tiniq, rangsiz yoki och sariq rangli eritma.

eritropoezni rag‘batlantiruvchi vosita.

B03XA02.

Surunkali buyrak yetishmovchiligi bo‘lgan kattalar va bolalarda eritropoetin vena ichiga yuborilganidan so‘ng plazmadan yarim chiqarilish davri 4-13 soatni tashkil etgan. Surunkali buyrak yetishmovchiligi bo‘lgan patsiyentlarda preparatning yarim chiqarilish davri buyrak faoliyati normal bo‘lgan patsiyentlarga nisbatan taxminan 20% ga ko‘p bo‘lgan. Teri ostiga yuborilganidan so‘ng plazmada maksimal kontsentratsiyasiga 5-24 soat davomida erishilgan. Plazmadagi kreatininning darajasi 3 dan ortiq bo‘lgan (dializdagi va dializda bo‘lmagan patsiyentlar) katta yoshdagi patsiyentlarda yarim chiqarilish davri bir xil bo‘lgan. Farmakokinetik ma’lumotlar, yoshi taxminan 65 yosh va undan oshgan patsiyentlarda rekombinant eritropoetinining yarim chiqarilish davrida ahamiyatli farqlar yo‘q ekanligini ko‘rsatdi. Bolalar va o‘smirlarda rekombinant eritropoetinning farmakokinetik profili kattalardagi ko‘rsatkichlar bilan deyarli o‘xshash. Yangi tug‘ilgan chaqaloqlarda preparatni qo‘llash yuzasidan ma’lumotlar kam. Tana vazni juda kam bo‘lgan 7 ta chala tug‘ilgan chaqaloqlar va 10 ta sog‘lom kattalarda o‘tkazilgan tadqiqotda eritropoetin vena ichiga yuborilganida, yangi tug‘ilgan chaqaloqlarda taqsimlanish hajmi katta yoshdagi patsiyentlarga nisbatan taxminan 1,5-2 marta yuqori bo‘lganligini, yangi tug‘ilgan chaqaloqlarda klirensi taxminan 3 marta yuqori bo‘lganligini ko‘rsatdi. 150 TB/kg dozasi haftada 3 marta teri ostiga haftada 40000 TB dozasi bilan qiyosiy farmakokinetik tadqiqot 4 hafta davomida sog‘lom ko‘ngillilarda (n=12) va 6 hafta davomida tsiklik kimyoviy davolash olayotgan rak kasalligi fonida anemiya rivojlangan patsiyentlarda (n=32) o‘tkazilgan. Tadqiqot o‘tkazilganida har 2 dozalash tartibida plazmada eritropoetinni to‘planishi kuzatilmagan. Haftada 40000 TB yuborilganida eritropoetinning Smax 150 TB/kg dan haftada 3 marta yuborish tartibiga nisbatan 3-7 marta yuqori bo‘lgan, Tmax 2-3 marta yuqori bo‘lgan, AUC 0 2-3 marta yuqori (168 soat), klirens past (50%) bo‘lgan. Rak kasalligi fonida anemiya rivojlangan patsiyentlarda o‘rtacha T1/2 har ikkala dozalash tartibida bir xil (40 soat, 16-67 soat diapazonda) bo‘lgan. 150 TB/kg dozasi haftada uch marta yuborilganidan so‘ng Tmax va klirens qiymatlari patsiyentlar (n=14) kimyoviy davolash olgan 1 hamda 2 haftalarda va patsiyentlar (n=4) kimyoviy davolash olmagan 3 haftalarda o‘xshash (14,2 ± 6,7 soatga nisbatan 13,3± 12,4 soat va 23,6 ± 9,5 ml/soat/kg ga nisbatan 20,2 ± 15,9 ml/soat/kg) bo‘lgan. Farqlar haftada 40000 TB dozasi yuborilganidan so‘ng kuzatilgan, 1 hafta davomida kimyoviy davolash olgan patsiyentlarda (n=18) Tmax 3 hafta davomida kimyoviy davolash olmagan patsiyentlar (n=7) ga nisbatan oshgan (38±18 soat), klirens esa pasaygan (9,2±4,7 ml/ch/kg). 10000 TB/ml eritropoetin alfani tsitrat buferida va 40000 TB/ml eritropoetin alfani fosfat buferida yuborishlar o‘rtasidagi bioekvivalentlik sog‘lom ko‘ngillilarga 750 TB/kg bir martalik dozasi teri ostiga yuborilganidan so‘ng namoyish etilgan.

