tiniq, rangsiz, yot kiritmalardan holi bo‘lgan o‘ziga xos hidli suyuqlik

Nosteroid yallig‘lanishga qarshi preparatlar. Propion kislotasining hosilalari.

M01AЕ17

So‘rilishi Deksketoprofen trometamol mushak ichiga yuborilganidan so‘ng qon zardobida maksimal kontsentratsiyasiga o‘rtacha 20 minut (10-45 minut) dan keyin erishiladi. 25-50 mg dozada bir marta yuborilganidan so‘ng AUC mushak ichiga yuborilganda ham, vena ichiga yuborilganda ham proportsionaldir. Tegishli farmakokinetik ko‘rsatkichlari mushak ichiga yoki vena ichiga takroran yuborilganidan so‘ng o‘xshashdir, bu preparatning organizmda to‘planmasligini ko‘rsatadi. Taqsimlanishi Deksketoprofen trometamol uchun plazma oqsillari bilan yuqori darajada bog‘lanish (99%) xosdir. Vd ni o‘rtacha qiymati 0,25 l/kg ni tashkil etadi. Chiqarilishi Deksketoprofenni asosiy chiqarilish yo‘li uni glyukuron kislotasi bilan bog‘lanib, keyinchalik buyraklar orqali chiqarilishi hisoblanadi. Deksketoprofenning yarim chiqarilish davri taxminan 1-2,7 soatni tashkil etadi. Ayrim klinik holatlarda preparatning farmakokinetikasi Keksa yoshdagi shaxslarda yarim chiqarilish davrining davomiyligi (mushak ichiga yoki vena ichiga ham bir marta yuborilgandan so‘ng va ham ko‘p marta yuborilganidan so‘ng) o‘rtacha 48% gacha pasayishi va preparatning umumiy klirensini pasayishi kuzatiladi.

turli genezli (shu jumladan operatsiyadan keyingi og‘riq, suyaklar metastazlaridagi og‘riq, jarohatdan keyingi og‘riqlar, buyrak sanchig‘idagi og‘riq, algodismenoreya, ishialgiya, radikulit, nevralgiyalar, tish og‘rig‘i) og‘riq sindromini bartaraf qilishda;tayanch-harakat apparatining o‘tkir va surunkali yallig‘lanishi, yallig‘lanish-degenerativ va metabolik kasalliklari (shu jumladan, revmatoid artrit, spondiloartrit, artroz, osteoxondroz) ni simptomatik davolash uchun qo‘llanadi.

