oq liofillizatsiya qilingan kukun yoki g‘ovak massa.

o‘sma nekrozining α-faktori (O‘NF-ά) ingibitori.

L04AB01.

Revmatoid artrit Metotreksat bilan majmuada Enbrel®, kattalarga og‘irlik darajasi o‘rtacha va yuqori bo‘lgan faol revmatoid artritda, bazis yallig‘lanishga qarshi preparatlarga (BYAQP), shu jumladan metotreksatga javob noadekvat bo‘lganida buyuriladi. Enebrel®, metotreksat samarasiz bo‘lganida yoki o‘zlashtira olinmaganida monoterapiya ko‘rinishida buyurilishi mumkin. Enbrel® kattalarda ilgari metotreksat bilan davolanmagan og‘ir, faol va avj olib boruvchi revmatoid artritni davolash uchun ko‘rsatilgan. Yuvenil idiopatik poliartrit 2-17 yoshdagi bolalar va o‘smirlarda metotreksatning samaradorligi yoki o‘zlashtirilishi yetarli bo‘lmaganida faol yuvenil idiopatik poliartritni (seropozitiv va seronegativ) davolashda qo‘llanadi. 2 yoshdan oshgan bolalar va o‘smirlarda metotreksatning samaradorligi yoki o‘zlashtirilishi yetarli bo‘lmaganida tarqalgan oligoartritni davolashda qo‘llanadi. 12 yoshdan oshgan o‘smirlarda metotreksatning samaradorligi yoki o‘zlashtirilishi yetarli bo‘lmaganida psoriatik artritni davolashda qo‘llanadi. 12 yoshdan oshgan o‘smirlarda standart davolashning samaradorligi yoki o‘zlashtirilishi yetarli bo‘lmaganida entezitlar bilan assotsiatsiyalangan artritni davolashda qo‘llanadi. Psoriatik artrit Kattalardagi BYAQP bilan davolashga adekvat javob bo‘lmagan faol va avj olib boruvchi boruvchi psoriatik artritni davolashda qo‘llanadi. Spondiloartritning aksial shakli Ankilozlovchi spondilit Kattalarda an’anaviy davolash ahamiyatli yaxshilanishga olib kelmagan og‘ir faol ankilozlovchi spondilitni davolashda qo‘llanadi. Spondiloartritning aksial shaklining rentgenologik oldi bosqichi Standart davolashga noadekvat javob yoki rezistentligi bo‘lgan, shuningdek S-reaktiv oqsil (SRO) kontsentratsiyasini oshishi va/yoki MRT-skanerlash ma’lumotlari bilan tasdiqlangan kasallik faolligining obyektiv belgilari bo‘lgan spondiloartritning aksial shaklining rentgenologik oldi bosqichi bo‘lgan katta yoshdagi patsiyentlarni davolash uchun ko‘rsatilgan. Psoriaz Tsiklosporin, metotreksat yoki PUVA-terapiyani o‘z ichiga oluvchi boshqa tizimli davolashni o‘tkazish mumkin bo‘lmagan holatlar yoki o‘zlashtira olmaslik holatlari bo‘lgan o‘rtacha va og‘ir og‘irlik darajasidagi psoriaz bilan xastalangan kattalarni davolashda qo‘llanadi. O‘zlashtira olmaslik yoki boshqa tizimli yoki fototerapiyaga yetarli javob bo‘lmaganida og‘ir darajali surunkali psoriazi bo‘lgan 6 yosh va undan katta yoshdagi bolalarni davolashda qo‘llanadi.

Teri ostiga yuboriladi. Enbrel® preparati bilan davolash revmatoid artrit, yuvenil idiopatik poliartrit, psoriatik artrit, ankilozlovchi spondilit va psoriazni diagnostika qilish va davolash tajribasiga ega bo‘lgan shifokor tomonidan buyurilishi va nazorat qilinishi kerak. Enbrel® eritma tayyorlash uchun liofilizat dori shaklida, 25 mg dozada tana vazni 62,5 kg dan kam patsiyentlarga, shu jumladan bolalarga tavsiya etiladi.

Nojo‘ya reaktsiyalari yuz berish tezligiga qarab, quyidagi tarzda guruhlangan: juda tez-tez (≥1/10); tez-tez (≥1/100, <1/10); tez-tez emas (≥1/1000, <1/100); kam hollarda (≥1/10000, <1/1000); juda kam hollarda (<1/10000); yakka hollar (tez-tezligini aniqlash mumkin emas).

