oq yoki deyarli oq rangli liofilizatsiya qilingan massa yoki kukun.

o‘smalarga qarshi vosita, antimetabolit.

L01BC05.

Gemtsitabinning plazmadagi maksimal kontsentratsiyasiga (3,2 mkg/ml dan 45,5 mkg/ml gacha) infuziya yakunlangandan 5 minutdan keyin erishiladi. Dozalarni bir marta va ko‘p marta yuborish bilan o‘tkazilgan tadqiqotlarning farmakokinetik tahlili taqsimlanish hajmi jinsga sezilarli darajada bog‘liqligini ko‘rsatdi. Gemtsitabinni plazmadagi oqsillar bilan bog‘lanishi ahamiyatsiz darajada. Gemtsitabin organizmda tsitidindezaminazalar ta’siri ostida jigarda, buyrakda, qon va boshqa to‘qimalarda tez metabolizmga uchraydi, buning natijasida gemtsitabin mono-, di- va trifosfatlari (dFdCMP, dFdCDP i dFdCTP) hosil bo‘ladi, ulardan dFdCDP va dFdCTP faol hisoblanadi. Gemtsitabin organizmdan asosan faol bo‘lmagan metaboliti 2′-dezoksi-2′,2′-diftoruridin ko‘rinishida siydik bilan chiqariladi. Vena ichiga yuborilgan dozaning 10% dan kamrog‘i siydikda o‘zgarmagan gemtsitabin ko‘rinishida aniqlanadi. Soatiga 30 l/m2 dan 90 l/m2 gacha o‘zgarib turuvchi tizimli klirensi patsiyentning yoshi va jinsiga bog‘liq; erkaklarga nisbatan ayollarda chiqarilish tezligi taxminan 25% ga past; erkaklarda ham, ayollarda ham chiqarilish tezligi yosh o‘tgan sari sekinlashadi. Yarim chiqarilish davri 42 minutdan 94 minutgacha o‘zgarib turadi. Tavsiya etilgan dozalash tartibiga rioya qilinganda gemtsitabinni to‘liq chiqarilishi infuziya boshidan 5-11 soat davomida amalga oshadi. Gemtsitabin xaftada bir marta yuborilganda organizmda to‘planmaydi. Gemtsitabin va paklitaksel bilan majmuaviy davolash Gemtsitabin va paklitaksel birga yuborilganida preparatlarning farmakokinetikasi o‘zgarmaydi. Gemtsitabin va karboplatin bilan majmuaviy davolash Gemtsitabin va karboplatin birga yuborilganida gemtsitabinning farmakokinetikasi o‘zgarmaydi. Buyrak faoliyatini buzilishi Yengil yoki o‘rtacha darajadagi buyrak yetishmovchiligi (kreatinin klirensi minutiga 30-80 ml) gemtsitabinning farmakokinetikasiga sezilarli ta’sir ko‘rsatmaydi.

Tsisplatin bilan majmuada birinchi qator davolash sifatida, shuningdek 2 ga teng funktsional statusga ega keksa patsiyentlarda monoterapiya sifatida mahalliy tarqalgan yoki metastatik mayda xujayrali bo‘lmagan o‘pka raki.Antratsiklinlarni qo‘llash mumkin bo‘lmagan holatlarda ularni qo‘shish bilan neoad’yuvant va/yoki ad’yuvant davolash o‘tkazilgandan keyin paklitaksel bilan majmuaviy davolash tarkibida rezektsiya qilib bo‘lmaydigan, mahalliy qaytalanuvchi yoki metastatik sut bezi raki.Mahalliy tarqalgan yoki metastatik urogenital rak (qovuq, buyrak jomi, siydik chiqarish kanali, uretra raki).Platina saqlovchi preparatlar asosida birinchi qator davolash o‘tkazilgandan keyin kasallikni avj olishi kuzatilgan patsiyentlarda monoterapiya sifatida yoki karboplatin bilan majmuada mahalliy tarqalgan yoki metastatik tuxumdonlarning epitelial raki.Me’da osti bezining mahalliy tarqalgan yoki metastatik raki.Bachadon bo‘ynining mahalliy tarqalgan yoki metastatik rakida qo‘llanadi.

