rangsiz yoki biroz sarg‘ish rangli tiniq eritma.

Nosteroid yallig‘lanishga qarshi vositalar.

M01AЕ03

100 mg ketoprofenni vena ichiga infuziyasi boshlangandan 5 minutdan keyin va yuborish to‘xtatilganidan 4 minutdan keyin o‘lchangan plazmadagi o‘rtacha darajasi 26,4±5,4 mkg/ml ni tashkil etadi. Biokiraolishligi – 90% ni tashkil etadi. Mushak ichiga yuborilganda ko‘pchilik patsiyentlarda qonda ketoprofen 15 minutdan keyin aniqlangan, plazmadagi cho‘qqi kontsentratsiyasiga esa yuborilgandan keyin 2 soat o‘tgach erishilgan. Inyektsion yuborilganda ketoprofenning biokiraolishligi preparatning dozasini oshirish bilan to‘g‘ri chiziqli oshib boradi. Ketoprofenning 99% plazma oqsillari, asosan albumin bilan bog‘lanadi. To‘qimalardagi taqsimlanish xajmi 0,1-0,2 l/kg ni tashkil etadi. Ketoprofen plazmadagi kontsentratsiyasini pasayishini davom etishi fonida sinovial suyuqlikka sekin o‘tadi va shuningdek undan sekin chiqariladi. Ketoprofenning muvozanat kontsentratsiyasiga buyurilgandan keyin 24 soat o‘tgach erishiladi. Keksa patsiyentlarda muvozanat kontsentratsiyasiga 8,7 soatdan keyin erishilgan va 6,3 mkg/ml ni tashkil etgan. Ketoprofen jigar mikrosomal fermentlari tomonidan jadal metabolizmga uchraydi. U glyukuron kislotasi bilan bog‘lanadi va shu ko‘rinishda organizmdan chiqariladi. Ichga qabul qilinganidan keyin uning plazmadagi klirensi minutiga 1,16 ml/kg ni tashkil etadi. Biologik yarim chiqarilish davri – bor yo‘g‘i 2 soatni tashkil etadi. Jigar yetishmovchiligi yarim chiqarilish davrini uzaytirishi mumkin, bunday holatlarda u to‘planishi mumkin. Ketoprofenning 80% gacha qismi siydik bilan va taxminan 10% axlat bilan chiqariladi. Buyrak yetishmovchiligi bo‘lgan patsiyentlarda ketoprofen sekinroq chiqariladi, biologik yarim chiqarilish davri bir soatga uzayishi mumkin. Keksa odamlarda ketoprofenning metabolizmi va chiqarilishi sekinlashadi. Bu faqat buyrak faoliyati pasaygan patsiyentlarga klinik jihatdan ahamiyatga ega.

Ketoprofen LP yallig‘lanishga qarshi, og‘riqni qoldiruvchi va isitmani tushiruvchi ta’sirga ega nosteroid revmatizmga qarshi preparat hisoblanadi.

Simptomlarni bartaraf etish uchun zarur eng past samarali dozada maksimal qisqa vaqt davomida qabul qilib, noxush samaralarni minimumga yetkazish mumkin (“Maxsus ko‘rsatmalar”ga qarang). Ketoprofenning maksimal sutkalik dozasi 200 mg ni tashkil etadi. Kuniga 200 mg dozada ketoprofen bilan davolashni boshida foyda va xavfni sinchkovlik bilan baholash kerak. Yuqoriroq dozalarni qo‘llash tavsiya etilmaydi (shuningdek “Maxsus ko‘rsatmalar”ga qarang). Parenteral qo‘llash uchun buyuriladi.

