rangsizdan och jigarranggacha bo‘lgan tiniq eritma.

periferik ta’sirga ega bo‘lgan qutbsizlanmaydigan miorelaksant.

M03AS09

Rokuroniy bromidining bolyus dozasi bir marta vena ichiga yuborilgandan keyin uning qon plazmasidagi kontsentratsiyasini o‘zgarishi uchta eksponentsial bosqichdan o‘tadi. Sog‘lom katta yoshdagi odamlarda o‘rtacha yarim chiqarilish davri (95% ishonch oralig‘i) 73 (66-80) minutni, muvozanat sharoitlaridagi (taxminiy) taqsimlanish hajmi 203 (193-214) ml/kg-1 ni, plazma klirensi 3,7 (3,5-3,9) ml/kg-1/min-1 ni tashkil qiladi. Nazoratlangan tadqiqotlarda keksa yoshdagi patsiyentlar va buyrak faoliyatini buzilishi bo‘lgan patsiyentlarda plazma klirensi sekinlashgani ko‘rsatildi, biroq tadqiqotlarning ko‘pchiligida kuzatilayotgan farqlar statistik jihatdan ahamiyatli bo‘lmagan. Jigar kasalliklari bo‘lgan patsiyentlarda yarim chiqarilish davri o‘rtacha 30 minutga oshadi, klirens 1 ml/kg-1/min-1 ga pasayadi. Chaqaloqlarda (3 oylikdan 1 yoshgacha bo‘lgan) muvozanat sharoitlaridagi (taxminiy) taqsimlanish hajmi kattalar va bolalardagi ushbu ko‘rsatgichlarga nisbatan oshgan. Kattaroq yoshdagi bolalarda (3-8 yosh) kattalar, kichikroq yoshdagi (1-3 yosh) va chaqaloqlarga nisbatan klirensni oshishi va yarim chiqarilish davrini qisqarishi (taxminan 20 minut) kuzatiladi. O‘pkaning mexanik ventilyatsiyasini yengillashtirish uchun 20 soat yoki ko‘proq vaqt davomida preparatni uzluksiz infuziya shaklida yuborilganda muvozanat sharoitlarida o‘rtacha yarim chiqarilish davri va o‘rtacha taqsimlash hajmi (taxminiy) oshadi. Nazoratlangan klinik tadqiqotlar doirasida (multi) a’zolar yetishmovchiligining tabiati va darajasi va patsiyentlarning shaxsiy xususiyatlarga bog‘liq ravishda jiddiy farqlar aniqlangan. Ko‘p a’zolar yetishmovchiligi bo‘lgan patsiyentlarda o‘rtacha (± standart chetlanish (SD)) yarim chiqarilish davri 21,5 (±3,3) soatni, muvozanat sharoitdagi (taxminiy) taqsimlanish hajmi – 1,5 (±0,8) l/kg-1 ni va plazma klirensi – 2,1 (±0,8) ml/kg-1/min-1 ni tashkil qilgan. Rokuroniy bromidi siydik va safro bilan chiqariladi. Siydik bilan chiqarilish 12-24 soat davomida 40% ga yetadi. Rokuroniy bromidining radioaktiv izotopi bilan nishonlangan inyektsiya qilingandan keyin uning ekskretsiyasi 9 kun davomida o‘rtacha siydik bilan 47% va axlat bilan 43% ni tashkil qildi. Preparatning taxminan 50% o‘zgarmagan ko‘rinishda chiqariladi. Jadal davolash bo‘limi Jadal davolash bo‘limida rokuroniy bromidining uzluksiz infuziyasidan keyin to‘rt razryadli rag‘batlantirish ko‘rsatkichining 0,7 gacha qayta tiklanish vaqti infuziya oxiridagi blokada darajasiga bog‘liq bo‘ladi. Uzluksiz infuziyadan keyin 20 soat yoki ko‘proq vaqt davomidagi infuziyadan keyin T2 ning to‘rt razryadli rag‘batlantirishga qaytishi bilan to‘rt razryadli rag‘batlantirish ko‘rsatkichining 0,7 gacha qayta tiklanishi o‘rtasidagi o‘rtacha vaqt (diapazon) ko‘p a’zolar yetishmovchiligi bo‘lmagan patsiyentlarda 1,5 (1-5) soatni va ko‘p a’zolar yetishmovchiligi bo‘lgan patsiyentlarda 4 (1-25) ni tashkil qiladi. Yurak-qon tomir jarrohligi Yurakda operatsiya o‘tkazish rejalashtirilayotgan patsiyentlarda Esmeron® preparatining  0,6-0,9 mg/kg-1 dozasi yuborilgandan keyin maksimal blokning rivojlanish vaqtida kuzatiladigan eng ko‘p uchraydigan o‘zgarishlar bo‘lib pulsning nazorat darajalarining 9% gacha kuchsiz va klinik jihatdan ifodalanmagan tezlashishi va o‘rtacha arterial bosimning 16% gacha ortishi hisoblanadi. Nerv-mushak o‘tkazuvchanligini tiklanishi T2 takroran paydo bo‘lganida yoki klinik qayta tiklanishning dastlabki belgilarida atsetilxolinesteraza ingibitorlarining (neostigmin, piridostigmin yoki edrofoniy) yuborilishi Esmeron® preparati ta’sirida hosil qilingan blokdan keyin nerv-mushak o‘tkazuvchanligining qayta tiklanishiga olib keladi.

