pushti rangli, ikki tomonlama qavariq yuzali, qobiq bilan qoplangan tabletkalar. Tabletkalarning sirti notekis bo‘lishiga yo‘l qo‘yiladi.

Nosteroid yallig‘lanishga qarshi va revmatizmga qarshi vositalar. Propion kislotasining hosilalari.

M01AЕ01

Ibuprofen revmatoid artrit (shu jumladan yuvenil revmatoid artrit yoki Still kasalligi), ankilozlanuvchi spondilit, osteoartroz boshqa norevmatik (seronegativ) artropatiyalarni davolashda og‘riq qoldiruvchi va yallig‘lanishga qarshi vosita sifatida qo‘llaniladi. Ibuprofen “muzlagan” yelka (bo‘g‘im qobig‘ini yallig‘lanishi), bursit, tendinit, tendovaginit va belda og‘riq kabi periartikulyar to‘qimalarning norevmatik yallig‘lanish jarayonlarini davolash uchun ko‘rsatilgan. Ibuprofen shuningdek paylarni cho‘zilishi kabi yumshoq to‘qimalarni shikastlanishida og‘riq sindromini yengillashtirish uchun ham qo‘llanilishi mumkin. Ibuprofen shuningdek dismenoreya, tish va operatsiyadan keyingi og‘riq kabi holatlarda kuchsiz va o‘rtacha darajadagi og‘riq sindromini bartaraf qilish uchun og‘riqni qoldiruvchi vosita sifatida, bosh og‘rig‘i, shu jumladan migrenni simptomatik yengillashtirish uchun qo‘llaniladi.

Nojo‘ya samaralar eng kichik samarali dozani qisqa vaqt davomida qo‘llanganda minimumga yetkazilishi mumkin. Kattalar: ibuprofenning tavsiya qilingan dozasi kuniga bir necha marta qabul qilishda 1200-1800 mg ni tashkil qiladi. Ayrim patsiyentlar kuniga 600-1200 mg ibuprofenni qabul qilishlari mumkin. Og‘ir yoki o‘tkir holatlarda, bir necha marta qabul qilinganda umumiy sutkalik doza 2400 mg dan oshmagan sharoitlardagina dozani oshirish mumkin. Bolalar: ibuprofenning sutkalik dozasi bir necha marta qabul qilinganda tana vazniga 20 mg/kg ni tashkil qiladi. Yuvenil revmatoid artritda doza bir necha marta qabul qilinganda doza tana vazniga 40 mg/kg gacha oshirilishi mumkin.

