tiniq yoki biroz tovlanuvchi, rangsiz yoki biroz sarg‘ish suyuqlik.

Zamburug‘larga qarshi vositalar.

J02AC01

Vena ichiga (v/i) yuborilgandan so‘ng flukonazol organizmning to‘qima va suyuqliklariga yaxshi o‘tadi. Preparatni balg‘am va so‘lakdagi kontsentratsiyasi uning plazmadagi darajasi bilan bir xil. Zamburug‘li meningiti bo‘lgan bemorlarda flukonazolning orqa miya suyuqligidagi miqdori plazmadagi darajasining muvofiq ravishda 80% ga yetadi. Plazmadagi kontsentratsiyasiga dozaga to‘g‘ri proportsional bog‘liq bo‘ladi. To‘qson foizli muvozanatli kontsentratsiyasiga sutkada bir dozadan bir necha marta yuborilgandan so‘ng 4-5 kunga kelib erishiladi. Birinchi kuni odatdagi sutkalik dozadan ikki marta yukori dozani qo‘llanilishi, ikkinchi kunga kelib, plazmadagi preparatning 90% li muvozanatli kontsentratsiyasiga yaqin darajasiga erishish imkonini beradi. Taxminiy taqsimlanish hajmi organizmdagi suyuqlikning umumiy miqdoriga yaqinlashadi. Plazma oqsillari bilan flukonazolning ozgina qismi (11-12 %) bog‘lanadi. Yarim chiqarilish davri – ancha uzoq (30 soat). Flukonazol organizmdan asosan buyrak orqali chiqariladi: bunda yuborilgan dozaning taxminan 80 % o‘zgarmagan holda chiqadi. Flukonazolning klirensi kreatinin klirensiga to‘g‘ri proportsionaldir. Periferik qonda metabolitlari aniqlanmagan.

Flukonazol qo‘yidagi kasalliklarni davolash uchun qo‘llaniladi: Kriptokokkoz. kriptokokkli meningit va o‘pka, teri kriptokokk infektsiyasi OITS bo‘lgan bemorlarda va a’zolarni ko‘chirib o‘tkazishda kriptokokkli infektsiyani oldini olish va immun tanqislikning boshqa hollarida qo‘llanadi.Yoyilgan kandidoz, shu jumladan kandidemiya, disseminatsiyalangan kandidoz va invaziv kandidozli infektsiyaning boshqa shakllari (qorin bo‘shlig‘i, endokard, ko‘z, nafas va siydik yo‘llarining infektsiyalari) da qo‘llanadi.Shilliq qavatlarniig kandidomikozi, shu jumladan og‘iz bo‘shlig‘i, xalqumning, qizilo‘ngachning va noinvaziv o‘pka-bronx infektsiyalari. kandidozi (shu jumladan tish protezlarini taqish bilan bog‘lik og‘iz bo‘shlig‘ining atrofik kandidozi), qizilo‘ngach kandidozi, noinvaziv bronx-o‘pka kandidozilari, kandidouriya da qo‘llanadi.Vaginal kandidoz – o‘tkir yoki surunkali qaytalanuvchi shakllarida qo‘llanadi.Tsitostatiklar bilan kimyoterapiya yoki nur bilan davolash natijasida bunday infektsiyalarga moyil bo‘lgan hvfli o‘smalari bo‘lgan bemorlarda zamburug‘li infektsiyalarni oldini olish uchun qo‘llanadi.