Gemtsitabin 30 minut davomida vena ichiga tomchilab yuboriladi.

Ayrim holatlarga nisbatan ko‘proq uchragan nojo‘ya reaktsiyalar quyidagi gradatsiyaga muvofiq sanab o‘tilgan: juda tez-tez (>10%); tez-tez (>1% dan <10% gacha); tez-tez emas (>0,1% dan <1% gacha); kam hollarda (>0,01% dan <0,1% gacha); juda kam hollarda (<0,01%). Qon yaratish a’zolari tomonidan: tez-tez – leykopeniya, neytropeniya, trombotsitopeniya, anemiya; tez-tez emas – febril neytropeniya; juda kam hollarda – trombotsitoz. Ovqat hazm qilish tizimi tomonidan: juda tez-tez – ko‘ngil aynishi, qusish, “jigar” transaminazalari (aspartataminotransferaza, alaninaminotransferaza), ishqoriy fosfataza faolligini oshishi; tez-tez – anoreksiya, diareya, qabziyat, stomatit, bilirubin kontsentratsiyasini oshishi; kam hollarda – gamma-glutamiltransferaza faolligini oshishi; mavjud bo‘lgan ma’lumotlar asosida tez-tezligini baholab bo‘lmaydi – ishemik kolit, jigarni toksik shikastlanishi, shu jumladan o‘lim bilan yakunlanuvchi jigar yetishmovchiligi. Siydik chiqarish tizimi tomonidan: juda tez-tez – yengil darajadagi gematuriya va proteinuriya; mavjud bo‘lgan ma’lumotlar asosida tez-tezligini baholab bo‘lmaydi – o‘tkir buyrak yetishmovchiligi, gemolitiko-uremik sindromga o‘xshash klinik belgilar va simptomlar (gemoglobinni pasayishi, trombotsitopeniya, qon zardobida bilirubin, kreatinin, mochevina va/yoki laktatdegidrogenaza darajasini oshishi). Teri va teri hosilalari tomonidan: juda tez-tez – qichishish bilan kechuvchi teri toshmasi, alopetsiya; tez-tez – teri qichishishi, ko‘p terlash; kam hollarda – yara paydo bo‘lishi, pufaklarni hosil bo‘lishi; juda kam hollarda – yaqqol teri reaktsiyalari, shu jumladan deskvamatsiya va bullyoz toshma; mavjud bo‘lgan ma’lumotlar asosida tez-tezligini baholab bo‘lmaydi – Layell sindromi, Stivens-Djonson sindromi. Nafas tizimi tomonidan: juda tez-tez – hansirash; tez-tez – yo‘tal, rinit; tez-tez emas – bronxospazm, interstitsial pnevmoniya; tez-tezligini baholab bo‘lmaydi – o‘pka shishi, o‘tkir respirator distress sindrom. Yurak-qon tomir tizimi tomonidan: kam hollarda – arterial bosimni pasayishi, miokard infarkti, tez-tezligini baholab bo‘lmaydi – aritmiya (asosan supraventrikulyar), yurak yetishmovchiligi, periferik vaskulit va gangrenaning klinik belgilari. Nerv tizimi tomonidan: tez-tez – bosh og‘rig‘i, yuqori uyquchanlik, uyqusizlik; tez-tezligini baholab bo‘lmaydi – insult. Boshqalar: juda tez-tez – lohaslik hissi, grippsimon sindrom, periferik shishlar; tez-tez – tana haroratini oshishi, qaltirash, asteniya, belda og‘riq, mialgiya; kam hollarda – yuzni shishi, yuborish joyida reaktsiya; juda kam hollarda – anafilaktik reaktsiyalar.

Faol moddaga yoki yordamchi moddalardan birontasiga yuqori sezuvchanlik,homiladorlik va emizish davri,18 yoshgacha bo‘lgan bolalarda qo‘llash mumkin emas (samaradorligi va xavfsizligi bo‘yicha yetarli ma’lumotlarni yo‘qligi).

