50 mg/500 mg li tabletkalar: plyonka qobiq bilan qoplangan, oval shakldagi, chekkalari qiya, och sarg‘ish rangli, bir tomonida “NVR” va ikkinchi tomonida “LLO” bostirib tushirilgan yozuvi bo‘lgan tabletkalar; 50 mg/850 mg li tabletkalar: plyonka qobiq bilan qoplangan, oval shaklidagi, chekkalari qiya, sariq rangli, bir tomonida “NVR” va ikkinchi tomonida “SEH” bostirib tushirilgan yozuvi bo‘lgan tabletkalar; 50 mg/1000 mg li tabletkalar: plyonka qobiq bilan qoplangan, oval shaklidagi, chekkalari qiya, to‘q sariq rangli, bir tomonida “NVR” va ikkinchi tomonida “FLO ” bostirib tushirilgan yozuvi bo‘lgan tabletkalar.

Qandli diabetni davolash uchun vositalar. Peroral qabul qilish uchun qand miqdorini pasaytiruvchi preparatlar. Biguanidlar va dipeptidilpeptidaza-4 (DPP-4) ingibitorlarining majmuasi. Metformin va vildagliptin.

A10BD08.

So‘rilishi Galvusmet® Bioekvivalentligiga doir tadqiqotda Galvusmet® preparatining uchta turli (50 mg/500 mg, 50 mg/850 mg va 50 mg/1000 mg) dozalarini vildagliptin va metformin gidroxloridini tegishli dozalarda erkin (qat’iy qayd etilmagan) majmualari bilan taqqoslangan. Galvusmet® preparatining har ikkala komponenti bioekvivalentligi erkin majmualar komponentlarining AUC va Cmax ko‘rsatkichlari bo‘yicha namoyon qilingan. Ovqatlanish Galvusmet® preparati qabul qilinganida vildagliptin so‘rilishi tezligi va darajasiga ta’sir ko‘rsatmaydi. Galvusmet® preparati tarkibiga kiruvchi metformin gidroxloridining Cmax va AUC ko‘rsatkichlari ushbu preparatni ovqatlanish bilan birga qabul qilinganida muvofiq ravishda 26% va 7% ga pasayadi. Preparatni ovqatlanish bilan birga qabul qilinganida metformin gidroxloridi Tmax ko‘rsatkichining (2,0 soatdan 4,0 soatgacha) oshishi shuningdek metforminning so‘rilish tezligi ham pasayishi haqida dalolat beradi. Metformin gidroxloridini alohida preparat ko‘rinishida ovqatlanish bilan bir vaqtda qabul qilinganida Cmax va AUC ko‘rsatkichlarining shunga o‘xshash, ammo yaqqolroq ifodalangan o‘zgarishlari kuzatiladi. Ovqatlanishni Galvusmet® preparati tarkibida vildagliptin va metformin gidroxloridi farmokokinetikasiga ta’siri alohida preparatlar ko‘rinishida vildagliptin va metformin gidroxloridi farmakokinetikasiga ta’siri bilan aynan bir xil bo‘lgan. Vildagliptin Och qoringa ichga qabul qilinganidan keyin vildagliptin tez so‘riladi, plazmada uning kontsentratsiyasi eng yuqori darajasiga 1,75 soat o‘tgach erishiladi. Ovqatlanish bilan bir vaqtda qabul qilinganida preparatning uning so‘rilish tezligi bir oz pasayadi, uning kontsentratsiyasi eng yuqori darajasini 19% ga kamayishi va kontsentratsiyaning eng yuqori darajaga erishishi vaqtini 2,5 soatgacha ko‘payishi bu haqda dalolat beradi. Shuning bilan birga ovqatlanish preparat so‘rilishi darajasiga va uning umumiy ekspozitsiyasiga (AUC ko‘rsatkichiga) ta’sir ko‘rsatmaydi. Metformin gidroxloridi Och qoringa 500 mg metformin gidroxloridi ichga qabul qilinganida uning mutloq biokiraolishligi taxminan 50-60% ni tashkil etadi. Tabletka shaklidagi metformin gidroxloridi preparatini 500 mg dan 1500 mg gacha va 850 mg dan 2550 mg gacha dozada bir marta peroral qabul qilinishiga asoslangan tadqiqotlarda metformin gidroxloridining farmakokinetik ko‘rsatkichlari yuborilgan dozaga proportsional emasligi aniqlangan bo‘lib, preparat chiqarilishi tezligi o‘zgarishiga qaraganda doza oshishi bilan preparat so‘rilishining yomonlashishidan ko‘proq kelib chiqadi. Ovqatlanish metformin gidroxloridining so‘rilish darajasini va kamroq darajada so‘rilish tezligini pasaytiradi, 850 mg tabletka shaklidagi metformin gidroxloridini och qoringa qabul qilinishiga nisbatan ovqatlanish bilan bir vaqtda bir marta qabul qilinganida Cmax ni taxminan 40% ga pasayishi, AUC ko‘rsatkichini 25% ga pasayishi va plazmada eng yuqori kontsentratsiyaga (Tmax) erishish vaqtini 35 minutga ko‘payishi bu haqda dalolat beradi. Ushbu kuzatuvlarning klinik ahamiyati noma’lum. Taqsimlanishi Vildagliptin