kulrang yoki sariq tusli oq rangli, yassi tsilindrik, faskali tabletkalar. Marmarsimon bo‘lishi mumkin.

Qandli diabetni davolash uchun vositalar. Gipoglikemik vositalar, insulindan tashqari.

A10VV09.

2 tur (insulinga qaram bo‘lmagan) qandli diabetni, parxez bilan davolash va o‘rtacha jismoniy yuklama samarali bo‘lmaganida  ular bilan birga davolash uchun qo‘llanadi.

Og‘iz orqali qo‘llash uchun mo‘ljallangan. Faqat kattalarga buyuriladi. Sutkalik doza sutkada 1 dan 4 tabletka (sutkada 30-120 mg) gacha bo‘lishi mumkin. Sutkalik doza bir marta nonushta vaqtida qabul qilinadi. Yarim tabletka yoki tabletka (lar) ni butunligicha yutish kerak (ezilmasin va chaynalmasin). Agar patsiyent tabletkani qabul qilishni unutgan bo‘lsa, keyingi kuni dozani oshirish mumkin emas. Patsiyentning davolashga nisbatan shaxsiy javobiga (qondagi glyukoza va glyukoza  birikkan gemoglobinning HbA1c darajasi) qarab, dozani shaxsiy tanlash kerak. Boshlang‘ich doza Tavsiya etiladigan boshlang‘ich doza – sutkada 30 mg. Glikemiyani nazorati samarali bo‘lganida uni bir maromda saqlab turuvchi sifatida ishlatish mumkin. Agar glikemiyani adekvat nazoratiga erishilmasa, xolda dozani bosqichma-bosqich sutkada 60, 90 yoki 120 mg gacha oshirish mumkin. Dozani ketma-ket oshirishlar orasidagi interval, ikki xafta davolashdan keyin qondagi glyukozaning darajasi pasaymagan xollardan tashqari, 1 oydan kam bo‘lmasligi kerak. Bunday xollarda dozani davolash boshlanganidan keyin ikki xafta o‘tgach oshirish mumkin. Tavsiya etiladigan maksimal sutkalik doza 120 mg ni tashkil qiladi. Gliklazid 80 mg tabletkasidan (darxol ajralib chiqadigan) ajralib chiqishi modifikatsiyalangan 30 mg li tabletkalarga o‘tish Darxol ajralib chiqadigan gliklazid 80 mg li bir tabletka ajralib chiqishi modifikatsiyalangan 30 mg preparat bilan bir xil. Qondagi glyukozaning kontsentratsiyasini sinchkov monitoringi nazorati ostida o‘tish kerak. Boshqa peroral diabetga qarshi preparatlardan o‘tish: odatda o‘tkinchi davr uchun vaqt talab etilmaydi. Agar patsiyent shu vaqtgacha ta’siri uzaytirilgan preparatlar bilan davolanayotgan bo‘lsa, ikki preparatning ta’sirini kuchayishidan saqlanish uchun davolashni bir necha kunga to‘xtatib turish talab etilishi mumkin. Boshqa peroral diabetga qarshi preparatlar bilan majmuada qo‘llash: biguanidlar, ά-glyukozidaza ingibitorlari yoki insulin bilan majmuada qo‘llash mumkin. Keksa yoshli patsiyentlarga Gliklazid MR ni 65 yoshgacha bo‘lgan patsiyentlar uchun tavsiya etilgan dozalash tartibida buyurish kerak. Yengil va o‘rtacha buyrak yetishmovchiligi bo‘lgan patsiyentlarda, patsiyentlarni sinchiklab kuzatish bilan, buyrak faoliyati normal bo‘lgan patsiyentlarda qo‘llanadigan dozalash tartibini qo‘llash mumkin. Gipoglikemiyani rivojlanish xavfi bo‘lgan patsiyentlar: – yetarli bo‘lmagan yoki noratsional ovqatlanish; – og‘ir yoki yomon kompensatsiyalangan endokrin buzilishlar (gipopituitarizm, gipotireoz, adrenokortikotrop yetishmovchilik); – uzoq muddatli davolashdan keyin bekor qilish va/yoki kortikosteroidlarning yuqori dozalari; – og‘ir darajadagi qon tomir kasalliklari (og‘ir darajadagi yurak ishemik kasalligi, uyqu arteriyasining o‘tkazuvchanligini og‘ir buzilishi, diffuz qon tomir kasalliklari); Davolashni 30 mg minimal sutkalik dozadan boshlash tavsiya etiladi. Bolalarda qo‘llanishi Bolalar va o‘smirlarda ajralib chiqishi modifikatsiyalangan 30 mg li Gliklazid MR ni qo‘llash xavfsizligi va samaradorligi aniqlanmagan. Ma’lumotlar mavjud emas.

