50 мг/500 мг ли таблеткалар: плёнка қобиқ билан қопланган, овал шаклдаги, чеккалари қия, оч сарғиш рангли, бир томонида “НВР” ва иккинчи томонида “ЛЛО” бостириб туширилган ёзуви бўлган таблеткалар; 50 мг/850 мг ли таблеткалар: плёнка қобиқ билан қопланган, овал шаклидаги, чеккалари қия, сариқ рангли, бир томонида “НВР” ва иккинчи томонида “СEҲ” бостириб туширилган ёзуви бўлган таблеткалар; 50 мг/1000 мг ли таблеткалар: плёнка қобиқ билан қопланган, овал шаклидаги, чеккалари қия, тўқ сариқ рангли, бир томонида “НВР” ва иккинчи томонида “ФЛО ” бостириб туширилган ёзуви бўлган таблеткалар.

Қандли диабетни даволаш учун воситалар. Перорал қабул қилиш учун қанд миқдорини пасайтирувчи препаратлар. Бигуанидлар ва дипептидилпептидаза-4 (ДПП-4) ингибиторларининг мажмуаси. Метформин ва вилдаглиптин.

A10BD08.

Сўрилиши Галвусмет® Биоэквивалентлигига доир тадқиқотда Галвусмет® препаратининг учта турли (50 мг/500 мг, 50 мг/850 мг ва 50 мг/1000 мг) дозаларини вилдаглиптин ва метформин гидрохлоридини тегишли дозаларда эркин (қатъий қайд этилмаган) мажмуалари билан таққосланган. Галвусмет® препаратининг ҳар иккала компоненти биоэквивалентлиги эркин мажмуалар компонентларининг АУC ва Cмах кўрсаткичлари бўйича намоён қилинган. Овқатланиш Галвусмет® препарати қабул қилинганида вилдаглиптин сўрилиши тезлиги ва даражасига таъсир кўрсатмайди. Галвусмет® препарати таркибига кирувчи метформин гидрохлоридининг Cмах ва АУC кўрсаткичлари ушбу препаратни овқатланиш билан бирга қабул қилинганида мувофиқ равишда 26% ва 7% га пасаяди. Препаратни овқатланиш билан бирга қабул қилинганида метформин гидрохлориди Тмах кўрсаткичининг (2,0 соатдан 4,0 соатгача) ошиши шунингдек метформиннинг сўрилиш тезлиги ҳам пасайиши ҳақида далолат беради. Метформин гидрохлоридини алоҳида препарат кўринишида овқатланиш билан бир вақтда қабул қилинганида Cмах ва АУC кўрсаткичларининг шунга ўхшаш, аммо яққолроқ ифодаланган ўзгаришлари кузатилади. Овқатланишни Галвусмет® препарати таркибида вилдаглиптин ва метформин гидрохлориди фармококинетикасига таъсири алоҳида препаратлар кўринишида вилдаглиптин ва метформин гидрохлориди фармакокинетикасига таъсири билан айнан бир хил бўлган. Вилдаглиптин Оч қоринга ичга қабул қилинганидан кейин вилдаглиптин тез сўрилади, плазмада унинг концентрацияси энг юқори даражасига 1,75 соат ўтгач эришилади. Овқатланиш билан бир вақтда қабул қилинганида препаратнинг унинг сўрилиш тезлиги бир оз пасаяди, унинг концентрацияси энг юқори даражасини 19% га камайиши ва концентрациянинг энг юқори даражага эришиши вақтини 2,5 соатгача кўпайиши бу ҳақда далолат беради. Шунинг билан бирга овқатланиш препарат сўрилиши даражасига ва унинг умумий экспозициясига (АУC кўрсаткичига) таъсир кўрсатмайди. Метформин гидрохлориди Оч қоринга 500 мг метформин гидрохлориди ичга қабул қилинганида унинг мутлоқ биокираолишлиги тахминан 50-60% ни ташкил этади. Таблетка шаклидаги метформин гидрохлориди препаратини 500 мг дан 1500 мг гача ва 850 мг дан 2550 мг гача дозада бир марта перорал қабул қилинишига асосланган тадқиқотларда метформин гидрохлоридининг фармакокинетик кўрсаткичлари юборилган дозага пропорционал эмаслиги аниқланган бўлиб, препарат чиқарилиши тезлиги ўзгаришига қараганда доза ошиши билан препарат сўрилишининг ёмонлашишидан кўпроқ келиб чиқади. Овқатланиш метформин гидрохлоридининг сўрилиш даражасини ва камроқ даражада сўрилиш тезлигини пасайтиради, 850 мг таблетка шаклидаги метформин гидрохлоридини оч қоринга қабул қилинишига нисбатан овқатланиш билан бир вақтда бир марта қабул қилинганида Cмах ни тахминан 40% га пасайиши, АУC кўрсаткичини 25% га пасайиши ва плазмада энг юқори концентрацияга (Тмах) эришиш вақтини 35 минутга кўпайиши бу ҳақда далолат беради. Ушбу кузатувларнинг клиник аҳамияти номаълум. Тақсимланиши Вилдаглиптин