Surunkali buyrak yetishmovchiligi (SBЕ) da anemiya bilan xastalangan patsiyentlarni davolash: simptomatik anemiya;transfuziyani talab etadigan anemiyada qo‘llanadi.

Preparatning boshlang‘ich dozasi 50 XB/kg ni tashkil etadi, haftada 3 marta teri ostiga yoki vena ichiga sekin inyektsiya ko‘rinishida 1-2 minut davomida yuboriladi. Keyinchalik dozasini oshirish boshlang‘ich davolashga nisbatan javob reaktsiyasiga bog‘liq. Zarurat bo‘lganida dozani har 4 haftada 25 XB/kg ga oshirish mumkin. Agar 50 XB/kg dozasi yuborilganidan so‘ng gemoglobinning darajasi 20 g/l dan oshsa, haftadagi bir dozasini bekor qilish yo‘li bilan dozasiga tuzatish kiritish mumkin. Davolashdan maqsad – gemoglobinning darajasini 100 g/l (gematokritni 30%) ga yetkazishdan iborat. Terapevtik samaraga erishilganida odatda 25-50 XB/kg samarani bir maromda saqlab turuvchi dozasi haftada 2-3 marta buyuriladi. Gemoglobinning darajasi past (60 g/l) bo‘lgan holatda davolash boshlangan patsiyentlarga gemoglobinning darajasi 80 g/l dan past bo‘lmagan holatda davolash boshlangan patsiyentlarga nisbatan yuqoriroq tutib turuvchi dozasini buyurish kerak. Dozani patsiyentning yoshiga qarab o‘zgartirish kerak. Har qanday holatda maksimal dozasi sutkada 200 XB/kg haftada 3 martadan oshmasligi kerak. Davolash boshlanishidan oldin yoki davolanish vaqtida temirning ko‘rsatkichlarini aniqlash va zarurat bo‘lganida temir preparatlarini buyurish kerak. Alyuminiy bilan zaharlanganda yoki infektsion kasalliklarda javob reaktsiyasi sekin bo‘lishi mumkin. Hatto agar patsiyentga dializ talab qilinmasa-da, samarani bir maromda saqlab turuvchi dozani anemik sindromning og‘irligi yoki patsiyentning yoshiga qarab buyurilishi kerak. Gematokrit 6 oydan ortiq vaqt davomida 36-38% darajada bo‘lishi mumkin.

