oq yoki sarg‘ish tusli oq rangli kukun, gigroskopik.

Tizimli qo‘llash uchun mikroblarga qarshi vositalar. Tizimli qo‘llash uchun bakteriyalarga qarshi vositalar. Boshqa beta-laktam antibiotiklar. Tsefalosporinlarning III avlodi. Tsefoperazon.

J01DD12

Qonda, safroda va siydikda yuqori darajasiga preparat bir marta yuborilganidan so‘ng erishiladi. 1-jadvalda katta yoshdagi sog‘lom shaxslarning qon zardobidagi preparatning kontsentratsiyasi keltirilgan. Ushbu ma’lumotlar 1 g, 2 g, 3 g, 4 g preparat vena ichiga 15 minut davomida yoki 1 g yoki 2 g preparat mushak ichiga bir marta yuborilganidan so‘ng olingan. Probenetsid tsefoperazonning qondagi kontsentratsiyasi darajasiga ta’sir qilmaydi. Tsefoperazonning qon zardobidagi kontsentratsiyasi                                       1-jadval

Tsefoperazonga sezgir mikroorganizmlar tomonidan chaqirilgan quyidagi infektsiyalarni davolash uchun qo‘llanadi: yuqori va quyi nafas yo‘llarining infektsiyalari;siydik chiqarish yo‘llarining yuqori va quyi bo‘limlarini infektsiyalari;peritonit, xoletsistit, xolangit va boshqa intraabdominal infektsiyalar;septitsemiya;meningit;teri va yumshoq to‘qimalarning infektsiyalari;suyak va bo‘g‘imlarning infektsiyalari;chanoq a’zolarini yallig‘lanish kasalliklari, endometrit, gonoreya va jinsiy yo‘llarini boshqa infektsiyalari. Profilaktika Gepatsef® preparatini abdominal, ginekologik, yurak qon-tomir va ortopedik operatsiyalarda operatsiyadan keyingi asoratlarni oldini olish uchun buyurish mumkin.