Вилдаглиптинни плазма оқсиллари билан боғланиши паст (9,3%) бўлиб, препарат плазма ва қоннинг қизил таначалари ўртасида тенг тақсимланади. Вена ичига юборилганидан кейин мувозанат ҳолатида вилдаглиптинни ўртача тақсимланиши ҳажми (Всс) 71 л ни ташкил этади, бу томирдан ташқаридаги бўшлиқда тақсимланиши ҳақида далолат беради. Метформин гидрохлориди 850 мг метформин гидрохлориди ичга бир марта қабул қилинганидан кейин тахминий тақсимланиш ҳажми (В/Ф) ўртача 654 ± 358 л ни ташкил этади. Плазма оқсиллари билан боғланиш даражаси 90% дан ошадиган сулфонилмочевина препаратларидан фарқли равишда метформин гидрохлориди плазма оқсиллари билан деярли боғланмайди. Метформин гидрохлориди эритроцитларда тўпланади, маълум вақт ўтгач эритроцитларда унинг концентрацияси ошади. Одатдаги дозалаш тартиби қўлланилганида плазмада метформин гидрохлоридининг мувозанат концентрацияси 24-48 соат ичида эришилади ва одатда 1 мкг/мл дан камни ташкил этади. Назорат қилинадиган клиник синовлар давомида ҳатто метформин гидрохлордининг максимал дозалари билан даволанганда унинг плазмада максимал концентрацияси 5 мкг/мл дан ошмаган. Биотрансформацияси/метаболизми Вилдаглиптин Жигарда метаболизмга учраши одамда вилдаглиптин чиқарилишининг асосий йўли бўлиб ҳисобланади, шу тарзда юборилган дозанинг 69 фоизи чиқарилади. ЛАЙ151 – цианогуруҳ гидролизи натижасида ҳосил бўладиган фармакологик жиҳатдан нофаол бирикма асосий метаболит бўлиб ҳисобланади, юборилган дозанинг 57 фоизи мазкур метаболит кўринишида чиқарилади, юборилган дозанинг 4 фоизи амидогуруҳ гидролизи натижасида ҳосил бўладиган метаболит кўринишида чиқарилади. Вилдаглиптин Р450 цитохроми изоферментлари иштирокида миқдор жиҳатидан баҳолаш мумкин бўлган миқдорларда метаболизмга учрамайди. Ин витро шароитдаги тадқиқотларда вилдаглиптин Р450 цитохроми ферментларини ингибиция ва индукция қилмаслиги намоён қилинган. Метформин гидрохлориди Метформин ўзгармаган кўринишда сийдик билан чиқарилади. Метаболитлар одамларда идентификация қилинмаган. Чиқарилиши Вилдаглиптин [14C] билан нишонланган вилдаглиптин ичга қабул қилинганидан кейин дозанинг тахминан 85 фоизи сийдик билан, 15 фоизи ахлат билан чиқарилади. Ичга қабул қилинган дозанинг 23 фоизи буйраклар орқали ўзгармаган кўринишда чиқарилади. Соғлом кўнгиллиларга вена ичига юборилганида вилдаглиптиннинг умумий плазма ва буйрак клиренси мувофиқ равишда соатига 41 л ва соатига 13 л ни ташкил этади. Вена ичига юборилганидан кейин препаратнинг ўртача ярим чиқарилиши даври тахминан 2 соатни ташкил этади. Ичга қабул қилинганидан кейин ярим чиқарилиши даври тахминан 3 соатни ташкил этади ва дозага боғлиқ бўлмайди. Метформин гидрохлориди Соғлом шахсларга метформин гидрохлоридини вена ичига бир марта юборилишига асосланган тадқиқотларда препарат ўзгармаган кўринишда сийдик билан чиқарилиши, жигарда метаболик ўзгаришларга учрамаслиги (метформин метаболитлари одамда аниқланмаган) ва сафро билан чиқарилмаслиги намоён қилинган. Метформин гидрохлоридининг буйрак клиренси креатинин клиренсидан тахминан 3,5 марта ортиқ бўлади, бу препарат кўпроқ буйрак каналчаларида секреция йўли билан чиқарилиши ҳақида далолат беради. Ичга қабул қилинганидан кейин сўрилган препаратнинг тахминан 90 фоизи дастлабки 24 соат давомида буйраклар орқали чиқарилади, препаратнинг плазмада ярим чиқарилиши даври тахминан 6,2 соатни ташкил этади. Қонда метформин гидрохлоридини ярим чиқарилиши даври тахминан 17,6 соатни ташкил этади, бу препарат эритроцитларда тўпланиши мумкинлигини кўрсатади. Пропорционаллик Вилдаглиптин Вилдаглиптин тез сўрилади ва перорал қабул қилинганида унинг мутлоқ биокираолишлиги 85% ни ташкил этади. Дозаларнинг даволаш интервалларида плазмада вилдаглиптиннинг энг юқори концентрацияси ва АУC кўрсаткичи тахминан юборилган дозага пропорционал бўлади.

