sutdek oq rangdan to och jigarrang ranggacha, qovushqoq hushbo‘y hidli suspenziya.

nootrop vosita.

N06BX02

Piritinol ichga qabul qilinganida tez so‘riladi. Biokiraolishliligi o‘rtacha 85% ni tashkil qiladi. Plazmadagi maksimal kontsentratsiyasiga, 100 mg piritinol digidroxloridi monogidratini ichga qabul qilinganidan 30-60 minutdan keyin erishiladi. Yarim chiqarilish davri taxminan 2,5 soat. Piritinol tez metabolizmga uchraydi. Moddaning 20-40% plazma oqsillari bilan qaytuvchan bog‘lanadi. Asosiy metabolitlari sifatida quyidagi moddalar aniqlangan: 2-metil-3-gidroksi-4-gidroksimetil-5-metilmerkaptometilpiridin va 2-metil-3-gidrok-si-4-gidroksimetil-5-metilsulfinilmetilpiridin. Kon’yugatsiyalashgan metabolitlari asosan buyraklar orqali chiqariladi. 24 soat davomida yig‘indi ekskretsiyasi 72,4-74,2% ni tashkil qiladi. Qabul qilingan dozaning eng ko‘p miqdori qabul qilingandan keyin birinchi 4 soat davomida chiqariladi. Ahlat bilan faqat dozaning 5% chiqariladi. Takror peroral buyurilganida to‘planishi kuzatilmaydi. Toksik kontsentratsiyalari hatto buyraklar faoliyati buzilishida ham rivojlanmaydi. Gematoentsefalik to‘siq orqali o‘tadi, metabolitlari asosan bosh miyaning kulrang moddasida to‘planadi. Piritinol yo‘ldosh to‘sig‘i orqali o‘tadi. O‘tkazilgan tadqiqotlar piritinolning teratogen yoki embriotoksik faolligini aniqlamadi.

Quyidagi asosiy simptomlar mavjudligida bosh miya faoliyatining surunkali buzilishlarini simptomatik davolashda qo‘llanadi: xotira, diqqatni jamlash va fikrlashni buzilishi;motivatsiyani pasayishi;tez toliqish;tserebrovaskulyar kasalliklar yoki buzilishlardagi boshqa simptomlar. Pediatriyada: nerv-ruhiy rivojlanishni buzilishi.

Kattalar: 2 choy qoshiq suspenziyadan kuniga 3 marta (kuniga 600 mg piritinol digidroxloridi monogidrati). Yangi tug‘ilgan chaqaloqlar: tug‘ilganidan keyin 3-kunidan boshlab, kuniga 1 ml suspenziyadan bir oy davomida, doza ertalab qabul qilinadi. Tug‘ilgandan keyin 2-oyidan boshlab, bu doza sutkalik doza 5 ml (1 choy qoshiq) ga yetgunigacha har hafta 1 ml ga oshiriladi. 1 yoshdan oshgan bolalar: ½-1 choy qoshiq suspenziyadan kuniga 1-3 marta (ko‘rsatmalarga bog‘liq holda kuniga 50-300 mg piritinol digidroxloridi monogidrati). 7 yoshdan oshgan bolalar: ½-2 choy qoshiq suspenziyadan kuniga 1-3 marta (ko‘rsatmalarga bog‘liq holda kuniga 50-600 mg piritinol digidroxloridi monogidrati). Preparatni ovqatlanish vaqtida yoki ovqatdan keyin qabul qilish kerak. Uyquni buzilishida kunduzgi dozaning so‘nggisini kechqurun yoki kechasiga qabul qilish mumkin emas. Davolash davomiyligi kasallikning klinik manzarasiga bog‘liq. Odatda, terapevtik samaraga davolashning 3-4 haftasidan keyin erishiladi. Optimal samaraga odatda 6-12 haftadan keyin erishiladi. Markaziy nerv tizimining perinatal patologiyasini yuqori rivojlanishi xavfi bo‘lgan yangi tug‘ilgan chaqaloqlarda davolashning o‘rtacha davomiyligi o‘rtacha 6 oyni tashkil qiladi. Uch oydan keyin davolashni davom ettirishga ko‘rsatmalarni tekshirish kerak.