Flukonazol infuziya uchun eritma ko‘rinishida vena ichiga tomchilab, minutiga ko‘pi bilan 20 mg (10 ml) tezlikda yuboriladi. Vena ichiga yuborishdan kapsulalarni qabul qilishga o‘tishda va aksincha, sutkalik dozani o‘zgartirishga zarurat yuq. Infuziya uchun eritma qo‘yidagi erituvchilar: 20% li glyukoza eritmasi, Ringer eritmasi, Xartman eritmasi, kaliy xloridning eritmasi glyukoza eritmasida, aminofuzin, natriy xloridning izotonik eritmasi bilan mutanosib. Flukonazol infuziyalarini transfuziyalar uchun mo‘ljallngan oddiy tizimlar orqali, yuqorida sanab o‘tilgan suyuqliklardan foydalanilagan holda o‘tkazish mumkin. Kattalarda qo‘llanilishi Kriptokokkli infektsiyalarda birinchi kuni odatda 400 mg buyuriladi, so‘ngra esa davolash sutkada 1 marta 200-400 mg dozada davom ettiriladi. Kriptokokkli infektsiyalarida davolash davomiyligi mikologik tekshirishlarda assoslangan klinik samaraga bog‘liq bo‘lgan va davolash odatda 6-8 hafta tashkil qiladi. OITS bo‘lgan bemorlarda kriptokokkli meningitning qaytalanishlarini oldini olish uchun birlamchi davolashning to‘liq kursi tugatilgandan keyin, flukonazol bilan davolashni sutkada 200 mg dozada uzoq vaqt davomida buyuriladi. Kandidemiyada, disseminatsiyalangan kandidoz va bashqa invaziv kandidozli infektsiyalarda doza odatda birinchi sutkada 400 mg ni, so‘ngra esa – 200 mg ni tashkil qiladi. Klinik samaradorligi yetarli bo‘lmaganida, preparatning dozasi sutkada 400 mg gacha oshirilishi mumkin. Davolash davomiyligi klinik samaradorlikka bog‘liq. Orofaringeal kandidozda, shu jumladan immunitetni yaqqol pasayishi bo‘lgan bemorlarda preparat odatda sutkada 1 marta 50-100 mg dan buyuriladi; davolash davomiyligi 7-14 kun tashkil qiladi. Immunitetni yaqqol pasayishi bo‘lgan bemorlarda zarurati bo‘lganida davolash yanada uzoqroq davom etishi mumkin. Boshqa kandidozli infektsiyalarda masalan ezofagitda, noinvaziv bronx-o‘pka infektsiyalarda kandiduriyada, teri va shillik qavatlarining kandidozi bo‘lganida bo‘lganida, samarali doza odatda sutkada 50-100 mg ni tashqil qiladi va davolashning davomiyligi 14-30 kun tashkil qiladi. Bolalarda qo‘llanilishi. Bolalarda kattalardagiga o‘xshash infektsiyalarda bo‘lgani kabi, davolash davomiyligi klinik va mikologik samaraga bog‘liq. Bolalarda preparatni kattalardagidan ortiq sutkalik dozada qo‘llash mumkin emas. Flukonazol xar kuni sutkada 1 marta qo‘llanadi. Shilliq kavatlariniig kandidozida flukonazolning tavsiya qilinadigan dozasi sutkada 3 mg/kg ni tashkil qiladi. Birinchi kuni tezroq doimiy muvozanat kontsentratsiyasiga erishish maqsadida 6 mg/kg zarb dozani buyurish mumkin. Yoyilgan kandidozni va kriptokokkli infektsiyalarni davolash uchun tavsiya qilinadigan doza kasallikning og‘irligiga qarab, sutkada 6-12 mg/kg ni tashkil qiladi. Immuniteti pasaygan bolalarda, infektsiyani rivojlanish xavfi tsitotoksik kimyoterapiya yoki nur bilan davolash natijasida rivojlanuvchi neytropeniya bilan bog‘liq bo‘lgan zamburug‘li infektsiyalarni oldini olish uchun, preparat kuchaygan neytropeniyaning yaqqolligi va davomiyligini saqlanishiga qarab, sutkada 3-12 mg/kg dan buyuriladi. Buyrak faoliyatini buzilishi bo‘lgan bolalarda preparatning sutkalik dozasi buyrak yetishmovchiligining og‘irlik darajasiga muvofiq (kattalardagi proportsional bog‘liqlik bilan bir xil) kamaytirilishi kerak. Keksa yoshdagi patsiyentlarda buyrak faoliyatini buzilishlari bo‘lmaganida preparatning odatdagi dozalash tartibiga rioya kilish lozim. Preparatni buyrak faoliyatini buzilishi bo‘lgan patsiyentlarda bir marta qabul qilinganida dozani o‘zgartirish talab qilinmaydi. Preparat ko‘p marta qo‘llanganda kreatinin klirensi (KK) minutiga 50 ml dan ortiq bo‘lganida preparat o‘rtacha davolash dozada qo‘llanadi. KK minutiga 11 dan 50 ml gacha bo‘lganida 50 mg dan 400 mg gacha bo‘lgan zarb dozada yuborish lozim, so‘ngra tavsiya qilinadigan dozaning 50% ni tashkil qiluvchi dozasi qo‘llanadi. Muntazam dializda bo‘lgan bemorlarda preparatning bir dozasi gemodializning xar bir seansidan keyin qo‘llanadi.

