Och-jigarrang rangli qobiq bilan qoplangan tabletkalar. Ko‘ndalang kesimida ikki qavati ko‘rinadi.

Nosteroid yallig‘lanishga qarshi vosita.

[M01AV01]

Tayanch-harakat apparatining yallig‘lanish va degenerativ kasalliklari: revmatoid artrit, psoriatik, surunkali yuvenil artrit, ankilozlovchi spondilit; yumshoq to‘qimalarning revmatik shikastlanishlari; podagrik artritlar. LOR-a’zolarning infektsion-yallig‘lanish kasalliklari, adneksit, prostatit, tsistit, nevritlarda, algodismenoreyada, bosh va tish og‘riqlarida yordamchi vosita sifatida, majmuaviy davolash tarkibida qo‘llanadi.

Ichga ovqatlanish vaqtida yoki ovqatdan keyin sut bilan birga buyuriladi. Kattalar uchun boshlang‘ich doza 25 mg dan sutkada 2-3 marta. Klinik samarasi yetarli darajada namoyon bo‘lmasa, dozani sutkada 3 marta 50 mg gacha oshirish mumkin. Maksimal sutkalik doza – 200 mg. Samarasi erishilganida davolash shu dozada yoki kichikrok dozada yana 4 hafta davom ettiriladi. Uzoq muddat qo‘llanganida maksimal sutkalik doza – 75 mg ni tashkil qiladi.

Ovqat hazm qilish tizimi tomonidan: NYAQV – gastropatiya, abdominal og‘riqlar, ko‘ngil aynashi, qusish, jig‘ildon qaynashi, anoreksiya, diareya, jigar faoliyatini buzilishi (qonda bilirubinni, “jigar” transaminazalarini oshishi). Yuqori dozalarda uzoq muddatli qo‘llanganida – me’da-ichak yo‘llari shilliq qavatlarida yaralar paydo bo‘lishi mumkin. Nerv tizimi tomonidan: bosh og‘rig‘i, bosh aylanishi, uyqusizlik, qo‘zg‘aluvchanlik, ta’sirchanlik, charchoqlik, uyquchanlik, depressiya, periferik neyropatiya. Sezgi a’zolari tomonidan: eshitishni pasayishi, quloqni shang‘illashi, ta’m sezishni buzilishi, diplopiya, ko‘rishni xiralashishi, ko‘z shox pardani xiralashishi, kon’yunktivit. Yurak-tomir tizimi tomonidan: yurak yetishmovchiligi, taxiaritmiya, arterial bosimni oshishi. Siydik chiqarish tizimi tomonidan: buyrak faoliyatini buzilishi, proteinuriya, gematuriya, interstitsial nefrit, nefrotik sindrom, buyrak so‘rg‘ichlari nekrozi. Gemostaz tizimi tomonidan: qon ketishi (me’da-ichak, milk, bachadon, gemorroidal), trombotsitopeniya. Allergik reaktsiyalar: teri toshmasi, qichishish, eshakemi, Kvinke shishi, bronxospazm, kam – Layela sindromi, tugunsimon eritema, anafilaktik shok. Laboratoriya ko‘rsatkichlari: agranulotsitoz, leykopeniya, giperglikemiya, glyukozuriya, giperkaliyemiya. Boshqalar: aseptik meningit (ko‘proq autoimmun kasalligi bo‘lgan patsiyentlarda), aplastik anemiya, autoimmun gemolitik anemiya, shish sindromi, ko‘p terlash.

