nafas yo‘llarining obstruktiv kasalliklarida tizimli qo‘llash uchun vosita.

R03D A05.

Eufillin-N 200 bronxial astmada va turli genezli bronxospazmlarda (xurujlarni olish uchun), bronxitlarda, o‘pka emfizemasida, kichik qon aylanish doirasidagi gipertenziyada, yurak astmasida (ayniqsa xurujlar bronxospazm va Cheyn-Stoks nafas bilan kechganida), “o‘pka-yurak” (legochnoye serdtse) da qo‘llanadi. Shuningdek kelib chiqishi aterosklerotik bo‘lgan tserebral tomir krizlarini bartaraf qilish va miyada qon aylanishini yaxshilash, ishemik insultlarda bosh miya ichki bosimini va miya shishini kamaytirish uchun, shuningdek miya qon oqimining surunkali yetishmovchiligida tavsiya qilinadi.

Kattalarga Eufillin-N 200 tana vaznining 1 kg ga 10 mg dan, o‘rtacha sutkada 600-800 mg dan, 1-3 yuborishga bo‘lib dozalanadi. Preparat vena ichiga sekin oqim bilan (oldindan 10-20 ml 0,9% natriy xloridi eritmasida suyultirib) yotgan holatda, kamida 5 minut davomida, juda katta ehtiyotkorlik bilan yuboriladi. Kaxeksiyada va dastlabki tana vazni kichik bo‘lgan shaxslarda preparatning sutkali dozasi 400-500 mg gacha kamaytiriladi. Yurak urishi, bosh aylanishi, ko‘ngil aynishi paydo bo‘lganida yuborish sekinlashtiriladi yoki preparatni tomchilab yuborishga o‘tiladi. Buning uchun 10-20 ml 2% Eufillin-N 200 eritmasi (0,2-0,4 g) 100-150 ml natriy xloridining izotonik eritmasida suyultiriladi va minutiga 30-50 tomchi tezlikda yuboriladi. Preparat ko‘pi bilan 14 kun, sutkada 3 martagacha buyuriladi. Bolalarga vena ichiga 2-3 mg/kg hisobidan yuboriladi (tomchilab yuborish afzalroq). Nojo‘ya ta’sirlari tufayli 14 yoshgacha bo‘lgan bolalarga preparatni bu yo‘l bilan yuborish tavsiya etilmaydi. Rektal yuborish uchun mikroklizmalarda 10-20 ml 2% eritma 20-25 ml iliq suvda suyultiriladi. Vena ichiga preparat arterial bosim, yurak qisqarishlari soni, nafas olishlar soni va umumiy holatning nazorati ostida yuboriladi. Davolashning davomiyligi kasallikning og‘irligi va kechishiga, preparatni o‘zlashtirilishiga bog‘liq bo‘ladi va bir necha kundan bir necha oygachani tashkil qilishi mumkin. Eufillin-N 200 ni venaga yuborish uchun kattalar uchun yuqori dozalari: bir martalik – 0,25 g, sutkalik – 0,5 g. Juda og‘ir hollarda, ayniqsa reanimatsiya sharoitlarida, dozalari oshirilishi mumkin. Bolalar uchun venaga yuqori bir martalik doza – 3 mg/kg tana vazniga.

Eufillin-N 200 vena ichiga tez yuborilganida: bosh aylanishi, qo‘zg‘alish, ba’zida ongni buzilishi, yuzga oqib kelishlar, bosh og‘rig‘i, ko‘rishni buzilishi, tirishishlar, ba’zida yurak ritmini buzilishi bilan taxikardiya, arterial bosimni keskin pasayishi, yuborilgan joyda allergik reaktsiyalar (og‘riq, giperemiya va boshq.) kuzatilishi mumkin. Kam hollarda me’da-ichak yo‘llari tomonidan me’da va o‘n ikki barmoq ichakning kasalligini zo‘rayishi, jig‘ildon qaynashi, ko‘ngil aynishi, qusish, diareya, jigar faoliyatini buzilishi, qonda jigar fermentlarining oshishi kuzatilishi mumkin.

Eufillin-N 200 (ayniqsa vena ichiga) qo‘llash paroksizmal taxikardiyada, ekstrasistoliya- da, keskin gipotoniyada, o‘tkir miokard infarktida, tutqanoqda, gemorragik insultda, ko‘zning to‘r pardasiga qon quyilishlarida, qon ketishi yoki uning yuqori ehtimolida mumkin emas. Preparatni eng avvalo miokard infarkti (yurak ritmini buzilishi, koronar yetishmovchilik) bilan bog‘liq yurak yetishmovchiligida buyurish mumkin emas.

Simpatomimetiklarning samarasini va siydik haydovchi preparatlarning diuretik ta’sirini kuchaytiradi, beta-adrenoblokatorlar va litiy preparatlarining samaradorligini pasaytiradi. Mikrosomal oksidlanishning rag‘batlantiruvchilari fonida tezroq metabollanadi, mikrosomal oksidlanishning ingibitorlarini buyurilishi chiqarilishni sekinlashishiga olib keladi. Quyidagi preparatlar: allopurinol, estrogen saqlovchi kontratseptivlar, linkomitsin, makrolidlar, oleandomitsin, grippga qarshi zardoblar, tsimetidin, eritromitsinlar bilan bir vaqtda qo‘llanganida – teofillinni chiqarilishini pasayishi va uning nojo‘ya ta’sirlarini rivojlanish xavfini kuchayishi paydo bo‘ladi. Monoaminlar neyronal qayta qamrab olishining noselektiv ingibitorlari bilan qo‘llanganida xavfli tormozlanish bo‘lishi mumkin.

Preparat jigar faoliyatini buzilishi, me’da va o‘nikki barmoq ichakning yara kasalligi bo‘lgan patsiyentlarga ehtiyotkorlik bilan buyuriladi. Keksa odamlarga uni organizmdan sekinlashgan chiqarilishi tufayli preparatning dozasini pasaytirish tavsiya qilinadi. Preparat homiladorlik davrida buyurilganida kutilayotgan terapevtik samara va homilaga preparatning ta’sirini potentsial xavfini qiyoslash kerak; preparatni qabul qilish vaqtida emizishni to‘xtatish kerak. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Preparatni yorug‘likdan himoyalangan joyda, 15oS dan 25oS gacha haroratda saqlash kerak.

Qon plazmasidagi teofillinning kontsentratsiyasi 20 mg/l dan ortiq bo‘lganida paydo bo‘ladi va qusish, qo‘zg‘alish bilan namoyon bo‘ladi, tirishishlar paydo bo‘lishi mumkin. Qon plazmasida kontsentratsiya 40 mg/l dan yuqori bo‘lganida koma rivojlanishi mumkin. Davolash simptomlarning yaqqolligiga bog‘liq va gemodinamikani to‘g‘rilashni, oksigenoterapiya O‘SV (o‘pkaning sun’iy ventillyatsiyasi) ni o‘z ichiga oladi. Tirishish sindromida – v/i yoki m/i diazepamni yuborish. Agarda teofillinning kontsentratsiyasi 50 mg/l dan ortiq bo‘lsa va uni sekin chiqarilishiga shart-sharoitlar bo‘lsa gemodializni o‘tkazish kerak.

Retsept bo‘yicha

5 ml yoki 10 ml dan ampulalarda; 5 yoki 10 ampuladan qutida.

2 yil.