Қандли диабетнинг 2 типи бўлган пациентлар учун: метформин ёки вилдаглиптин билан монотерапия етарлича самара бермаганида қандли диабетнинг 2 типида гликемияни назорат қилишни яхшилаш мақсадида парҳез билан даволаш ва жисмоний машқларга қўшимча сифатида;гликемияни мос равишда назорат қилишга эришмаган ҳолда илгари метформин ва сулфонилмочевина ҳосилалари билан даволанган қандли диабетнинг 2 типида гликемияни назорат қилишни яхшилаш мақсадида парҳез билан даволаш ва жисмоний машқларга қўшимча сифатида сулфонилмочевина билан мажмуада (учта препарат билан даволашда);гликемияни мос равишда назорат қилишга эришмаган ҳолда илгари барқарор дозада инсулин билан ва метформин билан даволанган қандли диабетнинг 2 типида гликемияни назорат қилишни яхшилаш мақсадида парҳез билан даволаш ва жисмоний машқларга қўшимча сифатида инсулин билан мажмуада;фақат парҳез ва жисмоний машқлар мос равишда гликемик назоратни кўрсатмаган, қандли диабетнинг 2 типи бўлган пациентларни бошланғич даволаш учун қўлланилади.

Катталар Препаратдан антигипергликемик восита сифатида қандли диабетнинг 2 типида фойдаланилганида унинг дозаси индивидуал равишда, самарадорлик ва уни ўзлаштираолишликни инобатга олган ҳолда танланади. Галвусмет® препарати буюрилганида вилдаглиптинни максимал суткалик дозасини (100 мг) оширмаслик лозим. Галвусмет® препаратининг тавсия этиладиган бошланғич дозаси пациентнинг ҳолатига ва/ёки вилдаглиптин ва/ёки метформин гидрохлоридининг ҳозирги вақтда пациент қабул қилаётган тегишли дозасига асосланган бўлиши керак. Меъда-ичак йўллари томонидан метформин гидрохлоридининг ножўя таъсирларини олдини олиш учун Галвусмет® препаратини овқатланиш вақтида қабул қилиш лозим. Агар Галвусмет® препаратининг дозаси ўтказиб юборилган бўлса, уни пациент бу ҳақда эслаган заҳотиёқ қабул қилиш зарур. Айнан бир кунда дозани икки марта қабул қилинмаслиги керак. – Вилдаглиптин билан монотерапияда ҳолати лозим даражада назорат қилинмайдиган пациентлар учун бошланғич доза Метформин гидрохлориднинг одатдаги бошланғич дозаларига (бир кунда икки марта 500 мг ёхуд бир кунда бир марта 850 мг) асосланган ҳолда, Галвусмет® препарати билан даволашни даволашга бўлган жавобнинг мослиги баҳоланганидан кейин дозаларни титрлаган ҳолда бир кунда икки марта 50 мг/500 мг ли таблеткаларни қабул қилишдан бошлаш мумкин. – Метформин гидрохлориди билан монотерапияда ҳолати лозим даражада назорат қилинмайдиган пациентлар учун бошланғич доза Пациент томонидан қабул қилинаётган метформин гидрохлоридининг жорий дозасига асосланган ҳолда, Галвусмет® препарати қўлланилишини бир кунда икки марта ҳар қандай дозадаги: 50 мг/500 мг, 50 мг/850 мг ёки 50 мг/1000 мг ли таблеткалардан бошлаш мумкин. – Вилдаглиптин ва метформин билан мажмуавий даволашдан алоҳида препаратлар кўринишида даволашга ўтаётган пациентлар учун бошланғич доза Пациент томонидан қабул қилинаётган вилдаглиптин ёки метформин дозасига асосланган ҳолда Галвусмет® препарати қўлланилишини ҳар қандай дозадаги: 50 мг/500 мг, 50 мг/850 мг ёки 50 мг/1000 мг ли таблеткалардан бошлаш мумкин. – Илгари диабетга қарши препаратлар билан даволанмаган пациентлар учун бошланғич доза Галвусмет® препарати билан даволашни даволашга бўлган жавобнинг мослиги баҳоланганидан кейин дозаларни аста-секин бир кунда икки марта максимал 50 мг/1000 мг дозагача титрлаган ҳолда бир кунда бир марта 50 мг/500 мг ли таблеткаларни қабул қилишдан бошлаш мумкин. – Метформин билан мажмуавий даволашдан сулфонилмочевина билан даволашга ўтаётган пациентлар учун бошланғич доза Галвусмет® препаратининг дозаси бир кунда икки марта 50 мг вилдаглиптинни (суткада доза 100 мг) ва пациент томонидан илгари қабул қилинган метформин дозасини таъминлаши керак. Агар Галвусмет® препарати сулфонилмочевина билан мажмуада қўлланилса, гипогликемия ривожланиши хавфини пасайтириш учун сулфонилмочевинанинг анча пастроқ дозаларини буюриш имкониятини кўриб чиқиш лозим. – Инсулин билан ва метформиннинг максимал ўзлаштираолинадиган дозаси билан мажмуавий даволашдан ўтаётган пациентлар учун бошланғич доза Галвусмет® препаратининг дозаси бир кунда икки марта 50 мг вилдаглиптинни (суткада доза 100 мг) ва пациент томонидан илгари қабул қилинган метформин дозасини таъминлаши керак. Вилдаглиптин ва метформиннинг тиазолидиндион билан уч компонентли мажмуавий даволаш таркибида хавфсизлиги ва самарадорлиги аниқланмаган.

