kapsulasimon shaklli, plyonka qobiq bilan qoplangan, bir tomonida “LUPIN”yozuvi va boshqa tomonida riskali, oqdan och-sariq ranggacha bo‘lgan tabletkalar.

antibiotiklar (tsefalosporinlar guruhi).

J01DD08.

Preparat ichga qabul qilingandan keyin 40-50% (ovqat qabul qilishdan qat’iy nazar) so‘riladi, lekin tsefiksimni ovqat bilan qabul qilganda maksimal kontsentratsiyasiga erishish vaqti 0,8 soatga uzayadi. 200 mg tsefiksimni bir marta qabul qilganda plazmadagi maksimal kontsentratsiyasi 2 mkg/ml (1 mkg/ml dan 4 mkg/ml gacha) va 400 tsefiksimni bir marta qabul qilganda plazmadagi maksimal kontsentratsiyasi 3,7 mkg/ml (1,3 mkg/ml dan 7,7 mkg/ml gacha) ga erishadi. 200 mg yoki 400 mg bir martalik dozasi qabul qilgandan 2 soat va 8 soat orasida plazmadagi cho‘qqi kontsentratsiyasiga erishadi.

Iksim tabletkalari sezgir mikroorganizmlar chaqirgan quyidagi infektsion kasalliklarni davolash uchun qo‘llanadi: Escherichia coli, Proteus mirabilis chaqirgan siydik yo‘llarining asoratlanmagan infektsiyalari;Haemophilus influenzae (beta-laktam musbat va manfiy shtammlari), Moraxella (Branhamella) catarrhalis (ularning ko‘pchiligi beta-laktam musbat), S.pyogenes Pharyngitis &Tonsillitis, S.pyogenes chaqirgan o‘rta quloq infektsiyalari;Streptococcus pyogenes chaqirgan faringitlar va tonzillitlar. Izoh: S.pyogenes ni davolashda, shu jumladan revmatik atakani oldini olishda tanlov preparati bo‘lib penitsillin hisoblanadi. Tsefiksim asosan Streptococcus pyogenes ni burun-halqumdan tarqalganida samarali, shunga qaramasdan revmatoid atakani oldini olish uchun Iksimning samaradorligi haqida ma’lumotlar mavjud emas. Streptococcus pneumoniae, Haemophilus influenzae (beta-laktamaza musbat va manfiy shtammlari) chaqirgan o‘tkir bronxitlar va surunkali bronxitni zo‘rayishi.Salmonella typhy chaqirgan asoratlanmagan multirezistent va xinolonga rezistent tifoz isitma.Neisseria gonorrhoeae (penitsillaza ishlab chiqaruvchi va ishlab chiqarmaydigan shtammlari) chaqirgan asoratlanmagan gonoreyada qo‘llanadi.

Kattalar Tsefiksimning tavsiya etilgan dozasi sutkada bir marta 400 mg ni tashkil qiladi. Asoratlanmagan multirezistent tifoz isitmada tsefiksimning tavsiya etilgan dozasi sutkada tana vazniga 15-20 mg/kg 7-14 kun davomida va xinolonga rezistent tifoz isitmada – sutkada tana vazniga 20 mg/kg 7-14 kun davomida buyuriladi. Asoratlanmagan tservikal/uretral gonokokkli infektsiyalarni davolaganda tsefiksimning tavsiya etilgan bir martalik dozasi 400 mg ni tashkil qiladi. Bolalar Tana vazni 50 kg dan ortiq yoki 12 yoshdan oshgan bolalar kattalar uchun tegishli dozada davolanishlari kerak. Streptococcus pyogenes chaqirgan infektsiyalarni davolash tsefiksimning terapevtik dozasini 10 kun davomida buyurishdan iborat. Buyrak yetishmovchiligi Tsefiksimni buyrak yetishmovchiligida buyurish mumkin: quyidagi kreatinin klirensida:minutiga 60 ml dan ko‘p – normal doza va tartibdaminutiga 21-60 ml – standart dozaning 75% va dozalashning standart intervali;minutiga 21 ml dan kam – standart dozaning 50% va dozalashning standart intervali.

Tsefiksim odatda yaxshi o‘zlashtiriladi. Klinik tadqiqotlar vaqtida kuzatilgan nojo‘ya reaktsiyalarning ko‘pchiligi yengil yoki chegaralangan bo‘lgan. Me’da-ichak yo‘llari tomonidan: diareya tsefiksimning yuqori dozalarini qo‘llash bilan bog‘liq bo‘lishi mumkin. Diareyaning og‘ir holatlari simptomlari paydo bo‘lganda Iksimni qabul qilishni to‘xtatish kerak. Markaziy nerv tizimi tomonidan buzilishlar: bosh og‘rig‘i, bosh aylanishi. Ayrim tsefalosporinlar tirishishlarni chaqirgan, doza kamaytirilmagan holatlar qisman buyrak yetishmovchiligi bo‘lgan patsiyentlarda kuzatilgan. Bu holat davolashni to‘xtatishni talab etadi. Quyidagilar kam hollarda kuzatilgan: ko‘p shaklli eritema, Stivens-Djonson sindromi va toksik epidermal nekroliz. Laboratoriya tahlillari tomonidan buzilishlar: leykopeniya, trombotsitopeniya, neytropeniya, gemolitik anemiya. Buyrak va jigar faoliyatini o‘rtacha darajadagi o‘tkinchi buzilishlari kuzatilgan. Jigar tomonidan buzilishlar: transaminazalar, ishqoriy fosfotaza tomonidan o‘tkinchi buzilishlar va sariqlik. Boshqa buzilishlar: jinsiy a’zolarda qichishish va vaginit.

