas tizimi tomonidan: kam hollarda – bronxospazm yoki dispnoe, rinit, o‘pka shishi, hiqildoqni shishi (nafas olishni qiyinlashishi, hansirash). Markaziy nerv tizimi tomonidan: tez-tez – bosh og‘rig‘i, bosh aylanishi, uyquchanlik, kam hollarda – aseptik meningit, (isitma, kuchli bosh og‘rig‘i, tirishishlar, bo‘yin va/yoki orqa mushaklarining rigidligi), giperfaollik (kayfiyatni buzilishi, bezovtalik), gallyutsinatsiyalar, depressiya, psixoz, hushdan ketish holatlari. Yurak-tomir tizimi tomonidan: kamroq – arterial bosimni oshishi. Qon yaratish a’zolari tomonidan: kam hollarda – anemiya, eozinofiliya, leykopeniya. Gemostaz tizimi tomonidan: kam hollarda – operatsiyadan keyingi jarohatlardan, burundan, rektal sohadan qon ketishlar. Teri qoplamalari tomonidan: kamroq – teri toshmasi (shu jumladan makulopapullez toshma), purpura, kam hollarda – eksfoliativ dermatit (etni uvishishi bilan yoki u siz kechuvchi isitma, giperemiya, terini zichlashishi yoki kepaklanishi, tanglay bodomsimon bezlarining shishi va/yoki  og‘rig‘i), eshakemi, xavfli ekssudativ eritema (Stivens-Djonson sindromi), toksik epidermal nekroliz (Layell sindromi). Allergik reaktsiyalar: kam hollarda – anafilaksiya yoki anafilaktoid reaktsiyalar (yuz terisi rangini o‘zgarishi, teri toshmasi, eshakemi, terini qichishishi, taxipnoe yoki dispnoe, qovoqlarni shishi, ko‘z kosasi oldi shishi, xansirash, nafasni qiyinlashuvi, ko‘krak qafasida og‘irlik, xushtak chalgandagiga o‘xshash nafas). Boshqalar: tez-tez – shishlar (yuzni, boldirlarni, to‘piqlarni, barmoqlarni shishi, tana vaznini oshishi); kamroq – kuchli terlash, kam hollarda – tilni shishi, isitma.

O‘ta yuqori sezuvchanlik, “aspirin uchligi” (bronxial astma, qaytalanuvchi burun va burunoldi bo‘shliqlarining polipozi va atsetilsalitsil kislotasi va pirozolon qatori dori vositalarini o‘zlashtiraolmaslikni birga kelishi), gipovolemiya (uni chaqirgan sabablaridan qat’iy nazar), zo‘rayish bosqichidagi me’da-ichak yo‘llarining eroziv-yarali shikastlanishlari, gipokoagulyatsiya (shu jumladan gemofiliya), qon ketishlari yoki ularni rivojlanishini yuqori xavfi og‘ir buyrak yetishmovchiligi (plazma kreatinini 50 mg/l dan yuqori), og‘ir jigaretishmovchiligi yoki jigarning faol kasalligi, aortakoronar shuntlash o‘tkazilganidan keyingi holat, tasdiqlangan giperkaliyemiya, gemorragik diatez, gemorragik insult (shu jumladan gumon qilingan), homiladorlik (III uch oylik), ichakning yallig‘lanish kasalliklari, tug‘ruq davri, laktatsiya davri, 16 yoshgacha bo‘lgan bolalar (qo‘llashning samaradorligi va xavfsizligi aniqlanmagan).