Ovqat-hazm qilish tizimi tomonidan: ta’mni o‘zgarishi, qusish, ko‘ngil aynishi, diareya, meteorizm, abdominal og‘riqlar, kam hollarda – jigar faoliyatini buzilishi (sariqlik, gepatit, gepatonekroz, giperbilirubinemiya, alaninaminotransferaza, aspartataminotransferaza va ishqoriy fosfatazaning faolligini oshishi) bo‘lishi mumkin. Nerv tizimi tomonidan: bosh og‘rig‘i, bosh aylanishi, kam hollarda – tirishishlar. Qon yaratish a’zolari tomonidan: kam hollarda – leykopeniya, trombotsitopeniya, neytropeniya, agranulotsitoz. Yurak-qon tomir tizimi tomonidan: QT intervali davomiyligini oshishi: yurak korinchalarni xilpillashi, lipillashi. Allergik reaktsiyalar: teri toshmasi, kam hollarda – xavfli ekssudativ eritema (Stivens-Djonson sindromi), toksik epidermal nekroliz (Layell sindromi), anafilaktoid reaktsiyalar. Boshqalar: kam hollarda – buyrak faoliyatini buzilishi, alopetsiya, giperxolesterinemiya, gipertriglitseridemiya, gipokaliyemiya.

Flukonazol varfarin bilan qo‘llanganida protrombin vaqtini o‘rtacha 12% ga oshishi aniqlangan. Shuning uchun preparatni kumarin antikoagulyantlari bilan birga qabul qilalayotgan bemorlarda protrombin vaqtini sinchiklab tekshirish lozim. Bir vaqtda qo‘llanganda flukonazol peroral gipoglikemik vositalar – sulfonilmochevina hosilalari (xlorpropanid, glibenklamid, glipizid, tolbutamid) ning, yarim chiqarilish davrini (T1/2) oshiradi. Flukonazol va peroral gipoglikemik vositalarni birga qo‘llashga yo‘l qo‘yiladi, ammo gipoglikemiyani rivojlanishi mumkinligiga e’tiborga olish kerak. Flukonazol va fenitoinni bir vaqtda qo‘llanishi fenitoinning plazmadagi kontsentratsiyasini klinik axamiyatli darajagacha o‘sishiga olib kelishi mumkin. Shuning uchun bu preparatlarni birga qo‘llash zarurati tug‘ilganida, fenitoinning qon plazmasidagi terapevtik kontsentratsiyasini ta’minlash maqsadida, uning dozasini tuzatish yo‘li bilan kontsentratsiyasini monitoring qilish kerak. Flukonazolni rifampitsin bilan bir vaqtda qo‘llanishi “kontsentratsiya – vaqt” egri chizig‘i osti maydoni (AUC) ni 25% ga pasayishiga va flukonazolning plazmadan yarim chiqarilish davrini (T1/2) 20% ga qisqarishiga olib keladi. Shuning uchun bir vaqtda rifampitsin qabul qilayotgan bemorlarda, flukonazolning dozasini oshirish tavsiya qilinadi. Flukonazolni qabul qilayotgan patsiyentlarning qonida tsiklosporinning kontsentratsiyasini nazorat qilish tavsiya qilinadi, chunki flukonazol va tsiklosporinni buyragi ko‘chirib o‘tkazilgan bemorlarda qo‘llanganda, flukonazolni sutkada 200 mg dozada qabul qilish tsiklosporinning plazmadagi kontsentratsiyasini asta-sekin oshishiga olib keladi. Teofillinni yuqori dozalarda qabul qilayotgan yoki teofillin intoksikatsiyasini rivojlanish ehtimoli bo‘lgan bemorlar teofillin dozasini oshirib yuborilishini erta aniqlash maqsadida kuzatuv ostida bo‘lishlari kerak, chunki flukonazolni qabul qilish plazmada teofillinning klirensini o‘rtacha tezligini kamayishiga olib keladi. Flukonazol va terfenadin yoki tsizaprid bir vaqtda qo‘llanganida yurak tomonidan noxush reaktsiyalar, shu jumladan yurak qorinchalari taxikardiyasining paroksizmi (“piruet” turidagi aritmiyalar) hollari ta’riflangan. Flukonazol va rifabutinni bir vaqtda qo‘llanganda, oxirgisining zardobdagi darajasini oshishi bilan kechuvchi o‘zaro ta’siri to‘g‘risida xabarlar bor. Flukonazol va rifabutinni bir vaqtda qo‘llanganda uveit hollari ta’riflangan. Rifabutin va flukonazolni bir vaktda olayotgan bemorlarni sinchiklab kuzatish kerak. Flukonazol va zidovudinnnng majmuasini qabul qilayotgan bemorlarda zidovudinning kontsentratsiyasini oshishi kuzatiladi, bu zidovudinni uning metabolitiga aylanishini pasayishi bilan yuz beradi. Flukonazolni midozolam bilan bir vaqtda qo‘llanganida psixomotor samaralarning xavfi oshadi, takrolimus bilan – nefrotoksiklik xavfi oshadi.

