sarg‘ish yoki krem tusli oq-rangli pelletlarni saqlovchi korpusi tiniq rangsiz va qopqoqchasi tiniq qizil rangli qattiq kapsulalar.

Nosteroid yallig‘lanishga qarshi vositalar. Propion kislotasining hosilalari. Ibuprofen.

M01AЕ01

Simptomatik davolash: turli kelib chiqishga ega bo‘lgan yengil va o‘rtacha jadallikdagi og‘riqlar (bosh og‘rig‘i, tish og‘rig‘i, hayz ko‘rish og‘rig‘i, mushaklardagi og‘riq, revmatizmda suyaklar va bo‘g‘imlardagi og‘riq, jarohatdan keyingi og‘riq), isitma.

Faqat qisqa muddatli qo‘llash uchun. Simptomlarni bartaraf qilish uchun kerak bo‘lgan eng kichik samarali dozani, minimal muddat davomida qo‘llash kerak. Agarda simptomlar 4 sutkadan ortiq saqlansa yoki umumiy holat yomonlashsa, shifokorga murojaat qilish kerak. Kattalar va 12 yoshdan oshgan bolalarga 1 yoki 2 kapsuladan sutkada 2 marta (har 12 soatda) yaxshisi ovqatlanish vaqtida yoki ovqatlanishdan keyin qabul qilish kerak. Kapsulani chaynamasdan va so‘rmasdan yetarli miqdordagi suv bilan birga yutish kerak. Sutkada 4 kapsuladan (1200 mg) ortiq qabul qilinmasin. Maxsus guruhlar Keksa yoshli odamlarga dozaga tuzatish kiritish talab qilinmaydi. Nojo‘ya samaralarining xavfini yuqoriligi tufayli, ularning holatini ayniqsa sinchiklab kuzatish tavsiya qilinadi. Buyraklar yoki jigar faoliyati yengil yoki o‘rtacha buzilganida dozani pasaytirish talab qilinmaydi.