Me’da-ichak yo‘llari tomonidan: eng ko‘p uchraydigan nojo‘ya reaktsiyalar me’da-ichak yo‘llari tomonidan kuzatiladi. Peptik yara, perforatsiya yoki me’da-ichak yo‘llaridan qon ketishi, ba’zida o‘lim bilan yakunlanuvchi qon ketishi, bu ayniqsa keksalarda o‘rin tutishi mumkin. Ko‘ngil aynishi, qusish, diareya, meteorizm, qabziyat, dispepsiya, qorinda og‘riq, melena, qon aralash qusish, yarali stomatit, kolit va Kron kasalligini zo‘rayishi ibuprofenni qo‘llangandan keyin qayd etilgan. Gastrit kam rivojlangan. Kam hollarda – me’da-ichak yo‘llari devori perforatsiyasi. Juda kam hollarda – pankreatit. Immun tizimi tomonidan: NYAQV ni qabul qilgandan keyin o‘ta yuqori sezuvchanlik reaktsiyalari qayd etilgan. Xususan: nospetsifik allergik reaktsiyalar va anafilaksiya;nafas yo‘llari reaktivligini buzilishi (astma, bronxospazm va hansirash),terida turli ko‘rinishlar (har xil turdagi toshma, qichishish, eshakemi, purpura, Kvinke shishi va kamroq eksfoliativ va bullyoz dermatozlar (shu jumladan Stivens-Djonson sindromi, toksik epidermal nekroliz va ko‘p shaklli eritema). Yurak-qon tomir tizimi tomonidan: shishlar, gipertenziya va yurak yetishmovchiligi ko‘rinishlari NYAQV bilan davolanganda qayd qilingan. Epidemiologik ma’lumotlar, ibuprofenni, ayniqsa yuqori dozalarda (sutkada 2400 mg) qo‘llash bilan uzoq muddat davolanishda, miokard infarkti va insultni keltirib chiqaruvchi arterial tromboz xavfini biroz oshishini chaqirishi mumkinligidan dalolat beradi. Qon tizimi va limfatik tizim tomonidan: leykopeniya, trombotsitopeniya, neytropeniya, agranulotsitoz, aplastik anemiya va gemolitik anemiya. Ruhiy buzilishlar: uyqusizlik, xavotirlik, depressiya, ongni chalkashishi, gallyutsinatsiyalar. Nerv tizimi buzilishlari: ko‘rish nervining nevriti, bosh og‘rig‘i, paresteziyalar, bosh aylanishi, uyquchanlik. Infektsiyalar va invaziyalar: rinit va ensa mushaklarini rigidligi, bosh og‘rig‘i, ko‘ngil aynishi, qusish, isitma yoki oriyentatsiyani yo‘qolishi simptomlari bilan kechuvchi aseptik meningit (ayniqsa tizimli qizil yugurik va biriktiruvchi to‘qimaning aralash kasalliklari kabi autoimmun buzilishlari bo‘lgan patsiyentlarda). Ko‘rish a’zosi tomonidan: ko‘rishni buzilishi va ko‘ruv nervining toksik neyropatiyasi. Qo‘loq va vestibulyar apparat tomonidan: eshitishni buzilishi, quloqni shang‘illashi va bosh aylanishi. Gepatobiliar tizimi tomonidan: jigar faoliyatini buzilishi, jigar yetishmovchiligi, gepatit va sariqlik. Teri va teri osti kletchatkasi tomonidan: Stivens-Djonson sindromi va toksik epidermal nekroliz (juda kam), yorug‘likni sezuvchanlik reaktsiyalari. Buyrak va siydik chiqarish yo‘llari tomonidan: buyrak faoliyatini buzilishi va turli ko‘rinishdagi toksik nefropatiya, shu jumladan interstitsial nefrit, nefrotik sindrom va buyrak yetishmovchiligi. Umumiy buzilishlar: lohaslik, charchoqlik. Yuqorida keltirilgan nojo‘ya reaktsiyalar yoki dori vositasini tibbiyotda qo‘llash bo‘yicha ushbu yo‘riqnomasida ko‘rsatilmagan nojo‘ya reaktsiyalar yuz bergan hollarda shifokorga murojaat qilish lozim.

Ibuprofenni preparatning faol yoki yordamchi moddalarga o‘ta yuqori sezuvchanligi bo‘lgan patsiyentlarda qo‘llash mumkin emas. Ibuprofen, ilgari ibuprofen, aspirin yoki boshqa NYAQV qabul qilingandan so‘ng o‘ta yuqori sezuvchanlik reaktsiyalari (masalan, astma, eshakemi, Kvinke shishi yoki rinit) bo‘lgan bemorlar tomonidan qo‘llanmasligi kerak. Ibuprofenni shuningdek, ibuprofen bilan ilgari davolanish bilan bog‘liq anamnezida me’da-ichakdan qon ketishi yoki perforatsiya bo‘lgan patsiyentlarda qo‘llash mumkin emas. Ibuprofen qaytalanuvchi me’da yara kasalligi yoki me’da-ichakdan qon ketishi (isbotlangan yaralanish yoki qon ketishining ikki yoki undan ortiq epizodi) bo‘lgan bemorlarda qo‘llanmasligi kerak. Ibuprofen qon ketishlarga moyillik bilan kechuvchi holatlarda patsiyentlarda qo‘llash mumkin emas. Ibuprofen og‘ir yurak yetishmovchiligi, jigar va buyrak yetishmovchiligi bo‘lgan patsiyentlarda qo‘llash mumkin emas. Ibuprofenni homiladorlikning so‘nggi uch oyligida qo‘llash mumkin emas.

