sariq/yashil sariq rangli tiniq eritma.

Antibakterial sintetik vosita (ftorxinolonlar guruhi).

J01MA12

So‘rilishi 500 dozasi bir marta (60 minut davomida) yuborilganida qon plazmasida maksimal kontsentratsiyasiga 1,3 soatdan keyin erishiladi va 5,2-6,9 mkg/ml tashkil etadi. Levofloksatsinning farmakokinetikasi to‘g‘ri chiziqli xarakterga ega va preparat bir marta va ko‘p marta yuborilganida oldindan aytib bo‘ladi. Vena ichiga yuborilganidan so‘ng levofloksatsinning plazmadagi kontsentratsiyasi tabletka shaklida qabul qilingandagi bilan o‘xshashdir. Shuning uchun peroral qabul qilish va vena ichiga yuborish usullarini o‘zaro o‘rnini bosuvchi deb hisoblash mumkin. Taqsimlanishi Plazma oqsillari bilan bog‘lanishi – 30-40%. To‘qima va a’zolarga: o‘pka, bronxlarning shilliq qavati, balg‘am, siydik chiqarish a’zolari, jinsiy a’zolar, suyak to‘qimasi, orqa miya suyuqligi, prostata bezi, polimorf yadroli leykotsitlar, alveolyar makrofaglarga oson o‘tadi. Metabolizmi Levofloksatsinning katta bo‘lmagan qismi jigarda metabolizmga uchraydi. Chiqarilishi 500 mg bir martalik dozasi vena ichiga yuborilganidan so‘ng yarim chiqarilish davri 6-8 soatni tashkil etadi. Asosan buyraklar orqali kalavalar filtratsiyasi va naychalar sekretsiyasi yordamida chiqariladi. Yuborilgan dozasining taxminan 87% siydik bilan o‘zgarmagan holad 48 soat davomida chiqariladi. 4% dan kamroq qismi 72 soat davomida axlatda aniqlangan. Ayrim klinik holatlarda preparatning farmakokinetikasi Levofloksatsinning farmakokinetikasi patsiyentning jinsi va yoshiga bog‘liq emas. Keksa yoshdagi (66 dan 80 yoshgacha) odamlarda yarim chiqarilish davri biroz uzayadi, biroq bunda preparatning dozasini muvofiqlashtirish talab etilmaydi. Buyrak faoliyatini buzilishi (kreatinin klirensi minutiga 50 ml dan kam) bo‘lgan patsiyentlarda preparatning kumulyativ samarasidan saqlanish uchun dozasiga to‘g‘rilik kiritish talab etiladi. Gemodializ va uzoq muddatli ambulator peritoneal dializ organizmdan levofloksatsinni chiqarmaydi, demak ular o‘tkazilganida qo‘shimcha dozalarni yuborish talab etilmaydi. Jigar faoliyatini buzilishi bo‘lgan patsiyentlarda levofloksatsinning farmakokinetikasini o‘zgarishi kutilmaydi, chunki uning metabolizmi jigarda ahamiyatsiz darajada bo‘ladi. Bolalarda levofloksatsinning farmakokinetikasi o‘rganilmagan.

Preparatga sezgir mikroorganizmlar chaqirgan infektsion-yallig‘lanish kasalliklar: kasalxonadan tashqari pnevmoniya;buyrak va siydik chiqarish yo‘llarini asoratlangan infektsiyalari, piyelonefrit;siydik chiqarish yo‘llarini asoratlanmagan infektsiyalari;surunkali prostatit;teri va yumshoq to‘qimalarning infektsiyalari;yuqorida keltirilgan ko‘rsatmalar bilan bog‘liq bakteriyemiya / septitsemiya.