Quyida keltirilgan nojo‘ya samaralari haqida ma’lumotlar, a’zolar va tizimlar va ularning rivojlanish tez-tezligiga qarab ta’riflangan: juda tez-tez (≥10%); tez-tez (≥1% va <10%); tez-tez emas (≥0,1% va <1%); kam (<0,01%). Qon va limfa tizimi Juda kam: qon hosil bo‘lishini buzilishi (anemiya, shu jumladan gemolitik, aplastik anemiya, gematokrit va gemoglobinni pasayishi, leykopeniya, purpurali/purpurasiz trombotsitopeniya, pantsitopeniya, agranulotsitoz, eozinofiliya). Birinchi belgilari: isitma, tomoqda og‘riq, og‘iz bo‘shlig‘ining  shilliq qavatini eroziyasi, grippga o‘xshash simptomlar, yuqori charchoqlik xissi, qon ketishi, shu jumladan burundan ekximozlar, menorragiyalar. Ibuprofen bilan uzoq vaqt davolashda qonning manzarasini nazorat qilish kerak. Immun tizimi Tez-tez emas: teri toshmalari, eshakemi va qichishish bilan o‘ta yuqori sezuvchanlik reaktsiyalari. Juda kam: anafilaktoid/anafilaktik reaktsiyalar, shu jumladan til, hiqildoqni shishi, Kvinke shishi, hansirash, taxikardiya, arterial gipotenziya bilan birga anafilaktik shok, bronxial astmaning simptomlarini zo‘rayishi, bronxospazm; aseptik meningit ensa mushaklarining rigidligi, bosh og‘rig‘i, ko‘ngil aynishi, qusish, isitma, dezoriyentatsiya bilan birga, odatda autoimmun kasalliklari (tizimli qizil yuguruk, biriktiruvchi to‘qimaning diffuz kasalliklari kabilar) bo‘lgan patsiyentlarda. Ibuprofenni qo‘llash vaqtida zardob kasalligiga o‘xshash sindrom, yuguruk kasalligiga o‘xshash sindromi, Shenleyn-Genox vaskulitining alohida hollari haqida xabarlar berilgan. Teri va teri osti kletchatkasi Tez-tez emas: toshma (shu jumladan makulopapulyoz). Juda kam: eksfoliativ va vezikulobullyoz dermatitlar (shu jumladan Stivens-Djonson sindromi, toksik epidermal nekroliz, ko‘pshaklli eritema). Fotosensibilizatsiya reaktsiyalari, alopetsiya, ko‘p terlash hollari haqida xabarlar berilgan. Istisno hollarda og‘ir teri infektsiyalari va suvchechakni kechishi vaqtida yumshoq to‘qimalar tomonidan asoratlar bo‘lishi mumkin. Nerv tizimi/ruhiy buzilishlar Tez-tez emas: bosh og‘rig‘i. Juda kam: tirishishlar, bosh aylanishi, emotsional labillik, ta’sirchanlik, depressiya, gallyutsinatsiyalar, koma. Tez-tezligi aniqlanmagan: psixomotor qo‘zg‘alish, xavotirlik, asteniya, ongni chalkashishi, uyquni buzilishi (shu jumladan, uyquchanlik, uyqusizlik), lohaslik hissi, paresteziyalar, tremor. Ovqat hazm qilish yo‘llari Tez-tez emas: epigastral sohada diskomfort hissi, qorin og‘rig‘i/spazmlari, dispepsiya, ko‘ngil aynishi. Kam: og‘izni qurishi, diareya, qabziyat, meteorizm, qusish, ishtahani o‘zgarishi (shu jumladan, anoreksiya). Juda kam: jig‘ildon qaynashi, glossit, ezofagit, gastrit, duodenit, me’da-ichak yo‘llarini eroziv-yarali shikastlanishlari (shu jumladan yarali stomatit, me’da yarasi), perforatsiyalar yoki me’da-ichak qon ketishlari (shu jumladan rektal qon ketishi), melena, gematelizis, ba’zida o‘lim bilan tugovchi (ayniqsa keksa yoshli odamlarda), yarali kolit va Kron kasalligini zo‘rayishi, pankreatit. Gepatobiliar tizimi Juda kam: (ayniqsa uzoq vaqt davolashda): zardob transaminazalarining darajasini oshishi, jigar faoliyatini buzilishi, sariqlik, gepatorenal sindrom, jigar nekrozi, jigar yetishmovchiligi. Siydik chiqarish tizimi Juda kam: tsistit, dizuriya, buyraklar faoliyatini giperkaliyemiya rivojlanishini bilan buzilishi mumkin, giperurikemiya, azotemiya, kreatinin klirensini pasayishi bilan, oliguriya/poliuriya, shishlar, o‘tkir buyrak yetishmovchiligi (ayniqsa, buyraklar faoliyatini ahamiyatli buzilishlari mavjud bo‘lgan patsiyentlarda), tubulyar nekroz, papillyar nekroz (ayniqsa, uzoq vaqt qo‘llanganida qon zardobida mochevinani oshishi bilan assotsiatsiyalangan), turli shakllardagi toksik nefropatiya, shu jumladan, interstitsial nefrit, glomerulonefrit, nefritik sindrom, nefrotik sindrom, gematuriya, proteinuriya. Sezgi a’zolari Juda kam: quloqlarda shovqin, eshitishini yo‘qolishi, vertigo, ko‘ruv nervining toksik nevriti, ko‘rishning noaniqligi, skotoma, toksik ambliopiya, diplopiya, rang ajratishni o‘zgarishi, kon’yunktivit, “quruq ko‘z”, katarakta. Yurak-tomir tizimi Juda kam: suyuqlikni tutilib qolishi, shishlar, arterial gipotenziya/gipertenziya, yurak urishi xis qilish, aritmiyalar (shu jumladan sinusli taxikardiya/bradikardiya), odatda yurak faoliyatining buzilishlari bo‘lgan patsiyentlarda yurak yetishmovchiligi. Ibuprofen katta dozalarda (≥ 2400 mg/sut) uzoq vaqt qo‘llanganida tromboembolik hodisalar (miokard infarkti, insult) ning xavfi ahamiyatsiz darajada oshishi mumkin.