Preparat vena ichiga yoki mushak ichiga yuborish uchun mo‘ljallangan. Preparat bilan davolashni boshlashdan oldin patsiyentda antibiotikka va lidokainga yuqori sezuvchanlik borligini teri sinamasini o‘tkazish yordamida istisno qilish kerak. Kattalar Odatda doza sutkada 2-4 g ni tashkil etadi, uni teng bo‘lingan dozalarda har 12 soatda yuborish kerak. Juda og‘ir darajadagi infektsiyalarda dozani sutkada 8 g gacha oshirish mumkin, teng bo‘lingan dozalarda har 12 soatda yuboriladi. Tsefoperazonning 12-16 g sutkalik dozasi 3 teng qismlarga bo‘lib (8 soatlik interval bilan) yuborilganida, hech qanday asoratlar kuzatilmagan. Preparat bilan davolashni mikroorganizmlarning sezuvchanligini tekshirish natijalari aniqlangunicha boshlash mumkin. Asoratlanmagan gonokokkli uretritda tavsiya etilgan dozasi 500 mg ni tashkil etadi, mushak ichiga bir marta yuboriladi. Preparat mushak ichiga katta dumba mushagiga yoki sonning oldingi yuzasiga chuqur yuboriladi. Majmuaviy davolash Gepatsef® preparatining keng ta’sir doirasi ko‘pchilik infektsiyalarni monoterapiyasini amalga oshirish imkonini beradi. Biroq Gepatsef® preparatini, agar ko‘rsatilgan bo‘lsa, boshqa antibiotiklar bilan majmuada ham qo‘llash mumkin. Aminoglikozidlar bilan bir vaqtda davolanganda buyrak faoliyatini nazorat qilish tavsiya etiladi. Jigar funktsiyasini buzilishi bo‘lgan patsiyentlarda qo‘llanishi O‘t chiqarish yo‘llarini bekilishi, jigarning og‘ir darajadagi kasalliklari yoki buyrakni yondosh shikastlanishi bo‘lgan hollarda preparatning dozasiga tuzatish kiritish talab etilishi mumkin. Agar preparatning qon zardobidagi kontsentratsiyasini nazorati o‘tkazilmasa, preparatning dozasi sutkada 2 g dan oshmasligi kerak. Buyrak funktsiyasini buzilishi bo‘lgan patsiyentlarga qo‘llanishi Buyraklar tsefoperazonning asosiy chaqirilish yo‘li bo‘lmaganligi sababli, buyrak shikastlanishi bo‘lgan bemorlarga preparatni odatdagi sutkalik dozasi (2-4 g) ga tuzatish kiritmasdan buyurish mumkin. Kalavalar filtratsiyasining tezligi minutiga 18 ml dan past yoki zardobdagi kreatininning darajasi 3,5 mg/100 ml dan yuqori bo‘lgan patsiyentlar uchun preparatning maksimal sutkalik dozasi 4 g ni tashkil etadi. Tsefoperazonning qon zardobidan yarim chiqarilish davri gemodializ vaqtida biroz pasayadi. Preparatni dializ tugaganidan so‘ng yuborish kerak. Jigar funktsiyasini buzilishi va buyrak funktsiyasini yondosh buzilishi bo‘lgan patsiyentlarga qo‘llanishi. Jigar funktsiyasini buzilishi va buyrak funktsiyasini yondosh shikastlanishi bo‘lgan patsiyentlarda qon zardobida preparatning kontsentratsiyasini nazorat qilish va zarurat bo‘lsa, dozasiga tuzatish kiritish kerak. Agar qon zardobidagi preparatning kontsentratsiyasini nazorati o‘tkazilmasa, doza sutkada 2 g dan oshmasligi kerak. Bolalar Go‘daklar va bolalarni davolash vaqtida Gepatsef® preparatini 1 kg tana vazniga 50 mg dan 200 mg gacha bo‘lgan sutkalik dozalarda buyurish kerak; dozani 2 marta qabul qilishga bo‘lib (har 8-12 soatda) yuboriladi. Maksimal dozasi sutkada 12 g dan oshmasligi kerak. Og‘ir darajadagi infektsiyalari bo‘lgan bolalar va go‘daklar, shu jumladan bakterial meningit bilan xastalangan, ammo asoratlanmagan bir nechta patsiyentlarni davolash uchun preparatni tana vazniga 300 mg/kg gacha bo‘lgan sutkalik dozalarda qo‘llanganligi yuzasidan ma’lumotlar mavjud. Yangi tug‘ilgan chaqaloqlarda qo‘llanishi Yangi tug‘ilgan chaqaloqlarga (8 kunlikkacha bo‘lgan) preparatni har 12 soatda yuborish kerak. Bolalar va kattalarga preparatni vena ichiga yuborish To‘xtab-to‘xtab yuboriladigan infuziya uchun 1 g Gepatsef® preparati (1 flakon) 20-100 ml mutanosib steril inyektsiya uchun eritmada eritiladi va 15 minut – 1 soat davomida yuboriladi. Agar erituvchi steril suv bo‘lsa, u holda preparatli flakonga uni ko‘pi bilan 20 ml qo‘shish kerak. Uzluksiz infuziya qilish uchun Gepatsef® preparatining har bir grammi 5 ml inyektsiya uchun steril suvda yoki 5 ml inyektsiya uchun bakteriostatik suvda eritiladi; ushbu eritma vena ichiga yuborish uchun muvofiq erituvchiga qo‘shiladi. Vena ichiga bevosita inyektsiya qilish uchun Gepatsef® preparatining bir martalik maksimal dozasi katta yoshdagi patsiyentlar uchun 2 g, bolalar uchun – tana vazniga 50 mg/kg ni tashkil etadi. Preparatning oxirgi kontsentratsiyasi 100 mg/ml bo‘lishi uchun preparat muvofiq erituvchida eritiladi va kamida 3-5 minut davomida yuboriladi. Operatsiyadan keyingi asoratlarni antibakterial profilaktikasi uchun preparat 1 g yoki 2 g dan operatsiya boshlanishidan 30-90 minut oldin buyuriladi. Dozani har 12 soatda takrorlash mumkin, ammo ko‘pchilik hollarda ko‘pi bilan 24 soatda takrorlash mumkin. Infektsiyalanish havfi yuqori bo‘lgan operatsiyalarda (masalan, kolorektal sohadagi operatsiyalarda) va infektsiyalanish ayniqsa katta zarar keltirishi mumkin bo‘lgan operatsiyalarda (masalan, yurakni ochiq holdagi operatsiyalari yoki bo‘g‘imlarni protezlash operatsiyalarida), preparatni profilaktik qo‘llash operatsiya tugaganidan so‘ng 72 soat davomida davom etishi mumkin. Vena ichiga yuborish Steril Gepatsef® kukuni dastlab vena ichga yuborish uchun to‘g‘ri keladigan har qanday muvofiq erituvchi yordamida (2,8 ml/g tsefoperazon) eritilishi mumkin (2-jadval). Erishi oson bo‘lishi uchun 1 g Gepatsef® preparatiga 5 ml erituvchini qo‘llash tavsiya etiladi. 2-jadval Tsefoperazon natriy kukunini eritish uchun tavsiya etilgan eritmalar inyektsiya uchun 5% li glyukozainyektsiya uchun 10% li glyukozainyektsiya uchun 5% liglyukoza va 0,9% natriy xloridiinyektsiya uchun 0,9% li natriy xloridiinyektsiya uchun 5% li glyukoza va 0,2% natriy xloridiinyektsiya uchun steril suv Shundan so‘ng olingan eritmaning butun hajmini vena ichiga yuborish uchun standart erituvchilarning birida suyultirish kerak (3-jadval). 3-jadval