Infen preparati mushak ichiga va vena ichiga yuborish uchun qo‘llanadi. Kattalar Deksketoprofenning tavsiya etilgan dozasi har 8-12 soatda 50 mg ni tashkil etadi. Zarurat bo‘lganida har 6 soatda qabul qilish mumkin. Deksketoprofenning umumiy sutkalik dozasi 150 mg dan oshmasligi kerak. Preparat o‘tkir og‘riq sindromi vaqtida qisqa muddatli (2 kundan oshmasligi kerak) qo‘llash uchun mo‘ljallangan. Keyinchalik patsiyentni ichga qabul qilish uchun analgetiklarga o‘tkazish mumkin. Keksa yoshdagi patsiyentlar Keksa yoshdagi patsiyentlar uchun preparatning dozasiga tuzatish kiritish talab etilmaydi. Biroq ularda buyrak faoliyati fiziologik jihatdan pasayganligi sababli preparatning eng kichik dozasini qo‘llash tavsiya etiladi: buyrak faoliyatini yengil darajadagi buzilishlari bo‘lgan keksa yoshdagi patsiyentlarga qo‘llanadigan odatdagi sutkalik dozasi 50 mg dan oshmasligi kerak. Jigar faoliyatini buzilishlari Jigar faoliyatini yengil va o‘rtacha darajada buzilishlari (Chayld-Pyu shkalasi bo‘yicha 5-9 ball) bo‘lgan bemorlar uchun umumiy sutkalik dozasini 50 mg gacha kamaytirish va jigar faoliyatini yaxshilab nazorat qilish kerak. Infenni og‘ir darajadagi jigar yetishmovchiligi bo‘lgan patsiyentlarga qo‘llash mumkin emas. Buyrak faoliyati buzilishlari O‘rtacha darajadagi buyrak yetishmovchiligi (kreatinin klirensi minutiga 50-80 ml) bo‘lgan patsiyentlarda deksketoprofenning umumiy dozasi sutkada 50 mg dan oshmasligi kerak. Og‘ir darajadagi buyrak yetishmovchiligi (kreatinin klirensi < 50 mg/ml) bo‘lgan patsiyentlarga preparatni buyurish mumkin emas. Inyektsiya uchun eritma / infuziya uchun eritma tayyorlash uchun kontsentratni qo‘llash qoidalari Infenni kichik hajmlarda (masalan, shpritsda) geparin, lidokain, morfin va teofillinning inyektsion eritmalari bilan aralashtirish mumkin. Mushak ichiga yuborish Bir ampulaning ichidagisini (2 ml) mushak ichiga chuqur sekin yuboriladi. Vena ichiga infuziya qilish Bir ampulaning ichidagisi (2 ml) 30-100 ml fiziologik eritma, glyukoza eritmasi yoki Ringer (laktat) eritmasida suyultiriladi. Infuziya aseptik sharoitlarda tabiiy yorug‘likni ta’siriga yo‘l qo‘yilmasdan tayyorlanadi. Tayyor bo‘lgan eritma (tiniq bo‘lishi kerak) 10-30 minut davomida vena ichiga sekin infuziya qilinadi. Infen preparatining 100 ml fiziologik eritma yoki glyukoza eritmasida suyultirilgan eritmasini dofamin, geparin, gidroksizin, lidokain, morfin, petidin va teofillin bilan aralashtirish mumkin. Preparat bir marta qo‘llash uchun mo‘ljallangan, shuning uchun tayyor moddaning qoldiqlari to‘kiladi. Preparatni yuborishdan oldin eritmani tiniq va rangsizligiga ishonch hosil qilish kerak. Qattiq kiritmalardan tarkib topgan eritmani qo‘llash mumkin emas. Vena ichiga inyektsiya qilish (oqim bilan yuborish) Zarurat bo‘lganida bir ampulaning ichidagisi (2 ml) vena ichiga 15 sekund davomida yuboriladi.

Qon yaratish tizimi tomonidan: kam hollarda – anemiya; Markaziy nerv tizimi tomonidan: tez-tez emas – bosh og‘rig‘i, bosh aylanishi, uyqusizlik, uyquchanlik; kam hollarda – paresteziya; Sezgi a’zolari tomonidan: tez-tez emas – ko‘rishni noaniqligi; kam hollarda – quloqlarni shang‘illashi; Yurak-qon tomir tizimi tomonidan: tez-tez emas – arterial gipotenziya, qizib ketish hissi, teri qoplamlari giperemiyasi; kam hollarda – ekstrasistoliya, taxikardiya, arterial gipertenziya, periferik shishlar, yuzaki tromboflebit. Nafas tizimi tomonidan: kam hollarda – bradipnoe; Ovqat hazm qilish tizimi tomonidan: tez-tez – ko‘ngil aynishi, qusish; tez-tez emas – abdominal og‘riq, dispepsiya, diareya, qabziyat, gematemezis, og‘izni qurishi; kam hollarda – MIY a’zolarini eroziv-yarali shikastlanishlari, shu jumladan qon ketishi va perforatsiya, anoreksiya, jigar fermentlari faolligini oshishi, sariqlik. Siydik chiqarish tizimi tomonidan: kam hollarda – poliuriya, buyrak sanchig‘i, proteinuriya, ketonuriya. Reproduktiv tizim tomonidan: kam hollarda – ayollarda – hayz ko‘rish tsiklini buzilishi, erkaklarda – prostata bezining faoliyatini buzilishi. Suyak-mushak tizimi tomonidan: kam hollarda – mushaklar spazmi, bo‘g‘imlardagi harakatni qiyinlashishi. Dermatologik reaktsiyalar: ba’zida – dermatit, toshma, ko‘p terlash; kam hollarda – husnbuzar toshmasi. Allergik reaktsiyalar: kam hollarda – eshakemi. Moddalar almashinuvi tomonidan: kam hollarda – giperglikemiya, gipoglikemiya, gipertriglitseridemiya. Laboratoriya ko‘rsatkichlari tomonidan: kam hollarda – ketonuriya, proteinuriya. Mahalliy va umumiy reaktsiyalar: tez-tez – inyektsiya qilingan joyda og‘riq; tez-tez emas – yallig‘lanish reaktsiyalari, gematoma, inyektsiya qilingan joyda gemorragiyalar, qizib ketish hissi, et uvishishi, toliqish; kam hollarda – belda og‘riq, xushdan ketish, isitma. Boshqalar: asosan tizimli qizil yugurik (TQYU) yoki biriktiruvchi to‘qimalarning aralash kasalliklari bo‘lgan patsiyentlarda aseptik meningit, gematologik buzilishlar (purpura, aplastik va gemolitik anemiya, kam hollarda – agranulotsitoz va suyak ko‘migining gipoplaziyasi) kuzatilishi mumkin.