Ibuprofen yoki preparatning boshqa komponentlariga ma’lum yoki taxminan qilingan o‘ta yuqori sezuvchanlik;boshqa NYAQP, shu jumladan tsiklooksigenoza-2 ning selektiv ingibitorlari bilan bir vaqtda qo‘llash;atsetilsalitsil kislotasi yoki boshqa nosteroid yallig‘lanishga qarshi preparatlar (NYAQP) qabul qilishdagi allergik reaktsiyalar (o‘tkir astma xurujlari yoki astma simptomlari, eshakemi, burun polipozi, anafilaksiya, rinit, angionevrotik shish) – qarama-qarshi o‘ta yuqori sezuvchanlik bo‘lishi ehtimoli tufayli, o‘lim bilan tugaydigan anafilaktik reaktsiyalar xavfi;anamnezdagi ilgari NYAQP bilan davolash bilan bog‘liq bo‘lgan me’da-ichakdan qon ketishlari/perforatsiya;anamnezdagi peptik yaraning faol shakli/qon ketishi yoki perforatsiya, yara kasalligini zo‘rayishining ikki yoki undan ortiq epizodlari (qon ketishi yoki perforatsiya);yo‘g‘on ichakning faol shakldagi yallig‘lanish kasalliklari (Kron kasalligi yoki yarali kolit);yaqinda kuzatilgan tserebrovaskulyar qon ketishi yoki qon ketishlar bilan boshqa buzilishlar;kelib chiqishi noaniq qon hosil bo‘lishini buzilishlar;ko‘ruv nervining kasalliklari (ko‘ruv nervining nevriti);og‘ir jigar yetishmovchiligi;nazorat qilib bo‘lmaydigan og‘ir yurak yetishmovchiligi;aortakoronar shuntlashda operatsiyadan keyingi og‘riqni bartaraf qilish.