Vildagliptinni plazma oqsillari bilan bog‘lanishi past (9,3%) bo‘lib, preparat plazma va qonning qizil tanachalari o‘rtasida teng taqsimlanadi. Vena ichiga yuborilganidan keyin muvozanat holatida vildagliptinni o‘rtacha taqsimlanishi hajmi (Vss) 71 l ni tashkil etadi, bu tomirdan tashqaridagi bo‘shliqda taqsimlanishi haqida dalolat beradi. Metformin gidroxloridi 850 mg metformin gidroxloridi ichga bir marta qabul qilinganidan keyin taxminiy taqsimlanish hajmi (V/F) o‘rtacha 654 ± 358 l ni tashkil etadi. Plazma oqsillari bilan bog‘lanish darajasi 90% dan oshadigan sulfonilmochevina preparatlaridan farqli ravishda metformin gidroxloridi plazma oqsillari bilan deyarli bog‘lanmaydi. Metformin gidroxloridi eritrotsitlarda to‘planadi, ma’lum vaqt o‘tgach eritrotsitlarda uning kontsentratsiyasi oshadi. Odatdagi dozalash tartibi qo‘llanilganida plazmada metformin gidroxloridining muvozanat kontsentratsiyasi 24-48 soat ichida erishiladi va odatda 1 mkg/ml dan kamni tashkil etadi. Nazorat qilinadigan klinik sinovlar davomida hatto metformin gidroxlordining maksimal dozalari bilan davolanganda uning plazmada maksimal kontsentratsiyasi 5 mkg/ml dan oshmagan. Biotransformatsiyasi/metabolizmi Vildagliptin Jigarda metabolizmga uchrashi odamda vildagliptin chiqarilishining asosiy yo‘li bo‘lib hisoblanadi, shu tarzda yuborilgan dozaning 69 foizi chiqariladi. LAY151 – tsianoguruh gidrolizi natijasida hosil bo‘ladigan farmakologik jihatdan nofaol birikma asosiy metabolit bo‘lib hisoblanadi, yuborilgan dozaning 57 foizi mazkur metabolit ko‘rinishida chiqariladi, yuborilgan dozaning 4 foizi amidoguruh gidrolizi natijasida hosil bo‘ladigan metabolit ko‘rinishida chiqariladi. Vildagliptin R450 tsitoxromi izofermentlari ishtirokida miqdor jihatidan baholash mumkin bo‘lgan miqdorlarda metabolizmga uchramaydi. In vitro sharoitdagi tadqiqotlarda vildagliptin R450 tsitoxromi fermentlarini ingibitsiya va induktsiya qilmasligi namoyon qilingan. Metformin gidroxloridi Metformin o‘zgarmagan ko‘rinishda siydik bilan chiqariladi. Metabolitlar odamlarda identifikatsiya qilinmagan. Chiqarilishi Vildagliptin [14C] bilan nishonlangan vildagliptin ichga qabul qilinganidan keyin dozaning taxminan 85 foizi siydik bilan, 15 foizi axlat bilan chiqariladi. Ichga qabul qilingan dozaning 23 foizi buyraklar orqali o‘zgarmagan ko‘rinishda chiqariladi. Sog‘lom ko‘ngillilarga vena ichiga yuborilganida vildagliptinning umumiy plazma va buyrak klirensi muvofiq ravishda soatiga 41 l va soatiga 13 l ni tashkil etadi. Vena ichiga yuborilganidan keyin preparatning o‘rtacha yarim chiqarilishi davri taxminan 2 soatni tashkil etadi. Ichga qabul qilinganidan keyin yarim chiqarilishi davri taxminan 3 soatni tashkil etadi va dozaga bog‘liq bo‘lmaydi. Metformin gidroxloridi Sog‘lom shaxslarga metformin gidroxloridini vena ichiga bir marta yuborilishiga asoslangan tadqiqotlarda preparat o‘zgarmagan ko‘rinishda siydik bilan chiqarilishi, jigarda metabolik o‘zgarishlarga uchramasligi (metformin metabolitlari odamda aniqlanmagan) va safro bilan chiqarilmasligi namoyon qilingan. Metformin gidroxloridining buyrak klirensi kreatinin klirensidan taxminan 3,5 marta ortiq bo‘ladi, bu preparat ko‘proq buyrak kanalchalarida sekretsiya yo‘li bilan chiqarilishi haqida dalolat beradi. Ichga qabul qilinganidan keyin so‘rilgan preparatning taxminan 90 foizi dastlabki 24 soat davomida buyraklar orqali chiqariladi, preparatning plazmada yarim chiqarilishi davri taxminan 6,2 soatni tashkil etadi. Qonda metformin gidroxloridini yarim chiqarilishi davri taxminan 17,6 soatni tashkil etadi, bu preparat eritrotsitlarda to‘planishi mumkinligini ko‘rsatadi. Proportsionallik Vildagliptin Vildagliptin tez so‘riladi va peroral qabul qilinganida uning mutloq biokiraolishligi 85% ni tashkil etadi. Dozalarning davolash intervallarida plazmada vildagliptinning eng yuqori kontsentratsiyasi va AUC ko‘rsatkichi taxminan yuborilgan dozaga proportsional bo‘ladi.