O‘ta yuqori sezuvchanlik, “aspirin” astmasi, me’da va o‘n ikki barmoq ichak yara kasalligi, yarali kolit, qon ketishlar (bosh miya ichida, me’da-ichakdan qon ketishlar), tug‘ma yurak nuqsonlari (aorta koarktatsiyasi, o‘pka arteriyasining artreziyasi, Fallo tetradasi), rangli ko‘rishni buzilishi, portal gipertenziyali jigar tsirrozi, ko‘ruv nervining kasalliklari, bronxial astma, yurak yetishmovchiligi, arterial gipertenziya, gemofiliya, gipokoagulyatsiya, buyrak yetishmovchiligi, surunkali buyrak yetishmovchiligi, eshitishni buzilishi, vestibulyar apparatining patologiyasi, glyukozo-6-fosfatdegidrogenaza tanqisligi; qon kasalliklari; proktit, gemorroyda qo‘llash mumkin emas. Homiladorlik, laktatsiya davri, 14 yoshgacha bo‘lgan bolalar. Ehtiyotkorlik bilan – giperbilirubinemiya, trombotsitopeniya, tutqanoq, parkinsonizm, depressiya, bolalar va keksalarda ehtiyotkorlik bilan qo‘llanadi.

Urikozurik, gipotenziv va siydik haydovchi vositalarning (saluretiklarning) samarasini pasaytiradi; bilvosita antikoagulyantlar, antiagregantlar, fibrinolitiklarning ta’sirini, mineralokortikoidlar, estrogenlar, boshqa NYAQP ning nojo‘ya ta’sirlarini kuchaytiradi; sulfanilmochevina hosilalarining gipoglikemik samarasini kuchaytiradi. Paratsetamol bilan birga qo‘llanishi nefrotoksik samarasini rivojlanishi xavfini oshiradi. Etanol, kolxitsin, glyukokortikosteroidlar qon ketishlari bilan kechuvchi gastrointestinal asoratlar xavfini oshiradi. Antatsidlar va kolestiramin preparatini so‘rilishini susaytiradi. Qonda litiy preparatlari, metotreksat va digoksinning kontsentratsiyasini oshiradi. Tsiklosporin, oltin preparatlari indometatsinning nefrotoksikligini oshiradi. Tsefamandol, tsefoperazon, tsefotetan, valproat kislotasi, plikamitsin gipoprotrombinemiyani rivojlanish xavfini va qon ketishlari xavfini oshiradi. Indometatsin zidovudinning toksik ta’sirini potentsiyalaydi. Yangi tug‘ilgan chaqaloqlarda aminoglikozidlarning toksik samaralarini rivojlanish xavfini oshiradi.

Davolash vaqtida periferik qon manzarasini va jigar va buyrakning funktsional holatini nazorat qilish kerak. 17-ketosteroidlarni aniqlash zarurati bo‘lganida, preparat qabul qilishni tekshirish o‘tkazishdan 48 soat oldin to‘xtatish kerak. Jigar faoliyatini, periferik qonning xujayraviy tarkibini nazorat qilish kerak. Dispeptik holatlarning oldini olish va kamaytirish uchun antatsid dori vositalarini qo‘llash kerak. Avtomobilni va murakkab mexanizmlarni boshqarish qobiliyatiga ta’siri Davolanish davrida avtotransportni boshqarish va diqqatni yuqori jamlashni va psixomotor reaktsiyalarning tezligini talab etuvchi potentsial xavf faoliyat turlari bilan shug‘ullanishdan saqlanish kerak. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Quruq, yorug‘likdan himoyalangan joyda.

Simptomlari: ko‘ngil aynishi, qusish, kuchli bosh og‘rig‘i, bosh aylanishi, xotirani buzilishi, dezoriyentatsiya. Og‘ir hollarda paresteziyalar, qo‘l-oyoqlarni uvishishi, tirishishlar kuzatiladi. Davolash: simptomatik davolash, gemodializ samarasiz.

Retsept bo‘yicha

Qobiq bilan qoplangan tabletkalar, 0,025 g. 30 tabletkadan zarg‘aldoq shisha bankalarda, plastik konteynerlar yoki polimer bankalarda. 10 tabletkadan kontur uyali o‘ramda. 10 tabletkadan kontur uyasiz o‘ramda. Har bir banka, konteyner, 2 yoki 3 kontur uyali yoki uyasiz o‘ram qo‘llash bo‘yicha yo‘riqnomasi bilan qutiga joylangan.

2 yil.