Immun tizimi tomonidan. Boshqa tsefalosporinlar bilan davolanganda bo‘lgani kabi, individual o‘ta yuqori sezuvchanlik bilan bog‘liq bo‘lgan reaktsiyalar: makulopapulyoz toshma, eshakemi, eozonofiliya va dori vositasi ta’siridagi isitma, allergik reaktsiyalar, anafilaktik reaktsiyalar (shu jumladan, anafilaktik shok) rivojlanishi mumkin. Gepatsef® preparati bilan davolashga nisbatan bunday reaktsiyalar, asosan, anamnezida allergik reaktsiyalarga moyilligi, ayniqsa penitsillinga reaktsiyasi bo‘lgan bemorlarda rivojlanadi. Qon va limfatik tizimi tomonidan. Preparat bilan davolash vaqtida neytrofillarning darajasi biroz pasayishi mumkin. Uzoq muddat davolanganda qaytuvchan neytropeniya rivojlanishi mumkin. Tsefalosporinlar bilan davolanish vaqtida ba’zi patsiyentlarda Kumbsning bilvosita antiglobulin sinamasini musbat bo‘lishi aniqlangan. Gemoglobin yoki gematokrit pasayishi mumkin. Vaqtinchalik eozonofiliya va protrombinemiya hollari kuzatilgan. Leykopeniya, trombotsitopeniya, anemiya, qon ketishi, protrombin vaqtini uzayishi, gematuriyani kuzatilganligi yuzasidan xabarlar berilgan. Gepatobiliar tizimi tomonidan. ALT, AST va ishqoriy fosfatazaning darajasi biroz oshishi mumkin. Ovqat hazm qilish tizimi tomonidan. Ko‘ngil aynishi, sariqlik, qonda bilirubin miqdorini oshishi, soxta membranoz kolit, qusish bo‘lishi mumkin. Ichak faoliyatini o‘zgarishlari (ichni suyuq kelishi yoki diareya) yuzasidan xabarlar berilgan. Bu holatlarning aksariyati yengil va o‘rtacha og‘irlik darajasida bo‘lgan. Barcha holatlarda bu simptomlar simptomatik davolangan yoki davolash tugaganidan so‘ng o‘tib ketgan. Mahalliy reaktsiyalar. Ba’zida preparatni mushak ichiga yuborish og‘riq bilan kechadi. Boshqa tsefalosporinlar bilan davolanganda bo‘lgani kabi, preparat vena ichiga infuziya qilinganida ba’zi bemorlarda yuborilgan joyda flebit rivojlangan. Yurak qon-tomir tizimi tomonidan. Bradikardiya, yurak urishini to‘xtashi, kardiogen shok, taxikardiya, arterial gipotenziya. Teri tomonidan. Qichishish, Stivens-Djonson sindromi. Nerv tizimi tomonidan. Og‘iz bo‘shlig‘i shilliq qavati giperesteziyasi, bezovtalik. Allergik reaktsiyalar. Et uvishishi, bronxospazm, dispnoe, eksfoliativ dermatit, laringospazm, eritema. Boshqalar. Superinfektsiya.