Quyidagi preparatlardan istalgan birontasini qabul qilayotgan patsiyentlar ehtiyotkorlikka amal qilishlari kerak. Antigipertenziv vositalar, beta-blokatorlar va siydik haydovchi vositalar: NYAQV AAF ingibitorlari, beta-blokatorlar va siydik haydovchi vositalar kabi antigipertenziv vositalarning ta’sirini kamaytirishi mumkin. Diuretiklar shuningdek NYAQV ning nefrotoksiklik xavfini oshirishi mumkin. Yurak glikozidlari: NYAQV yurak yetishmovchiligi kechishini og‘irlashtirishi, buyrak KFT pasaytirishi va yurak glikozidlarining plazmadagi kontsentratsiyasini oshirishi mumkin. Xolestiramin ibuprofen bilan bir vaqtda buyurilganda me’da-ichak yo‘llarida ibuprofenni so‘rilishini kamaytirishi mumkin. Litiy: litiy tuzlari bilan bir vaqtda buyurish, litiy tuzlarini chiqarilishini kamayishiga olib kelishi mumkin. Tsiklosporin: nefrotoksiklik xavfi oshadi. Mifepriston: NYAQV ning antiprostaglandin samarasi tufayli, nazariy jihatdan dori vositasining samaradorligi kamayishi mumkin. Cheklangan ma’lumotlar prostaglandinni yuborish kuni NYAQV ni birga yuborish bachadon bo‘ynini yetilishiga mifepriston yoki prostaglandinlarning salbiy ta’sir ko‘rsatmasligi va homiladorlikni dori yordamida to‘xtatishning klinik samarasini pasaytirmasligini ko‘rsatdi. Boshqa analgetiklar va tsiklooksigenaza-2 (TsOG-2) ning selektiv ingibitorlari: ikki va undan ortiq NYAQV, shu jumladan TsOG-2 ingibitorlarini bir vaqtda qo‘llashdan saqlanish tavsiya qilinadi, chunki bu nojo‘ya samaralar rivojlanishi xavfini oshishiga olib kelishi mumkin. Aspirin: nojo‘ya samaralar, shu jumladan me’da-ichak yaralari va qon ketishini xavfi oshishi mumkinligi sababli, ibuprofen va aspirinni bir vaqtda qo‘llashdan saqlanish kerak. Eksperimental ma’lumotlar aspirinning past dozalarini trombotsitlar agregatsiyasiga samarasini ibuprofen bir vaqtda dozalashda susaytirishi mumkinligidan dalolat beradi. Kortikosteroidlar: kortikosteroidlar NYAQV bilan birga qabul qilinganida me’da-ichak yo‘llarining yaralarini hosil bo‘lishi yoki me’da-ichak qon ketishlarining yuqori xavfi aniqlanadi. Antikoagulyantlar: NYAQV varfarin kabi antikoagulyantlarning ta’sirini kuchaytirishi mumkin. Xinolon antibiotiklari: NYAQV va xinolonlarni bir vaqtda qabul qiluvchi patsiyentlarda tirishishlar rivojlanishi xavfi ortishi mumkin. Sulfonilmochevina hosilalari: NYAQV sulfonilmochevina preparatlarining gipoglikemik samarasini kuchaytirishi mumkin. Antiagregantlar va serotoninni qayta qamrab olinishining selektiv ingibitorlari (SQQOSI): NYAQV bilan birga buyurilganda me’da-ichakdan qon ketishlar xavfi ortadi. Tsiklosporin:  NYAQV tsiklosporin bilan bir vaqtda qo‘llanganda nefrotoksiklik xavfi oshishi mumkin. Zidovudin: zidovudin bilan bir vaqtda qo‘llanganda gematologik toksikligi xavfi oshadi. Zidovudin va Ibuprofen bilan bir vaqtda davolashda, OITV (+) bo‘lgan bemorlarda gematomalarni yuqori xavfi mavjud. Aminoglikozidlar: NYAQV aminoglikozidlarni chiqarilishini kamaytirishi mumkin. Dorivor o‘tlarning ekstraktlari: ginkgo biloba NYAQV bilan bir vaqtda qo‘llanganda qon ketishlari xavfini kuchaytirishi mumkin. CYP2C9 ingibitorlar: ibuprofenni CYP2C9 ingibitorlari bilan bir vaqtda qo‘llash, ibuprofenning ta’sir vaqtini uzaytirishi mumkin (CYP2C9 substrati). Ibuprofenni vorikonazol va flukonazol (CYP2C9 ingibitorlari) bilan bir vaqtda buyurish ibuprofenning ta’sir vaqtini 80-100% ga uzayishini ko‘rsatdi. Kuchli CYP2C9 ingibitorlari bilan bir vaqtda buyurilganda, ayniqsa ibuprofenni yuqori dozada vorikonazol va flukonazol bilan birga qo‘llanganda ibuprofenning dozasini kamaytirish kerak.