Тақдим этилган маълумотлар вилдаглиптин ва метформинни эркин ва аниқ белгиланган мажмуалар кўринишида қўллашга тааллуқлидир.

вилдаглиптин ёки метформин гидрохлоридга ёки препаратнинг ҳар қандай бошқа компонентларига юқори сезувчанликда;ўткир ёки сурункали метаболик ацидозда, шу жумладан лактоацидоз ёки кома билан ва комасиз диабетик кетоацидозда. Диабетик кетоацидоз инсулин билан даволаниши керак.буйрак функциясини оғир бузилишида (КФТ < 30 мл/минут);дегидратация, оғир инфекция, шок каби буйрак функциясини бузилишини ривожланиши хавфи билан кечадиган ўткир ҳолатларда, ёдланган контраст воситаларни вена ичига юборишда;юрак ёки нафас етишмовчилиги, яқинда ўтказилган миокард инфаркти, шок каби тўқималар гипокциясини келтириб чиқаришга қодир ўткир ёки сурункали касалликларда;алкоголдан ўткир заҳарланишда, алкоголизмда;жигар функциясини бузилишида;лактация даврида қўллаш мумкин эмас.

Вилдаглиптинни (бир кунда 1 марта 100 мг) ва метформин гидрохлоридини (бир кунда 1 марта 1000 мг) бир вақтда қўлланилиши даврида клиник аҳамиятга эга фармакокинетик ўзаро таъсирлар кузатилмаган. Галвусмет® препарати ҳар бир компонентининг бошқа дори воситалари билан ўзаро таъсири синчковлик билан ўрганилган. Қуйида якка равишда таъсир этувчи моддаларга (вилдаглиптин ва метформинга) доир ҳамма фойдалана оладиган маълумотни акс эттирувчи маълумотлар келтирилган. Вилдаглиптин Вилдаглиптин дориларнинг ўзаро таъсири ривожланиши бўйича паст потенциалга эга. Вилдаглиптин П (CЙП) 450 цитохроми тизими ферментларининг субстрати бўлмаганлиги, шунингдек CЙП 450 ферментларини ингибиция ва индукция қилмаганлиги туфайли, вилдаглиптинни ушбу фермент тизимининг субстратлари, ингибиторлари ёки индукторлари бўлган бошқа дори воситалари билан ўзаро таъсири эҳтимоли кам. Вилдаглиптин CЙП 1А2, CЙП 2C8, CЙП 2C9, CЙП 2C19, CЙП 2Д6, CЙП 2Э1 ва CЙП 3А4/5 иштирокида метаболизмга учрайдиган препаратларнинг метаболик клиренсига таъсир қилмайди. Вилдаглиптинни қандли диабетнинг 2 типида тез-тез буюриладиган дори воситалари, шунингдек тор терапевтик диапазонига эга препаратлар билан ўзаро таъсири бўйича тадқиқотлар ўтказилган. Ушбу тадқиқотлар натижасида вилдаглиптинни қанд миқдорини пасайтирувчи бошқа перорал препаратлар (глибенкламид, пиоглитазон, метформин гидрохлориди) билан ёки амлодипин, дигоксин, рамиприл, симвастатин, валерьянкаартан ва варфарин билан клиник жиҳатдан аҳамиятли ўзаро таъсирлари аниқланмаган. Диабетга қарши бошқа дори воситаларини қабул қилишдаги каби вилдаглиптинни гипогликемик таъсири тиазидлар, кортикостероидлар, тиреоид воситалари ва симпатомиметиклар каби моддалар билан пасайтирилиши мумкин. Метформин гидрохлориди Метформиннинг фармакокинетик ўзаро таъсирларига доир қуйидагилар маълум. Фуросемид. Фуросемид метформин Cмах ва АУC кўрсаткичларини оширади, бунда метформиннинг буйрак клиренси ўзгармас бўлиб қолади. Метформин фуросемиднинг буйрак клиренсига таъсир кўрсатмаган ҳолда унинг Cмах ва АУC кўрсаткичини пасайтиради. Нифедипин. Нифедипин метформиннинг сўрилишини тезлаштиради, Cмах ва АУC кўрсаткичларини оширади, шунингдек унинг сийдик билан