Tsefoperazonni tsefalosporin qatori antibiotiklariga allergiyasi bo‘lgan patsiyentlarga qo‘llash mumkin emas.

Alkogol Tsefoperazon bilan davolanish vaqtida va hatto oxirgi marta yuborilgandan so‘ng 5 sutkadan keyin alkogol iste’mol qilinganida, qizib ketish hissi, kuchli terlash, bosh og‘rig‘i va taxikardiya bilan namoyon bo‘luvchi disulfiramsimon reaktsiyalar rivojlanganligi yuzasidan xabarlar berilgan. Bunday reaktsiyalar boshqa tsefalosporinlar qo‘llanganidan keyin ham rivojlangan, shuning uchun tsefoperazon bilan davolanish vaqtida patsiyentlar alkogolli ichimliklarni iste’mol qilishdan saqlanishlari kerak. Peroral yoki parenteral sun’iy ovqatlanishga muhtoj bo‘lgan patsiyentlar tarkibida etanol saqlovchi eritmalarni iste’mol qilishdan saqlanishlari kerak. Laborator tekshiruv natijalariga ta’sir qiluvchi o‘zaro ta’sirlar Benedikt yoki Feling eritmalari bilan sinamalar o‘tkazilganida siydikda glyukozani aniqlash reaktsiyasi soxta musbat bo‘lishi mumkin.