Nojo‘ya samaralar eng kichik samarali dozani qisqa vaqt davomida qo‘llanganda minimumuga yetkazilishi mumkin. Boshqa NYAQV kabi, ibuprofen ham infektsiya simptomlarini niqoblashi mumkin. Ibuprofenni boshqa NYAQV, shu jumladan tsiklooksigenaza-2 ning selektiv ingibitorlari bilan majmuada ishlatishdan saqlanish kerak. Keksa yoshdagi insonlarda NYAQV ga nojo‘ya reaktsiyalar, ayniqsa o‘limga olib kelishi mumkin bo‘lgan me’da-ichak yo‘llaridan qon ketishlari va perforatsiyani uchrash tez-tezligi yuqori bo‘ladi. Me’da-ichakdan qon ketishi, yara hosil bo‘lishi va perforatsiya: O‘limga olib kelishi mumkin bo‘lgan me’da-ichakdan qon ketishi, yara hosil bo‘lishi yoki perforatsiya to‘g‘risida barcha NYAQV ni qabul qilinganda xabar berilgan. Me’da-ichakdan qon ketishi, yara hosil bo‘lishi yoki perforatsiya xavfi NYAQV ning dozasi oshgani sayin oshadi, ayniqsa anamnezida me’da yara kasalligi bo‘lgan patsiyentlarda, shuningdek keksa odamlarda oshadi. Bu patsiyentlar davolashni minimal dozalardan boshlashlari kerak. Himoya qiluvchi vositalar (masalan, mizorostol, proton pompa ingibitorlari) bilan majmuaviy davolash ushbu patsiyentlar uchun, shuningdek aspirin yoki me’da-ichakdan qon ketishini yuz berish xavfini kuchaytirishi mumkin bo‘lgan boshqa vositalarni qabul qilish lozim bo‘lgan patsiyentlar uchun xam ko‘rib chiqilishi lozim. Anamnezida me’da-ichak kasalliklari bo‘lgan patsiyentlar, xususan keksa yoshdagi odamlar me’dada har qanday g‘ayri-oddiy og‘riqlar (ayniqsa me’da-ichakdan qon ketishlari) to‘g‘risida, ayniqsa davolashning boshlang‘ich bosqichlarida xabar berishlari lozim. Yara yoki qon ketishi xavfini oshiruvchi dorilar (oral kortikosteroidlar, varfarin kabi antikoagulyantlar, serotoninni qayta qamrab olinishining ingibitorlari yoki aspirin kabi antitrombotsitar preparatlar) bilan yondosh davolash bilan birga preparatni qabul qilayotgan patsiyentlarda preparatni qabul qilishda ehtiyotkorlikka rioya qilish kerak. Ibuprofen qabul qilayotgan patsiyentlarda me’da-ichakdan qon ketishi yoki yara hosil bo‘lishi yuz berganida davolash to‘xtatilishi lozim. Anamnezida yarali kolit yoki Kron kasalligi bo‘lgan patsiyentlar NYAQV ni ehtiyotkorlik bilan qabul qilishlari kerak. Nafas tizimini buzilishi. Anamnezida bronxial astmasi bo‘lgan yoki astma bilan xastalangan patsiyentlar ibuprofenni qabul qilganlarida ehtiyotkorlikka amal qilishlari lozim. Yurak-qon tomir, buyrak va jigar yetishmovchiligi. Yurak-qon tomir buzilishlari, jigar faoliyatini buzilishlari bo‘lgan patsiyentlarda, keksa patsiyentlarda, shuningdek siydik haydovchi vositalarni qabul qilayotgan patsiyentlarda buyrak faoliyatini nazorat qilish lozim. Anamnezida yurak yetishmovchiligi va gipertoniyasi bo‘lgan patsiyentlar ibuprofenni ehtiyotkorlik bilan qabul qilishlari kerak. Yurak-qon tomir va tserebrovaskulyar samaralar. Gipertoniyasi va/yoki o‘rtacha darajadagi yurak yetishmovchiligi bo‘lgan patsiyentlarga tegishli nazorat va maslahat zarur, chunki NYAQV qabul qilinganda organizmda suyuqlik tutilishi va shish yuz berishi mumkin. Epidemiologik ma’lumotlar, ibuprofenni qo‘llanishi, ayniqsa yuqori dozalarda (kuniga 2400 mg dozada) uzoq vaqt davomida qo‘llanishi, miokard infarkti yoki insult kabi arterial trombotik holatlar xavfini biroz oshishiga olib kelishi mumkinligini ko‘rsatadi. Umuman olganda epidemiologik tadqiqotlar, ibuprofenning past dozalarini (masalan, sutkada ≤1200 mg) qabul qilish arterial tromboembolik asoratlar xavfini oshishi, xususan miokard infarkti bilan bog‘liq bo‘lishini taxmin qilmaydi. Nazorat qilib bo‘lmaydigan arterial gipertenziyasi, dimlangan yurak yetishmovchiligi, yurak ishemik kasalligi, periferik arteriyalarning kasalliklari yoki tserebrovaskulyar kasalliklari bo‘lgan patsiyentlar ibuprofenni izchil maslahat olganlaridan keyingina qabul qilishlari lozim. Bunga o‘xshash maslahatlarni yurak-qon tomir kasalliklarini rivojlanish xavf omillari bo‘lgan (masalan, gipertoniyasi, giperlipidemiyasi, qandli diabeti bo‘lgan, chekuvchi) patsiyentlarga davolash boshlanishidan oldin berilishi lozim. Buyrakdagi samaralar. Ancha sezilarli degidratatsiyasi bo‘lgan bemorlar ibuprofenni ehtiyotkorlik bilan qo‘llashlari kerak. Boshqa NYAQV kabi, ibuprofenni uzoq muddat qo‘llanishi buyrak papillyar nekroziga va buyrakdagi boshqa patologik o‘zgarishlarga olib kelishi mumkin. Tizimli qizil yugirik va biriktiruvchi to‘qimalarning aralash kasalliklari. Tizimli qizil yugirik va biriktiruvchi to‘qimalarning aralash kasalliklari bo‘lgan patsiyentlarda preparat qabul qilinganda aseptik meningitni xavfi oshishi mumkin. Dermatologik samaralar. NYAQV ni qabul qilish oqibatida jiddiy teri reaktsiyalari, ayrim o‘lim bilan yakunlanuvchi reaktsiyalar, shu jumladan eksfoliativ dermatit, Stivens-Djonson sindromi, toksik epidermal nekroliz rivojlanishi mumkin. Ko‘pchilik hollarda ushbu reaktsiyalar davolashning birinchi oyi davomida yuz berishgan. Preparatni qabul qilishni teri toshmasi, shilliq qavatni shikastlanishi yoki o‘ta yuqori sezuvchanlikning belgilari ilk bor paydo bo‘lganida to‘xtatish kerak. Gematologik samaralar. Boshqa NYAQV kabi, ibuprofen xam trombotsitlar agregatsiyasiga ta’sir qiladi va qon ketish vaqtini oshiradi. Aseptik meningit.