deksketoprofenga yoki boshqa NYAQP ga yoki preparatning tarkibiga kiruvchi yordamchi moddalarning har biriga yuqori sezuvchanlikda;anamnezida shunday ta’sir mexanizmiga ega bo‘lgan moddalar (atsetilsalitsil kislotasi va boshqa NYAQV) ni qo‘llash oqibatida rivojlangan astma hurujlari, bronxospazm, o‘tkir rinit, urtikariyalar yoki angionevrotik shishni bo‘lganida;patsiyentlarda me’da va o‘n ikki barmoqli ichakning faol yara kasalligi bo‘lganida yoki yara kasalligini takrorlanuvchi hurujlari (ikki va undan ortiq hurujlar) kuzatilganida;me’da-ichakdan qon ketishlarida (shu jumladan NYAQV ni ilgari qabul qilish bilan bog‘liq), boshqa faol qon ketishlarida;Kron kasalligi, nospetsifik yarali kolitda;jigar faoliyatini og‘ir darajadagi buzilishlarida (Chayld-Pyu shkalasi bo‘yicha 10-15 ball);buyrak faoliyatini og‘ir darajadagi buzilishlarida (KK < 50 ml/min);bronxial astmada (shu jumladan anamnezida);og‘ir darajadagi yurak yetishmovchiligida;gemorragik diatez yoki boshqa koagulopatiyalarda;homiladorlikning uchinchi uch oyligi va laktatsiya davrida;bolalarda qo‘llash mumkin emas. Preparatning tarkibida etanol borligi sababli uni epidural, miya qobig‘i ostiga yoki qobiq ichiga yuborish uchun qo‘llash mumkin emas.