O‘ta yuqori sezuvchanlik Tsefoperazon bilan davolashni buyurishdan oldin, ilgari bemorda tsefalosporinlar, penitsillinlar yoki boshqa dori vositalariga o‘ta yuqori sezuvchanlik reaktsiyalari rivojlanganligini aniqlash maqsadida yaxshilab anamnez yig‘ish kerak. Penitsillinga sezgir patsiyentlarga ushbu preparatni ehtiyotkorlik bilan buyurish kerak. Ilgari allergiyaning har qanday shakli, ayniqsa dori vositalariga allergiya namoyon bo‘lgan har bir patsiyentga antibiotiklarni ehtiyotkorlik bilan buyurish kerak. Agar allergik reaktsiya rivojlansa, preparatni bekor qilish va kerakli davolashni buyurish kerak. Jiddiy anafilaktik reaktsiyalar zudlik bilan shoshilinch ravishda adrenalin yuborishni talab etadi. Zarurat bo‘lganida kislorod berish, vena ichiga kortikosteroidlarni yuborish, shuningdek nafas yo‘llari o‘tkazuvchanligini tutib turish, shu jumladan intubatsiya yordamida tutib turish kerak. Jigar funktsiyasini buzilishi bo‘lgan bemorlarga qo‘llanishi Tsefoperazon ahamiyatli darajada safro bilan chiqariladi. Jigar kasalliklari va/yoki o‘t chiqarish yo‘llarining obstruktsiyasi bo‘lgan patsiyentlarda tsefoperazonni qon zardobidan yarim chiqarilish davri uzayadi va preparatni siydik bilan ekskretsiyasi oshadi. Hatto jigar funktsiyasini og‘ir darajadagi buzilishlarida ham safroda tsefoperazonning terapevtik kontsentratsiyalariga erishiladi, yarim chiqarilish davri faqat 2-4 marta oshadi. Umumiy ehtiyotkorliklar Ba’zi patsiyentlarda tsefoperazon bilan davolash, boshqa antibiotiklar bilan bo‘lgani kabi, K vitaminini tanqisligiga olib keladi. K vitamini tanqisligini rivojlanish mexanizmi, normada ushbu vitaminni sintez qiluvchi ichak mikroflorasini susayishi bilan bog‘liq deb hisoblanadi. Havf guruhiga sifatsiz ovqatlanadigan, so‘rilishni buzilishlari (masalan, mukovistsidoz) bo‘lgan patsiyentlar va uzoq muddat parenteral ovqatlanishda bo‘lgan patsiyentlar kiradilar. Bunday patsiyentlarda protrombin vaqtini nazorat qilish va zarurat bo‘lganida ekzogen K vitaminini buyurish kerak. Boshqa antibiotiklar kabi, tsefoperazon uzoq muddat qo‘llanganida rezistent mikroflorani jadal ravishda o‘sishiga olib kelishi mumkin, shu boisdan davolanish vaqtida patsiyentlarni yaxshilab kuzatish kerak. Har qanday kuchli tizimli preparat bilan davolanganda bo‘lgani kabi, tsefoperazon bilan uzoq muddat davolanganda, organizmning tizimlari tomonidan, xususan buyrak, jigar va qon yaratish tizimi tomonidan rivojlanishi mumkin bo‘lgan funktsional buzilishlarni aniqlash maqsadida, vaqti-vaqti bilan tekshirish tavsiya etiladi. Bunday tekshirishlarni, yangi tug‘ilgan chaqaloqlarda, xususan chala tug‘ilgan chaqaloqlar va boshqa go‘daklarda o‘tkazish ayniqsa muhimdir. Deyarli barcha antibakterial preparatlarni, shu jumladan tsefoperazonni qo‘llash vaqtida Clostridium difficile [Clostridium difficile associated diarrhea] (CDAD) tomonidan chaqirilgan diareyani rivojlanganligi yuzasidan xabarlar berilgan, og‘irlik darajasi bo‘yicha yengil diareyadan letal kolitgacha bo‘lgan. CDAD rivojlanishini antibiotiklar qo‘llanganidan so‘ng diareyani namoyon bo‘lishi kuzatilgan barcha patsiyentlarda gumon qilish kerak. Anamnezni sinchiklab o‘rganish kerak, chunki CDAD antibakterial preparatlar buyurilgandan so‘ng 2 oydan ko‘p vaqtdan keyin rivojlanganligi yuzasidan xabarlar berilgan. Agar patsiyent natriyning miqdori past bo‘lgan parhezda bo‘lsa, 1 g tsefoperazon 34 mg natriy saqlashini inobatga olish kerak.

Homiladorlik Homilador ayollarda adekvat va yetarli darajada nazorat qilingan tadqiqotlar o‘tkazilmagan, shuning uchun homiladorlik vaqtida ushbu preparatni juda zarur bo‘lgan holdagina qo‘llash mumkin. Emizish davri Tsefoperazonning uncha katta bo‘lmagan miqdorigina ko‘krak sutiga o‘tadi. Shunga qaramay, emizish davrida tsefoperazonni ehtiyotkorlik bilan buyurish kerak.

Original o‘ramda 2oS dan 8oS gacha haroratda saqlansin.

Tsefoperazon natriyning o‘tkir toksikligi yuzasidan ma’lumotlar cheklangan. Dori vositasining dozasi oshirib yuborilishi oqibatida kutilgan ko‘rinishlari bo‘lib, eng avvalo, preparat uchun xos bo‘lgan nojo‘ya reaktsiyalarni kuchayishi hisoblanadi. Orqa miya suyuqligida beta-laktam antibiotiklarning kontsentratsiyalarini yuqori bo‘lishi nevrologik samaralar va tirishishlarni chaqirishi mumkinligini e’tiborga olish kerak. Tsefoperazon organizmdan gemodializ yordamida chiqarilishi mumkinligi tufayli, agar buyrak funktsiyasini buzilishi bo‘lgan patsiyentlarda dozani oshirib yuborilishi kuzatilsa, ushbu muolaja dori vositasini organizmdan chiqarilishini tezlashtirishi mumkin.

Retsept bo‘yicha

Kukun 1,0 g dan flakonlarda, 10 flakon qutida.

2 yil.