Qandli diabetning 2 tipi bo‘lgan patsiyentlar uchun: metformin yoki vildagliptin bilan monoterapiya yetarlicha samara bermaganida qandli diabetning 2 tipida glikemiyani nazorat qilishni yaxshilash maqsadida parhez bilan davolash va jismoniy mashqlarga qo‘shimcha sifatida;glikemiyani mos ravishda nazorat qilishga erishmagan holda ilgari metformin va sulfonilmochevina hosilalari bilan davolangan qandli diabetning 2 tipida glikemiyani nazorat qilishni yaxshilash maqsadida parhez bilan davolash va jismoniy mashqlarga qo‘shimcha sifatida sulfonilmochevina bilan majmuada (uchta preparat bilan davolashda);glikemiyani mos ravishda nazorat qilishga erishmagan holda ilgari barqaror dozada insulin bilan va metformin bilan davolangan qandli diabetning 2 tipida glikemiyani nazorat qilishni yaxshilash maqsadida parhez bilan davolash va jismoniy mashqlarga qo‘shimcha sifatida insulin bilan majmuada;faqat parhez va jismoniy mashqlar mos ravishda glikemik nazoratni ko‘rsatmagan, qandli diabetning 2 tipi bo‘lgan patsiyentlarni boshlang‘ich davolash uchun qo‘llaniladi.

Kattalar Preparatdan antigiperglikemik vosita sifatida qandli diabetning 2 tipida foydalanilganida uning dozasi individual ravishda, samaradorlik va uni o‘zlashtiraolishlikni inobatga olgan holda tanlanadi. Galvusmet® preparati buyurilganida vildagliptinni maksimal sutkalik dozasini (100 mg) oshirmaslik lozim. Galvusmet® preparatining tavsiya etiladigan boshlang‘ich dozasi patsiyentning holatiga va/yoki vildagliptin va/yoki metformin gidroxloridining hozirgi vaqtda patsiyent qabul qilayotgan tegishli dozasiga asoslangan bo‘lishi kerak. Me’da-ichak yo‘llari tomonidan metformin gidroxloridining nojo‘ya ta’sirlarini oldini olish uchun Galvusmet® preparatini ovqatlanish vaqtida qabul qilish lozim. Agar Galvusmet® preparatining dozasi o‘tkazib yuborilgan bo‘lsa, uni patsiyent bu haqda eslagan zahotiyoq qabul qilish zarur. Aynan bir kunda dozani ikki marta qabul qilinmasligi kerak. – Vildagliptin bilan monoterapiyada holati lozim darajada nazorat qilinmaydigan patsiyentlar uchun boshlang‘ich doza Metformin gidroxloridning odatdagi boshlang‘ich dozalariga (bir kunda ikki marta 500 mg yoxud bir kunda bir marta 850 mg) asoslangan holda, Galvusmet® preparati bilan davolashni davolashga bo‘lgan javobning mosligi baholanganidan keyin dozalarni titrlagan holda bir kunda ikki marta 50 mg/500 mg li tabletkalarni qabul qilishdan boshlash mumkin. – Metformin gidroxloridi bilan monoterapiyada holati lozim darajada nazorat qilinmaydigan patsiyentlar uchun boshlang‘ich doza Patsiyent tomonidan qabul qilinayotgan metformin gidroxloridining joriy dozasiga asoslangan holda, Galvusmet® preparati qo‘llanilishini bir kunda ikki marta har qanday dozadagi: 50 mg/500 mg, 50 mg/850 mg yoki 50 mg/1000 mg li tabletkalardan boshlash mumkin. – Vildagliptin va metformin bilan majmuaviy davolashdan alohida preparatlar ko‘rinishida davolashga o‘tayotgan patsiyentlar uchun boshlang‘ich doza Patsiyent tomonidan qabul qilinayotgan vildagliptin yoki metformin dozasiga asoslangan holda Galvusmet® preparati qo‘llanilishini har qanday dozadagi: 50 mg/500 mg, 50 mg/850 mg yoki 50 mg/1000 mg li tabletkalardan boshlash mumkin. – Ilgari diabetga qarshi preparatlar bilan davolanmagan patsiyentlar uchun boshlang‘ich doza Galvusmet® preparati bilan davolashni davolashga bo‘lgan javobning mosligi baholanganidan keyin dozalarni asta-sekin bir kunda ikki marta maksimal 50 mg/1000 mg dozagacha titrlagan holda bir kunda bir marta 50 mg/500 mg li tabletkalarni qabul qilishdan boshlash mumkin. – Metformin bilan majmuaviy davolashdan sulfonilmochevina bilan davolashga o‘tayotgan patsiyentlar uchun boshlang‘ich doza Galvusmet® preparatining dozasi bir kunda ikki marta 50 mg vildagliptinni (sutkada doza 100 mg) va patsiyent tomonidan ilgari qabul qilingan metformin dozasini ta’minlashi kerak. Agar Galvusmet® preparati sulfonilmochevina bilan majmuada qo‘llanilsa, gipoglikemiya rivojlanishi xavfini pasaytirish uchun sulfonilmochevinaning ancha pastroq dozalarini buyurish imkoniyatini ko‘rib chiqish lozim. – Insulin bilan va metforminning maksimal o‘zlashtiraolinadigan dozasi bilan majmuaviy davolashdan o‘tayotgan patsiyentlar uchun boshlang‘ich doza Galvusmet® preparatining dozasi bir kunda ikki marta 50 mg vildagliptinni (sutkada doza 100 mg) va patsiyent tomonidan ilgari qabul qilingan metformin dozasini ta’minlashi kerak. Vildagliptin va metforminning tiazolidindion bilan uch komponentli majmuaviy davolash tarkibida xavfsizligi va samaradorligi aniqlanmagan.

