tiniq, rangsiz suyuqlik

mineral preparatlar (kaltsiy preparatlari)

A12AA03.

Parenteral yuborilganidan keyin preparat qon oqimi bilan barcha a’zo va to‘qimalarda bir tekis taqsimlanadi. Qon plazmasida kaltsiy ionlangan shaklda bo‘ladi. Yo‘ldosh to‘sig‘i orqali o‘tadi, ona sutiga tushadi. Organizmdan asosan buyraklar orqali chiqariladi.

Qalqonsimon bezi oldi bezlarining faoliyatini yetishmovchiligi; kaltsiyni organizmdan kuchli chiqarilishida (xususan uzoq muddatli suvsizlanishda), allergik kasalliklarda (zardob kasalligi, eshakemi, angionevrotik shish) va dori bilan davolashning allergik asoratlarida qo‘shimcha vosita sifatida, turli genezli patologik jarayonlarda (yallig‘lanish jarayonining ekssudativ bosqichi, gemorragik vaskulit, nur kasalligi) tomirlarning o‘tkazuvchanligini kamaytirish uchun; parenximatoz gepatit; jigarni toksik shikastlanishi; nefrit; eklampsiya; giperkaliyemiya; paroksizmal mioplegiyaning giperkaliyemik shaklida, teri kasalliklari (terini qichishishi, ekzema, psoriaz), qonni to‘xtatuvchi vosita sifatida, shuningdek magniy tuzlari, shovul kislotasi yoki uning eruvchan tuzlari, ftor kislotasining eruvchan tuzlari bilan zaharlanishda antidot sifatida qo‘llanadi.

Vena ichiga yoki mushak ichiga qo‘llanadi. Eritmali ampulani yuborishdan oldin tana haroratigacha isitiladi. Eritmani 2-3 minut davomida sekin yuboriladi Kattalarga va 14 yoshdan katta bolalarga kasallik xarakteri va bemorning holatiga bog‘liq holda 5-10 ml dan “Kaltsiya glyukonat-Darnitsa (stabilizivanny)” eritmasi har kuni yoki 1-2 sutkadan keyin yuboriladi. Bolalarga yoshiga bog‘liq holda, kaltsiy glyukonatining 10% eritmasi faqat vena ichiga quyidagi dozalarda yuboriladi: 6 oylikkacha – 0,1-1 ml, 6-12 oylikda – 1-1,5 ml, 1-3 yosh – 1,5-2 ml, 4-6 yosh – 2-,25 ml, 7-14 yosh – 3-5 ml. Eritmani 1 ml dan kam miqdorda yuborish uchun, eritmani bir martalik dozasini natriy xloridning 0,9% izotonik eritmasida yoki glyukozaning 5% eritmasida eritish yo‘li bilan muvofiq hajmga (shprits hajmiga) keltiriladi.

Tez yuborishda ko‘ngil aynishi, qusish, terlash, boshda og‘irlik hissi, sinkopal xolatlar, umumiy holsizlik, arterial gipotenziya, vazomotor kollaps bo‘lishi mumkin. Ba’zida diareya, bradikardiya, og‘iz bo‘shlig‘ida, so‘ngra esa butun tana bo‘ylab issiqlik hissi, ular o‘z-o‘zidan o‘tib ketadi; kaltsiy eritmasini ekstravazatsiyasi natijasida yumshoq to‘qimalarni kaltsifikatsiyasi bo‘lishi mumkin. Kaltsiy tuzlarini mushak ichiga inyektsiyasi mahalliy ta’sirlanishni chaqirishi mumkin. Juda kam hollarda allergik va hatto anafilaktik shokkacha anafilaktik reaktsiyalar bo‘lishi mumkin.

Preparatning komponentlariga o‘ta yuqori sezuvchanlik; trombozlarga moyillik; giperkaltsiyemiya; og‘ir darajali giperkaltsiuriya, yaqqol ateroskleroz, qonning yuqori ivuvchanligi; og‘ir darajali buyrak yetishmovchiligi; sarkoidoz; glikozidlar, tseftriakson bilan birga qo‘llash mumkin emas.

Etil spirtini kaltsiy glyukonati bilan o‘zaro ta’siri natijasida kaltsiy glyukonati cho‘kmaga tushadi. Boshqa kaltsiy preparatlari bilan birga buyurish tavsiya etilmaydi. Verapamilni qabul qilishdan oldin va qabul qilgandan keyin kaltsiy glyukonatni vena ichiga yuborish uning gipotenziv samarasini kamaytiradi, lekin uning antiaritmik samarasiga ta’sir qilmaydi. Tiazidli diuretiklar bilan majmuasi giperkaltsiyemiya rivojlanishini chaqirishi mumkin. Xinidin bilan bir vaqtda qo‘llanganida qorinchalar ichki o‘tkazuvchanligini sekinlashtirishi va xinidinning toksikligini oshishiga olib kelishi mumkin. Yurak glikozidlari bilan davolash vaqtida, yurak glikozidlarining kardiotoksik samaralari kuchayadi. Kaltsiy glyukonati aminoglikozidlar qatoriga mansub antibiotiklarni qo‘llanishi oqibatidagi nerv-mushak o‘tkazuvchanligini susayishini bartaraf etadi. Fenigidin bilan bir vaqtda qo‘llanganda kaltsiy preparatlari uning samaradorligini kamaytiradi. Nomutanosibligi. Etil spirti, karbonatlar, salitsilatlar, sulfatlar, tartratlar bilan farmatsevtik nomutanosibdir.

