oq rangli kukun.

tizimli qo‘llash uchun viruslarga qarshi vositalar.

J05A B01

Buyrak funktsiyasi normal bo‘lgan kattalarda vena ichiga yuborilgandan keyin yarim chiqarilish davri 2,9 soatni tashkil etadi. Preparatning ko‘p qismi buyrak orqali o‘zgarmagan holda chiqarib yuboriladi. Atsiklovirning buyrak klirensi kreatinin klirensidan ancha darajada yuqori bo‘lib, bu, atsiklovirni nafaqat buyrak kalavalari filtratsiyasi orqali, balki yana buyrak kanalchalari sekretsiyasi orqali chiqarilishidan dalolat beradi. Atsiklovirning asosiy metaboliti 9-karboksilmetoksimetilguanin hisoblanadi va siydikda u, yuborilgan preparatning dozasini 10-15% ni tashkil etadi. Atsiklovir 1 g probenetsiddan so‘ng 1 soat o‘tgach buyurilganda atsiklovirning T1/2 va AUC ko‘rsatkichlari tegishli ravishda 18% va 40% ga ortadi. 2,5 mg/kg, 5 mg/kg, 10 mg/kg va 15 mg/g dozada infuziya qilinganda kattalarda atsiklovirning o‘rtacha Sssmax ko‘rsatkichi tegishli ravishda 22,7 mkmol (5,1 mkg/ml), 43,6 mkmol (9,8 mkg/ml), 92 mkmol (20,7 mkg/ml) va 105 mkmol (23,6 mkg/ml) ni tashkil etadi. Infuziya qilingandan keyin 7 soat o‘tgach preparatning Sssmax qon plazmada tegishli ravishda 2,2 mkmol (0,5 mkg/ml), 3,1 mkmol (0,7 mkg/ml), 10,2 mkmol (2,3 mkg/ml) va 8,8 mkmol (2 mkg/ml) ni tashkil etadi. 1 yoshdan katta bolalarda atsiklovirni 250 mg/m2 va 500 mg/m2 dozalarda yuborilganda Sssmax va Sssmax ko‘rsatkichlari kattalardagi 5 mg/kg va 10 mg/kg dozalardagi ko‘rsatkichlarga to‘g‘ri keladi. Chaqaloqlar (0 dan 3 oylikkacha) atsiklovir 10 mg/kg dozada infuziya ko‘rinishida 1 soat davomida har 8 soatda yuborilganda Sssmax 61,2 mkmol (13,8 mkg/ml) ni, Sssmax 10,1 mkmol (2,3 mkg/ml) ni tashkil etgan, T1/2 – 3,8 soat. Keksa yoshdagilarda atsiklovirning klirensi yosh o‘tgani sayin, kreatinin klirensini kamayishiga parallel ravishda pasayib boradi, lekin atsiklovirning T1/2 si ahamiyatli darajada o‘zgarmaydi. Surunkali buyrak yetishmovchiligi bo‘lgan patsiyentlarda atsiklovirning T1/2 o‘rtacha 19,5 soatni tashkil etadi, gemodializ o‘tkazilganda esa – 5,7 soatni tashkil etadi, atsiklovirning qon plazmasidagi kontsentratsiyasi taxminan 60% ga kamayadi. Atsiklovirning  orqa miya suyuqligidagi kontsentratsiyasi plazmadagi kontsentratsiyasining taxminan 50% ni tashkil etadi. Atsiklovir qon oqsillari bilan ozgina darajada bog‘lanadi (9-33%).

Immuntanqisligi bo‘lgan bemorlarda oddiy gerpes virusi tomonidan chaqirilgan infektsiyalarini, immuntanqisligi bo‘lmagan bemorlarda og‘ir genital gerpesni davolash.Immuntanqisligi bo‘lgan bemorlarda oddiy gerpes virusi tomonidan chaqirilgan infektsiyalarni oldini olish.Varicella zoster virusi tomonidan chaqirilgan infektsiyalarini davolash.Gerpetik entsefalitni davolash.Chaqaloqlarda oddiy gerpes virusi tomonidan chaqirilgan infektsiyalarni davolash uchun qo‘llaniladi.