Ketorolak qon plazmasi oqsillari bilan oson bog‘lanadi (o‘rtacha ko‘rsatkich 99,2%), bog‘lanish darajasi esa kontsentratsiyaga bog‘liq. Ketorolakni boshqa nosteroid yallig‘lanishga qarshi preparatlar, shu jumladan tsiklooksigenaza-2 ning selektiv ingibitorlari, etanol, glyukokortikoidlar, kaltsiy preparatlari bilan birga qabul qilish, me’da-ichak yo‘llarining shilliq qavatini yaralanishi va me’da-ichak qon ketishlarning rivojlanishi xavfini oshiradi. Antikoagulyant dori vositalari (kumarin va indandion hosilalari), geparin, trombolitiklar, antiagregantlar, atsetilsalitsil kislotasi, varfarin, pentoksifillin, shuningdek tsefalosporinlar bilan bir vaqtda buyurish qon ketishining rivojlanishi xavfini oshiradi. Insulin va peroral gipoglikemik preparatlar bilan birga buyurilishi gipoglikemik ta’sirni oshiradi (dozani to‘g‘rilash kerak). Ketorolak narkotik analgetiklarning samarasini oshiradi. Furosemid bilan birga qo‘llanganida uning siydik haydovchi ta’siri taxminan 20% ga susayishi mumkin. Angiotenzin-aylantiruvchi ferment (AAF) ingibitori bilan bir vaqtda qo‘llanganida buyraklar faoliyatini buzilish xavfini oshirishi mumkin. Kam hollarda ketorolak tirishishga qarshi preparatlar (fenitoin, karbamazepin) bilan birga qo‘llanganida tirishish xurujlarini rivojlanishi; ketorolak va psixostimullovchi preparatlarni (flyuoksetin, tiotiksen, alprazolam) bir vaqtda qabul qilish fonidagi gallyutsinatsiyalar paydo bo‘lishi mumkin.

Preparatni buyurishdan oldin preparatga yoki boshqa nosteroid yallig‘lanishga qarshi preparatlarga ilgari bo‘lgan allergiya to‘g‘risidagi masalani aniqlash kerak. Allergik reaktsiyalar rivojlanishining xavfi tufayli birinchi doza shifokorning sinchkov kuzatuvi ostida qabul qilinadi. Preparatni buyraklar, yurak, jigar faoliyatini buzilishlari bo‘lgan patsiyentlarga preparatni ehtiyotkorlik bilan buyuriladi, chunki nosteroid yallig‘lanishga qarshi vosita buyraklar faoliyatini yomonlashishiga olib kelishi mumkin. Ketorolak qo‘llangan vaqtda jigar fermentlarining darajasi oshishi mumkin. Jigar kasalliklari rivojlanganida yoki agarda tizimli ko‘rinishlar kuzatilsa, ketorolakni bekor qilish kerak. Ketorolakni qo‘llanishi fertillikni susaytirishi mumkin va homiladorlikni rejalashtirayotgan ayollar tomonidan qo‘llanishi uchun tavsiya qilinmaydi. Homilador bo‘laolmayotgan yoki fertillikni buzilishlari yuzasidan tekshiruvlardan o‘tayotgan ayollar uchun ketorolakni bekor qilish to‘g‘risidagi masalani ko‘rib chiqish kerak. Qon ivishini buzilishi bo‘lgan bemorlarga trombotsitlar sonini faqat doimiy nazoratida buyuriladi, bu ayniqsa gemostazni sinchkov nazoratini talab qiluvchi operatsiyadan keyingi bemorlar uchun muhimdir. Akusherlik amaliyotida mumkin bo‘lgan massiv atonik qon ketishini oldini olish maqsadida operatsiyadan keyingi va tug‘ruqdan keyingi davrda qo‘llash tavsiya qilinmaydi. Premedikatsiya, anesteziyani tutib turish uchun dori vositasi sifatida qo‘llash tavsiya qilinmaydi.

Homilaning yurak-tomir tizimiga nosteroid yallig‘lanishga qarshi preparatlarning ma’lum samaralari tufayli, ketoralakni homiladorlik vaqtida (ayniqsa III uch oylikda) qo‘llash mumkin emas. Ketorolakni homiladorlik davrida, to‘lg‘oq va tug‘ruq vaqtida qo‘llash mumkin emas. Chaqaloqlarda prostaglandinning sintezi ingibitorlarining bo‘lishi mumkin bo‘lgan salbiy ta’siri tufayli emizish davrida qo‘llanmaydi.

Yorug‘likdan va namlikdan himoyalangan joyda, 250S dan yuqori bo‘lmagan haroratda saqlansin.

Simptomlari: abdominal og‘riqlar, ko‘ngil aynishi, qusish, me’dada peptik yaralar yoki  eroziv gastritni rivojlanishi, buyrak faoliyatini buzilishi, metabolik atsidoz. Davolash: me’dani yuvish, adsorbentlarni (faollashtirilgan ko‘mir) yuborish va simptomatik davolashni o‘tkazish. Ketorolak dializ yordamida yetarli darajada chiqarilmaydi.

10 tabletka kontur uyali o‘ramda; o‘ramda №10x1, №10x2, №10x3, №10x5.

2 yil. Dorixonalardan berish tartibi Retsept bo‘yicha.