tiniq, rangsiz yoki deyarli rangsiz suyuqlik.

regidratatsiya qiluvchi vosita.

B05CB

Qon tomirlar havzasiga yuborilganida natriy laktati karbonat angidridi va suv bilan o‘zaro ta’sir qilib, natriy bikarbonatini hosil qiladi, bu qonning ishqoriy zahirasini oshishiga olib keladigan natriy laktatining faqat yarmi (L izomeri) faol hisoblanadi, qolgan yarmi esa (D izomeri) metabolizmga uchramaydi va siydik bilan chiqariladi. Natriy xloridi qon tomirlar havzasidan tez chiqariladi, u AQH (aylanib yuruvchi qon hajmi) ni vaqtinchalik oshiradi. Diurezni kuchaytiradi. Glyukoza molekulalari organizmni energiya bilan ta’minlash jarayonlariga sarflanadi. Glyukoza to‘qimalarga borganidan so‘ng, fosforlanadi va glyukozo-6-fosfatga aylanadi, keyinchalik u moddalar almashinuviga kirishadi (metabolizmning oxirgi mahsulotlari bo‘lib karbonat angidrid gazi va suv hisoblanadi). Gistogematik to‘siqlar orqali barcha a’zolar va to‘qimalarga oson o‘tadi. Organizm tomonidan butunlay o‘zlashtiriladi, buyraklar orqali chiqarilmaydi (siydikda paydo bo‘lishi patologik belgi hisoblanadi).

Shokda (jarohat, kuyish oqibatidagi, toksik) gipovolemiyani muvofiqlashtirish, o‘tkir qon yo‘qotilishini davolash, intoksikatsiya belgilari (infektsion kasalliklar, kuyish kasalligi, sepsis, gepatitni zo‘rayishi) bartaraf qilish, tromboflebitlarda, endoarteriitlarda va boshqalarda qonning qovushqoqligini pasaytirish uchun qo‘llanadi.

Kattalarga: vena ichiga infuziya holida 500 ml dan 1000 ml gacha bo‘lgan eritma soatiga 300 ml dan 500 ml gacha (minutiga taxminan 80-130 tomchi) bo‘lgan tezlik bilan yuboriladi. Bolalarga: soatiga 50 ml dan 100 ml gacha bo‘lgan eritma, shifokorning ko‘rsatmasi bo‘yicha va patsiyentning yoshi, vazni va kasallikning simptomlariga qarab yuboriladi.

Agar eritma katta hajmda va yuqori tezlikda yuborilgan bo‘lsa, quyidagi nojo‘ya reaktsiyalar: o‘pka shishi, bosh miya shishi, periferik shishlar, giperglikemiya bo‘lishi mumkin.

Giperglikemiya, alkaloz, preparatni shaxsiy o‘zlashtirolmaslik, qon ketishiga moyillik bilan kechuvchi kasalliklar (me’da-ichak yara kasalligi, gemorragik kolit, jigarni og‘ir kasalliklari), arterial gipertenziya, yurak dekompensatsiyasi, bosh miyaga qon quyilishi, homiladorlik, laktatsiya davrida qo‘llash mumkin emas.

Boshqa dori vositalari uchun tashuvchi-eritma sifatida qo‘llanmaydi.

Buyrak yetishmovchiligi, yurak yetishmovchiligi, jigar faoliyatini og‘ir darajadagi buzilishlari bo‘lgan, qandli diabet bilan xastalangan patsiyentlar, siydik chiqarish yo‘llarini obstruktsiya oqibatida siydikni hajmi pasaygan patsiyentlarga qo‘llash tavsiya etilmaydi. Qo‘llashdagi maxsus ko‘rsatmalar Diurezni buzilishi bo‘lgan patsiyentlar uchun kuniga 500 ml yoki soatiga 20 ml eritma yuborish tavsiya etiladi. Sovuq kunlarda preparatni qo‘llashdan oldin preparatni tana xaroratigacha ilitish tavsiya etiladi. Rezina tiqini “O” belgilangan joyidan igna bilan vertikal holatda teshilishi kerak. Rezina tiqinni igna yordamida qiya teshish eritmani oqishiga olib kelishi mumkin. Agar o‘ramning tashqi tomonida tomchi paydo bo‘lgan bo‘lsa, yoki eritmaning rangi o‘zgargan yoki xiralashgan bo‘lsa, eritma qo‘llash uchun yaroqli emas. Preparat bolalar ololmaydigan joyda saqlansin va yaroqlilik muddati tugaganidan so‘ng qo‘llanmasin.

Yorug‘likdan himoyalangan joyda, 25oS dan yuqori bo‘lmagan haroratda saqlansin. Muzlatilmasin.

Dozasi oshirib yuborilganida alkaloz belgilari rivojlanadi, agar preparatni yuborish darhol to‘xtatilsa, belgilari o‘z-o‘zidan tez o‘tib ketadi. Diurez kuchayganligi tufayli ba’zida kollaps, suvsizlanish kuzatiladi. Yuborish tezligi tez bo‘lganida arterial bosim oshishi, taxikardiya, to‘sh suyagi ortida og‘riq, qorinda og‘riq, bosh og‘rig‘i rivojlanishi mumkin. Agar eritmani yuborish tezligi ahamiyatli darajada kamaytirilsa yoki to‘xtatilsa, dozani oshirib yuborilish simptomlari o‘z-o‘zidan yo‘qoladi.

Shifokor retsepti bo‘yicha Ulashish: 4 328 Views

Eritma 500 ml dan polipropilen flakonda; bir polipropilen flakon tibbiyotda qo‘llash bo‘yicha yo‘riqnomasi bilan birga karton qutiga joylangan.

2 yil.