Asta-sekin vena ichiga infuziya qilish yo‘li bilan kamida 1 soat davomida yuboriladi. Vena ichiga yuboriladigan Gerpevir bilan davolash kursi odatda 5 kun davom etadi, lekin patsiyentning holati va davolashga bo‘lgan reaktsiyasiga qarab, davomiylik o‘zgarishi mumkin. Gerpetik entsefalitni davolash odatda 10 kun davom etadi. Chaqaloqlardagi oddiy gerpes virusi tomonidan chaqirilgan infektsiyalarni davolash teri va shilliq qavatlar shikastlanganda odatda 14 kun davom etadi va disseminatsiyada va markaziy nerv tizimi shikastlanganda – 21 kun davom etadi. Vena ichiga yuboriladigan Gerpevirni profilaktika qo‘llash davomiyligi infektsiyalanish xavfi davomiyligi bilan belgilanadi. Oddiy gerpes virusi (gerpetik entsefalitdan tashqari) yoki Varicella zoster virusi tomonidan chaqirilgan infektsiyalarni davolash uchun vena ichiga yuboriladigan Gerpevir buyrak funktsiyasi normal bo‘lgan sharoitda tana vazniga 5 mg/kg dozada xar 8 soatda buyuriladi. Immuntanqisligi yoki gerpetik entsefalitik bo‘lgan bemorlarda Varicella zoster virusi tomonidan chaqirilgan infektsiyalarni davolash uchun vena ichiga yuboriladigan Gerpevirni buyrak funktsiyasi normal bo‘lgan sharoitda 10 mg/kg dozada har 8 soatda buyurish kerak. Semizlik kasalligi bo‘lgan patsiyentlarga real tana vazniga qarab emas, balki ideal tana vazniga hisoblangan dozada buyurish kerak.

Nojo‘ya ta’sirlar a’zolar va tizimlar bo‘yicha tasniflangan. Qon va limfatik tizim: gematologik ko‘rsatkichlarni pasayishi (anemiya, trombotsitopeniya, leykopeniya). Immun tizimi: anafilaksiya. Ruhiy buzilishlar va nerv tizimi tomonidan buzilishlar: bosh og‘rig‘i, bosh aylanishi, qo‘zg‘alish, ongni chalkashishi, tremor, ataksiya, dizartriya, gallyutsinatsiyalar, psixotik simptomlar, tirishishlar, uyquchanlik, entsefalopatiya, koma. Yuqorida keltirilgan nevrologik reaktsiyalar qaytuvchandir, va odatda buyrak yetishmovchiligi va boshqa xavf omillari bo‘lgan bemorlarni davolaganda kuzatiladi (“Maxsus ko‘rsatmalar” bo‘limiga qarang). Yurak-qon tomir tizimi: flebit. Respirator tizimi va ko‘krak qafasi a’zolari: xansirash. Gastroeneterologiya tizimi: ko‘ngil aynishi, qusish, diareya, qorinda og‘riq. Gepatobiliar tizim: jigar fermentlari darajasini qaytuvchan oshishi, bilirubin darajasini qaytuvchan oshishi, sariqlik, gepatit. Teri va teri osti to‘qimalari: qichishish, eshakemi, toshmalar (shu jumladan yorug‘likka sezgirlik), sochlarni tezkor diffuz to‘kilishi. Soch to‘kilishi ko‘pchilik kasalliklar va dori vositalarining nojo‘ya ta’sirlari bilan bog‘liq bo‘lgani tufayli, uni atsiklovir bilan aniq bog‘liqligi aniqlanmagan. Angionevrotik shish. Buyraklar va siydik chiqarish tizimi: qonda siydikchil va kreatinin darajasini oshishi. Bu suv-elektrolit almashinuvining buzilishi bilan bog‘liq bo‘lishi mumkin. Bunday samaraga yo‘l qo‘ymaslik uchun, preparatni vena ichiga bolyus ko‘rinishida emas, kamida 1 soat davomidagi vena ichiga sekin infuziya ko‘rinishida yuborish orqali amalga oshirish kerak. Buyrak funktsiyasini buzilishi, o‘tkir buyrak yetishmovchiligi, buyrakda og‘riq. Bunday bemorlarda adekvat gidratatsiyani ta’minlab turish kerak. Buyrak funktsiyasini  buzilishi odatda regidratatsion davolash va/ki dozani kamaytirish yoki butunlay bekor qilgandan keyin tezda o‘tib ketadi. Lekin, juda kam holatlarda o‘tkir buyrak yetishmovchiligi kuzatilishi mumkin. Buyrakdagi og‘riq buyrak yetishmovchiligi va kristalluriya bilan assotsiyalangan bo‘lishi mumkin. Umumiy buzilishlar: toliqish, isitma, mahalliy yallig‘lanish reaktsiyalari. Og‘ir mahalliy yallig‘lanish reaktsiyalari, Gerpevirni yuborish paytda, ehtiyotsizlik natijasida, u qon tomir atrofidagi to‘qimalarga tushganda kuzatiladi.