Taqdim etilgan ma’lumotlar vildagliptin va metforminni erkin va aniq belgilangan majmualar ko‘rinishida qo‘llashga taalluqlidir.

vildagliptin yoki metformin gidroxloridga yoki preparatning har qanday boshqa komponentlariga yuqori sezuvchanlikda;o‘tkir yoki surunkali metabolik atsidozda, shu jumladan laktoatsidoz yoki koma bilan va komasiz diabetik ketoatsidozda. Diabetik ketoatsidoz insulin bilan davolanishi kerak.buyrak funktsiyasini og‘ir buzilishida (KFT < 30 ml/minut);degidratatsiya, og‘ir infektsiya, shok kabi buyrak funktsiyasini buzilishini rivojlanishi xavfi bilan kechadigan o‘tkir holatlarda, yodlangan kontrast vositalarni vena ichiga yuborishda;yurak yoki nafas yetishmovchiligi, yaqinda o‘tkazilgan miokard infarkti, shok kabi to‘qimalar gipoksiyasini keltirib chiqarishga qodir o‘tkir yoki surunkali kasalliklarda;alkogoldan o‘tkir zaharlanishda, alkogolizmda;jigar funktsiyasini buzilishida;laktatsiya davrida qo‘llash mumkin emas.

Vildagliptinni (bir kunda 1 marta 100 mg) va metformin gidroxloridini (bir kunda 1 marta 1000 mg) bir vaqtda qo‘llanilishi davrida klinik ahamiyatga ega farmakokinetik o‘zaro ta’sirlar kuzatilmagan. Galvusmet® preparati har bir komponentining boshqa dori vositalari bilan o‘zaro ta’siri sinchkovlik bilan o‘rganilgan. Quyida yakka ravishda ta’sir etuvchi moddalarga (vildagliptin va metforminga) doir hamma foydalana oladigan ma’lumotni aks ettiruvchi ma’lumotlar keltirilgan. Vildagliptin Vildagliptin dorilarning o‘zaro ta’siri rivojlanishi bo‘yicha past potentsialga ega. Vildagliptin P (CYP) 450 tsitoxromi tizimi fermentlarining substrati bo‘lmaganligi, shuningdek CYP 450 fermentlarini ingibitsiya va induktsiya qilmaganligi tufayli, vildagliptinni ushbu ferment tizimining substratlari, ingibitorlari yoki induktorlari bo‘lgan boshqa dori vositalari bilan o‘zaro ta’siri ehtimoli kam. Vildagliptin CYP 1A2, CYP 2C8, CYP 2C9, CYP 2C19, CYP 2D6, CYP 2E1 va CYP 3A4/5 ishtirokida metabolizmga uchraydigan preparatlarning metabolik klirensiga ta’sir qilmaydi. Vildagliptinni qandli diabetning 2 tipida tez-tez buyuriladigan dori vositalari, shuningdek tor terapevtik diapazoniga ega preparatlar bilan o‘zaro ta’siri bo‘yicha tadqiqotlar o‘tkazilgan. Ushbu tadqiqotlar natijasida vildagliptinni qand miqdorini pasaytiruvchi boshqa peroral preparatlar (glibenklamid, pioglitazon, metformin gidroxloridi) bilan yoki amlodipin, digoksin, ramipril, simvastatin, valsartan va varfarin bilan klinik jihatdan ahamiyatli o‘zaro ta’sirlari aniqlanmagan. Diabetga qarshi boshqa dori vositalarini qabul qilishdagi kabi vildagliptinni gipoglikemik ta’siri tiazidlar, kortikosteroidlar, tireoid vositalari va simpatomimetiklar kabi moddalar bilan pasaytirilishi mumkin. Metformin gidroxloridi Metforminning farmakokinetik o‘zaro ta’sirlariga doir quyidagilar ma’lum. Furosemid. Furosemid metformin Cmax va AUC ko‘rsatkichlarini oshiradi, bunda metforminning buyrak klirensi o‘zgarmas bo‘lib qoladi. Metformin furosemidning buyrak klirensiga ta’sir ko‘rsatmagan holda uning Cmax va AUC ko‘rsatkichini pasaytiradi. Nifedipin. Nifedipin metforminning so‘rilishini tezlashtiradi, Cmax va AUC ko‘rsatkichlarini oshiradi, shuningdek uning siydik bilan ajralishini