oq yoki och-sariq rangli liofilizat. Tayyorlangandan keyin – tovlanuvchan, rangsiz yoki och-sariq rangli eritma. Erituvchi (inyektsiya uchun suv) – tiniq, rangsiz suyuqlik.

immunoglobulinlar

J06BB01

Antitelalarning aniqlab bo‘ladigan ko‘rsatkichlariga preparat mushak ichiga yuborilgandan taxminan 20 minutdan keyin erishiladi. Qon plazmasidagi antitelalarning maksimal kontsentratsiyasiga odatda inyektsiyadan 2-3 kundan keyin erishiladi. Antirezus Rho(D) odam immunoglobulininingyarim chiqarilish davri individual, normal odam immunoglobulinniga teng va 3-4 haftani tashkil qiladi. Immunoglobulin va uning komplekslari retikuloendotelial tizim xujayralarida parchalanadi.

Rho(D)-antigenga sensibilizatsiyalanmagan rezus-manfiy ayollarda (Rho(D)) va qonning kuchsiz-musbat rezusiga ega ayollarda (Du) homiladorlikda va rezus-musbat bola tug‘ilganda anti-D (Rho) immunizatsiyani oldini olish. Preparat Rho(D)-antigenga sensibilizatsiyalanmagan rezus-manfiy ayollarda sun’iy yoki o‘z-o‘zidan homiladorlikni to‘xtatishda, otaning qoni rezus-musbat bo‘lgan hollarda, shuningdek amniotsentezda, bosh tomonga tashqi aylantirganda, qorin bo‘shlig‘i a’zolari jarohatlanganda, tug‘ruqdan oldingi qon ketishlarda, bachadondan tashqari homiladorlikda va tukli xorionga sinama o‘tkazilganda qo‘llanadi. Rezus-manfiy patsiyentlarda nomutanosib rezus-musbat qon yoki eritrotsitar kontsentratlarni quygandan keyin anti-D (Rho) immunizatsiyani oldini olishda qo‘llanadi.

Preparat eritmasi mushak ichiga yuboriladi. Tug‘ruqdan keyingi profilaktika. 1000-1500 XB (200-300 mkg) dastlab Klyayxauer-Betke usuli yordamida fetal gemoglobinni (HbF) ona qon aylanishiga infilratsiyasiga test o‘tkazmasdan optimal doza sifatida tavsiya etiladi. Preparat onaga iloji boricha tug‘ruqdan keyin erta, 72 soatdan kechiktirmasdan yuboriladi. Tug‘ruqdan oldinga va tug‘ruqdan keyingi profilaktika. 1000-1500 XB (200-300 mkg) birinchi doza homiladorlikning 28-haftasida yuboriladi. Agar bola rezus-musbat bo‘lib tug‘ilsa, 1000-1500 XB (200-300 mkg) keyingi doza tug‘ruqdan keyingi 72 soat davomida yuboriladi. Homiladorlik to‘xtatilgandan keyin, bachadondan tashqari homiladorlik yoki yelbo‘g‘ozdan keyin. Aralashuvdan keyin birinchi 72 soat davomida preparat homiladorlikning 12 haftasigacha 600-750 XB (120-150 mkg) doza yuboriladi; homiladorlikning 12 haftasidan keyin 1250-1500 XB (250-300 mkg); amniotsentez yoki xorion biopsiyadan keyin 1250-    1500 XB (250-300 mkg) yuboriladi. Nomutanosib rezus-musbat qonni quygandan keyin. Bir necha ku davomida quyilgan har 10 ml qonga 500 XB-1250 XB (100-250 mkg) yuboriladi. Preparatlarni mushak ichiga yuborish mumkin bo‘lmagan qon tizimi patologiyalarida antirezus Rho(D) odam immunoglobulini teri ostiga yuborilishi mumkin. Inyektsiyadan keyin yuborilgan joyga kompress qo‘yiladi. Agar yuqori umumiy doza (5 ml dan ko‘p) talab etilsa, uni kamroq dozalarga bo‘lish va inyektsiyalarni turli joylarga amalga oshirish tavsiya etiladi. Preparat eritmasini tayyorlash va yuborish Preparatning liofilazatini saqlovchi flakon va erituvchi saqlovchi ampula xona haroratigacha yoki tana haroratigacha qizdiriladi. Erituvchi saqlovchi ampula ichidagisi inyektsion shpritsga tortiladi, liofilizat saqlovchi flakonning rezina tiqinli himoya qalpoqchasi olib tashlanadi va erituvchi flakonga sekin yuboriladi; erituvchi saqlovchi flakon ehtiyotkorlik bilan chayqatiladi yoki liofilizat to‘liq eriguncha kutiladi; eritma shpritsga tortiladi; igna almashtiriladi va inyektsiya bajariladi. Liofilizatni to‘liq erimasligi preparatning faolligin yo‘qotilishiga olib keladi. Agar eritma xira yoki cho‘kma mavjud bo‘lsa ishlatilmasin. Ochilgan flakondagi liofilizat darhol tayyorlanishi va ishlatilishi kerak. Preparatning qoldiqlarini yo‘q qilish kerak.

Inyektsiya joyida og‘riq paydo bo‘lishi mumkin. Agar eritmaning katta xajmini 5 ml dan kam bo‘lgan dozalarda bir nechta turli joylarga yuborilsa bundan saqlanish mumkin. Isitma, teri reaktsiyalari va qaltirash tez-tez kuzatilmaydi. Ko‘ngil aynishi va qusish kabi dispeptik ko‘rinishlar, shuningdek arterial bosimni pasayishi, taxikardiya, allergik yoki anafilaktik reaktsiyalar kam hollarda paydo bo‘ladi. Anafilaktoid reaktsiyalarning birinchi simpmtolari paydo bo‘lganda antigistamin preparatlari, alfa-adrenomimetiklar va glyukokortikosteroidlarni qo‘llab shokka qarshi davolash o‘tkaziladi.