Boshqa NYAQP (shu jumladan TsOG-2 ning selektiv ingibitorlari), analgetiklar atsetilsalitsil kislotasi ≥ 75 mg/sutka – qon ketishi, ijobiy sinergik samarasiz me’da-ichak yo‘llarining yaralari kabi additiv nojo‘ya samaralarining ehtimoli oshadi. Kortikosteroidlar (shu jumladan glyukokortikoidlar) – nojo‘ya samaralarini, ayniqsa me’da-ichak yaralarini hosil bo‘lishi va qon ketishini xavfi oshadi. AAF ingibitorlari, angiotenzin II retseptorlarining antagonistlari, b-adrenoblokatorlar, diuretiklar – antigipertenziv samarasini pasayishi; buyrak prostaglandinlarining sintezini ingibirlanishi va buyrak filtratsiyasini kamayishiga nisbatan sinergik samarasi tufayli buyraklar faoliyatini buzilishi (ayniqsa, buyraklar faoliyati pasaygan patsiyentlarda, keksa yoshli patsiyentlarda, suvsizlangan patsiyentlarda) o‘tkir buyrak yetishmovchiligini rivojlanishiga olib kelishi mumkin. Shuning uchun majmuaviy davolashni boshlashdan oldin va davolash jarayonida buyraklar faoliyatini nazorat qilish kerak, patsiyentlar esa, adekvat miqdorda suyuqlik olishlari kerak. Kaliy tejovchi diuretiklar bilan bir vaqtda qo‘llanganida giperkaliyemiya rivojlanishi mumkin. Peroral antikoagulyantlar, antitrombotsitar vositalar, tizimli yuborishda geparin, trombolitik vositalar, shuningdek serotoninni qayta qamrab olinishini selektiv ingibitorlari – varfarin kabi antikoagulyantlarni ta’siri kuchayishi mumkin, trombotsitlarning faoliyatini tormozlanishi tufayli qon ketishi, shu jumladan me’da-ichak qon ketishini xavfi oshishi mumkin. Bunday majmuaning zarurati bo‘lganida qon ivishi tizimini sinchiklab nazorat qilish  tavsiya qilinadi. Kaltsinevrinning ingibitorlari (tsiklosporin, takrolimus) – NYAQP buyrak prostaglandinlariga ta’sir qilishi orqali bu preparatlarning nefrotoksikligini kuchaytiradilar, bu ular bir vaqtda qo‘llanganida buyraklar faoliyatini ayniqsa, keksa yoshli patsiyentlarda sinchiklab nazorat qilishni talab qiladi. Yurak glikozidlari – NYAQP yurak yetishmovchiligini kuchaytirishi, glomerulyar filtratsiyani pasaytirishi va qon plazmasida yurak glikozidlarining darajasini oshirishi mumkin. Litiy, fenitoin – bu preparatlarning buyrak ekskretsiyasini pasayishi tufayli, plazmada ularning darajasi oshishi mumkin. Ibutard 300 qisqa muddat qo‘llanganida (maksimal 4 sutka davomida) odatda qonda digoksin, fenitoin, litiyning kontsentratsiyasini nazorat qilish shart emas. Metotreksat – metotreksatning naychalar sekretsiyasi kamayishi mumkin, shu bilan qonda uning kontsentratsiyasi va gematotoksikligi oshadi. Shuning uchun metotreksatni yuqori dozalarda olayotgan patsiyentlarga (haftasiga 15 mg dan ko‘proq), buyraklar faoliyati buzilgan patsiyentlarga NYAQP ni yo‘ldosh qo‘llash tavsiya qilinmaydi. Zidovudin – gematologik toksiklik xavfi yuqori bo‘lishi mumkin; zidovudin va ibuprofen bilan bir vaqtda davolanish gemofiliyasi bo‘lgan bemorlarda, OITV bilan infektsiyalangan shaxslarda gemartrozlar va gematomalarni bo‘lish xavfining yuqoriligi haqida ma’lumotlar bor. Xinolon antibiotiklari – tirishishlarni rivojlanish xavfi oshishi mumkin. Xolestiramin – bir vaqtda buyurilganida me’da-ichak yo‘llarida ibuprofenning so‘rilishi kamayishi mumkin. Klinik ahamiyati noma’lum. Aminoglikozidlar – NYAQP ularning ekskretsiyasini kamaytirishi mumkin. Sulfonilmochevina preparatlari – NYAQP bu preparatlarning samaralarini kuchaytirishi mumkin. Sulfonilmochevina preparatlari va ibuprofen olgan patsiyentlarda gipoglikemiyaning rivojlanishi haqida alohida ma’lumotlar bo‘lgan. Ular bir vaqtda qo‘llanganida  qonda glyukozaning darajasini nazorat qilish tavsiya qilinadi. Probenetsid, sulfinpirazon – ibuprofen  bilan bir vaqtda qo‘llash organizmdan ibuprofenning chiqarilishini kechikishini chiqarishi mumkin. CYP2C9 ingibitorlari – farmakokinetik jihatdan o‘zaro ta’siri bo‘lishi mumkin: ibuprofenning (CYP2C9 substrati) o‘zaro ta’sir qilish (ekspozitsiyasi) vaqtini oshishi. CYP2C9 ning kuchli ingibitorlari  (vorikonazol, flukonazol kabilar) bilan bir vaqtda qo‘llanganida, ayniqsa ibuprofenning dozalari yuqori bo‘lganida, ibuprofenning dozasini kamaytirishni hisobga olish kerak. Ginkgo biloba preparatlari – NYAQP bilan, shu jumladan ibuprofen bilan qo‘llanganida qon ketishi xavfini oshishi mumkin.