ажралишини кучайтиради. Метформин нифедипин фармакокинетикасига сезиларли таъсир кўрсатмайди. Глибурид. Глибурид метформиннинг фармакокинетик ва фармакодинамик кўрсаткичларига таъсир кўрсатмайди. Метформин ва глибурид бир вақтда қўлланилганида глибуриднинг Cмах ва АУC кўрсаткичлари пасайиши кузатилган, бироқ ушбу таъсирнинг ифодаланганлиги кенг чегараларда ўзгариб турган. Олинган маълумотларнинг клиник аҳамияти номаълум. Ёд сақловчи контраст воситалар. Метформинни сақловчи (Галвусмет® каби) препаратларни қабул қилиш визуал текширишга қадар ёки текшириш вақтида тўхтатилиши ва текширишдан кейин 48 соат давомида қайта бошланмаслиги керак, уни кейинги қабул қилиниши эса, фақат агар буйрак функциясини текширишда унинг барқарорлиги тасдиқланса, буюрилиши мумкин. Катион препаратлари. Буйрак каналчаларига секреция йўли билан чиқариладиган катион препаратлари (амилорид, дигоксин, морфин, прокаинамид, хинидин, хинин, ранитидин, триамтерен, триметоприм ва ванкомицин каби) буйраклар каналчаларининг умумий транспорт тизимлари учун рақобат сабабли метформин фармакинетикасига назарий жиҳатдан таъсир қилиши мумкин. Циметидин плазмада/қонда метформин концентрациясини ва АУC кўрсаткичини мувофиқ равишда 60% ва 40% га оширади. Метформин циметидин фармакокинетикасига таъсир кўрсатмайди. Дориларнинг бундай ўзаро таъсири эҳтимоли (циметидин бундан мустасно) назарий жиҳатдан бўлиши мумкинлигига қарамай, метформинни юқорида санаб ўтилган препаратлар билан бирга буюрилганида пациент ҳолатини синчковлик билан кузатиш ва ҳар иккала препарат дозаларини назорат қилиш тавсия этилади. Бошқа препаратлар. Айрим препаратлар, масалан ностероид яллиғланишга қарши воситалар, шу жумладан циклооксигеназа (ЦОГ) ИИ селектив ингибиторлари, ААФ ингибиторлари, ангиотензин ИИ рецепторларининг антагонистлари ва диуретиклар, айниқса халқасимон диуретиклар буйрак функциясига салбий таъсир кўрсатиши мумкин, бу эса лактоацидоз хавфини ошириши мумкин. Бундай воситаларни метформин-сақловчи препаратлар (масалан, Галвусмет®) билан бирга қабул қилиш бошланишида ёки қўллашда буйрак функциясини синчков назорат қилиш зарур. Айрим дори воситалари гипергликемияни ва бунинг оқибатида қандли диабетнинг декомпенсациясини келтириб чиқариши мумкин. Тиазидлар ва бошқа диуретиклар, кортикостероидлар, фенотиазинлар, тиреоид гормонлар препаратлари, эстрогенлар, перорал контрацептивлар, фенитоин, никотин кислотаси, симпатомиметиклар, калций каналлари блокаторлари ва изониазид бундай таъсирга эга. Метформинни қабул қилаётган пациентларга ушбу препаратлар буюрилганида ёки уларнинг қўлланилиши бекор қилинганида қонда глюкоза даражасини тез-тез назорат қилиш ва метформин дозасига ўз вақтида тузатиш киритиш зарур. Метформинни (Галвусмет® препарати таркибига кирувчи фаол субстанциялардан бирини) қабул қилаётган пациентлар ўткир алкогол заҳарланиши вақтида (айниқса узоқ муддатли оч қолиш, озиб кетиш ёки жигар етишмовчилиги фонида) лактоацидоз ривожланиши юқори хавфига эга. Галвусмет® препарати билан даволаш вақтида алкоголни ва алкогол сақловчи препаратларни қабул қилишдан сақланиш лозим.