kuchaytiradi. Metformin nifedipin farmakokinetikasiga sezilarli ta’sir ko‘rsatmaydi. Gliburid. Gliburid metforminning farmakokinetik va farmakodinamik ko‘rsatkichlariga ta’sir ko‘rsatmaydi. Metformin va gliburid bir vaqtda qo‘llanilganida gliburidning Cmax va AUC ko‘rsatkichlari pasayishi kuzatilgan, biroq ushbu ta’sirning ifodalanganligi keng chegaralarda o‘zgarib turgan. Olingan ma’lumotlarning klinik ahamiyati noma’lum. Yod saqlovchi kontrast vositalar. Metforminni saqlovchi (Galvusmet® kabi) preparatlarni qabul qilish vizual tekshirishga qadar yoki tekshirish vaqtida to‘xtatilishi va tekshirishdan keyin 48 soat davomida qayta boshlanmasligi kerak, uni keyingi qabul qilinishi esa, faqat agar buyrak funktsiyasini tekshirishda uning barqarorligi tasdiqlansa, buyurilishi mumkin. Kation preparatlari. Buyrak kanalchalariga sekretsiya yo‘li bilan chiqariladigan kation preparatlari (amilorid, digoksin, morfin, prokainamid, xinidin, xinin, ranitidin, triamteren, trimetoprim va vankomitsin kabi) buyraklar kanalchalarining umumiy transport tizimlari uchun raqobat sababli metformin farmakinetikasiga nazariy jihatdan ta’sir qilishi mumkin. Tsimetidin plazmada/qonda metformin kontsentratsiyasini va AUC ko‘rsatkichini muvofiq ravishda 60% va 40% ga oshiradi. Metformin tsimetidin farmakokinetikasiga ta’sir ko‘rsatmaydi. Dorilarning bunday o‘zaro ta’siri ehtimoli (tsimetidin bundan mustasno) nazariy jihatdan bo‘lishi mumkinligiga qaramay, metforminni yuqorida sanab o‘tilgan preparatlar bilan birga buyurilganida patsiyent holatini sinchkovlik bilan kuzatish va har ikkala preparat dozalarini nazorat qilish tavsiya etiladi. Boshqa preparatlar. Ayrim preparatlar, masalan nosteroid yallig‘lanishga qarshi vositalar, shu jumladan tsiklooksigenaza (TsOG) II selektiv ingibitorlari, AAF ingibitorlari, angiotenzin II retseptorlarining antagonistlari va diuretiklar, ayniqsa xalqasimon diuretiklar buyrak funktsiyasiga salbiy ta’sir ko‘rsatishi mumkin, bu esa laktoatsidoz xavfini oshirishi mumkin. Bunday vositalarni metformin-saqlovchi preparatlar (masalan, Galvusmet®) bilan birga qabul qilish boshlanishida yoki qo‘llashda buyrak funktsiyasini sinchkov nazorat qilish zarur. Ayrim dori vositalari giperglikemiyani va buning oqibatida qandli diabetning dekompensatsiyasini keltirib chiqarishi mumkin. Tiazidlar va boshqa diuretiklar, kortikosteroidlar, fenotiazinlar, tireoid gormonlar preparatlari, estrogenlar, peroral kontratseptivlar, fenitoin, nikotin kislotasi, simpatomimetiklar, kaltsiy kanallari blokatorlari va izoniazid bunday ta’sirga ega. Metforminni qabul qilayotgan patsiyentlarga ushbu preparatlar buyurilganida yoki ularning qo‘llanilishi bekor qilinganida qonda glyukoza darajasini tez-tez nazorat qilish va metformin dozasiga o‘z vaqtida tuzatish kiritish zarur. Metforminni (Galvusmet® preparati tarkibiga kiruvchi faol substantsiyalardan birini) qabul qilayotgan patsiyentlar o‘tkir alkogol zaharlanishi vaqtida (ayniqsa uzoq muddatli och qolish, ozib ketish yoki jigar yetishmovchiligi fonida) laktoatsidoz rivojlanishi yuqori xavfiga ega. Galvusmet® preparati bilan davolash vaqtida alkogolni va alkogol saqlovchi preparatlarni qabul qilishdan saqlanish lozim.

