тиниқ, рангсиз ёки оч сариқ рангли эритма.

еритропоэзни рағбатлантирувчи восита.

B03XA02.

Сурункали буйрак етишмовчилиги бўлган катталар ва болаларда эритропоэтин вена ичига юборилганидан сўнг плазмадан ярим чиқарилиш даври 4-13 соатни ташкил этган. Сурункали буйрак етишмовчилиги бўлган пациентларда препаратнинг ярим чиқарилиш даври буйрак фаолияти нормал бўлган пациентларга нисбатан тахминан 20% га кўп бўлган. Тери остига юборилганидан сўнг плазмада максимал концентрациясига 5-24 соат давомида эришилган. Плазмадаги креатининнинг даражаси 3 дан ортиқ бўлган (диализдаги ва диализда бўлмаган пациентлар) катта ёшдаги пациентларда ярим чиқарилиш даври бир хил бўлган. Фармакокинетик маълумотлар, ёши тахминан 65 ёш ва ундан ошган пациентларда рекомбинант эритропоэтинининг ярим чиқарилиш даврида аҳамиятли фарқлар йўқ эканлигини кўрсатди. Болалар ва ўсмирларда рекомбинант эритропоэтиннинг фармакокинетик профили катталардаги кўрсаткичлар билан деярли ўхшаш. Янги туғилган чақалоқларда препаратни қўллаш юзасидан маълумотлар кам. Тана вазни жуда кам бўлган 7 та чала туғилган чақалоқлар ва 10 та соғлом катталарда ўтказилган тадқиқотда эритропоэтин вена ичига юборилганида, янги туғилган чақалоқларда тақсимланиш ҳажми катта ёшдаги пациентларга нисбатан тахминан 1,5-2 марта юқори бўлганлигини, янги туғилган чақалоқларда клиренси тахминан 3 марта юқори бўлганлигини кўрсатди. 150 ТБ/кг дозаси ҳафтада 3 марта тери остига ҳафтада 40000 ТБ дозаси билан қиёсий фармакокинетик тадқиқот 4 ҳафта давомида соғлом кўнгиллиларда (н=12) ва 6 ҳафта давомида циклик кимёвий даволаш олаётган рак касаллиги фонида анемия ривожланган пациентларда (н=32) ўтказилган. Тадқиқот ўтказилганида ҳар 2 дозалаш тартибида плазмада эритропоэтинни тўпланиши кузатилмаган. Ҳафтада 40000 ТБ юборилганида эритропоэтиннинг Смах 150 ТБ/кг дан ҳафтада 3 марта юбориш тартибига нисбатан 3-7 марта юқори бўлган, Тмах 2-3 марта юқори бўлган, АУC 0 2-3 марта юқори (168 соат), клиренс паст (50%) бўлган. Рак касаллиги фонида анемия ривожланган пациентларда ўртача Т1/2 ҳар иккала дозалаш тартибида бир хил (40 соат, 16-67 соат диапазонда) бўлган. 150 ТБ/кг дозаси ҳафтада уч марта юборилганидан сўнг Тмах ва клиренс қийматлари пациентлар (н=14) кимёвий даволаш олган 1 ҳамда 2 ҳафталарда ва пациентлар (н=4) кимёвий даволаш олмаган 3 ҳафталарда ўхшаш (14,2 ± 6,7 соатга нисбатан 13,3± 12,4 соат ва 23,6 ± 9,5 мл/соат/кг га нисбатан 20,2 ± 15,9 мл/соат/кг) бўлган. Фарқлар ҳафтада 40000 ТБ дозаси юборилганидан сўнг кузатилган, 1 ҳафта давомида кимёвий даволаш олган пациентларда (н=18) Тмах 3 ҳафта давомида кимёвий даволаш олмаган пациентлар (н=7) га нисбатан ошган (38±18 соат), клиренс эса пасайган (9,2±4,7 мл/ч/кг). 10000 ТБ/мл эритропоэтин алфани цитрат буферида ва 40000 ТБ/мл эритропоэтин алфани фосфат буферида юборишлар ўртасидаги биоэквивалентлик соғлом кўнгиллиларга 750 ТБ/кг бир марталик дозаси тери остига юборилганидан сўнг намойиш этилган.

Сурункали буйрак етишмовчилиги (СБЕ) да анемия билан хасталанган пациентларни даволаш: симптоматик анемия;трансфузияни талаб этадиган анемияда қўлланади.