Preparatning komponentlariga o‘ta yuqori sezuvchanlik. Preparatni rezus-musbat ayollarga, shuningdek qon zardobida rezus-antitelalar aniqlangan Rho(D)-antigenga sensibilizatsiyalangan rezus-manfiy ayollarga yuborish mumkin emas. Preparatni yangi tug‘ilgan chaqaloqlarga yuborish taqiqlangan.

Antirezus Rho(D) odam immunoglobulinini boshqa preparatlar bilan aralashtirish mumkin emas. Qizamiq, qizilcha, epidemik parotit, suvchechakka qarshi susaytirilgan tirik vaktsinalarning faolligini 3 oygacha susaytiradi.

Shok rivojlanishi mumkinligi tufayli vena ichiga yuborilmasin. Mushak ichiga yuborilishi kerak. Preparatni qon tomirlarga tushishidan saqlanish uchun preparatni yuborishni boshlashdan oldin shprits porshenini o‘ziga tortish va shpritsda qon borligini tekshirish kerak. Mushak ichiga yuborilgan antirezus Rho(D) odam immunoglobuliniga haqiqiy allergik reaktsiyalar kam hollarda kuzatiladi. Immunoglobulinlarni o‘zlashtiraolmaslik, patsiyentda IgA ga qarshi antitelalar mavjud bo‘lgan immunoglobulin A (IgA) tanqisligini juda kam hollarda kuzatiladigan holatlarida rivojlanadi. Inyektsiyadan keyin 30-60 minut davomida patsiyentni kuzatish davom ettiriladi. Allergik yoki anafilaktik reaktsiyaga gumon qilinganda preparatni yuborish sekin to‘xtatiladi. Shok rivojlangan hollarda shokka qarshi davolash qo‘llanadi. Immunoglobulinni yuborgandan keyin bemor qonida antitelalarning darajasini passiv oshishi kuzatilishi mumkin, bu serologik test natijalarini xato soxta-musbat interpretatsiyasiga olib kelishi mumkin. Antirezus Rho(D) odam immunoglobulinini yuborish antitelalar va qon guruhini aniqlash, shu jumladan Kumbs testi va antiglobulin testi kabi tahlillarga ahamiyatli darajada ta’sir ko‘rsatishi mumkin. Virus xavfsizligi. Odam qoni va plazmasidan dori preparatlari tayyorlanganda patsiyentlarga infektsiya yuqishini oldini olishga qaratilgan choralar ko‘riladi. Ushbu choralar donorlarni infektsion zararlanish xavfini inkor etishni kafolatlovchi sog‘lom donorlarni sinchkovlik bilan tanlab olish, shuningdek har bir donor qonini va plazmaning umumiy pulini viruslar va infektsiyalar mavjudligi yuzasidan nazorat qilishni o‘z ichiga oladi. Preparatni tayyorlash uchun ishlatiladigan plazmaning har bir birligi V gepatiti virusining yuzaki antigeni va odam immun tanqisligi virusiga antitelalar (OITV-1,2) va S gepatiti virusi yo‘ligiga testdan o‘tadi. Plazmaning har bir puli shuningdek polimeraza zanjir reaktsiyasi usuli yordamida S gepatiti virusining RNK yo‘qligi yuzasidan nazorat qilinadi. Preparatni tayyorlash uchun faqat yuqoridagi barcha testlarga manfiy natijalar olingan plazma ishlatiladi. Odam qon preparatlarini ishlab chiqarish shuningdek viruslarni faolsizlantirish yoki bartaraf etish imkonini beruvchi odam qoni yoki plazmasini ishlab chiqarishdagi ishlov berish bosqichini o‘z ichiga oladi. Shunga qaramasdan, odam qoni yoki plazmasidan tayyorlangan dori preparatlarini qo‘llaganda infektsiya, shu jumladan noma’lum yoki viruslarni va boshqa infektsion agentlarni yuqishi ehtimolini to‘liq inkor etib bo‘lmaydi.

Ushbu dori preparati homiladorlik vaqtida va tug‘ruqdan keyin 72 soat davomida qo‘llanadi. Homiladorlikni kechishiga, homilaga yoki yangi tug‘ilgan chaqaloqqa hech qanday zararli ta’siri aniqlanmagan. Preparat bolalar ololmaydigan joyda saqlansin va ya+roqlilik muddati o‘tgach preparat qo‘llanilmasin.

Yorug‘likdan himoyalangan joyda, 25°S dan yuqori bo‘lmagan haroratda saqlansin. Muzlatilmasin.

Dozani oshirib yuborilishi holatlari qayd etilmagan.

Retsept bo‘yicha beriladi

300 mkg (1500 XB) dan mushak ichiga yuborish uchun eritma tayyorlash uchun liofilizat galobutil tiqin va birinchi ochish nazoratli himoya plastik qopqoqli alyumin qalpoqchali 1 gidrolitik sinf tiniq shisha flakonlarda. Erituvchi (inyektsiya uchun suv) 2 ml dan 1 gidrolitik sinf tiniq shisha ampulalarda. Liofilizat saqlovchi 1 flakon, erituvchi saqlovchi 1 ampula preparatni qo‘llash bo‘yicha yo‘riqnomasi bilan karton qutida.

3 yil.