Preparatni qo‘llashni boshlashdan oldin shifokor bilan maslahatlashing! Nojo‘ya samaralari xavfini kamaytirish uchun, minimal muddat davomida kasallikning simptomlarini bartaraf qilish uchun kerak bo‘lgan minimal samarali dozani qo‘llash kerak. Ibuprofen infektsiyaning belgilarini niqoblashi mumkin. Suvchechak bilan xastalanganda terini og‘ir infektsion shikastlanishlari va yumshoq to‘qimalar tomonidan asoratlarni bo‘lishi mumkinligi tufayli, ibuprofenni qo‘llashdan saqlanish tavsiya qilinadi. NYAQP uzoq muddat, ayniqsa katta dozalarda qo‘llanganida, preparatning dozasini oshirish yo‘li bilan davolab bo‘lmaydigan bosh og‘rig‘i paydo bo‘lishi mumkin. Agarda bosh og‘rig‘i doimiy bo‘lib qolsa, patsiyentlar shifokor bilan maslahatlashishlari kerak. NYAQP, shu jumladan ibuprofenni qo‘llanishi: bronxial astma, nafas yo‘llarining surunkali obstruktiv kasalliklari, allergik kasalliklari bo‘lgan, yoki ilgari bu kasalliklari bo‘lgan patsiyentlarda bronxospazm, astma xurujlari, burun shilliq qavatlarining shishini va boshqalarni qo‘zg‘atishi mumkin. Og‘ir o‘tkir o‘ta yuqori sezuvchanlik reaktsiyalari, shu jumladan anafilaktik shok kam kuzatilgan. O‘ta yuqori sezuvchanlik reaktsiyalarining birinchi belgilari paydo bo‘lganida, Ibutard 300 preparatini qo‘llashni to‘xtatish kerak. Simptomatikasiga muvofiq zarur bo‘lgan tibbiy choralar malakali mutaxassislar tomonidan ko‘riladi;keksa yoshli odamlarda nojo‘ya reaktsiyalarining yuqori tez-tezligiga, ayniqsa oqibati o‘lim bilan tugashi mumkin bo‘lgan me’da-ichakdan qon ketishlar va perforatsiyalarga olib kelishi mumkin. Quyidagi shaxslar ibuprofenni ehtiyotkorlik bilan qo‘llashlari kerak: o‘ta yuqori sezuvchanlik reaktsiyasini ko‘rinishi sifatida aseptik meningitni rivojlanish xavfi oshganligi tufayli, tizimli qizil yuguruk va biriktiruvchi to‘qimalarning boshqa diffuz kasalliklarida. Aseptik meningit shuningdek bu surunkali kasalliklari bo‘lmagan patsiyentlarda ham kuzatilgan;allergologik anamnez bo‘lganida o‘ta yuqori sezuvchanlik reaktsiyalarini rivojlanishini yuqori xavfi tufayli;me’da-ichak buzilishlari va ichakni surunkali yallig‘lanishi kasalliklari, shu jumladan yarali kolit va Kron kasalligida, ular zo‘rayishi mumkinligi tufayli;ilgari NYAQP, shu jumladan ibuprofen bilan davolashda arterial bosimni oshishi va/yoki suyuqlikni tutilib qolishi, shishlarni hosil bo‘lishi bilan yurak yetishmovchiligida;buyraklar faoliyatini buzilishlarida, chunki NYAQP qabul qilish uning yomonlashishini qo‘zg‘atishi va buyrak yetishmovchiligini chiqarishi mumkin;jigar disfunktsiyasida – arterial bosimni oshishi va/yoki yurak yetishmovchiligi, jigar faoliyati buzilganida kuchayishi va/yoki organizmda suyuqlikni tutilishi paydo bo‘lishi mumkin;yurak tomir kasalliklarining xavf omillarida (masalan, arterial gipertenziya, giperlipidemiya, qandli diabet, chekish). Kardiovaskulyar va tserebrovaskulyar samaralari. Klinik va epidemiologik ma’lumotlar ibuprofenni, ayniqsa yuqori dozalarda (sutkada 2400 mg) uzoq vaqt qo‘llash, miokard infarkti yoki insult kabi arterial trombozli holatlar xavfini ahamiyatsiz oshishi bilan bog‘liq bo‘lishi mumkinligidan dalolat beradi. Mavjud bo‘lgan epidemiologik tekshirishlar, ibuprofenning kichik dozalari (har kuni 1200 mg dan kam) miokard infarktini rivojlanish xavfini oshirmasligidan dalolat beradi. Nazorat qilib bo‘lmaydigan dimlangan yurak yetishmovchiligi, turg‘un yurak ishemik kasalligi, periferik arteriyalarning kasalliklari va/yoki tserebrovaskulyar patologiyasi bo‘lgan patsiyentlarga, ibuprofen faqat foyda/xavf nisbati sinchiklab tahlil qilinganidan keyin buyuriladi. Gastrointestinal samaralari Me’da-ichak yaralari, qon ketishlar, perforatsiya, shu jumladan o‘lim bilan tugagan, barcha NYAQP qo‘llanganida qayd qilingan. Ular davolanishning har qanday vaqtida rivojlanishi