Shok: kam hollarda shok rivojlanishi mumkinligi tufayli, patsiyentning holatini doimo kuzatish kerak. Patsiyentning ahvolini o‘zgarishi rivojlanganida preparatni bekor qilish va muvofiq davolashni buyurish kerak. Yurak-qon tomir tizimi: arterial bosimni oshishi, qon tomirlar trombozi, masalan, ko‘z yoshi kanali sohasida va boshqalar, ba’zida taxikardiya rivojlanishi mumkin. Gipertenziv entsefalopatiya: preparatni arterial bosimni, gematokritning darajasini va boshqa ko‘rsatkichlarni doimo nazorat qilish sharoitida buyurish kerak, chunki entsefalopatiya rivojlanganida bosh og‘rig‘i, ongni buzilishi, tirishishlar va arterial bosimni keskin oshishi bilan bog‘liq bo‘lgan boshqa simptomlar rivojlanadi, shuningdek bosh miyaga qon quyilishi rivojlanishi mumkin. Entsefalopatiya: entsefalopatiyani rivojlanish xavfi borligi tufayli, patsiyentning holatini doimo nazorat qilishni ta’minlash kerak. Patsiyentning holatini o‘zgarishi rivojlanganida preparatni bekor qilish va muvofiq davolashni buyurish kerak. Teri: ba’zida qichishish, toshma, akne rivojlanishi mumkin. Jigar: gepatoz, ba’zida AsAT, AlAT, LDG, IF, umumiy bilirubinning darajasini oshishi bilan kechadi. Ovqat hazm qilish tizimi: ba’zida ko‘ngil aynishi, qusish, ishtahani yo‘qolishi, diareya, qorin bo‘shlig‘ida og‘riq rivojlanishi mumkin. Qon: ba’zida leykotsitlar va eozonofillarning miqdori oshadi. Chala tug‘ilgan chaqaloqlarda granulotsitlarning miqdorini kamayishi kuzatilishi mumkin. Ba’zida qon plazmasida kaliy, mochevina, kreatinin va siydik kislotasining darajasi oshishi mumkin. Chala tug‘ilgan chaqaloqlarda raxit rivojlanishi mumkin. Bir necha oydan bir necha yilgacha bo‘lgan davr mobaynida eritropoetin buyurilgan, SBЕ bilan xastalangan patsiyentlar o‘rtasida gipoplastik anemiyani rivojlanish hollari haqida xabarlar kam. Boshqalar: ko‘z tubiga qon quyilishi, splenomegaliya, burundan qon ketishi rivojlanishi mumkin, ba’zida – bosh og‘rig‘i, bosh aylanishi, isitma, tana haroratini biroz oshishi, qizib ketish hissi, lohaslik, artralgiya, mialgiya, og‘izda achchiq ta’m, konvulsiyalar va qovoqlarni shishi rivojlanishi mumkin. Espogen juda yaxshi o‘zlashtiriladi. Xabar berilgan nojo‘ya samaralari surunkali buyrak yetishmovchiligining tez-tez kuzatiladigan oqibati hisoblanadi va eritropoetinni qo‘llash bilan bog‘liq bo‘lishi shart emas.

Espogen preparatini quyidagi patsiyentlarga qo‘llash mumkin emas: Eritropoetin preparatlari bilan davolangandan so‘ng partsial eritrotsitar aplaziyasi bo‘lgan patsiyentlarga;Ushbu preparatga yoki boshqa eritropoetin preparatlariga yuqori sezuvchanligi bo‘lgan patsiyentlarga;Nazorat qilib bo‘lmaydigan gipertenziyasi bo‘lgan patsiyentlarga qo‘llash mumkin emas. Quyidagi patsiyentlarga preparatni ehtiyotkorlik bilan qo‘llash kerak: Arterial gipertenziyasi (AG) bo‘lgan patsiyentlar (eritropoetin qo‘llanganida arterial bosimni oshishi, natijada gipertenzion entsefalopatiyani rivojlanish mumkinligi ma’lum);Anamnezida dori vositasiga o‘ta yuqori sezuvchanligi bo‘lgan patsiyentlar;Allergiyaga moyilligi bo‘lgan patsiyentlar;Miokard infarkti, o‘pka infarkti, bosh miya infarkti, tromboemboliyani rivojlanish havfi bo‘lgan patsiyentlar (eritropoetin qo‘llanganida qonning qovushqoqligi oshadi, bu tromboemboliyani rivojlanishini induktsiya qilishi mumkin). Kuchli koagulyatsiya, ayniqsa eritropoetin autologik hujayralar to‘planganida yoki operatsiyadan keyin buyurilgan holatlarda rivojlanish havfi mavjudligi tufayli, bemorning holatini sinchiklab kuzatish kerak.Bosh miya qorinchalari yoki bosh miyaga qon quyilishi bo‘lgan chala tug‘ilgan bolalarga (bosh miyaga qon quyilishi eritropoetin ta’sirida kuchayishi mumkin) ehtiyotkorlik bilan qo‘llash kerak.