Галвусмет® инсулинга қарам пациентларда инсулин ўрнини боса олмайди. Препарат қандли диабетнинг 1 типи бўлган пациентларда ёки диабетик кетоацидозни даволаш учун қўлланилмаслиги керак. Лактоацидоз Лактоацидоз жуда кам ҳолларда учрайдиган, аммо жиддий метаболик асорат бўлиб ҳисобланади ва у кўпинча буйрак функциясини ёки кардиореспиратор касалликлар ёки сепсис кескин ёмонлашиши билан кечади. Метформин тўпланиши буйрак функциясини кескин ёмонлашиши билан юз беради ва сут кислотали ацидоз ривожланиши хавфини оширади. Сувсизланганда (масалан, оғир диарея ёки қусиш, иситма ёки суюқликни истеъмол қилиш пасайиши туфайли) пациент метформинни сақловчи препаратлар (масалан, Галвусмет®) қабул қилинишини тўхтатиши ва дарҳол шифокорга мурожаат қилиши керак. Метформинни сақловчи препаратларни (Галвусмет® каби) қабул қилувчи пациентлар буйрак функциясини кескин ёмонлаштириши мумкин бўлган дори препаратларини (гипертонияга қарши, сийдик ҳайдовчи ва ностероид яллиғланишга қарши воситалар каби препаратларни) қабул қилишни эҳтиёткорлик билан бошлаши керак. Лактоацидоз хавфининг бошқа омиллари алкоголни ҳаддан ташқари кўп истеъмол қилиш, жигар функциясини бузилиши, назорат қилинмайдиган диабет, кетоз, узоқ вақт оч қолишни ва гипокция билан боғлиқ ҳар қандай шароитларни, шунингдек лактоацидозга олиб келиши мумкин бўлган дори воситаларини бирга қабул қилишни ўз ичига олади. Лактацидоз диагностикаси Пациентлар ва/ёки уларни парваришлаётган шахслар лактоацидоз хавфи ҳақида хабардор қилиниши керак. Лактоацидоз ацидотик ҳансираш, қоринда оғриқ, мушак тиришишлари, астения ва кейинги кома юз бериши билан гипотермия билан характерланади. Тахмин қилинадиган симптомлар пайдо бўлганида пациент метформинни сақловчи (Галвусмет® каби) препаратларни қабул қилишни тўхтатиши ва дарҳол шифокорга мурожаат қилиши керак. Ташҳислаш лаборатория маълумотлари қон рН кўрсаткичи пасайганлигини (<7,35), plazmada sut kislotasi tuzlarining yuqori darajalarini (>5 ммол/л) ва анион интервали ва лактат/пируват нисбати ошганлигини ўз ичига олади. Метаболик ацидозга шубҳа қилинганида метформинни сақловчи препаратлар (масалан, Галвусмет®) билан даволашни тўхтатиш ва пациентни дарҳол шифохонага жойлаштириш лозим. Буйрак функцияси ҳолатини назорат қилиш КФТ ни даволаш бошланишига қадар ва мунтазам равишда даволаш вақтида баҳолаш лозим. Метформинни сақловчи (Галвусмет® каби) препаратларни КФТ <30 мл/минут бўлган пациентларда қўллаш мумкин эмас ва буйрак функциясини ўзгартирадиган шароитлар мавжуд бўлганида уларни қабул қилиш вақтинча тўхтатилиши керак. Маълумки, метформин гидрохлориди асосан буйраклар орқали чиқарилади, метформин гидрохлориди тўпланиши ва лактоацидоз хавфи эса буйрак функцияси ёмонлашгани сари ортиб боради. Кексалик буйрак функциясини пасайиши билан кечганлиги туфайли, адекват гликемик таъсирга эришиш учун минимал дозани аниқлаш мақсадида кекса ёшдаги инсонларда метформинни сақловчи препаратлар (масалан, Галвусмет®) синчковлик билан титрланиши керак, бундан ташқари буйрак функциясини мунтазам равишда назорат қилиш лозим. Жигар функциясини бузилишлари Жигар функциясини бузилиши бўлган пациентларга, шу жумладан даволаш бошланишига қадар АЛТ ёки АСТ даражалари норманинг юқори чегарасидан 2,5 мартадан ортиқ ошган ҳолларда вилдаглиптинни буюриш тавсия этилмайди. Жигар ферментлари фаоллигини назорат қилиш Вилдаглиптин билан даволашда кам ҳолларда жигар функциясини бузилиши (шу жумладан гепатит) ҳақида хабар берилган. Ушбу асорат, одатда, симптомсиз ва қолдиқ ҳолатларсиз кечган, жигар функционал синамалари препарат қўлланилиши бекор қилинганидан кейин нормал ҳолатга қайтган. Галвусмет® препарати билан даволаш бошланишига қадар пациентнинг жигар функционал ҳолатини баҳолаш лозим. Галвусмет® препарати билан даволашнинг биринчи йили давомида жигар функционал синамаларини ҳар 3 ойда ва кейинчалик даврий назорат қилиш