Quyida sanab o‘tilgan nojo‘ya reaktsiyalar yoki yo‘riqnomada eslatilmagan boshqa reaktsiyalar paydo bo‘lganida, darxol bu xaqida shifokorga xabar berish kerak. Ovqat xazm qilish tizimi tomonidan: dispepsiya (ko‘ngil aynishi, qusish, diareya, abdominal og‘riq, qabziyat) – yaqqolligi ovqat qabul qilish vaqtida pasayadi; kam xollarda- jigar funktsiyasini buzilishi (gepatit, xolestatik sariqlik – preparatni bekor qilish talab etiladi, “jigar”transaminazalari, ishqoriy fosfataza faolligini oshishi). Qon yaratish a’zolari tomonidan: suyak ko‘migida qon xosil bo‘lishini susayishi (anemiya, trombotsitopeniya, leykopeniya, granulotsitozpeniya). Teri qoplamalari tomonidan: teri qichishishi, eshakemi, angionevrotik shish, toshma, makulopapulez toshma va bullyoz reaktsiyalar (shu jumladan Stivens-Djonson sindromi va toksik epidermal nekrolizni), eritema, allergik vaskulit. Moddalar almashinuvi va ovqatlanish tomonidan: gipoglikemiya. Gipoglikemiyaning ko‘rinishlari: bosh aylanishi, ko‘ngil aynishi, qusish, charchoqlik, uyquchanlik, bosh og‘rig‘i va terlash, holsizlik, asabiylik, qaltirash, paresteziyalar. Boshqa mumkin bo‘lgan simptomlar: ochlik, uyquni buzilishi, qo‘zg‘alish, tajovvuzkorlik, diqqatni yomon jamlash, reaktsiyalarni sekinlashishi, depressiya, ongni chalkashishi, ko‘rish va nutq buzilishlari, afaziya, parezlar, sensor buzilishlar, kuchsizlik xissi, o‘z-o‘zini nazorat qilishni yo‘qolishi, deliriy, tirishishlar, tez-tez nafas olish, bradikardiya uyquchanlik va xushdan ketish. Komaga va o‘limga olib kelishi mumkin. Ko‘p terlash, yopishqoq teri, xavotirlik xissi, taxikardiya, qon bosimini oshishi, yurak urishini tezlashishi, stenokardiya va yurak aritmiyasi kabi simptomlar paydo bo‘lishi mumkin. Odatda bu simptomlar uglevodlar (qand) qabul qilinganida yo‘qoladi. Sun’iy shirin ta’m beruvchilar samarali emas! Gipoglikemiya qaytalanishi mumkin! Gipoglikemiyaning og‘ir va davomli xurujlarida shifokorning shoshilinch yordami yoki gospitalizatsiya kerak bo‘ladi. Ko‘rish a’zolari tomonidan buzilishlar: qondagi glyukozaning darajasini o‘zgarishlari bilan bog‘liq bo‘lgan ko‘rishni o‘tkinchi buzilishlari, ayniqsa davolashni boshida, bo‘lishi mumkin. Diabetga qarshi vositalarning xamma guruxi uchun xarakterli bo‘lgan noxush samaralar: eritrotsitopeniya, agranulotsitoz, gemolitik anemiya, pantsitopeniya, giponatriyemiya, allergik vaskulit paydo bo‘lishi mumkin. Jigar fermentlari faolligini oshishi va jigar funktsiyasini buzilishi (xolestaz, sariqlik), shuningdek gepatit. Bu samaralar orqaga qaytuvchan xisoblanadi.