Gemtsitabinning o‘zaro ta’siri bo‘yicha maxsus tadqiqotlar o‘tkazilmagan. Nur bilan davolash Yondosh nur bilan davolash (gemtsitabinni yuborish bilan bir vaqtda yoki davolashni boshlashdan oldin <7 kun interval bilan): ushbu holatda davolashning toksikligi ko‘pgina omillarga, shu jumladan gemtsitabinning dozasi va uni yuborish tez-tezligi, nurlantirish dozasi, nur bilan davolash usuli, nurlantirilayotgan to‘qimaning xarakteri va uning xajmiga bog‘liq. Gemtsitabin radiosensibilizatsiya qiluvchi faollikka ega ekanligi namoyish etilgan. Ko‘krak qafasiga terapevtik nurlantirish bilan birga ketma-ket 6 xafta davomida 1000 mg/m2 dozada gemtsitabin qabul qilgan o‘pkaning mayda xujayrali bo‘lmagan raki bo‘lgan patsiyentlar ishtirokidagi bir tadqiqotda shilliq qavatni og‘ir va hayot uchun potentsial xavf soluvchi yallig‘lanishi, ayniqsa nurlantirilayotgan to‘qimaning katta xajmi (nurlantirilayotgan to‘qimaning medianasi 4795 sm3) asosan ezofagit va pnevmonit ko‘rinishidagi ahamiyatli toksiklik aniqlangan. Keyingi tadqiqotlarda gemtsitabinning pastroq dozalari va nur bilan davolash birga patsiyentlar tomonidan yaxshi o‘zlashtiriladi va oldindan aytib bo‘ladigan toksiklik profili bilan xarakterlanadi. Shunday qilib, II faza bir tadqiqotda o‘pkaning mayda xujayrali bo‘lmagan raki bo‘lgan patsiyentlar 60 Gr dozada nur bilan davolash gemtsitabin (600 mg/m2 4 marta) va tsisplatinni (80 mg/m2 2 marta) 6 xafta davomida birga yuborish bilan olib borilgan. Ketma-ket davolash (>7 kun tanaffus): mavjud bo‘lgan ma’lumotlar bo‘yicha, nur bilan davoshdan kamida 7 kun oldin yoki uni yakunlagandan keyin 7 kundan keyinroq gemtsitabinni yuborish nurlantirishdan keyin ximiopreparatni yuborish bilan bog‘liq terini shikastlashidan tashqari, toksiklikni oshishi bilan kechmagan. Gemtsitabin bilan davolash nur bilan davolashdan 7 kundan keyin yoki nur bilan bog‘liq barcha o‘tkir reaktsiyalar bartaraf etilgandan keyin boshlanishi mumkin. Gemtsitabinni va nur bilan ham yondosh, ham ketma-ket yuborishda nurlantirilayotgan to‘qimaning nur bilan bog‘liq shikastlanishi (masalan, ezofagit, kolit va pnevmonit) kuzatilishi mumkin. Immunodepressantlar (azatioprin, xlorambutsil, glyukokortikosteroidlar, tsiklofosfamid, tsiklosporin, merkaptopurin) infektsiyalar rivojlanishi xavfini oshiradi. O‘zaro ta’sirning boshqa turlari Tirik virusli vaktsinalar bilan bir vaqtda qo‘llanilganda vaktsina virusining replikatsiya jarayonini jadallashishi, uning nojo‘ya/noxush samaralarini kuchayishi va/yoki vaktsinani yuborishga javoban bemor organizmida antitelalarni ishlab chiqarilishini kamayishi kuzatilishi mumkin. Shuning uchun tizimli, ehtimol o‘limga olib keluvchi asoratlar tufayli, ayniqsa immun statusi pasaygan bemorlarda gemtsitabin va bunday vaktsinalarni yuborish orasidagi interval bemorning immun statusiga qarab kamida 3 oy va undan ko‘proqni (12 oygacha) tashkil etishi kerak.