лозим. Трансферазалар юқори фаоллиги аниқланганида пациентда олинган натижани тасдиқлаш учун такрорий тадқиқот бажарилиши керак, кейинчалик жигар функционал синамаларини улар нормал ҳолатга келишига қадар тез-тез назорат қилиш зарур. Агар АСТ ёки АЛТ фаоллиги НЮЧ дан 3 марта ёки ундан кўп ошиши қайта бошланса, Галвусмет® препарати билан даволашни тўхтатиш тавсия этилади. Сариқлик ёки жигар функциясини бузилишининг бошқа белгилари юзага келганида пациент Галвусмет® препаратини қабул қилишни тўхтатиши ва дарҳол шифокорга мурожаат қилиши лозим. Агар Галвусмет® препаратини қўллаш жигар томонидан ножўя таъсирлар ривожланиши сабабли бекор қилинган бўлса, жигар функционал синамалари нормага келганидан сўнг ушбу препарат билан даволашни қайта бошлаш мумкин эмас. Юрак етишмовчилиги НЙҲА таснифи бўйича И-ИИИ синфдаги СЮЕ бўлган пациентларда вилдаглиптинни қўллашнинг клиник тадқиқоти шуни кўрсатадики, вилдаглиптин билан даволаш плацебога нисбатан юрак чап қоринчаси функциясига ёки мавжуд СЮЕ ни ривожланишига таъсир кўрсатмайди. Вилдаглиптинни қабул қилган, НЙҲА бўйича ИИИ синфдаги СЮЕ бўлган пациентларда клиник тажриба ҳамон чекланган ва ноаниқ натижаларга эга. Клиник синовларда НЙҲА бўйича ИВ синфдаги СЮЕ бўлган пациентларда вилдаглиптинни қўллаш тажрибаси мавжуд эмас, шу сабабли бундай пациентларда уни қўллаш тавсия этилмайди. Гипокция билан кечадиган ҳолатлар Юрак-қон томир коллапси (шок), ўткир турғун юрак етишмовчилиги, ўткир миокард инфаркти ва гипоксемия билан кечадиган бошқа ҳолатлар лактоацидоз ривожланишига олиб келиши, шунингдек преренал азотемияни келтириб чиқариши мумкин. Галвусмет® препарати билан даволаш вақтида бундай ҳолатлар юзага келганида, препарат қўлланилиши дарҳол бекор қилиниши керак. Тери томонидан бузилишлар Терининг диабет таъсиридаги асоратлари бўлган пациентларда қўллаш тажрибаси чекланган. Постмаркетинг даврда терининг буллёз ва эксфолиатив шикастланишлари ҳоллари ҳақида хабар берилганлиги туфайли, қавариқлар ёки яралар каби бузилишлар мавжудлиги юзасидан пациент териси ҳолатини мунтазам мониторинги ўтказилиши тавсия этилади. Панкреатит Постмаркетинг даврда ўткир панкреатит ҳоллари ҳақида хабар берилганлиги туфайли, пациентни ўткир панкреатитга хос симптом – қоринда доимий кучли оғриқ ҳақида хабардор қилиш лозим. Вилдаглиптинни қабул қилиш тўхтатилганидан кейин панкреатит симптомларини йўқолиши кузатилган. Анамнезда ўткир панкреатит мавжуд бўлганида вилдаглиптин қўлланилишини бекор қилиш лозим. Алкоголни истеъмол қилиш Алкогол метформин гидрохлоридини лактат метаболизмига таъсирини кучайтириши аниқланган. Пациентларни метформинни сақловчи препаратлар (Галвусмет® каби) билан даволаш фонида алкоголни суиистеъмол қилиш мумкин эмаслиги ҳақида огоҳлантириш лозим. Алкоголдан маст бўлиш айниқса оч қолиш, тўйиб овқатланмаслик ёки жигар функцияси бузилиши ҳолларида лактоацидоз ривожланиши юқори хавфи билан боғлиқ. Гипогликемия Фақат Галвусмет® препаратини қабул қилаётган пациентларда гипогликемия одатда юзага келмайди, бироқ бу етарлича калорияга эга бўлмаган овқатланишда, жадал жисмоний зўриқишларда энергетик йўқотишлар ўрни овқат билан тўлдирилмаганида ёки алкогол истеъмол қилинганида бўлиши мумкин. Гипогликемия ривожланишига кекса ёшдаги шахслар, қуввацизланган ёки ёмон овқатланувчи пациентлар, буйрак усти безлари пўстлоғи етишмовчилиги, гипопитуитаризми бўлган ёки алкоголдан заҳарланган пациентлар мойил бўладилар. Кекса ёшдаги пациентларда ва бета-адреноблокаторларни қабул қилаётган пациентларда гипогликемияни аниқлаш қийин кечиши мумкин. Сулфонилмочевина препаратлари (СМП) гипогликемияни келтириб чиқаради. Вилдаглиптинни СМП билан мажмуада қабул қилаётган пациентлар гипогликемия ривожланиши хавфига дучор бўлишлари мумкин. Гипогликемия ривожланиши хавфини пасайтириш учун СМП нинг пастроқ дозаларини буюриш масаласини кўриб чиқиш лозим. Б12 витамини даражасига таъсири