Etanertsept yoki prepapratning boshqa har qanday komponentiga yuqori sezuvchanlik. Sepsis yoki sepsisni rivojlanish xavfi. Faol infektsiya, shu jumladan surunkali yoki chegaralangan infektsiyalar. Homiladorlik va emizish davrida qo‘llash mumkin emas. 2 yoshgacha bo‘lgan bolalarda yuvenil idiopatik poliartritni (seropozitiv va seronegativ) va tarqalgan oligoartritni davolash uchun Enbrel® preparatini qo‘llashning samaradorligi va xavfsizligi o‘rganilmagan. 6 yoshgacha bo‘lgan bolalarda psoriazni davolash uchun Enbrel® preparatini qo‘llashning samaradorligi va xavfsizligi o‘rganilmagan. 12 yoshdan kichik bolalarda psoriatik artrit va entezitlar bilan assotsiatsiyalangan artritni davolash uchun Enbrel® preparatini qo‘llash samaradorligi va xavfsizligi o‘rganilmagan.

Anakinra Enbrel® va anakinra bilan majmuaviy davolash fonida, faqat Enbrel® yoki anakinra yuborilgan patsiyentlar bilan solishtirganda jiddiy infektsiyalar va neytropeniya rivojlanishining tez-tezligini ahamiyatli oshishi kuzatilgan. Enbrel® preparati va anakinrani birga qo‘llash klinik afzallikni namoyon qilmagan va shuning uchun tavsiya etilmaydi. Abatatsept Enbrel® preparati va abatatseptni bir vaqtda qo‘llash jiddiy noxush ko‘rinishlar tez-tezligini oshishi bilan birga kechgan. Dori preparatlarining ushbu majmuasi klinik afzalliklarni namoyish qilmagan va shuning uchun tavsiya etilmaydi. Sulfasalazin Sulfasalazin bilan davolash fonida Enbrel® yuborilgan patsiyentlarda, faqat Enbrel® yoki faqat sulfasalazin qabul qilgan patsiyentlar bilan solishtirganda, leykotsitlarning o‘rtacha sonini ahamiyatli pasayishi ta’riflangan. O‘zaro ta’sirning yo‘qligi Revmatoid artriti bo‘lgan patsiyentlarda Enbrel® preparati glyukokortikosteroidlar, salitsilatlar (sulfasalazindan tashqari), nosteroid yallig‘lanishga qarshi preparatlar (NYAQP), analgetiklar yoki metotreksat bilan bir vaqtda qo‘llanganida noxush o‘zaro ta’sirlar kuzatilmagan. Metotreksat Metotreksat etanertseptning farmakokinetikasiga ta’sir qilmaydi. Odamda Enbrel® preparatini metotreksatning farmakokinetikasiga ta’siri o‘rganilmagan. Digoksin Etanertseptning farmakokinetikasiga klinik ahamiyatli o‘zaro ta’siri aniqlanmagan. Varfarin Etanertseptning farmakokinetikasiga klinik ahamiyatli o‘zaro ta’siri aniqlanmagan. Vaktsinatsiya Enbrel® preparati bilan davolash fonida tirik vaktsinalarni yuborish mumkin emas. Enbrel® ni qabul qilayotgan patsiyentlarga tirik vaktsina orqali infektsiyani ikkilamchi o‘tishi xaqida ma’lumotlar yo‘q. Enbrel® preparati bilan davolashni boshlashgacha bolalar va o‘smirlar, agar iloji bo‘lsa barcha emlashlarning amaldagi milliy kalendariga muvofiq barcha kerakli emlashlarni olishlari tavsiya etiladi. Enbrel® qabul qilayotgan psoriatik artriti bo‘lgan ko‘pchilik patsiyentlarda pnevmokokkli polisaxarid vaktsinaga V-xujayrali immun javobni oshishi kuzatilgan, lekin titrlar umuman olganda biroz past bo‘lgan, titrni 2-marta oshishi Enbrel® qabul qilmayotgan patsiyentlarga nisbatan kamroq sondagi patsiyentlarda kuzatilgan.