Препаратнинг бошланғич дозаси 50 ХБ/кг ни ташкил этади, ҳафтада 3 марта тери остига ёки вена ичига секин инекция кўринишида 1-2 минут давомида юборилади. Кейинчалик дозасини ошириш бошланғич даволашга нисбатан жавоб реакциясига боғлиқ. Зарурат бўлганида дозани ҳар 4 ҳафтада 25 ХБ/кг га ошириш мумкин. Агар 50 ХБ/кг дозаси юборилганидан сўнг гемоглобиннинг даражаси 20 г/л дан ошса, ҳафтадаги бир дозасини бекор қилиш йўли билан дозасига тузатиш киритиш мумкин. Даволашдан мақсад – гемоглобиннинг даражасини 100 г/л (гематокритни 30%) га етказишдан иборат. Терапевтик самарага эришилганида одатда 25-50 ХБ/кг самарани бир маромда сақлаб турувчи дозаси ҳафтада 2-3 марта буюрилади. Гемоглобиннинг даражаси паст (60 г/л) бўлган ҳолатда даволаш бошланган пациентларга гемоглобиннинг даражаси 80 г/л дан паст бўлмаган ҳолатда даволаш бошланган пациентларга нисбатан юқорироқ тутиб турувчи дозасини буюриш керак. Дозани пациентнинг ёшига қараб ўзгартириш керак. Ҳар қандай ҳолатда максимал дозаси суткада 200 ХБ/кг ҳафтада 3 мартадан ошмаслиги керак. Даволаш бошланишидан олдин ёки даволаниш вақтида темирнинг кўрсаткичларини аниқлаш ва зарурат бўлганида темир препаратларини буюриш керак. Алюминий билан заҳарланганда ёки инфекцион касалликларда жавоб реакцияси секин бўлиши мумкин. Ҳатто агар пациентга диализ талаб қилинмасада, самарани бир маромда сақлаб турувчи дозани анемик синдромнинг оғирлиги ёки пациентнинг ёшига қараб буюрилиши керак. Гематокрит 6 ойдан ортиқ вақт давомида 36-38% даражада бўлиши мумкин.

Шок: кам ҳолларда шок ривожланиши мумкинлиги туфайли, пациентнинг ҳолатини доимо кузатиш керак. Пациентнинг аҳволини ўзгариши ривожланганида препаратни бекор қилиш ва мувофиқ даволашни буюриш керак. Юрак-қон томир тизими: артериал босимни ошиши, қон томирлар тромбози, масалан, кўз ёши канали соҳасида ва бошқалар, баъзида тахикардия ривожланиши мумкин. Гипертензив энцефалопатия: препаратни артериал босимни, гематокритнинг даражасини ва бошқа кўрсаткичларни доимо назорат қилиш шароитида буюриш керак, чунки энцефалопатия ривожланганида бош оғриғи, онгни бузилиши, тиришишлар ва артериал босимни кескин ошиши билан боғлиқ бўлган бошқа симптомлар ривожланади, шунингдек бош мияга қон қуйилиши ривожланиши мумкин. Энцефалопатия: энцефалопатияни ривожланиш хавфи борлиги туфайли, пациентнинг ҳолатини доимо назорат қилишни таъминлаш керак. Пациентнинг ҳолатини ўзгариши ривожланганида препаратни бекор қилиш ва мувофиқ даволашни буюриш керак. Тери: баъзида қичишиш, тошма, акне ривожланиши мумкин. Жигар: гепатоз, баъзида АсАТ, АлАТ, ЛДГ, ИФ, умумий билирубиннинг даражасини ошиши билан кечади. Овқат ҳазм қилиш тизими: баъзида кўнгил айниши, қусиш, иштаҳани йўқолиши, диарея, қорин бўшлиғида оғриқ ривожланиши мумкин. Қон: баъзида лейкоцитлар ва эозонофилларнинг миқдори ошади. Чала туғилган чақалоқларда гранулоцитларнинг миқдорини камайиши кузатилиши мумкин. Баъзида қон плазмасида калий, мочевина, креатинин ва сийдик кислотасининг даражаси ошиши мумкин. Чала туғилган чақалоқларда рахит ривожланиши мумкин. Бир неча ойдан бир неча йилгача бўлган давр мобайнида эритропоэтин буюрилган, СБЕ билан хасталанган пациентлар ўртасида гипопластик анемияни ривожланиш ҳоллари ҳақида хабарлар кам. Бошқалар: кўз тубига қон қуйилиши, спленомегалия, бурундан қон кетиши ривожланиши мумкин, баъзида – бош оғриғи, бош айланиши, иситма, тана ҳароратини бироз ошиши, қизиб кетиш ҳисси, лоҳаслик, артралгия, миалгия, оғизда аччиқ таъм, конвулсиялар ва қовоқларни шиши ривожланиши мумкин. Эспоген жуда яхши ўзлаштирилади. Хабар берилган ножўя самаралари сурункали буйрак етишмовчилигининг тез-тез кузатиладиган оқибати ҳисобланади ва эритропоэтинни қўллаш билан боғлиқ бўлиши шарт эмас.