Ҳомиладорлик даври Вилдаглиптинни метформин гидрохлориди билан 1:10 нисбатда мажмуавий ҳолда қўлланилганида каламушлар ёки қуёнларда ўтказилган ҳомиланинг она қорнида ривожланишига доир тадқиқотлар (тератология) ҳар иккала турда тератогенлик далиллари йўқлигини кўрсатди. Ҳомиладор аёлларда препаратни қўллаш бўйича етарлича тажриба йўқ, шу сабабли Галвусмет® препарати ҳомиладорлик даврида қўлланилмаслиги керак. Эмизиш даври Галвусмет® препарати таркибига кирувчи фаол субстанциялар мажмуасини қўллаш бўйича тадқиқотлар эмизиш даврида ўтказилмаган. Метформин одам кўкрак сути билан чиқарилади. Вилдаглиптин одам кўкрак сути билан чиқарилиши номаълумлиги туфайли, Галвусмет® препарати эмизикли аёлларда қўлланилмаслиги керак.

30ºС дан юқори бўлмаган ҳароратда, оригинал ўрамида сақлансин, нам таъсиридан ҳимоя қилинсин.

Вилдаглиптин Вилдаглиптин дозасини ошириб юбориш эҳтимоли симптомлари ҳақидаги маълумот вилдаглиптинни 10 кабель кунгача суткада 25 мг, 50 мг, 100 мг, 200 мг ва 400 мг дозаларда қабул қилган соғлом кўнгиллиларда ўтказилган тадқиқотлардан олинган. 200 мг гача бўлган дозалар таъсири яхши ўзлаштирилган. Препаратни 400 мг гача дозада қўлланилганида мушак оғриғи ҳоллари ҳамда енгил ва ўтувчан парестезия, иситма, шишлар, липаза фаоллигининг транзитор (НЮЧ дан 2 марта ортиқ даражага қадар) ошиши якка ҳоллари кузатилган. Препаратни 600 мг дозада қўлланилганида қўл панжалари ва оёқ кафтларининг шишлари, креатинфосфокиназа (КФК) фаоллигини НЮЧ дан юқори ошиши, шунингдек аспартатаминотрансфераза (АСТ) фаоллиги, С-реактив оқсил ва миоглобин даражаларининг ошиши, парастезия кузатилган. Препарат қўлланилиши бекор қилинганидан кейин барча симптомлар йўқолган ва лаборатория кўрсаткичлари нормага қайтган. Вилдаглиптин диализда организмдан чиқарилмайди, бироқ унинг гидролиз натижасида ҳосил бўладиган асосий метаболити (ЛАЙ151) гемодиализ йўли билан организмдан чиқарилиши мумкин. Метформин гидрохлориди Метформин гидрохлориди дозасини, шу жумладан препаратни 50 г дан ортиқ дозаларда қабул қилинганида дозани ошириб юборилиши ҳоллари ҳақидаги хабарлар мавжуд. Бунда 10% ҳолларда гипогликемия кузатилган, бироқ унинг метформин гидрохлориди билан сабаб ўзаро боғлиқлиги аниқланмаган. Тахминан 32% ҳолларда метформин гидрохлориди дозасини ошириб юборилиши лактоацидоз билан кечган. Барқарор гемодинамика шароитларида метформин гидрохлориди диализ йўли билан чиқарилади, бунда унинг клиренси минутига 170 мл кўрсаткичга эришади. Шу сабабли метформин гидрохлориди дозасини ошириб юборилишига шубҳа қилинганида қон оқимини препаратдан тозалаш учун гемодиализдан фойдаланилиши мумкин. Доза ошириб юборилганида мавжуд симптомларга кўра тутиб турувчи даволаш буюрилиши керак.

Рецепт бўйича

10 таблеткадан блистерда, 3 ёки 6 блистердан картон қутига жойланган.

24 ой.