Galvusmet® insulinga qaram patsiyentlarda insulin o‘rnini bosa olmaydi. Preparat qandli diabetning 1 tipi bo‘lgan patsiyentlarda yoki diabetik ketoatsidozni davolash uchun qo‘llanilmasligi kerak. Laktoatsidoz Laktoatsidoz juda kam hollarda uchraydigan, ammo jiddiy metabolik asorat bo‘lib hisoblanadi va u ko‘pincha buyrak funktsiyasini yoki kardiorespirator kasalliklar yoki sepsis keskin yomonlashishi bilan kechadi. Metformin to‘planishi buyrak funktsiyasini keskin yomonlashishi bilan yuz beradi va sut kislotali atsidoz rivojlanishi xavfini oshiradi. Suvsizlanganda (masalan, og‘ir diareya yoki qusish, isitma yoki suyuqlikni iste’mol qilish pasayishi tufayli) patsiyent metforminni saqlovchi preparatlar (masalan, Galvusmet®) qabul qilinishini to‘xtatishi va darhol shifokorga murojaat qilishi kerak. Metforminni saqlovchi preparatlarni (Galvusmet® kabi) qabul qiluvchi patsiyentlar buyrak funktsiyasini keskin yomonlashtirishi mumkin bo‘lgan dori preparatlarini (gipertoniyaga qarshi, siydik haydovchi va nosteroid yallig‘lanishga qarshi vositalar kabi preparatlarni) qabul qilishni ehtiyotkorlik bilan boshlashi kerak. Laktoatsidoz xavfining boshqa omillari alkogolni haddan tashqari ko‘p iste’mol qilish, jigar funktsiyasini buzilishi, nazorat qilinmaydigan diabet, ketoz, uzoq vaqt och qolishni va gipoksiya bilan bog‘liq har qanday sharoitlarni, shuningdek laktoatsidozga olib kelishi mumkin bo‘lgan dori vositalarini birga qabul qilishni o‘z ichiga oladi. Laktatsidoz diagnostikasi Patsiyentlar va/yoki ularni parvarishlayotgan shaxslar laktoatsidoz xavfi haqida xabardor qilinishi kerak. Laktoatsidoz atsidotik hansirash, qorinda og‘riq, mushak tirishishlari, asteniya va keyingi koma yuz berishi bilan gipotermiya bilan xarakterlanadi. Taxmin qilinadigan simptomlar paydo bo‘lganida patsiyent metforminni saqlovchi (Galvusmet® kabi) preparatlarni qabul qilishni to‘xtatishi va darhol shifokorga murojaat qilishi kerak. Tashhislash laboratoriya ma’lumotlari qon rN ko‘rsatkichi pasayganligini (<7,35), plazmada sut kislotasi tuzlarining yuqori darajalarini (>5 mmol/l) va anion intervali va laktat/piruvat nisbati oshganligini o‘z ichiga oladi. Metabolik atsidozga shubha qilinganida metforminni saqlovchi preparatlar (masalan, Galvusmet®) bilan davolashni to‘xtatish va patsiyentni darhol shifoxonaga joylashtirish lozim. Buyrak funktsiyasi holatini nazorat qilish KFT ni davolash boshlanishiga qadar va muntazam ravishda davolash vaqtida baholash lozim. Metforminni saqlovchi (Galvusmet® kabi) preparatlarni KFT <30 ml/minut bo‘lgan patsiyentlarda qo‘llash mumkin emas va buyrak funktsiyasini o‘zgartiradigan sharoitlar mavjud bo‘lganida ularni qabul qilish vaqtincha to‘xtatilishi kerak. Ma’lumki, metformin gidroxloridi asosan buyraklar orqali chiqariladi, metformin gidroxloridi to‘planishi va laktoatsidoz xavfi esa buyrak funktsiyasi yomonlashgani sari ortib boradi. Keksalik buyrak funktsiyasini pasayishi bilan kechganligi tufayli, adekvat glikemik ta’sirga erishish uchun minimal dozani aniqlash maqsadida keksa yoshdagi insonlarda metforminni saqlovchi preparatlar (masalan, Galvusmet®) sinchkovlik bilan titrlanishi kerak, bundan tashqari buyrak funktsiyasini muntazam ravishda nazorat qilish lozim. Jigar funktsiyasini buzilishlari Jigar funktsiyasini buzilishi bo‘lgan patsiyentlarga, shu jumladan davolash boshlanishiga qadar ALT yoki AST darajalari normaning yuqori chegarasidan 2,5 martadan ortiq oshgan hollarda vildagliptinni buyurish tavsiya etilmaydi. Jigar fermentlari faolligini nazorat qilish Vildagliptin bilan davolashda kam hollarda jigar funktsiyasini buzilishi (shu jumladan gepatit) haqida xabar berilgan. Ushbu asorat, odatda, simptomsiz va qoldiq holatlarsiz kechgan, jigar funktsional sinamalari preparat qo‘llanilishi bekor qilinganidan keyin normal holatga qaytgan. Galvusmet® preparati bilan davolash boshlanishiga qadar patsiyentning jigar funktsional holatini baholash lozim. Galvusmet® preparati bilan davolashning birinchi yili davomida jigar funktsional sinamalarini har 3 oyda va keyinchalik davriy nazorat qilish lozim. Transferazalar