Esmeron® preparati quyidagilar uchun qo‘llaniladi: rejali jarrohlik operatsiyalar va anesteziyaning tezkor ketma-ket induktsiyasini o‘tkazishda traxeya intubatsiyasini yengillashtirish va kattalarda turli ko‘rinishdagi jarrohlik aralashuvlar vaqtida skelet mushaklari relaksatsiyasini ta’minlash uchun;rejali jarrohlik operatsiyalar va anesteziyaning tezkor ketma-ket induktsiyasini o‘tkazishda traxeya intubatsiyasini yengillashtirish va 1 oylikdan katta bolalarda turli ko‘rinishdagi jarrohlik aralashuvlar vaqtida skelet mushaklari relaksatsiyasini ta’minlash uchun;kattalarda jadal davolash bo‘limlarida o‘pkaning sun’iy ventilyatsiyasini o‘tkazishda traxeya intubatsiyasini yengillashtirish (bolalar va keksa yoshdagi bemorlardan tashqari) uchun.

Boshqa miorelaksantlar kabi Esmeron® faqat bunday preparatlarning ta’siri yoki qo‘llanilishini biladigan tajribali klinitsist tomonidan yoki tajribali klinitsist nazorati ostida yuborilishi kerak. Esmeron® preparati dozasini boshqa miorelaksantlarni qo‘llashdagi bo‘lgani kabi har bir bemor uchun shaxsiy ravishda tanlab olinishi kerak. Dozani tanlashda anesteziya usuli va operatsiyaning ko‘zda tutilgan davomiyligi, sedatsiya usuli va mexanik ventilyatsiyaning kutilayotgan davomiyligi, birga buyurilgan boshqa dori vositalari bilan o‘zaro ta’siri mumkinligi, shuningdek patsiyentning umumiy holatini hisobga olish lozim. Nerv-mushak blokini baholash va o‘tkazuvchanlikni qayta tiklash uchun nerv-mushak monitoringining tegishli usullaridan foydalanish tavsiya qilinadi. Ingalyatsion anestetiklar Esmeron® preparati chaqirgan nerv-mushak blokini kuchaytiradi. Biroq ushbu kuchayish faqat umumiy anesteziya jarayonida to‘qimalardagi uchuvchan moddalar kontsentratsiyasi shunday o‘zaro ta’sir uchun yetarli bo‘lgan darajaga yetgan hollardagina klinik jihatdan ahamiyatga ega bo‘ladi. Shuning uchun Esmeron® preparatining dozalarini tanlashni uzoqroq intervallar bilan pastroq samarani bir maromda ushlab turuvchi dozalarni yuborish yo‘li bilan yoki ingalyatsion narkozdan foydalangan holda o‘tkaziladigan uzoq davom etuvchi (1 soatdan ko‘proq) muolajalar vaqtida Esmeron® preparati infuziyasining pastroq darajadagi tezliklaridan foydalangan holda o‘tkazish kerak (“Dorilarning o‘zaro ta’siri” bo‘limiga qarang). Katta patsiyentlarda endotraxeal intubatsiyani o‘tkazishdagi umumiy sxema sifatida va turli davomiylikdagi operatsiyalarda mushaklar relaksatsiyasini ta’minlash va jadal davolash bo‘limida foydalanish uchun quyidagi dozalar tavsiya qilinishi mumkin.