Ko‘rinishlarning taxmin qilinayotgan tez-tezligi tasnifi (tez-tezlik ko‘rsatkichlari faqat peroral qo‘llash usuliga taalluqli): juda tez-tez (≥1/10), tez-tez (≥1/100, <1/10), tez-tez emas (≥1/1000, <1/100), kam hollarda (≥1/10000, <1/1000), juda kam hollarda (<1/10000); tez-tezligi aniqlanmagan (mavjud ma’lumotlar asosida tez-tezligini aniqlab bo‘lmaydi). Ketoprofen qo‘llanilganida kattalarda quyidagi noxush samaralar haqida xabar berilgan. Qon va limfatik tizim tomonidan buzilishlar Kam hollarda: postgemorragik anemiya, leykopeniya; tez-tezligi aniqlanmagan: agranulotsitoz, trombotsitopeniya. Immun tizimi tomonidan buzilishlar Tez-tezligi noma’lum: anafilaktik reaktsiyalar (shu jumladan, shok). Ruhiyatni buzilishi Tez-tezligi aniqlanmagan: kayfiyatni o‘zgaruvchanligi. Nerv tizimi tomonidan buzilishlar Tez-tez emas: bosh og‘rig‘i, bosh aylanishi, uyquchanlik; tez-tezligi aniqlanmagan: tirishishlar. Ko‘rish a’zosi tomonidan buzilishlar Kam hollarda: ko‘rishni noaniqligi (“Maxsus ko‘rsatmalar”ga qarang). Eshitish a’zosi tomonidan buzilishlar va labirint buzilishlari Kam hollarda: quloqlarda jaranglash (tinnitus). Yurak tomonidan buzilishlar Tez-tezligi aniqlanmagan: yurak yetishmovchiligi. Qon-tomirlar tomonidan buzilishlar Tez-tezligi aniqlanmagan: arterial gipertenziya. Nafas tizimi, ko‘krak qafasi va ko‘ks oralig‘i a’zolari tomonidan buzilishlar Kam hollarda: bronxial astma; tez-tezligi aniqlanmagan: bronxospazm (ayniqsa atsetilsalitsil kislotasi yoki boshqa nosteroid yallig‘lanishga qarshi vositalarga (NYAQV) o‘ta yuqori sezuvchanligi ma’lum patsiyentlarda), rinit. Me’da-ichak yo‘llari tomonidan buzilishlar Tez-tez: ko‘ngil aynishi, qusish; tez-tez emas: qabziyat, diareya, gastrit; kam hollarda: stomatit, peptik yara; tez-tezligi aniqlanmagan: me’da-ichak yo‘llaridan qon ketishi va perforatsiya, me’da-ichak yo‘llarida diskomfort, me’dada og‘riq va kolitning kam holatlari. Jigar va o‘t chiqarish yo‘llari tomonidan buzilishlar Kam hollarda: gepatit, transaminazalar darajasini oshishi, gepatit tufayli zardobda bilirubin darajasini oshishi.

Preparatni quyidagi holatlarda qo‘llash mumkin emas: anamnezida ketoprofen, atsetilsalitsil kislotasi yoki boshqa NYAQV qabul qilinganidan keyin bronxospazm, astma xurujlari, rinit yoki boshqa allergik reaktsiyalar ko‘rinishidagi o‘ta yuqori sezuvchanlik reaktsiyalari;preparatning har qanday yordamchi moddasiga yuqori sezuvchanlik;homiladorlikning uchinchi uch oyligi;og‘ir yurak yetishmovchiligi;faol bosqichdagi peptik yara, shuningdek anamnezida me’da-ichakdan qon ketishi, yara paydo bo‘lishi yoki perforatsiya;gemorragik diatez;og‘ir jigar yetishmovchiligi;og‘ir buyrak yetishmovchiligi;tserebrovaskulyar yoki boshqa faol qon ketishlarda. (faqat mushak ichiga yuborish usuli uchun) Preparatni gemostazni buzilishi bo‘lgan yoki antikoagulyantlar bilan davolanayotgan patsiyentlarda qo‘llash mumkin emas.