Homiladorlik Prostaglandinlar sintezini susaytirilishi homiladorlik va homilani rivojlanishiga salbiy ta’sir ko‘rsatishi mumkin. Epidemiologik tadqiqotlarning ma’lumotlari homiladorlikning ilk muddatlarida prostaglandinlar sintezi ingibitorlari qo‘llanganidan keyin homila tushishi va yurak va me’da-ichak yo‘llari nuqsonlarini yuqori xavfini ko‘rsatadi. Prostaglandinlar sintezi ingibitorlarini yuborish, hayvonlarda embrion va homilani implantatsiyadan oldin va keyingi o‘limini ortishiga olib kelishi ko‘rsatilgan. Bundan tashqari, organogenez davrida prostaglandin sintezi ingibitorlarini qabul qilgan hayvonlarda turli rivojlanish nuqsonlari, shu jumladan, yurak-qon tomir tizimi nuqsonlarini tez-tezligi ortadi. Homiladorlikning birinchi va ikki uch oyligi vaqtida, juda zarur hollardan tashqari hollarda ibuprofenni buyurishdan saqlanish kerak. Homiladorlikni rejalashtirishda homiladorlikning birinchi va ikki uch oyligida buyurilayotgan ibuprofenning dozasi o‘ta past bo‘lishi, davolash davomiyligi esa, iloji boricha qisqa bo‘lishi kerak. Homiladorlikning uchinchi uch oyligida har qanday prostaglandinlar sintezi ingibitorlarini qo‘llash quyidagilarga: yurak-o‘pka toksikligi (arterial yo‘lni muddatidan oldin berkilishi va o‘pka gipertenziyasi);kamsuvlik bilan kechuvchi buyrak yetishmovchiligigacha rivojlanishi mumkin bo‘lgan buyrak faoliyatini buzilishiga olib kelishi mumkin. Homiladorlikning oxirida prostaglandin sintezi ingibitorlari ona va yangi tug‘ilgan chaqaloqni quyidagi xavfga olib kelishi mumkin: qon ketish vaqtini uzayishibachadon qisqarishini susayishi, bu tug‘ruqni kechikishi va tug‘ruqni uzoq muddat davom etishiga olib kelishi mumkin. Shu boisdan ibuprofenni homiladorlikning uchinchi uch oyligida qo‘llash mumkin emas. Laktatsiya Cheklangan tadqiqotlarda NYAQV ona sutida juda past kontsentratsiyalarda kuzatilishi mumkinligi aniqlangan. NYAQV ni qabul vaqtida, iloji boricha emizishdan saqlanish kerak.