Eспоген препаратини қуйидаги пациентларга қўллаш мумкин эмас: Эритропоэтин препаратлари билан даволангандан сўнг парциал эритроцитар аплазияси бўлган пациентларга;Ушбу препаратга ёки бошқа эритропоэтин препаратларига юқори сезувчанлиги бўлган пациентларга;Назорат қилиб бўлмайдиган гипертензияси бўлган пациентларга қўллаш мумкин эмас. Қуйидаги пациентларга препаратни эҳтиёткорлик билан қўллаш керак: Артериал гипертензияси (АГ) бўлган пациентлар (эритропоэтин қўлланганида артериал босимни ошиши, натижада гипертензион энцефалопатияни ривожланиш мумкинлиги маълум);Анамнезида дори воситасига ўта юқори сезувчанлиги бўлган пациентлар;Аллергияга мойиллиги бўлган пациентлар;Миокард инфаркти, ўпка инфаркти, бош мия инфаркти, тромбоэмболияни ривожланиш ҳавфи бўлган пациентлар (эритропоэтин қўлланганида қоннинг қовушқоқлиги ошади, бу тромбоэмболияни ривожланишини индукция қилиши мумкин). Кучли коагуляция, айниқса эритропоэтин аутологик ҳужайралар тўпланганида ёки операциядан кейин буюрилган ҳолатларда ривожланиш ҳавфи мавжудлиги туфайли, беморнинг ҳолатини синчиклаб кузатиш керак.Бош мия қоринчалари ёки бош мияга қон қуйилиши бўлган чала туғилган болаларга (бош мияга қон қуйилиши эритропоэтин таъсирида кучайиши мумкин) эҳтиёткорлик билан қўллаш керак.

Eспогенни бошқа препаратлар билан бир шприцда аралаштириш тақиқланади! Эспоген препаратини оригинал сиғимидан бошқа идишга қуйилгандан сўнг суюлтириш ва юбориш мумкин эмас.