mumkin, xavfli simptomlar bilan kechishi yoki kechmasligi mumkin va anamnezida ovqat hazm qilish yo‘llarining og‘ir kasalliklari bo‘lmagan odamlarda paydo bo‘lishi mumkin. Me’da-ichak qon ketishlari, yaralar, perforatsiyalarning xavfi NYAQP larning dozalari oshirilganda, ayniqsa anamnezida ovqat hazm qilish yo‘larining eroziv-yarali kasalliklari bo‘lgan va ayniqsa qon ketishi va perforatsiya bilan asoratlangan patsiyentlarda, keksa yoshli shaxslarda oshadi. Bunday patsiyentlarni davolashni minimal dozalar bilan boshlash va ibuprofenning ultserogen ta’sirini oldini olish uchun protektor (himoya qiluvchi) preparatlarni, masalan, mizoprostol yoki proton pompasi ingibitorlarini parallel qo‘llash ehtimolini ko‘rib chiqish (atsetilsalitsil kislotaning kichik dozalari bilan yoki ovqat hazm qilish yo‘llari tomonidan asoratlarning xavfini oshiradigan boshqa preparatlar bilan tegishli davolashni talab qiluvchi patsiyentlar kabi) kerak. Preparat bilan davolash vaqtida odatdagi bo‘lmagan har qanday simptomlar (eng avvalo qorinning yuqori qismida kuchli og‘riq, qora rangga bo‘yalgan ahlat (melena) va qonli qusish) paydo bo‘lganida patsiyentlar uni qo‘llashni to‘xtatish va darhol shifokorga murojaat qilish kerakligini bilishlari kerak. Kortikosteroidlar, antikoagulyantlar (varfarin), serotoninni qayta qamrab olinishining selektiv ingibitorlari yoki antitrombotsitor preparatlar, masalan, atsetilsalitsil kislotasi kabi me’da-ichak yo‘llarining yaralari yoki qon ketishi xavfini oshirishi mumkin bo‘lgan preparatlar qabul qilayotgan shaxslarga, Ibutard 300 ni ehtiyotkorlik bilan buyurish kerak. Dermatologik samaralari NYAQP qo‘llanganida juda kam, ba’zan o‘lim bilan tugagan hollarda, jiddiy teri reaktsiyalari, shu jumladan eksfoliativ dermatit, Stivens-Djonson sindromi, toksik epidermal nekroliz haqida xabarlar berilgan. Ko‘pchilik hollarda bu reaktsiyalar patsiyentlarda kasallikning birinchi oyida rivojlangan. Ibutard 300 qabul qilishda kuzatiladigan teri toshmalari, shilliq qavatlarni shikastlanishi yoki o‘ta yuqori sezuvchanlikning har qanday boshqa belgilarini birinchi ko‘rinishlarida to‘xtatish kerak. Buyraklarga ta’siri. Yuqori darajadagi suvsizlanishi bo‘lgan patsiyentlarda ibuprofenni ehtiyotkorlik bilan qo‘llash kerak. NYAQP qabul qilish nefrotoksiklikka, prostaglandinlarning sintezini dozaga bog‘liq pasayishiga olib kelishi va buyrakda qon aylanishini buzilishi oqibatida buyrak yetishmovchiligining rivojlanishini qo‘zg‘atishi mumkin. Yuqori xavf guruhlari: buyraklar faoliyatini buzilishi, yurak buzilishlari, jigar faoliyatini buzilishlari bo‘lgan patsiyentlar, diuretiklar, APF ingibitorlarini olayotgan patsiyentlar va keksa yoshli shaxslar. Bunday patsiyentlarda buyraklarning faoliyatini nazorat qilish kerak. NYAQP bilan davolanish to‘xtatilganidan keyin odatda buyraklar faoliyati tiklanadi. Og‘riqni qoldiruvchi vositalarni  uzoq vaqt va nazoratsiz qo‘llash, ayniqsa turli og‘riq qoldiruvchi vositalarni qo‘shish, buyrak yetishmovchiligini rivojlanish xavfi bilan buyraklarni jiddiy shikastlanishiga (analgetik nefropatiya) olib kelishi mumkin. Gematologik samaralari Ibuprofen boshqa NYAQP kabi, sog‘lom odamlarda trombotsitlarning agregatsiyasiga ta’sir qilishi va qon ketishi vaqtini oshirishi mumkin. Ayollar fertilligini buzilishi Ibuprofenni qo‘llash ayollarda fertillik faoliyatini buzilishiga olib kelishi mumkin va u homiladorlikni rejalashtirayotgan ayollarga tavsiya qilinmaydi. Urug‘lanishda qiyinchiligi bo‘lgan yoki bepushtlik bo‘yicha tekshirilayotgan ayollarda ibuprofenni qo‘llashni to‘xtatish masalasini ko‘rib chiqish kerak. Agarda preparat qabul qilish o‘tkazib yuborilgan bo‘lsa, yodingizga tushgan zahoti preparatni odatdagi dozada qabul qiling, navbatdagi qabul qilishlar – 12 soatdan keyin. Preparatning ikkilangan dozada qabul qilmang.