Enbrel® preparatini qabul qilish to‘xtatilgandan keyin kasallik simptomlari qaytalanishi mumkin. Infektsiyalar Bemorlar Enbrel® preparatini qo‘llashni boshlashdan oldin, davolash davomida va davolash kursi tugatilganidan keyin, etanertseptning taxminan 70 soatga (7-300 soat) teng yarim chiqarilish davrining o‘rtacha davomiyligini hisobga olib, infektsiyalar mavjudligiga tekshirilishlari kerak.

Homiladorlik vaqtida Enbrel® preparatini qo‘llash xavfsizligi aniqlanmagan. Mavjud ma’lumotlar homila rivojlanishidagi tug‘ma nuqsonlar tez-tezligini oshishini namoyish qilmagan. Bundan tashqari bolalarni bachadon ichida yoki postnatal o‘sishining tanqisligi yoki postnatal rivojlanishni sekinlashishi tez-tezligini oshishini namoyish qilinmagan. Homiladorlik vaqtida va homiladorlikni rejalashtirgan ayollarda Enbrel® preparatini qo‘llash mumkin emas, chunki bu preparatni homilador ayollarda qo‘llash tajribasi yo‘q. Etanertsept yo‘ldosh orqali o‘tadi. Onalari homiladorlik vaqtida etanertsept bilan davolangan yangi tug‘ilgan chaqaloqlarda etanertsept qon plazmasida aniqlangan. Buning klinik ahamiyati noma’lum, lekin bunday bolalar infektsiyalarga yuqori sezuvchan bo‘lishlari mumkin. Onalari etanertseptning oxirgi dozasini qabul qilgandan keyin 16 xafta davomida yangi tug‘ilgan chaqaloqlarga tirik vaktsinalarni yuborish tavsiya etilmaydi. Tug‘ruq yoshidagi ayollar Enbrel® preparati bilan davolash vaqtida, shuningdek u bekor qilingandan keyin uch xafta davomida kontratseptsiyaning ishonchli usullaridan foydalanishlari kerak. Teri ostiga inyektsiyasidan keyin etanertsept ko‘krak suti bilan chiqariladi. Ona uchun davolashning muhimligi va bola uchun xavfni e’tiborga olib, yohud emizishni to‘xtatish,  yohud emizish vaqtida Enbrel® preparatini qabul qilishni to‘xtatish kerak.

2°S dan 8oS gacha haroratda saqlansin. Muzlatilmasin.

Enbrel® preparatining dozasi oshirib yuborilganda, bu haqida darhol shifokorga yoki farmatsevtga xabar bering. Enbrel® preparatining karton qutisini, hatto u bo‘sh bo‘lsa ham saqlab qo‘ying. Enbrel® preparatining maksimal dozasi aniqlanmagan. Klinik taqiqotlar jarayonida sog‘lom ko‘ngillilarga 60 mg/m2 doza bir marta yuborilgan, bu dozani cheklovchi toksiklikni rivojlanishiga olib kelmagan. Revmatoid artriti bo‘lgan patsiyentlarni davolaganda chegara toksik dozani oshirish xollari qayd qilinmagan. Vena ichiga yuborilgan eng yuqori doza, keyingi haftada ikki marta teri ostiga 16 mg/m2 yuborish bilan 32 mg/m2 ni tashkil qilgan. Enbrel® preparati uchun spetsifik antidot noma’lum.

Retsept bo‘yicha

Teri ostiga yuborish uchun eritma tayyorlash uchun liofilizat 25 mg. 25,0 mg etanertsept rezina tiqin bilan berkitilgan va “flip-off” tipdagi uziluvchan plastik qalpoqcha bilan ta’minlangan, alyumin qalpoqcha bilan yopilgan rangsiz shisha (1 tip) flakonda. 1,0 ml erituvchi rezina tiqin va birinchi ochish nazoratli rangsiz shishali (1 tip) bir marta ishlatish uchun shpritsda. 1 flakon erituvchini saqlovchi 1 shprits, 1 inyektsion igna, 1 flakon uchun adapter va 2 individual ravishda o‘ramlangan spirtli salfetka bilan plastik o‘ramga joylanadi va adgeziv qavatga ega qog‘oz bilan muhrlanadi. 4 plastik o‘ram qo‘llash bo‘yicha yo‘riqnomasi bilan birga karton qutiga joylanadi.

3 yil.