Буйрак анемияси ва рак касалликлари билан хасталанган пациентларга Эспоген препаратини қўллаш чекланган бўлиши керак. Бундан ташқари, Эспоген препарати буйрак анемиясида гемоглобиннинг даражаси 10 г/дл (гематокрит 30%) ва рак касалликларида эритропоэтиннинг даражаси камида 200 мУ/мл бўлган пациентлар учун мўлжалланган. Эспоген препаратини дегематизацияланган анемия, пангематопения каби бошқа анемия турларида, алюминий билан заҳарланишда қўллаш мумкин эмас. Шок ривожланмаслиги учун пациентларни кузатиш керак. Бундан ташқари, биринчи марта юборилганида ёки танаффусдан сўнг биринчи дозаси юборилганида препаратнинг катта бўлмаган миқдорини венага юбориш ва аномал жавоб реакцияси кузатилмаганлигига ишонч ҳосил қилинса, сўнгра қолган дозани юбориш керак. Даволаниш вақтида гемопоэзни кутилган даражаси (гемоглобин 120 г/л ёки гематокрит 36%) ни ошишидан сақланиш учун гемоглобин ва гематокритнинг даражасини (эрта қўллаш босқичида тахминан ҳафтада 1 марта ва самарани бир маромда сақлаб турувчи даволаш фазасида 2 ҳафтада 1 марта) назорат қилиш керак. Гемопоэзни кутилган даражасидан ошиши белгиларида мувофиқ даволашни буюриш ва препаратни бекор қилиш керак. Шунингдек гематокритнинг даражаси препаратни қўллаш тўхтатилганидан сўнг ошиши мумкинлигини ёдда тутиш керак, шунинг учун мувофиқ равишда кузатиш керак. Препарат юборилган пациентларда, айниқса юрак-қон томир касалликлари ёки АГ ривожланиш хавфи бўлган пациентларда АБ ни доимо назорат қилиш керак, чунки дори воситасини қўллаш вақтида миокард инфаркти, ўпка артериясини тромбоэмболияси, мияда қон айланишини бузилиши ва транзитор ишемик ҳуруж каби тромботик асоратларни ривожланиш ҳоллари ривожланган. Агар пациентда гематокритнинг даражасини кескин ошиши (2 ҳафта давомида 4% дан кўпроқ) кузатилса, бу ҳолат АГ кучайтириши мумкин, бунда дозага тузатиш киритиш керак. Хуружлар рекомбинант эритропоэтин алфани ўрганиш бўйича клиник тадқиқотларда иштирок этган сурункали буйрак етишмовчилиги бўлган пациентларда кузатилган. Диализдаги катта ёшдаги пациентларда биринчи 90 кун даволаш давомида ҳуружларни ривожланиш даражаси кечроқ даволаш бошланган пациентларга нисбатан юқорироқ бўлган (тахминан 2,5% пациентларда кузатилган). Рак билан хасталанган кимётерапия оладиган пациентлардан иборат бўлган икки томонлама яширин плацебо-назоратли клиник тадқиқотда ҳуружлар Эспоген олган пациентларнинг 3,2% (Н=2/63) да ва плацебо гуруҳидаги пациентларнинг 2,9% (Н=2/68) да кузатилган. Ҳуружлари Эспоген олган пациентлар гуруҳининг 1,6% (Н=1/63) да кузатилган, улар қон босимини ва гематокритни ошиши билан боғлиқ бўлган. Бироқ, Эспоген олган пациентлар ҳуружларни ривожланишига сабаб бўлиши мумкин бўлган МИЙ касалликларига эга бўлганлар. Демак, Эспоген олган пациентларда қон босими ва неврологик симптомларни қатъий назорат қилиш керак. Миокард инфаркти, ўпка эмболияси, импульс, вақтинчалик ишемик ҳуруж каби тромботик асоратлар Эспоген препарати билан даволаниш вақтида кузатилганлиги туфайли, қон-томир касалликлари бўлган пациентлар синчковлик билан текширилиши керак. Эспоген препаратини қўллаш вақтида гиперкалиемия ривожланиши мумкинлиги туфайли, мувофиқ равишда парҳезни тўғрилаш керак. Гемодиализ учун контейнерда қон қолдиғи ва шунт окклюзиясини ривожланиш хавфи борлиги сабабли, гемодиализ учун контейнерлар ва шунтларда гемокинетик ҳажмни мониторинг қилиш керак. Бундай ҳолатларда керакли чораларни (масалан, шунтни қайтадан ўрнатиш ёки антикоагулянтларнинг дозасини ошириш) қўллаш керак. Эспоген билан даволанишда темирни бўлиши жуда муҳим бўлганлиги туфайли, темир танқислигида пациентлар уни қўшимчалар кўринишида қабул қилиши керак. Эспоген эритропоэзни ўсиш омили ҳисобланади. Бироқ, уни ўсмани ўсиш омили сифатида, хусусан миелоид ўсмалар кўринишида таъсир қилиши мумкинлигини истисно қилиш мумкин эмас. Препаратнинг самараси кутилмаганда пасайганида ушбу препаратга нисбатан жавоб реакцияси йўқлигини, темир, фолат кислотаси, В12 витамини танқислиги, алюминийни тўпланиши, яллиғланиш ва инфекцион жараённи борлиги, қон кетиши ёки гемолиз каби типик белгиларини аниқлаш учун пациентни текшириш керак. этиологияси маълум бўлмаган гипопластик анемияда суяк кўмигини текшириш керак. Гипопластик анемия ташхиси қўйилганидан сўнг эритропоэтинга антителаларни борлигини аниқлаш ва препаратни юборишни тўхтатиш керак. эритропоэтинга нисбатан антителалар бошқа эритропоэтин препаратлари билан кесишган фаоллик намоён қилганлиги туфайли, уларни қўллаш мумкин эмас. Шунингдек мувофиқ даволашни буюриш учун гипопластик анемия ривожланишини бошқа сабабларини ўрганиш керак.

Ҳомиладор аёлларга ва ҳомиладорликни режалаштираётган аёлларга препаратни қўллаш мумкин эмас, чунки ҳомиладор аёлларда Эспоген препаратини қўллаш хавфсизлиги ўрганилмаган. Она учун препаратни қўллашдан кутилган фойда ҳомила учун хавфдан устун бўлган ҳоллардагина препаратни буюриш мумкин.

Ёруғликдан ҳимояланган жойда, 2–8°С ҳароратда сақлансин. Музлатилмасин.

Препарат билан даволашга нисбатан жавоб реакцияси индивидуал ва дозасига боғлиқ. Дозаси ошириб юборилганида артериал гипертензиянинг симптомлари ривожланиши мумкин. Агар гемоглобиннинг даражаси жуда тез ошиб борса, қон чиқариб юборишга кўрсатма бўлиши мумкин.

Шифокор рецепти бўйича Улашиш: 4 288 Виеwс

Eластомер қопқоқчали олдиндан тўлдирилган шиша шприцларда. 6 шприц қўллаш бўйича йўриқномаси билан бирга картон қутида.

2 йил.