Espogenni boshqa preparatlar bilan bir shpritsda aralashtirish taqiqlanadi! Espogen preparatini original sig‘imidan boshqa idishga quyilgandan so‘ng suyultirish va yuborish mumkin emas.

Buyrak anemiyasi va rak kasalliklari bilan xastalangan patsiyentlarga Espogen preparatini qo‘llash cheklangan bo‘lishi kerak. Bundan tashqari, Espogen preparati buyrak anemiyasida gemoglobinning darajasi 10 g/dl (gematokrit 30%) va rak kasalliklarida eritropoetinning darajasi kamida 200 mU/ml bo‘lgan patsiyentlar uchun mo‘ljallangan. Espogen preparatini degematizatsiyalangan anemiya, pangematopeniya kabi boshqa anemiya turlarida, alyuminiy bilan zaharlanishda qo‘llash mumkin emas. Shok rivojlanmasligi uchun patsiyentlarni kuzatish kerak. Bundan tashqari, birinchi marta yuborilganida yoki tanaffusdan so‘ng birinchi dozasi yuborilganida preparatning katta bo‘lmagan miqdorini venaga yuborish va anomal javob reaktsiyasi kuzatilmaganligiga ishonch hosil qilinsa, so‘ngra qolgan dozani yuborish kerak. Davolanish vaqtida gemopoezni kutilgan darajasi (gemoglobin 120 g/l yoki gematokrit 36%) ni oshishidan saqlanish uchun gemoglobin va gematokritning darajasini (erta qo‘llash bosqichida taxminan haftada 1 marta va samarani bir maromda saqlab turuvchi davolash fazasida 2 haftada 1 marta) nazorat qilish kerak. Gemopoezni kutilgan darajasidan oshishi belgilarida muvofiq davolashni buyurish va preparatni bekor qilish kerak. Shuningdek gematokritning darajasi preparatni qo‘llash to‘xtatilganidan so‘ng oshishi mumkinligini yodda tutish kerak, shuning uchun muvofiq ravishda kuzatish kerak. Preparat yuborilgan patsiyentlarda, ayniqsa yurak-qon tomir kasalliklari yoki AG rivojlanish xavfi bo‘lgan patsiyentlarda AB ni doimo nazorat qilish kerak, chunki dori vositasini qo‘llash vaqtida miokard infarkti, o‘pka arteriyasini tromboemboliyasi, miyada qon aylanishini buzilishi va tranzitor ishemik huruj kabi trombotik asoratlarni rivojlanish hollari rivojlangan. Agar patsiyentda gematokritning darajasini keskin oshishi (2 hafta davomida 4% dan ko‘proq) kuzatilsa, bu holat AG kuchaytirishi mumkin, bunda dozaga tuzatish kiritish kerak. Xurujlar rekombinant eritropoetin alfani o‘rganish bo‘yicha klinik tadqiqotlarda ishtirok etgan surunkali buyrak yetishmovchiligi bo‘lgan patsiyentlarda kuzatilgan. Dializdagi katta yoshdagi patsiyentlarda birinchi 90 kun davolash davomida hurujlarni rivojlanish darajasi kechroq davolash boshlangan patsiyentlarga nisbatan yuqoriroq bo‘lgan (taxminan 2,5% patsiyentlarda kuzatilgan). Rak bilan xastalangan kimyoterapiya oladigan patsiyentlardan iborat bo‘lgan ikki tomonlama yashirin platsebo-nazoratli klinik tadqiqotda hurujlar Espogen olgan patsiyentlarning 3,2% (N=2/63) da va platsebo guruhidagi patsiyentlarning 2,9% (N=2/68) da kuzatilgan. Hurujlari Espogen olgan patsiyentlar guruhining 1,6% (N=1/63) da kuzatilgan, ular qon bosimini va gematokritni oshishi bilan bog‘liq bo‘lgan. Biroq, Espogen