To‘g‘ri kelmaydigan majmualar Bir qancha NYAQP, shu jumladan salitsilatlarni yuqori dozalarda (sutkada 3 g dan ortiq) bir vaqtda buyurish me’da-ichakdan qon ketishlar va sinergik ta’siri oqibatida yaralarni rivojlanish havfini oshiradi. Tiklopidin va profilaktik dozalardan ortiq dozalarda peroral antikoagulyantlar, geparin bilan bir vaqtda qo‘llanganida trombotsitlar agregatsiyasini ingibitsiya qilinishi va MIY ning shilliq qavatini shikastlanishi tufayli qon ketishini rivojlanish havfi oshadi. NYAQP plazmada litiyning kontsentratsiyasini toksik darajagacha oshiradi, shu sababli NYAQP buyurilganida, dozasi o‘zgartirilganida va bekor qilinganidan so‘ng ushbu ko‘rsatkichni nazorat qilish kerak. Metotreksatning yuqori dozalari (haftada 15 mg va undan ortiq) bilan birga qo‘llanganida, NYAQP bilan davolanish vaqtida metotreksatning buyrak klirensini pasayishi oqibatida uning gematologik toksikligini oshishi kuzatiladi. Gidantoinlar va sulfanilamid preparatlari bilan bir vaqtda qo‘llanganida bu preparatlarning toksik ta’sirini kuchayish havfi mavjud. Diuretiklar, AAF ingibitorlari bilan bir vaqtda qo‘llash zarurati bo‘lganida, NYAQP bilan davolash organizmning suvsizlanishi (kalavalar filtratsiyasini prostaglandinlarning sintezini susayishi oqibatida pasayishi) bo‘lgan patsiyentlarda o‘tkir buyrak yetishmovchiligini rivojlanish havfi bilan ifodalanishini hisobga olish kerak. NYAQP ba’zi preparatlarning gipotenziv samarasini kamaytirishi mumkin. Diuretiklar bilan bir vaqtda buyurilganida NYAQP ni buyurishdan oldin patsiyentda suv-elektrolitlar muvozanatini buzilishi yo‘qligiga ishonch hosil qilish va buyrak faoliyatini nazorat qilish kerak. Metotreksatning kichik dozalari (haftada 15 mg dan kam) bilan bir vaqtda qo‘llanganida NYAQP bilan davolanish fonida metotreksatning buyrak klirensi pasayishi sababli uning gematologik toksikligi oshishi mumkin. Bir vaqtda davolashning birinchi haftasida qon hujayralarining miqdorini har hafta nazorat qilish kerak. Buyrak faoliyatini hatto yengil darajada buzilishlari bo‘lgan patsiyentlarni, shuningdek keksa yoshdagi shaxslarni yaxshilab tibbiy kuzatish kerak. Pentoksifillin bilan bir vaqtda qo‘llanganida qon ketishini rivojlanish havfi oshadi. Jadal klinik monitoring o‘tkazish va qon ketish vaqtini (qon ivish vaqti) tez-tez nazorat qilish kerak. Zidovudin bilan bir vaqtda qo‘llanganida NYAQP buyurilgandan so‘ng bir haftadan keyin retikulotsitlarga ta’sir qilishi orqali eritrotsitlarga toksik ta’sirining oshish havfi mavjud bo‘lib, bu og‘ir darajadagi anemiyani rivojlanishiga olib keladi. NYAQP bilan davolanish boshlanganidan so‘ng 1-2 haftadan keyin qon hujayralarining barcha elementlarini, shu jumladan retikulotsitlarni nazorat qilish kerak. NYAQP ta’sirida sulfonilmochevina hosilalarini plazma oqsillari bilan bog‘langan joyidan siqib chiqarishi oqibatida ularning gipoglikemik ta’siri kuchayishi mumkin. Quyi molekulyar geparin preparatlari bilan bir vaqtda qo‘llanganida qon ketishini rivojlanish havfi oshadi. Alohida e’tiborni talab qiladigan dorilar majmuasi NYAQP beta-adrenoblokatorlarning gipotenziv samarasini kamaytirishi mumkin, bu prostaglandinlarning sintezini ingibitsiya qilishishi bilan ifodalanadi. Tsiklosporin va takrolimus bilan bir vaqtda qo‘llanganida NYAQP buyrak prostaglandinlariga ta’sir qilishi orqali nefrotoksikligini kuchaytirishi mumkin. Majmuaviy davolashni o‘tkazish vaqtida buyrak faoliyatini nazorat qilish kerak. Trombolitiklar bilan bir vaqtda buyurilganida qon ketishini rivojlanish havfi oshadi. Probenetsid bilan bir vaqtda qo‘llanganida plazmada NYAQP ning kontsentratsiyasi oshishi mumkin, bu buyraklar orqali sekretsiyasini ingibitsiya qilinishi va/yoki glyukuron kislotasi bilan kon’yugatsiyasi orqali ifodalanishi mumkin. Bu NYAQP ning dozaga tuzatish kiritish talab etadi. NYAQP qon plazmasida yurak glikozidlarining kontsentratsiyasini oshirishi mumkin. Prostaglandinlar sintezini ingibitorlari ta’sirida mifepristonning samaradorligini nazariy jihatdan o‘zgarish havfi borligi sababli, NYAQP ni mifepriston bekor qilinganidan so‘ng kamida 8-12 sutkadan keyin buyurish kerak.