Namlik va yorug‘likdan himoyalangan joyda, 25oS dan yuqori bo‘lmagan haroratda.

Toksikligi: toksiklik belgilari va simptomlari, odatda, bolalar va kattalarda 100 mg/kg dan past dozalarda qabul qilinganda kuzatilmaydi. Shunday bo‘lsada, ayrim hollarda samarani bir maromda tutib turuvchi davolash zarur bo‘lishi mumkin. Bolalarda toksiklik belgilari va simptomlari 400 mg/kg va undan yuqori dozalarda qabul qilinganda kuzatiladi. Simptomlari: ibuprofenning ancha katta miqdorini qabul qilayotgan ko‘pchilik patsiyentlarda simptomlar 4-6 soat davomida namoyon bo‘ladi. Dozani oshirib yuborilishining eng ko‘p uchraydigan simptomlari ko‘ngil aynishi, qusish, qorinda og‘riq, tormozlanish, uyquchanlik bo‘lgan. Markaziy nerv tizimi tomonidan simptomlar: bosh og‘rig‘i, quloqni shang‘illashi, bosh aylanishi, tirishishlar, hushni yo‘qotish. Kam hollarda: nistagm, metabolik atsidoz, gipotermiya, buyrakda samaralar, me’da-ichakdan qon ketishi, koma, apnoe, diareya, markaziy nerv tizimi va nafas a’zolarini susayishi kuzatiladi. Shuningdek dezoriyentatsiya, qo‘zg‘alish, hushni yo‘qotish va yurak-qon tomir tizimida toksiklik belgilari, shu jumladan gipotoniya, bradikardiya, taxikardiya aniqlangan. Doza ancha sezilarli oshirib yuborilgan hollarda buyrak yetishmovchiligi va jigarni shikastlanishi yuz berishi mumkin. Dozani sezilarli oshirib yuborilishi odatda, agar boshqa dori vositalari qabul qilinmagan bo‘lsa, patsiyentlar tomonidan yaxshi o‘zlashtiriladi. Davolash: simptomatik. Doza oshirib yuborilgandan keyin bir soat davomida follashtirilgan ko‘mir qabul qilish, shuningdek me’dani yuvishni amalga oshirish (kattalarga) lozim. Jigar va buyrak faoliyatini sinkov nazorat qilish lozim. Jadallashtirilgan diurez. Ibuprofenning potentsial toksik dozalari qabul qilingandan keyin 4 soat davomida patsiyentlar kuzatuvda bo‘lishlari kerak. Tez-tez kuzatiladigan yoki uzoq muddatli tirishishlarni diazepamni vena ichiga yuborib davolash mumkin. Boshqa davolash choralari patsiyentning klinik simpttomlaridan kelib chiqib buyurilishi mumkin.

Retseptsiz

10 tabletkadan kontur uyali o‘ramda. Besh kontur uyali o‘ramdan qo‘llash bo‘yicha yo‘riqnomasi bilan karton qutiga joylanadi. Statsionarlar uchun o‘ram: 150 kontur uyali o‘ramda muvofiq miqdordagi qo‘llash bo‘yicha yo‘riqnomasi bilan karton qutiga joylanadi.

3 yil.