Elfloks vena ichiga infuziya holida yuboriladi. Preparatning dozasi infektsiyani og‘irligi va xarakteri, shuningdek taxmin qilingan qo‘zg‘atuvchining sezgirligiga qarab aniqlanadi. Buyrak faoliyatini o‘rtacha pasayishi (kreatinin klirensi minutiga > 50 ml) yoki normal bo‘lgan patsiyentlarni davolash uchun quyidagi dozalash tartibi tavsiya etilgan: kasalxonadan tashqari pnevmoniya: 500 mg dan sutkada 1 marta, davolash kursi – 7-14 kun; siydik chiqarish yo‘llarini asoratlangan infektsiyalari va o‘tkir piyelonefrit: 250 mg dan sutkada 1 marta, davolash kursi – 10 kun; siydik chiqarish yo‘llarini asoratlanmagan infektsiyalari: 250 mg dan sutkada 1 marta, davolash kursi – 3 kun; surunkali prostatit: 500 mg dan sutkada 1 marta, davolash kursi – 28 kun; teri va yumshoq to‘qimalarni asoratlanmagan infektsiyalari: 500 mg dan sutkada 1 marta, davolash kursi – 7-10 kun; teri va yumshoq to‘qimalarni asoratlangan infektsiyalari: 750 mg dan sutkada 1 marta, davolash kursi – 7-14 kunni tashkil etadi. Buyrak faoliyatini buzilishi bo‘lgan patsiyentlarga kreatinin klirensiga qarab dozalash tartibini to‘g‘rilash talab etiladi. Dori vositasi quyidagi sxema bo‘yicha buyuriladi:

Ovqat hazm qilish tizimi tomonidan: ko‘ngil aynishi, diareya; ba’zida – ishtahani yo‘qolishi, qusish, qorinda og‘riq, ovqat hazm bo‘lishini buzilishi; kam hollarda – qon aralash diareya; Moddalar almashinuvi tomonidan: juda kam hollarda – gipoglikemiya; ayrim hollarda – mavjud bo‘lgan porfiriyani zo‘rayishi. MNT va periferik nerv tizimi tomonidan: ba’zida – bosh og‘rig‘i, bosh aylanishi, tanglik, uyquchanlik; kam hollarda – qo‘l kaftlarida paresteziyalar, titrash, bezovtalik, qo‘rquv holati, tirishish hurujlari va ongni chalkashishi; juda kam hollarda – ko‘rish va eshitishni buzilishi, ta’m bilish va hid bilish sezuvchanligini buzilishi, taktil sezuvchanlikni pasayishi, gallyutsinatsiya va depressiya ko‘rinishidagi psixotik reaktsiyalar, harakat buzilishlari (shu jumladan, yurishdagi) bo‘lishi mumkin; Yurak qon-tomir tizimi tomonidan: kam hollarda – taxikardiya, arterial bosimni pasayishi; juda kam hollarda – tomirlar kollapsi. Suyak-mushak tizimi tomonidan: kam hollarda – paylarni shikastlanishi, bo‘g‘im va mushak og‘riqlari. Siydik chiqarish tizimi tomonidan: kam hollarda – qon zardobida kreatininning miqdorini oshishi; juda kam hollarda – buyrak faoliyatini o‘tkir buyrak yetishmovchiligigacha og‘irlashishi. Qon yaratish tizimi tomonidan: ba’zida – eozonofiliya, leykopeniya; kam hollarda – neytropeniya, trombotsitopeniya; juda kam hollarda – yaqqol agranulotsitoz (tana haroratini turg‘un yoki qaytalanuvchi oshishi, murtaklarni yallig‘lanishi va patsiyentning ahvolini og‘irlashishi, og‘ir darajadagi infektsiyani rivojlanishi bilan kechadi). Allergik reaktsiyalar: ba’zida – terini qichishishi va qizarishi; kam hollarda – anafilaktik va anafilaktoid reaktsiyalar (eshakemi, bronxospazm va og‘ir darajadagi bo‘g‘ilish bo‘lishi mumkin, kam hollarda – yuz va xiqildoqni shishi). Dermatologik reaktsiyalar: kam hollarda – fotosensibilizatsiya.

preparatning komponentlariga yoki boshqa xinolonlarga yuqori sezuvchanlik;tutqanoq;anamnezida paylarni, xinolonlar qabul qilish bilan bog‘liq bo‘lgan, shikastlanishi;homiladorlik va laktatsiya davri;bolalar va 18 yoshgacha bo‘lgan o‘smirlar. Buyrak faoliyatini yondosh pasayish ehtimoli yuqori bo‘lganligi sababli keksa yoshdagi patsiyentlarda, glyukoza-6-fosfatdegidrogenaza tanqisligida preparatni ehtiyotkorlik bilan qo‘llash kerak.