Infen mushak ichiga va vena ichiga qo‘llash uchun eritmani kichik hajmlarda (masalan, shpritsda) dopamin, prometazin, pentazotsin, petidin yoki gidroksizin eritmalari bilan aralashtirish mumkin emas, chunki eritmada cho‘kma hosil bo‘ladi. Infuziya uchun suyultirilgan eritmalarni prometazin yoki pentazotsin bilan aralashtirish mumkin emas. Infenni ushbu yo‘riqnomada ko‘rsatilgan preparatlardan tashqari boshqa preparatlar (erituvchilar) bilan bir vaqtda (bir shpritsda, bir flakonda va boshqalar) qo‘llash mumkin emas. Infen preparatini NYAQP, shu jumladan tsiklooksigenaza-2 ning selektiv ingibitorlari bilan birga qo‘llashdan saqlanish kerak. Deksketoprofen trometamol bilan davolashni boshlashdan oldin va anamnezida ezofagit, gastrit va/yoki yara kasalligi bo‘lganida, bu kasalliklar remissiya bosqichida ekanligiga ishonch hosil qilish kerak. MIY patologiyasini simptomlari bo‘lgan va anamnezida me’da-ichak kasalliklari bo‘lgan bemorlarda ovqat hazm qilish yo‘llarining holatini, ayniqsa me’da-ichakdan qon ketishini aniqlash uchun monitoring o‘tkazish kerak. Me’da-ichak yaralari yoki qon ketishining rivojlanish havfini oshirishi mumkin bo‘lgan vositalar: peroral kortikosteroidlar, antikoagulyantlar, masalan, varfarin, serotoninni qayta qamrab olinishini selektiv ingibitorlari yoki aspirin kabi antiagregantlarni bir vaqtda qabul qilayotgan patsiyentlarga preparatni ehtiyotkorlik bilan buyurish kerak. Jigar va/yoki buyrak faoliyatini buzilishi bo‘lgan patsiyentlar, shuningdek arterial gipertoniyasi va/yoki yurak yetishmovchiligi bo‘lgan bemorlarga preparatni ehtiyotkorlik buyurish kerak, chunki ularda NYAQV qo‘llash fonida buyrak faoliyati yomonlashishi, organizmda suyuqlikni ushlanib qolishi mumkin. Homiladorlik va laktatsiyada qo‘llanishi Infen preparatini homiladorlikni uchinchi uch oyligida va laktatsiya davrida qo‘llash mumkin emas. Homiladorlikning birinchi va ikkinchi uch oyliklarida Infen preparatini qo‘llash zarurati bo‘lganida, shifokorning tavsiyasiga ko‘ra, minimal dozalarda va eng qisqa vaqt davomida qo‘llash mumkin. Pediatriyada qo‘llanishi Infen preparatini bolalarda qo‘llash havfsizligi va samaradorligi aniqlanmagan. Avtotransportni haydash va mexanizmlarni boshqarish qobiliyatiga ta’siri Preparat bilan davolanish fonida bosh aylanishi va uyquchanlik kuzatilishi mumkinligi sababli diqqatni jamlash qobiliyatini va psixomotor reaktsiyalar tezligini pasaytirishi mumkin. Preparatni bolalar ololmaydigan joyda saqlash kerak va yaroqlilik muddati tugaganidan so‘ng ishlatilmasin.

25oS dan yuqori bo‘lmagan haroratda saqlansin.

Dozani oshirib yuborilishining simptomlari noma’lum. Shunga o‘xshash dori preparatlari me’da-ichak yo‘llari tomonidan buzilishlar (qusish, anoreksiya, qorinda og‘riq) va nerv tizimi tomonidan buzilishlar (uyquchanlik, bosh aylanishi, dezoriyentatsiya, bosh og‘riqlari) ni keltirib chiqaradilar. Dozasi bexosdan oshirib yuborilganida bemorning holatiga muvofiq ravishda simptomatik davolashni zudlik bilan boshlash kerak. Deksketoprofen trometamol organizmdan dializ yordamida chiqariladi.

Retsept bo‘yicha

Eritma 2 ml dan qahrabo rangli I tip shisha flakonda 13 mm li brombutil rezina tiqin yopilgan, 13 mm li flip of alyumin qopqoq bilan mahkamlangan. 1 flakon davlat va rus tillaridagi tibbiyotda qo‘llash bo‘yicha yo‘riqnomasi bilan birga karton qutiga joylangan.

2 yil.