Flukonazolnn qo‘llash kam hollarda, asosan jiddiy yondosh kasalliklari bo‘lgan bemorlarda jigarning toksik o‘zgarishlari bilan kechgan, shu jumladan o‘lim bilan yakunlangan. Flukonazol bilan bog‘liq gepatotoksik samaralar bo‘lgan hollarda, ularni umumiy sutkalik dozasiga, davolash davomiyligiga, bemorning jinsi va yoshiga aniq bog‘liqligi aniqlanmagan. Flukonazolning gepatotoksik ta’siri odatda qaytuvchi bo‘lgan; uning belgilari davolash to‘xtatilganidan keyin yo‘qolgan. Jigarning flyukonazol bilan bog‘liq bo‘lishi mumkin bo‘lgan shikastlanishining klinik belgilari paydo bo‘lganida, preparatni bekor qilish lozim. OITS bo‘lgan bemorlar ko‘pchilik preparatlar qo‘llanganida og‘ir teri reaktsiyalarining rivojlanishiga ko‘prok moyil bo‘ladilar. Yuza joylashgan zamburug‘li infektsiyalari bo‘lgan bemorlarda toshma rivojlangan hollarda va u flyukonazol bilan aniq bog‘liq deb baholanganda, preparatni bekor qilish lozim. Invaziv/tizimli zamburug‘li infektsiyalari bo‘lgan bemorlarda toshma paydo bo‘lganida, sinchiklab kuzatish va bullez o‘zgarishlar yoki ko‘p shaklli eritema paydo bo‘lganida flukonazolni bekor qilish kerak. Buyrak faoliyati buzilgan bemorlarda preparat bir marta qo‘llanganda dozani tuzatish talab qilinmaydi. Qayta qo‘llanganda kreatinin klirensiga (KK) qarab belgilanadi. Agar KK minutiga 50 ml dan ortiq bo‘lsa, dozani tuzatish talab qilinmaydi; KK minutiga 11 dan 20 ml gacha bo‘lganda odatdagi dozaning 33% 72 soat interval bilan qabul qilinadi; KK minutiga 21 dan 40 ml gacha bo‘lganda odatdagi dozaning yarmi 48 soat interval bilan qabul qilinadi. Muntazam dializda bo‘lgan bemorlarda har bir dializ seansidan so‘ng preparatning bir dozasi qabul qilinadi. Flukonazol tsizaprid, rifabutin yoki R 450 tsitoxrom tizimi tomonidan metabolizmga uchraydigan boshqa preparatlar bilan vaqtda qabul qilinganida ehtiyotkorlikka rioya qilish kerak. Davolashni klinik-gematologik remissiya paydo bo‘lgunga qadar davom ettirish kerak, chunki uni barvaqt to‘xtatilishi qaytalanishlarga olib kelishi mumkun. Preparat bolalar ololmaydigan joyda saqlansin va yaroqlilik muddati o‘tganidan keyin ishlatilmasin.

Quruq, yorug‘likdan himoyalangan joyda, 25ºS dan yuqori bo‘lmagan haroratda saqlansin. Muzlatilmasin.

Gallyutsinatsiya va paranoidal hatti-harakatlar paydo bo‘lgan hollari ta’riflangan. Doza oshirib yuborilganida me’dani yuvish, jadallashtirilgan diurezni ta’minlash va simptomatik davolashni o‘tkazish kerak. 3 soat gemodializ seansi o‘tkazilganidan so‘ng preparatning plazmadagi kontsentratsiyasi 50% ga kamayadi

Retsept bo‘yicha

Infuziya uchun 100 ml eritma

3 yil.