Sukralfat, magniy yoki alyuminiy saqlovchi antatsid vositalar, shuningdek temir tuzlari bilan bir vaqtda qo‘llanganida Elfloks preparatining ta’siri ahamiyatli darajada pasayadi. Barcha xinolonlar kabi, levofloksatsin preparatlar (nosteroid yallig‘lanishga qarshi vositalar, teofillin) ning tirishishgi tayyorgarlik bo‘sag‘asini pasaytirish qobiliyatini kuchaytirishi mumkin. Levofloksatsinni organizmdan chiqarilishi tsimetidin va probenetsid ta’sirida biroz sekinlashadi, bu amalda klinik ahamiyatga ega emas. Vitamin K antagonistlari bilan bir vaqtda qo‘llanganida qon ivish tizimini nazorat qilish kerak. Levofloksatsin tsiklosporinni qon plazmasidan yarim chiqarilish davrini biroz uzayishini chaqiradi. Glyukokortikosteroidlar bilan bir vaqtda qabul qilish paylarni uzilish havfini oshiradi.

Elfloks buyurilganida ehtiyotkorlikka rioya qilish kerak: keksa yoshdagi patsiyentlarga (buyrak faoliyatini yondosh pasayish havfi va paylarni uzilish havfi yuqori bo‘lganligi sababli);bosh miyani oldindan shikastlanishi bo‘lgan, shu jumladan insult yoki bosh miyani og‘ir darajadagi jarohatlari bo‘lgan patsiyentlarga (tirishishga tayyorgarlik bo‘sag‘asi yuqori bo‘lganligi sababli);qandli diabet bilan xastalangan patsiyentlarga (gipoglikemiya rivojlanishi mumkin);buyrak faoliyatini buzilishi bo‘lgan bemorlarga (preparat naychalar sekretsiyasini bloklaydigan preparatlar bilan bir vaqtda ehtiyotkorlik bilan buyuriladi) ehtiyotkorlik bilan buyuriladi. Fotosensibilizatsiyasini rivojlanishidan saqlanish uchun bemorlarga quyoshdan va UB-nurlaridan saqlanish tavsiya etiladi. Pnevmokokklar chaqirgan og‘ir darajadagi pnevmoniyada levofloksatsin preparatini qo‘llash yetarli darajada samarali bo‘lmasligi mumkin. Pseudomonas aeruginosa chaqirgan kasalxona infektsiyalarida majmuaviy davolashni qo‘llash talab etilishi mumkin. Soxta membranoz kolitga shubha qilinganida Elfloksni zudlik bilan bekor qilish va muvofiq davolashni boshlash kerak. Bunday hollarda ichak harakatini susaytiruvchi dori vositalarini qo‘llash mumkin emas. Dori vositasining infuzion eritmasini geparin yoki ishqoriy reaktsiyaga ega bo‘lgan eritmalar (masalan, natriy bikarbonat eritmasi bilan) aralashtirish mumkin emas.

Homiladorlik va laktatsiya davrida qo‘llash mumkin emas.

Quruq, yorug‘ikdan himoyalangan joyda, 25°S dan yuqori bo‘lmagan xaroratda saqlansin.

Simptomlari: ongni chalkashishi, bosh aylanishi, ongni buzilishi va tutqanoq hurujlari ko‘rinishidagi tirishish hurujlari, ko‘ngil aynishi, shilliq qavatlarni eroziv shikastlanishlari. Davolash: simptomatik davolash o‘tkaziladi. Levofloksatsin dializ yordamida organizmdan chiqarilmaydi. Spetsifik antidoti mavjud emas.

Retsept bo‘yicha

100 ml dan polipropilen flakonda (shisha butilkada). 1 flakon (shisha butilka) qo‘llash yo‘riqnomasi bilan birga karton qutiga yoki polipropilen plenkadan tayerlangan o‘ramga joylangan.

2 yil.