Ko‘p uchraydigan nojo‘ya ta’sirlariga quyidagilar kiradi: inyektsiya joyidagi reaktsiyalar/og‘riq, organizm holati asosiy ko‘rsatkichlarining o‘zgarishi va nerv-mushak bloki davomiyligini oshishi. Postregistratsion davrda preparatning eng ko‘p xabar qilingan jiddiy nojo‘ya ta’sirlari sifatida “anafilaktik va anafilaktoid reaktsiyalar” va ular bilan bog‘liq bo‘lgan simptomlar bo‘lgan. Quyidagi jadvalda keltirilgan tushintirishlarga ham qarang.

Rekuroniy yoki bromid-ion yoki har qanday yordamchi moddaga nisbatan yuqori sezuvchanlikda qo‘llash mumkin emas.

Quyida sanab o‘tilgan dori preparatlarning qutbsizlanmaydigan miorelaksantlarning ta’sir kuchiga va davomiyligiga ta’sir ko‘rsatishi ko‘rsatib berilgan.

Homiladorlik Rokuroniy bromidini homilador ayollarda qo‘llanilishi to‘g‘risidagi klinik ma’lumotlar yo‘q. Hayvonlarda o‘tkazilgan tadqiqotlarda hozirgacha homiladorlikning borish jarayoni, embrional/homilani rivojlanishi, tug‘ruq yoki postnatal rivojlanishga bevosita yoki bilvosita salbiy ta’sir ko‘rsatishi aniqlanmagan. Homilador ayollarga Esmeron® preparatini buyurish masalasiga alohida ehtiyotkorlik bilan yondashish lozim. Kesarev kesish Kesarev kesish operatsiyalarini o‘tkazishda, agar traxeya intubatsiyasida qiyinchiliklar ko‘zda tutilmagan va anestetikning yetarli dozasi yuborilgan bo‘lsa yoki suksametoniy qo‘llash bilan o‘tkazilgan intubatsiyadan keyin, Esmeron® preparatidan anesteziyaning tezkor ketma-ket induktsiyasi usuli tarkibida foydalanish mumkin. 0,6 mg/kg-1 dozadagi Esmeron® preparatining kesarev kesish operatsiyasini o‘tkazgan ayollar uchun xavfsiz ekanligi ko‘rsatilgan. Esmeron® preparati Apgar shkalasi bo‘yicha bahoga, homilaning mushak tonusiga yoki uning kardiorespirator moslashuviga ta’sir ko‘rsatmaydi. Kindik tasmasidan olingan qon namunasi tahlillari rokuroniy bromidi juda oz miqdorining yo‘ldosh to‘sig‘i orqali o‘tishini ko‘rsatadi, bu esa yangi tug‘ilgan chaqaloqda klinik jihatdan jiddiy bo‘lgan noxush samaralarning vujudga kelishiga olib kelmaydi. 1-izoh: 1,0 mg/kg-1 doza anesteziyaning tezkor ketma-ket induktsiyasini o‘tkazishda o‘rganilgan, biroq kesarev kesish operatsiyasini o‘tkazgan patsiyentlarda o‘rganilmagan. Shuning uchun patsiyentlarning ushbu guruhida faqat 0,6 mg/kg-1 doza tavsiya qilingan doza hisoblanadi.

Sovutgichda 2–8°S haroratlarda saqlansin. Preparat shuningdek sovutgichdan tashqarida 30°S haroratda yaroqlilik muddatining 12 haftasigacha bo‘lgan davr mobaynida saqlash ham mumkin. Har qanday saqlash muddati nihoyasiga yetishi bilan Esmeron® preparatini sovutgichga qayta joylashtirish mumkin emas, preparat utilizatsiya qilinishi kerak. Saqlash muddati yaroqlilik muddatidan ortiq bo‘lishi mumkin emas.

Retsept bo‘yicha

Vena ichiga yuborish uchun mo‘ljallangan 10 mg/ml eritma 5 ml yoki 10 ml dan 1-turdagi (YEF) rezina tiqin va qisqichli qalpoqchalar bilan yopilgan 1-turdagi rangsiz shishadan tayyorlangan flakonlarda. 5 ml dan 10 flakon, 10 ml dan 10 flakon qo‘llash bo‘yicha yo‘riqnomasi bilan karton qutilarga joylangan.

3 yil.