Buyrak faoliyatini buzilishi, yurak kasalliklari bo‘lgan patsiyentlarga kaltsiy tuzlari ehtiyotkorlik bilan qo‘llash kerak. Yurak glikozidlari va/yoki diuretiklarni qabul qilayotgan patsiyentlarda qo‘llashda, shuningdek uzoq muddatli davolashda (aynisa bolalarda) qonda kaltsiy va kreatinin kontsentratsiyasini nazorat qilish kerak. Ularning kontsentratsiyasi oshishi hollarida preparatning dozasini kamaytirish yoki yuborishni vaqtincha to‘xtatish kerak. Sutkada 300 mg (sutkada 7,5 mmol) dan yuqori o‘rtacha darajali giperkaltsiuriya, yaqqol bo‘lmagan buyrak faoliyatini buzilishi, anamnezida siydik tosh kasalligi bo‘lgan patsiyentlarda ehtiyotkorlik bilan va siydik bilan chiqarilayotgan kaltsiy miqdorini muntazam nazorati ostida patsiyentlarga buyuriladi. Siydik chiqarish yo‘llarida konkrementlarni paydo bo‘lishiga moyilligi bo‘lgan bemorlarda davolash vaqtida iste’mol qilinayotgan suyuqlik miqdorini oshirish kerak. Shpritsni kaltsiy glyukanat eritmasi bilan to‘ldirishdan avval, unda etil spirtining qoldiqlari yo‘qligiga ishonch hosil qilish kerak, chunki ularning o‘zaro ta’siri oqibatida kaltsiy glyukonati cho‘kmaga tushadi. Homiladorlik yoki emizish davrida qo‘llanishi. Ayol uchun foyda/homila (bola) uchun xavf nisbatini inobatga olib preparatni homiladorlik va emizish davrida qo‘llash mumkin. Bolalar. Nekroz rivojlanishining ehtimoli bo‘lganligi sababli 14 yoshgacha bo‘lgan bolalarga preparatni mushak ichiga yuborish tavsiya etilmaydi. Avtotransportni boshqarish yoki boshqa mexanizmlar bilan ishlashda  reaktsiya tezligiga ta’sir qilish qobiliyati. Avtotransportni boshqarish yoki boshqa mexanizmlar bilan ishlashda reaktsiya tezligiga Kaltsiy glyukonat-Darnitsaning salbiy ta’siri haqida ma’lumotlar yo‘q. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Original o‘ramida, 25oS dan yuqori bo‘lmagan haroratda saqlansin. Muzlatilmasin.

Simptomlari: giperkaltsiyemiya rivojlanishi mumkin. giperkaltsiyemiya simptomlari anoreksiya, ko‘ngil aynishi, qusish, qabziyat, qorinda og‘riq, mushak kuchsizligi, polidipsiya, poliuriya, ruhiy buzilishlar, nefrokaltsinoz, nefrolitiaz; og‘ir darajali hollarda – yurak aritmiyalari va komani o‘z ichiga oladi. Davolash: ahamiyatsiz darajadagi dozani oshirib yuborilishida (qon zardobida kaltsiyning kontsentratsiyasi – 2,6-2,9 mmol/l) yuborish to‘xtaladi va kaltsiy saqlovchi boshqa dori vositalari bekor qilinadi. Og‘ir darajali dozani oshirib yuborishda (qon zardobida kaltsiyning kontsentratsiyasi – 2,9 mmol/l dan yuqori) kaltsitonin parenteral sutkada har 1 kg tana vazniga 5-10 TB hisobidan yuboriladi (preparat 500 ml natriy xloridining 0,9% li eritmasida suyultiriladi) 6 soat davomida tomchilab yuboriladi. Sutkada 2-4 marta sekin oqim bilan vena ichiga yuborish mumkin. Tiazid bo‘lmagan diuretiklar qo‘llanadi, zardobda kaliy va magniy kontsentratsiyasi nazorat qilinadi, zarurati bo‘lganida – kaliy va magniy preparatlari yuboriladi; yurak-tomir tizimi nazorat qilinadi, aritmiyalarni oldini olish uchun beta-adrenoblokatorlar yuboriladi. Zarurati bo‘lgan hollarda gemodializ amalga oshiriladi.

Retsept bo‘yicha

5 ml dan ampulalarda, 10 ampuladan qutida; 5 ampuladan kontur uyali o‘ramda, 2 kontur uyali o‘ramdan qutida; 5 ampuladan kontur uyali o‘ramda; 1 yoki 2 kontur uyali o‘ramdan qutida.

3 yil.