yuqori faolligi aniqlanganida patsiyentda olingan natijani tasdiqlash uchun takroriy tadqiqot bajarilishi kerak, keyinchalik jigar funktsional sinamalarini ular normal holatga kelishiga qadar tez-tez nazorat qilish zarur. Agar AST yoki ALT faolligi NYUCh dan 3 marta yoki undan ko‘p oshishi qayta boshlansa, Galvusmet® preparati bilan davolashni to‘xtatish tavsiya etiladi. Sariqlik yoki jigar funktsiyasini buzilishining boshqa belgilari yuzaga kelganida patsiyent Galvusmet® preparatini qabul qilishni to‘xtatishi va darhol shifokorga murojaat qilishi lozim. Agar Galvusmet® preparatini qo‘llash jigar tomonidan nojo‘ya ta’sirlar rivojlanishi sababli bekor qilingan bo‘lsa, jigar funktsional sinamalari normaga kelganidan so‘ng ushbu preparat bilan davolashni qayta boshlash mumkin emas. Yurak yetishmovchiligi NYHA tasnifi bo‘yicha I-III sinfdagi SYUЕ bo‘lgan patsiyentlarda vildagliptinni qo‘llashning klinik tadqiqoti shuni ko‘rsatadiki, vildagliptin bilan davolash platseboga nisbatan yurak chap qorinchasi funktsiyasiga yoki mavjud SYUЕ ni rivojlanishiga ta’sir ko‘rsatmaydi. Vildagliptinni qabul qilgan, NYHA bo‘yicha III sinfdagi SYUЕ bo‘lgan patsiyentlarda klinik tajriba hamon cheklangan va noaniq natijalarga ega. Klinik sinovlarda NYHA bo‘yicha IV sinfdagi SYUЕ bo‘lgan patsiyentlarda vildagliptinni qo‘llash tajribasi mavjud emas, shu sababli bunday patsiyentlarda uni qo‘llash tavsiya etilmaydi. Gipoksiya bilan kechadigan holatlar Yurak-qon tomir kollapsi (shok), o‘tkir turg‘un yurak yetishmovchiligi, o‘tkir miokard infarkti va gipoksemiya bilan kechadigan boshqa holatlar laktoatsidoz rivojlanishiga olib kelishi, shuningdek prerenal azotemiyani keltirib chiqarishi mumkin. Galvusmet® preparati bilan davolash vaqtida bunday holatlar yuzaga kelganida, preparat qo‘llanilishi darhol bekor qilinishi kerak. Teri tomonidan buzilishlar Terining diabet ta’siridagi asoratlari bo‘lgan patsiyentlarda qo‘llash tajribasi cheklangan. Postmarketing davrda terining bullyoz va eksfoliativ shikastlanishlari hollari haqida xabar berilganligi tufayli, qavariqlar yoki yaralar kabi buzilishlar mavjudligi yuzasidan patsiyent terisi holatini muntazam monitoringi o‘tkazilishi tavsiya etiladi. Pankreatit Postmarketing davrda o‘tkir pankreatit hollari haqida xabar berilganligi tufayli, patsiyentni o‘tkir pankreatitga xos simptom – qorinda doimiy kuchli og‘riq haqida xabardor qilish lozim. Vildagliptinni qabul qilish to‘xtatilganidan keyin pankreatit simptomlarini yo‘qolishi kuzatilgan. Anamnezda o‘tkir pankreatit mavjud bo‘lganida vildagliptin qo‘llanilishini bekor qilish lozim. Alkogolni iste’mol qilish Alkogol metformin gidroxloridini laktat metabolizmiga ta’sirini kuchaytirishi aniqlangan. Patsiyentlarni metforminni saqlovchi preparatlar (Galvusmet® kabi) bilan davolash fonida alkogolni suiiste’mol qilish mumkin emasligi haqida ogohlantirish lozim. Alkogoldan mast bo‘lish ayniqsa och qolish, to‘yib ovqatlanmaslik yoki jigar funktsiyasi buzilishi hollarida laktoatsidoz rivojlanishi yuqori xavfi bilan bog‘liq. Gipoglikemiya Faqat Galvusmet® preparatini qabul qilayotgan patsiyentlarda gipoglikemiya odatda yuzaga kelmaydi, biroq bu yetarlicha kaloriyaga ega bo‘lmagan ovqatlanishda, jadal jismoniy zo‘riqishlarda energetik yo‘qotishlar o‘rni ovqat bilan to‘ldirilmaganida yoki alkogol iste’mol qilinganida bo‘lishi mumkin. Gipoglikemiya rivojlanishiga keksa yoshdagi shaxslar, quvvatsizlangan yoki yomon ovqatlanuvchi patsiyentlar, buyrak usti bezlari po‘stlog‘i yetishmovchiligi, gipopituitarizmi bo‘lgan yoki alkogoldan zaharlangan patsiyentlar moyil bo‘ladilar. Keksa yoshdagi patsiyentlarda va beta-adrenoblokatorlarni qabul qilayotgan patsiyentlarda gipoglikemiyani aniqlash qiyin kechishi mumkin. Sulfonilmochevina preparatlari (SMP) gipoglikemiyani keltirib chiqaradi. Vildagliptinni SMP bilan majmuada qabul qilayotgan patsiyentlar gipoglikemiya rivojlanishi xavfiga duchor bo‘lishlari mumkin. Gipoglikemiya rivojlanishi xavfini pasaytirish uchun SMP ning pastroq dozalarini buyurish masalasini ko‘rib chiqish lozim. B12 vitamini darajasiga ta’siri