olgan patsiyentlar hurujlarni rivojlanishiga sabab bo‘lishi mumkin bo‘lgan MIY kasalliklariga ega bo‘lganlar. Demak, Espogen olgan patsiyentlarda qon bosimi va nevrologik simptomlarni qat’iy nazorat qilish kerak. Miokard infarkti, o‘pka emboliyasi, insult, vaqtinchalik ishemik huruj kabi trombotik asoratlar Espogen preparati bilan davolanish vaqtida kuzatilganligi tufayli, qon-tomir kasalliklari bo‘lgan patsiyentlar sinchkovlik bilan tekshirilishi kerak. Espogen preparatini qo‘llash vaqtida giperkaliyemiya rivojlanishi mumkinligi tufayli, muvofiq ravishda parhezni to‘g‘rilash kerak. Gemodializ uchun konteynerda qon qoldig‘i va shunt okklyuziyasini rivojlanish xavfi borligi sababli, gemodializ uchun konteynerlar va shuntlarda gemokinetik hajmni monitoring qilish kerak. Bunday holatlarda kerakli choralarni (masalan, shuntni qaytadan o‘rnatish yoki antikoagulyantlarning dozasini oshirish) qo‘llash kerak. Espogen bilan davolanishda temirni bo‘lishi juda muhim bo‘lganligi tufayli, temir tanqisligida patsiyentlar uni qo‘shimchalar ko‘rinishida qabul qilishi kerak. Espogen eritropoezni o‘sish omili hisoblanadi. Biroq, uni o‘smani o‘sish omili sifatida, xususan miyeloid o‘smalar ko‘rinishida ta’sir qilishi mumkinligini istisno qilish mumkin emas. Preparatning samarasi kutilmaganda pasayganida ushbu preparatga nisbatan javob reaktsiyasi yo‘qligini, temir, folat kislotasi, V12 vitamini tanqisligi, alyuminiyni to‘planishi, yallig‘lanish va infektsion jarayonni borligi, qon ketishi yoki gemoliz kabi tipik belgilarini aniqlash uchun patsiyentni tekshirish kerak. etiologiyasi ma’lum bo‘lmagan gipoplastik anemiyada suyak ko‘migini tekshirish kerak. Gipoplastik anemiya tashxisi qo‘yilganidan so‘ng eritropoetinga antitelalarni borligini aniqlash va preparatni yuborishni to‘xtatish kerak. eritropoetinga nisbatan antitelalar boshqa eritropoetin preparatlari bilan kesishgan faollik namoyon qilganligi tufayli, ularni qo‘llash mumkin emas. Shuningdek muvofiq davolashni buyurish uchun gipoplastik anemiya rivojlanishini boshqa sabablarini o‘rganish kerak.

Homilador ayollarga va homiladorlikni rejalashtirayotgan ayollarga preparatni qo‘llash mumkin emas, chunki homilador ayollarda Espogen preparatini qo‘llash xavfsizligi o‘rganilmagan. Ona uchun preparatni qo‘llashdan kutilgan foyda homila uchun xavfdan ustun bo‘lgan hollardagina preparatni buyurish mumkin.

Yorug‘likdan himoyalangan joyda, 2–8°S haroratda saqlansin. Muzlatilmasin.

Preparat bilan davolashga nisbatan javob reaktsiyasi individual va dozasiga bog‘liq. Dozasi oshirib yuborilganida arterial gipertenziyaning simptomlari rivojlanishi mumkin. Agar gemoglobinning darajasi juda tez oshib borsa, qon chiqarib yuborishga ko‘rsatma bo‘lishi mumkin.

Shifokor retsepti bo‘yicha Ulashish: 4 288 Views

Elastomer qopqoqchali oldindan to‘ldirilgan shisha shpritslarda. 6 shprits qo‘llash bo‘yicha yo‘riqnomasi bilan birga karton qutida.

2 yil.