Atsiklovirni boshqa dori vositalari bilan klinik ahamiyatli o‘zaro ta’sirlari aniqlanmagan. Atsiklovir asosan o‘zgarmagan ko‘rinishida buyrak orqali kanalchalar sekretsiyasi yordamida chiqariladi, shuning uchun, shunga o‘xshash chiqarilishi mexanizmiga ega bo‘lgan har qanday dorilar atsiklovirning qon plazmasidagi kontsentratsiyasini oshirishi mumkin. Probenetsid va tsimetidin atsiklovirning yarim chiqarilish davrini uzaytiradi va “kontsentratsiya/vaqt” egri chiziq ostidagi maydonini oshiradi, lekin atsiklovirning keng davolovchi indeksini hisobga olib, dozaga tuzatish kiritish kerak emas. Vena ichiga yuboriladigan atsiklovirni va xuddi shunday chiqarilish mexanizmiga ega bo‘lgan boshqa preparatlarni bir vaqtda qabul qilayotgan patsiyentlarda bir yoki ikkala preparatning yoki ularning metabolitlarini qon plazmasidagi kontsentratsiyasi potentsial ravishda oshishi mumkin. Bemorlarni a’zolar transplantatsiyasidan keyin davolashda immunosupressantlar bilan bir vaqtda qo‘llanilganda ham, qon plazmasida atsiklovirning va immunosupressiv preparatning faol bo‘lmagan metabolitini darajasi oshadi. Vena ichiga yuboriladigan Gerpevirni buyrak funktsiyasiga ta’sir etuvchi preparatlar (masalan, tsiklosporin, takrolimus) bilan buyurilganda ham ehtiyotkorlik (buyrak funktsiyasini nazorati qilish) talab qilinadi.

Atsiklovir asosan buyrak klirensi orqali organizmdan chiqarib yuboriladi, shuning uchun, buyrak yetishmovchiligi bo‘lgan bemorlarda dozani kamaytirish kerak (“Qo‘llash usuli va dozalari” ga qarang). Keksa yoshdagi bemorlarda ham buyrak funktsiyasini buzilishi ehtimoli katta, shuning uchun ham bu guruh patsiyentlar uchun dozani kamaytirish mumkin. Buyrak yetishmovchiligi bo‘lgan patsiyentlar va keksa yoshdagi patsiyentlarda nevrologik nojo‘ya ta’sirlarni kelib chiqish xavfi mavjud va shuning uchun, ular sinchikov nazorat ostida bo‘lishlari kerak. Bunday reaktsiyalar, umuman olganda, preparat bilan davolash to‘xtatilganda odatda qaytuvchandir (“Nojo‘ya ta’sirlari” bo‘limiga qarang). Yuqori dozalarni masalan gerpetik entsefalitni davolash uchun vena ichiga qabul qilayotgan bemorlarda, ayniqsa degidratatsiya holatlarida yoki buyrak yetishmovchiligi bo‘lganda, buyrak funktsiyasi ko‘rsatkichlarini kuzatib turish kerak. Vena ichiga infuziyalar uchun suyultirilgan preparatni peroral qabul qilish uchun buyurish mumkin emas. Homiladorlik yoki emizish davrida qo‘llanilishi. Atsiklovirning har xil farmatsevtik shakllari homiladorlar tomonidan qo‘llanilganda, bolalarda tug‘ma nuqsonlar sonining ortishi aniqlanmagan. Lekin infuziya uchun atsiklovirni, faqat preparatni qo‘llashdan ona uchun kutilayotgan potentsial foyda, homila uchun bo‘lishi mumkin bo‘lgan xavfdan ustun bo‘lgandagina qo‘llash mumkin. Emizayotgan ayollarga atsiklovirni bola uchun xavf/foyda nisbatini hisobga olgan holda buyurish lozim. Bolalar. Tug‘ilgan vaqtidan boshlab qo‘llaniladi. Avtotransportni yoki boshqa mexanizmlarni boshqarishda reaktsiya tezligiga ta’sir etish xususiyati. Vena ichiga yuboriladigan Gerpevir®, asosan shifoxonada davolanayotgan bemorlarni davolash uchun qo‘llaniladi, shuning uchun odatda avtomobilni yoki boshqa mexanizmlarni boshqarish qobiliyatiga ta’siri to‘g‘risidagi ma’lumotlar zarur emas. Preparatning avtomobilni va boshqa mexanizmlarni boshqarish qobiliyatiga ta’sirini o‘rganish bo‘yicha tadqiqotlar o‘tkazilmagan. Preparat bolalar ololmaydigan joyda saqlansin va yaroqlilik muddati tugaganidan keyin qo‘llanilmasin.

Original o‘ramda, 25oS dan yuqori bo‘lmagan haroratda.

Simptomlari: zardobda kreatinin, qonda mochevina azoti darajasini oshishi, buyrak yetishmovchiligi. Nevrologik simptomlar – ongni chalkashishi, gallyutsinatsiyalar, qo‘zg‘alish, tirishishlar va koma holatini o‘z ichiga oladi. Davolash: simptomatik davolash o‘tkaziladi. Gemodializni o‘tkazish ko‘rsatilgan.

Retsept bo‘yicha Ulashish: 7 169 Views

250 mg dan flakonlarda 10 flakondan o‘ramda.

5 yil.