Homiladorlik davri Vildagliptinni metformin gidroxloridi bilan 1:10 nisbatda majmuaviy holda qo‘llanilganida kalamushlar yoki quyonlarda o‘tkazilgan homilaning ona qornida rivojlanishiga doir tadqiqotlar (teratologiya) har ikkala turda teratogenlik dalillari yo‘qligini ko‘rsatdi. Homilador ayollarda preparatni qo‘llash bo‘yicha yetarlicha tajriba yo‘q, shu sababli Galvusmet® preparati homiladorlik davrida qo‘llanilmasligi kerak. Emizish davri Galvusmet® preparati tarkibiga kiruvchi faol substantsiyalar majmuasini qo‘llash bo‘yicha tadqiqotlar emizish davrida o‘tkazilmagan. Metformin odam ko‘krak suti bilan chiqariladi. Vildagliptin odam ko‘krak suti bilan chiqarilishi noma’lumligi tufayli, Galvusmet® preparati emizikli ayollarda qo‘llanilmasligi kerak.

30ºS dan yuqori bo‘lmagan haroratda, original o‘ramida saqlansin, nam ta’siridan himoya qilinsin.

Vildagliptin Vildagliptin dozasini oshirib yuborish ehtimoli simptomlari haqidagi ma’lumot vildagliptinni 10 kalendar kungacha sutkada 25 mg, 50 mg, 100 mg, 200 mg va 400 mg dozalarda qabul qilgan sog‘lom ko‘ngillilarda o‘tkazilgan tadqiqotlardan olingan. 200 mg gacha bo‘lgan dozalar ta’siri yaxshi o‘zlashtirilgan. Preparatni 400 mg gacha dozada qo‘llanilganida mushak og‘rig‘i hollari hamda yengil va o‘tuvchan paresteziya, isitma, shishlar, lipaza faolligining tranzitor (NYUCh dan 2 marta ortiq darajaga qadar) oshishi yakka hollari kuzatilgan. Preparatni 600 mg dozada qo‘llanilganida qo‘l panjalari va oyoq kaftlarining shishlari, kreatinfosfokinaza (KFK) faolligini NYUCh dan yuqori oshishi, shuningdek aspartataminotransferaza (AST) faolligi, S-reaktiv oqsil va mioglobin darajalarining oshishi, parasteziya kuzatilgan. Preparat qo‘llanilishi bekor qilinganidan keyin barcha simptomlar yo‘qolgan va laboratoriya ko‘rsatkichlari normaga qaytgan. Vildagliptin dializda organizmdan chiqarilmaydi, biroq uning gidroliz natijasida hosil bo‘ladigan asosiy metaboliti (LAY151) gemodializ yo‘li bilan organizmdan chiqarilishi mumkin. Metformin gidroxloridi Metformin gidroxloridi dozasini, shu jumladan preparatni 50 g dan ortiq dozalarda qabul qilinganida dozani oshirib yuborilishi hollari haqidagi xabarlar mavjud. Bunda 10% hollarda gipoglikemiya kuzatilgan, biroq uning metformin gidroxloridi bilan sabab o‘zaro bog‘liqligi aniqlanmagan. Taxminan 32% hollarda metformin gidroxloridi dozasini oshirib yuborilishi laktoatsidoz bilan kechgan. Barqaror gemodinamika sharoitlarida metformin gidroxloridi dializ yo‘li bilan chiqariladi, bunda uning klirensi minutiga 170 ml ko‘rsatkichga erishadi. Shu sababli metformin gidroxloridi dozasini oshirib yuborilishiga shubha qilinganida qon oqimini preparatdan tozalash uchun gemodializdan foydalanilishi mumkin. Doza oshirib yuborilganida mavjud simptomlarga ko‘ra tutib turuvchi davolash buyurilishi kerak.

Retsept bo‘yicha

10 tabletkadan blisterda, 3 yoki 6 blisterdan karton qutiga joylangan.

24 oy.