Gemtsitabin bilan davolashni faqat o‘smalarga qarshi ximioterapiya o‘tkazish tajribasiga ega shifokor kuzatuvi ostida olib borish mumkin. Gemtsitabinni har bir yuborishdan oldin qonda trombotsitlar, leykotsitlar va granulotsitlarning miqdorini nazorat qilish kerak. Preparat chaqirgan suyak ko‘migi faoliyatini susayishi belgilari kuzatilganda davolashni to‘xtatish yoki dozaga tuzatish kiritish kerak. Odatda suyak ko‘migi faoliyatini susayishi qisqa muddatli xarakterga ega, dozani kamaytirishni talab etmaydi va davolashni to‘xtatish zaruratiga kam hollarda olib keladi. Gemtsitabin bilan davolash to‘xtatilgandan keyin periferik qon ko‘rsatkichlari yomonlashishda davom etishi mumkin. Gemtsitabinni o‘smalarga qarshi boshqa ximiopreparatlar bilan majmuada qo‘llanilganida suyak ko‘migi faoliyatini kumulyativ susayishi xavfini e’tiborga olish kerak. Bemorni tekshirish va buyrak va jigar faoliyatini baholashni muntazam olib borish kerak. Jigar metastazlari, gepatitda va anamnezida alkogolizmga, shuningdek jigar tsirrozida gemtsitabinni yuborish  jigar yetishmovchiligi rivojlanishi xavfini oshiradi. Gemtsitabin bilan davolash fonida nafas tizimi tomonidan noxush ko‘rinishlar rivojlanishi belgilari paydo bo‘lganida (masalan, o‘pka shishi, interstitsial pnevmonit yoki kattalarda distress-sindrom) davolashni to‘xtatish va tegishli davolash buyurilishi kerak. Trombotsitopeniya, bilirubin, kreatinin, azot mochevinasining zardobdagi darajasini oshishi yoki laktatdegidrogenaza faolligini oshishi bilan kechuvchi gemoglobin darajasini tez pasayishi kabi mikroangiopatik gemolitik anemiyaning birinchi belgilari namoyon bo‘lganida gemtsitabinni bekor qilish kerak. Infuziya davomiyligi va yuborishlar tez-tezligini oshirish toksiklikni oshishiga olib keladi. Anamnezida nur bilan davolash o‘tkazilgan bo‘lsa, teri reaktsiyalari xavfi oshadi. Toksiklik darajasiga qarab dozani har bir tsikl davomida yoki yangi tsikl boshida bosqichma-bosqich kamaytirish mumkin. Gemtsitabin bilan davolash vaqtida va davolash tugaganidan 6 oydan keyin kontratseptsiyaning ishonchli usullaridan foydalanish kerak. Ushbu preparatni qo‘llash bilan bog‘liq bepushtlik xavfi tufayli, gemtsitabin qabul qilayotgan erkaklar davolashni boshlashdan oldin spermani konservatsiya qilish tavsiya etiladi. Natriy miqdori nazorat qilinayotgan parhezga rioya qilayotgan patsiyentlarni davolaganda preparatda quyidagi miqdorda natriyni mavjudligini e’tiborga olish kerak: 200 mg Gemtsitabin medak flakoni 3,5 mg (<1 mmol) natriy saqlaydi; 1000 mg Gemtsitabin medak flakoni 17,5 mg (<1 mmol) natriy saqlaydi; 1500 mg Gemtsitabin medak flakoni 26,3 mg (<1 mmol) natriy saqlaydi.

Gemtsitabin bilan davolashni transport vositalarini boshqarish va mexanizmlar bilan ishlash qobiliyatiga ta’siri haqidagi ma’lumotlar mavjud emas, lekin yuqori uyquchanlik kabi preparatning ayrim nojo‘ya ta’sirlari shunday harakatlarni bajarishga ta’sir etishi mumkin. Gemtsitabin bilan davolash davrida transport vositalarini boshqarganda va diqqatni yuqori jamlash va psixomotor reaktsiyalarning tezligini talab etuvchi potentsial xavfli faoliyat turlari bilan shug‘ullanganda ehtiyotkorlikka rioya qilish kerak. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Yorug‘likdan himoyalangan joyda, 25°S dan yuqori bo‘lmagan haroratda.

Simptomlari: miyelodepressiya, paresteziya, yaqqol teri toshmasi. Gemtsitabinni har 2 haftada 5700 mg/m2 dozada 30 minut davomida tomchilab vena ichiga yuborilganda dozani oshirib yuborilishi kuzatilmagan. Gemtsitabin uchun antidot noma’lum. Gemtsitabinning dozasini oshirib yuborishga gumon bo‘lganda tsitopeniya darajasini nazorat qilish va zarurati bo‘lganida simptomatik davolash o‘tkazish kerak.

Retsept bo‘yicha

3 yil.