Gipoglikemiyani rivojlanish xavfini oshiruvchi vositalar Qo‘llash mumkin bo‘lmagan kombinatsiya – Mikonazol (u tizimli yuborilganida yoki gel shaklida og‘iz bo‘shlig‘i shilliq qavatiga qo‘yilganida): gipoglikemiya simptomlari va xatto gipoglikemik koma paydo bo‘lishi mumkin. Tavsiya etilmaydigan kombinatsiyalar: -fenilbutazon (tizimli yuborish): sulfonilmochevina xosilalarining gipoglikemik samarasini kuchaytiradi. Boshqa yallig‘lanishga qarshi vositani buyurish afzalroq va patsiyentga qondagi glyukozani o‘zi nazorat qilishi muximligini tushuntirish kerak. Zarurati bo‘lganida yallig‘lanishga qarshi preparat bilan davolanish vaqtida va davolash yakunlanganidan keyin dozaga tuzatish kiritish kerak; -alkogol gipoglikemik ta’sirni kuchaytiradi, gipoglikemik koma yuz berishiga olib kelishi mumkin. Alkogol va spirt saqlovchi preparatlarni qabul qilishdan voz kechish kerak. Aloxida extiyotkorlikni talab qiluvchi kombinatsiyalar: boshqa gipoglikemik vositalarni (insulin, akarboza, metformin, tiazolidindionlar, dipeptidilpeptidaza 4 ingibitorlari, GLP-1 retseptorlarning agonistlari), β-adrenoblokatorlar, flukonazol, angiotenzinga-aylantiruvchi ferment (AAF) ingibitorlari (kaptopril, enalapril va boshqalar), N2-retseptorlarning blokatorlari, monoaminooksidaza (MAO) ingibitorlari, sulfanilamidlar, klaritromitsin, nosteroid yallig‘lanishga qarshi vositalarni qabul qilishda alohida ehtiyotkorlik talab etiladi. Qonda glyukozaning kontsentratsiyasini oshirishi mumkin bo‘lgan vositalar Tavsiya etilmaydigan kombinatsiyalar Gliklazidni danazol bilan kombinatsiyasi tavsiya etilmaydi. Agar danazolni qabul qilishdan voz kechish mumkin bo‘lmasa, patsiyentga danazolni qabul qilish vaqtida va uni qabul qilish yakunlanganidan keyin qon va siydikda glyukozaning darajasini nazorat qilish, gliklazidning dozasiga tuzatish kiritish muximligini tushuntirish kerak. Aloxida extiyotkorlikni talab qiluvchi kombinatsiyalar. Barcha xollarda qon va siydikda glyukozaning darajasini nazorat qilish, Gliklazid MR dozasiga tuzatish kiritish muximligini tushuntirish kerak. Xlorpromazin yuqori dozalarda (sutkada 100 mg dan ko‘p). Glyukokortikosteroidlar (tizimli, bo‘g‘im ichiga, sirtga, rektal qo‘llash) va tetrakozaktid. Ritodrin, salbutamol, terbutalin (vena ichiga yuborish). Xisobga olish kerak bo‘lgan kombinatsiyalar. Gliklazid MR bilvosita antikoagulyantlarning (varfarin, fenilin) ta’sirini kuchayishiga olib kelishi mumkin, shuning uchun bu dori vositalarining dozasiga tuzatish kiritish talab qilinishi mumkin.

Yorug‘lik va namlikdan ximoyalangan joyda, 25oS dan yuqori bo‘lmagan xaroratda saqlansin. Bolalar ololmaydigan joyda saqlansin.

Gipoglikemiya bilan namoyon bo‘ladi. O‘rtacha gipoglikemiyada, u xushdan ketish yoki boshqa nevrologik simptomlar bilan birga kechmaydi, uglevodlarni qabul qilish, dozaga tuzatish kiritish va/yoki parxezni o‘zgartirish yetarli bo‘ladi. Bunda patsiyentning xolati barqarorlanmagunicha, patsiyentning xolatini sinchkov monitoringini amalga oshirish kerak. Koma va tirishishlar, boshqa nevrologik ko‘rinishlar bilan og‘ir gipoglikemik reaktsiyalarda shoshilinch tibbiy yordam ko‘rsatish va darxol gospitalizatsiya qilish kerak. Komaga shubha bo‘lganida yoki komada 50 ml dekstrozaning 20-30% eritmasini yuborish, so‘ngra qondagi glyukozaning kontsentratsiyasi 5,55 mmol/l ga yetgunicha 10% dekstroza eritmasini vena ichiga tomchilab yuborish kerak. Keyinchalik monitoringning davomiyligi masalasini xal qilish kerak. Gliklazid qon oqsillari bilan jadal bog‘langanligi tufayli, dializ samarasiz.

Retsept bo‘yicha beriladi

10 tabletkadan kontur uyali o‘ramda. 3 yoki 6 kontur uyali o‘ram ilova-varaqasi bilan birga karton qutiga joylanadi.

2 yil. Yaroqlilik muddati tugaganidan keyin ishlatilmasin.