Original o‘ramida, 25ºS gacha haroratda.

Simptomlari: qabul qilingan preparatning miqdoriga va qabul qilgandan keyin o‘tgan vaqtga bog‘liq, ammo shaxsiy reaktsiyalarni istisno qilish mumkin emas. Ko‘pchilik hollarda – ko‘ngil aynishi, qusish, epigastral sohada og‘riq, kamroq ich ketishi. Shuningdek quloqlarda shovqin, holsizlik, uyquchanlik, bosh og‘rig‘i va me’da-ichakdan qon ketishi bo‘lishi mumkin. Jiddiyroq zaharlanishlarda bosh aylanishi, tormozlanish, nafasni susayishi/apnoe, tsianoz, hansirash, nistagm, ko‘rishni buzilishi, ba’zida qo‘zg‘alish, tirishishlar, dezoriyentatsiya, hushni yo‘qolishi, koma kabi neyrotoksiklikning simptomlari kuzatiladi. Og‘ir zaharlanishlarda – yuqori arterial gipotenziya, bradikardiya/taxikardiya, bo‘lmachalar fibrillyatsiyasi, giperkaliyemiya, metabolik atsidoz, protrombin vaqtini uzayishi, o‘tkir buyrak yetishmovchiligi, jigarni shikastlanishi kuzatilishi mumkin. Bronxial astmasi bo‘lgan bemorlarda astmaning simptomlari zo‘rayishi mumkin. Davolash: spetsifik antidoti yo‘q. Ibuprofenning xavfli potentsial toksik dozasi qabul qilinganidan keyin bir soat davomida me’da yuvish, qusishni chaqirish, faollashtirilgan ko‘mir buyuriladi. Terapevtik choralar patsiyentning holatini og‘irlik darajasiga va jadal davolashning umumiy tamoyillariga bog‘liq. Buyraklar, jigar faoliyatini nazorat qilish kerak. Gemodializ samarasiz.

Retseptsiz

10 kapsuladan blisterda, 1 blisterdan qutida; 10 kapsuladan blisterda, 2 blisterdan qutida.

2 yil.