Preparatning nojo‘ya samaralarining tez-tezligi quyidagicha baholanadi: Juda tez-tez: >1/10 Tez-tez: >1/100, <1/10 Tez-tez emas: >1/1000, <1/100 Kam: >1/10000, <1/1000 Juda kam: <1/10000 Qon va limfa tizimi tomonidan buzilishlar (*) Tez-tez emas: Eozinofiliya, trombotsitopeniya; Juda kam: Leykopeniya, agranulotsitoz; Me’da-ichak yo‘llari tomonidan buzilishlar Tez-tez: Ko‘ngil aynishi, qusish, stomatit, diareya; Umumiy buzilishlar va yuborish joyidagi buzilishlar Tez-tez emas: Bosh og‘rig‘i, bosh aylanishi, ta’m bilishni buzilishi*, sovuq qotish hissi, charchoqlik; Jigar va o‘t chiqaruvchi yo‘llari tomonidan buzilishlar Tez-tez emas: Jigar yetishmovchiligi*; Juda kam: Gepatit*, xolestaz*, xolestatik gepatit*, sariqlik; Immun tizimi tomonidan tomonidan (*) Tez-tez: Asosan teri yoki shilliq qavatlarda toshmalar, qichishish, tana haroratini oshishi ko‘rinishida turli og‘irlik darajalarida o‘ta yuqori sezuvchanlik reaktsiyalari; Juda kam: Autoimmun insulin sindromi; Moddalar almashinuvi va oziqlanish tomonidan buzilishlar Tez-tez emas: Ishtahani pasayishi; Skelet-mushak va biriktiruvchi to‘qima tomonidan buzilishlar Juda kam: Mialgiya, artralgiya, miasteniya, polimiozit*; Nerv tizimi tomonidan buzilishlar Tez-tez: Uyquni buzilishi; Tez-tez emas: Yuqori qo‘zg‘aluvchanlik; Juda kam: Paresteziya*; Buyrak va siydik chiqarish yo‘llar tomonidan buzilishlar

piritinol va yordamchi moddalarga yuqori sezuvchanlik;surunkali revmatoid artrit quyidagi yo‘ldosh kasalliklar bilan majmuada: og‘ir darajali buyrak yoki jigar yetishmovchiligi; og‘ir darajali qon kasalliklari; autoimmun kasalliklar; tizimli qizil yugirik, miasteniya, pufakli yara (o‘tkir yoki anamnezida). Preparat sorbitol saqlashi tufayli, uni fruktozani o‘zlashtiraolmaslik bilan bog‘liq kam uchraydigan nasliy kasalliklari bo‘lgan patsiyentlarga buyurish tavsiya qilinmaydi. Preparat paragidroksibenzoat saqlashi tufayli, ayrim hollarda uni tutib qolinishi bilan namoyon bo‘lishi mumkin bo‘lgan, moyilligi bo‘lgan patsiyentlarda allergik reaktsiyalar bo‘lishi mumkin.

Piritinol penitsillamin, oltin preparatlari, sulfasalazin, levamizolning nojo‘ya reaktsiyalarini potentsiyalashi mumkin.

Ehtimol, revmatoid artriti bo‘lgan patsiyentlarda tiol guruhini (SN-guruhi) saqlovchi birikmalarga (shu jumladan piritinolga) yuqori sezuvchanlik kuzatiladi, bu asosiy kasallik bilan bog‘liq. Shu sababli revmatoid artriti bo‘lgan patsiyentlarda antirevmatik dori vositalariga xarakterli nojo‘ya reaktsiyalar, shu jumladan leykopeniya, agranulotsitoz, eozinofiliya, trombotsitopeniya, jigar faoliyatini buzilishi, transaminazalar faolligini oshishi, xolestaz, toshma, qichishish, alopetsiya, yassi temiratki, terining bullyoz pemfigioid reaktsiyasi, antinuklear antitelolarni paydo bo‘lishi, LE-xujayralarni paydo bo‘lishi, antiinsulin antitelolarni paydo bo‘lishi, paresteziyalar tez-tez paydo bo‘lishi mumkin. Revmatoid artriti bo‘lgan patsiyentlarga muntazam tibbiy ko‘riklardan o‘tish va laborator sinamalarni o‘tkazish tavsiya qilinadi. B-penitsillaminga o‘ta yuqori sezuvchanligi ma’lum patsiyentlarda piritinol bilan kimyoviy tuzilishi jihatidan o‘xshashlikka egaligi sababli (tiol guruhlari), o‘xshash nojo‘ya samaralar kuzatilishi mumkin.

20-25oS haroratda saqlansin.

Dozani oshirib yuborilishi hollarida nojo‘ya ko‘rinishlarni namoyon bo‘lishi kuchayadi. Shifokorga murojaat qilish kerak. Birinchi yordam – me’dani yuvish, faollashtirilgan ko‘mirni qabul qilishdan iborat.

Retsept bo‘yicha

200 ml dan birinchi ochish nazorati bo‘lgan buraladigan alyumin qopqoqli to‘q rangli shisha flakonda. Flakon qo‘llash bo‘yicha yo‘riqnomasi bilan karton qutiga joylanadi.

5 yil.