Yuqori dozalarda boshqa NYAQV lar (shu jumladan tsiklooksigenaza-2 selektiv ingibitorlari) va salitsilatlar: me’da-ichak yo‘llarida yara rivojlanishi va qon ketishlari xavfi oshadi. Antikoagulyantlar (geparin va varfarin) va trombotsitlar agregatsiyasi ingibitorlari (masalan, tiklopidin, klopidogrel): qon ketishini yuqori xavfi oshadi (“Maxsus ko‘rsatmalar”ga qarang). Birga qo‘llash zarurati bo‘lganida diqqat bilan tibbiy kuzatuv talab etiladi. Litiy: litiyni buyrak tomonidan chiqarilishini kamayishi tufayli, ba’zida toksik darajaga yetishi mumkin bo‘lgan plazmada litiy darajasini oshishi xavfi. Zarurati bo‘lganida, NYAQV lar bilan davolash vaqtida va undan keyin plazmada litiy kontsentratsiyasini sinchkovlik bilan nazorat qilish va litiyning dozasini muvofiqlashtirish lozim. Haftasiga 15 mg dan yuqori dozalarda metotreksat: metotreksatning gematotoksikligi xavfi oshadi, ayniqsa agar u yuqori dozalarda (>15 mg/xafta) qo‘llanilgan bo‘lsa, bu ehtimol metotreksatni oqsillar bilan bog‘idan siqib chiqarilishi va uning buyrak klirensini pasayishi bilan bog‘liqdir. Ketoprofen davolashni to‘xtatish yoki boshlash va metotreksat bilan davolash orasida kamida 12 soat o‘tishi kerak.

Agar simptomlarni bartaraf etish uchun zarur eng past samarali dozada maksimal qisqa vaqt davomida qabul qilinsa, noxush samaralarni minimumga yetkazish mumkin. Me’da-ichak yarasini paydo bo‘lishi yoki qon ketishi xavfini oshirishi mumkin bo‘lgan preparatlar, masalan ichga qabul qilinadigan kortikosteroidlar, antikoagulyantlar (masalan, varfarin), serotoninni qayta qamrab olinishini selektiv ingibirtorlari yoki atsetilsalitsil kislotasi kabi antiagregantlar bilan bir vaqtda buyurilganda o‘ziga xos ehtiyotkorlikka rioya qilish kerak (“Dorilarning o‘zaro ta’siri”ga qarang). Preparatni boshqa NYAQV, shu jumladan tsiklooksigenaza-2 ning selektiv ingibitorlari bilan bir vaqtda qo‘llashdan saqlanish kerak.

Homiladorlikning birinchi va ikkinchi uch oyligida preparatni o‘ta zarur holatlardan tashqari buyurish mumkin emas. Agar Ketoprofen LP homilador bo‘lmoqchi bo‘lgan yoki homiladorlikning birinchi yoki ikkinchi uch oyligi bo‘lgan ayol qo‘llayotgan bo‘lsa, doza iloji boricha pastroq, davolash davomiyligi esa – iloji boricha qisqa bo‘lishi kerak, chunki prostaglandinlar sintezining susayishi homiladorlik va/yoki embrion/homilani rivojlanishiga salbiy ta’sir qiladi. Homiladorlikning uchinchi uch oyligida Ketoprofen LP qo‘llash mumkin emas (homilada kardiopulmonal toksiklik va nefrotoksiklik xavfi, homila va onada qon ketish vaqtini uzayishi, bachadonni qisqarishini susayishi). Preparatni ko‘krak sutiga o‘tishi haqida ma’lumotlar yo‘q. Emizikli onalarga Ketoprofen LP buyurish tavsiya etilmaydi.

Ushbu preparat uyquchanlik, bosh aylanishi yoki tirishishlar kabi nojo‘ya samaralarni chaqirishi mumkin. Bunday simptomlar paydo bo‘lganida transport vositalarini boshqarmang yoki mexanizmlar bilan ishlamang. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Yorug‘likdan himoyalangan joyda, 25oS dan yuqori bo‘lmagan haroratda saqlansin.

Kattalarda dozani oshirib yuborilishining asosiy belgilari bo‘lib bosh og‘rig‘i, bosh aylanishi, uyquchanlik, ko‘ngil aynishi, qusish, diareya va qorinda og‘riq hisoblanadi. Og‘ir intoksikatsiyada gipotenziya, nafasni susayishi va me’da-ichak yo‘llaridan qon ketishi kuzatiladi. Patsiyent darhol gospitalizatsiya qilinadi va simptomatik davolash o‘tkaziladi. Spetsifik antidoti noma’lum.

Retsept bo‘yicha

100 mg/2 ml dan inyektsiya uchun eritma.

3 yil.