Tsefiksimni tsefalosporinlarga ma’lum o‘ta yuqori sezuvchanligi bo‘lgan patsiyentlarda qo‘llash mumkin emas. DIQQAT! Tsefiksim bilan davolashni boshlashdan oldin patsiyentda tsefalosporinlar, penitsillinlarga yoki boshqa preparatlarga o‘ta yuqori sezuvchanligi bo‘lganligini aniqlang. Agar preparat penitsillinlarga yuqori sezuvanligi bo‘lgan patsiyentlarga buyurilgan bo‘lsa, ehtiyotkorlikka rioya qilish kerak, chunki adabiyotlarda beta-laktam antibiotiklar orasida kesishgan o‘ta yuqori sezuvchanlik ta’riflangan va penitsillinlarga yuqori sezuvchanligi bo‘lgan patsiyentlarning 10% da kuzatilishi mumkin. Tsefiksimga allergik reaktsiya simptomlari paydo bo‘lgan hollarda davolashni to‘xtatish kerak. O‘ta yuqori sezuvchanlikning og‘ir darajadagi o‘tkir reaktsiyalari shoshilinch tibbiy yordamni, shu jumladan kislorod, suyuqlikni vena ichiga yuborish, antigistamin, kortikosteroid, pressor aminlarni vena ichiga yuborish va klinik ko‘rsatmalarga qarab sun’iy ventilyatsiyani talab etishi mumkin.

Boshqa tsefalosporin antibiotiklari kabi tsefiksim protrombin vaqtini uzaytiradi, buni antikoagulyantlar bilan davolanayotgan patsiyentlarda e’tiborga olish kerak. Karbamazepin. Bir vaqtda qo‘llanilganida tsefiksim karbamazepinning darajasini oshiradi. Plazmada karbamazepinning darajasini nazorat qilish kerak. Varfarin va antikoagulyantlar. Antikoagulyantlar bilan bir vaqtda qo‘llanganida qon ketishining biron-bir klinik simptomlarisiz protrombin vaqtini uzayishi kuzatiladi. Probenetsid. Bir vaqtda qo‘llanganida tsefiksimning buyrak klirensi va taqsimlanish xajmini kamayishi bilan plazmada probenetsid va AUC oshadi. Boshqa preparatlar. Tsefiksim nifedipin bilan bir vaqtda qo‘llanganida plazmada preparatning kontsentratsiyasini va egri chiziq ostidagi maydonni oshishi bilan tsefiksimning biokiraolishligi oshadi.

Ko‘rsatmalar bo‘lmaganida yoki profilaktik maqsadda sezgir bakteriyalar bo‘lganda patsiyentlarga tsefiksimni buyurish maqsadga muvofiq emas, chunki bu praparatga rezistent bakteriyalar rivojlanishi xavfini oshiradi. Uzoq vaqt davolaganda rezistent mikroorganizmlarni rivojlanishi ehtimolini e’tiborga olish kerak. Bunday hollarda davolash vaqtini patsiyentni nazorat qilish va superinfektsiya rivojlanishi oldini olishga qaratilgan choralarni ko‘rish kerak. Buyrak yetishmovchiligi bo‘lgan, ambulator dializda va gemodializda bo‘lgan patsiyentlarda tsefiksimning dozasiga tuzatish kiritish kerak. Dializda bo‘lgan patsiyentlar nazoratda bo‘lishlari kerak. Tsefiksimni anamnezida me’da-ichak yo‘llari kasalliklari, ayniqsa koliti bo‘lgan patsiyentlarga ehtiyotkorlik bilan buyurish kerak. Antibiotiklar bilan davolash vaqtida va davolagandan keyin soxtamembranoz kolit simptomlari kuzatilishi mumkin va patsiyentning hayotini og‘irlashtirishi mumkin. Glyukozaga soxta musbat reaktsiya Benedikt yoki Fexling eritmasida yoki mis eritmasida kuzatilishi mumkin, lekin enzimatik glyukoza oksidazaga asoslangan reaktsiyada kuzatilmaydi. Tsefalosporin antibiotiklari bilan davolaganda bevosita Kumbs tahlilida soxta ijobiy natija aniqlangan, buni Kumbs tahlilini o‘tkazganda e’tiborga olish kerak. Tsefiksim nitroprussid ishlatilganda siydikda ketonga soxta musbat reaktsiya berishi mumkin, lekin nitroferritsianid ishlatilganda kuzatilmaydi.

Homiladorlikda faqat ona uchun kutilayotgan foyda homila uchun potentsial xavfdan yuqori bo‘lgandagina qo‘llanadi. Laktatsiya davrida preparat bilan davolash vaqtida emizishni to‘xtatish kerak. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

25°S dan yuqori bo‘lmagan haroratda, quruq joyda saqlansin.

Simptomlari (ko‘pincha surunkali buyrak yetishmovchiligi bo‘lgan patsiyentlarda kuzatiladi): tirishishlar, entsefalopatiya, nerv-mushak qo‘zg‘aluvchanligi. Davolash: gemodializ va tutib turuvchi davolash.

Shifokor retsepti bo‘yicha beriladi

6 tabletkadan blisterda. 1 blister qo‘llash bo‘yicha yo‘riqnoma bilan karton qutida.

24 oy.