oq yoki deyari oq rangli, kuchsiz meva hidli kukun. Suvda eritilganidan keyin deyarli oqdan to och-sariq rangligacha bo‘lgan meva xidli suspenziya hosil bo‘ladi.

antibiotik – yarimsintetik penitsillin beta-laktamazalar ingibitori bilan majmuada.

J01CR02.

So‘rilishi. Ichga qabul qilinganidan keyin preparatning ikkala komponenti me’da-ichak yo‘llaridan tez so‘riladi. Preparat ovqatlanishni boshida qabul qilingan holda uning ikkala faol komponentini so‘rilishi optimal bo‘ladi. 125 mg+31,25 mg doza qabul qilinganidan keyin: amoksitsillinning Smax – 1,96 mkg/ml, klavulanat kislotasiniki – 0,77 mkg/ml;amoksitsillinning Tmax – 1,5 soat, klavulanat kislotasiniki – 1,0 soat;amoksitsillinning AUC – 9,19 mg·soat/l, klavulanat kislotasiniki – 2,60 mg·soat/l. Preparat qo‘llanganida qon zardobidagi amoksitsillinning kontsentratsiyasi, amoksitsillinning bir o‘zini ekvivalent dozalarini peroral qabul qilishdagi shundaylar bilan o‘xshash. Taqsimlanishi. Preparatning ikkali komponentlari yaxshi taqsimlanish hajmi bilan xarakterlanadi – amoksitsillin va klavulanat kislotasining terapevtik kontsentratsiyalari turli a’zolar va to‘qimalarda, interstitsial suyuqlikda: o‘pkada, o‘rta quloqda, qorin bo‘shlig‘i a’zolarida, kichik chanoq a’zolarida (prostata bezi, bachadon, tuxumdonlar), teri; yog‘, suyak va mushak to‘qimalarida; plevral, sinovial va peritoneal suyuqliklarda; plazmada, safroda, yiringli ajralmalarda, balg‘amda, bronxial sekretida hosil bo‘ladi. Amoksitsillin va klavulanat kislotasi plazma oqsillari bilan muvofiq 18% va 25% ga o‘rtacha bog‘lanish darajasiga ega. Preparatning ikkala komponenti yo‘ldosh to‘sig‘i orqali o‘tadi, lekin homilaga salbiy ta’siri haqida ma’lumotlar chop etilmagan. Amoksitsillin va klavulanat kislotasi ko‘krak sutida past kontsentratsiyalarda aniqlanadi. Metabolizmi, chiqarilishi. Amoksitsillinning taxminan 60-70% buyraklar orqali naychalar sekretsiyasi va kalavalar filtratsiyasi yo‘li bilan o‘zgarmagan holda, taxminan 1-25% nofaol penitsillat kislotasi ko‘rinishida chiqariladi. Kalavulanat kislotasi jigarda faol metabolizmga uchraydi va kalavalar filtratsiyasi (40-65%) yo‘li bilan, qisman metabolitlari ko‘rinishida chiqariladi. Kam qismi ichak orqali chiqariladi. Buyrak yetishmovchiligida amoksitsillin va klavulanat kislotasining klirensi kamayadi, shuning uchun dozaga tuzatish kiritish talab etiladi.

Preparatga sezgir mikroorganizmlar chaqirgan quyidagi infektsion-yallig‘lanish kasalliklarida: quyi nafas yo‘llarining infektsiyalari (bronxit, pnevmoniya);LOR-a’zolarining infektsiyalari (sinusit, tonzillit, o‘rta otit);siydik-jinsiy tizimi va kichik chanoq a’zolarining infektsiyalari (piyelonefrit, piyelit, tsistit, uretrit, bakterial prostatit, tservitsit, salpingit, salpingoofarit, endometrit, bakterial vaginit, septik abort, yumshoq shankr, gonoreya);teri va yumshoq to‘qimalarning infektsiyalari (saramas, impetigo, ikkilamchi infektsiyalangan dermatozlar, abstsess, flegmona, jarohat infektsiyasi);suyaklar va bo‘g‘imlarning infektsiyalarida qo‘llanadi.

Ichga buyuriladi. Dozalash tartibi patsiyentning tana vazniga, infektsion jarayonni kechish og‘irligiga va joylashishiga, shuningdek qo‘zg‘atuvchining sezgirligiga qarab shaxsiy ravishda belgilanadi. Antibakterial davolashning minimal kursi – 5 kun. Davolashni klinik vaziyatni qayta ko‘rib chiqmasdan 14 kundan ortiq davom ettirish mumkin emas. O‘tkir asoratlanmagan o‘rta otitni davolash davomiyligi 5-7 kun, 2 yoshgacha bo‘lgan bolalarda – 7-10 kunni tashkil qiladi. Bir martalik doza yosh va tana vazniga qarab belgilanadi (amoksitsillin bo‘yicha hisoblanadi): 3 oylikkacha bo‘lgan bolalar – sutkada 30 mg/kg 2 qabulda;3 oylik va undan katta bolalar:past dozalari (teri va yumshoq to‘qimalarning infektsiyalarini, shuningdek surunkali tonzillitni davolash uchun) – sutkada 20 mg/kg 3 qabulda:yuqori dozalari (o‘rta otit, sinusit, quyi nafas yo‘llarining infektsiyalari, siydik chiqarish yo‘llarining infektsiyalari) – sutkada 40 mg/kg 3 qabulda. Tana vazni 40 kg va ko‘proq bo‘lgan bolalarga kattalardagi kabi dozalar buyuriladi. Kattalarda yutish qiyinligida suspenziyani qo‘llash mumkin. Kattalar uchun tavsiya etiladigan dozalash tartibi: 20 ml suspenziya 125 mg+31,25 mg/5 ml dozada yoki 10 ml suspenziya 250 mg+62,5 mg/5 ml dozada sutkada 2-3 marta. Kattalar va 12 yoshdan oshgan bolalar uchun amoksitsillinning maksimal sutkalik dozasi 6 g, 12 yoshgacha bo‘lgan bolalar uchun – tana vazniga 45 mg/kg. Kattalar va 12 yoshdan oshgan bolalar uchun klavulanat kislotasining maksimal dozasi 600 mg, 12 yoshgacha bo‘lgan bolalar uchun – tana vazniga 10 mg/kg. Buyrak faoliyatini buzilishi bo‘lgan patsiyentlar: Dozaga tuzatish kiritish amoksitsillinning tavsiya etilgan maksimal dozasi kreatinin klirensining qiymatiga asoslangan. Bolalar Kreatinin klirensi minutiga 30 ml dan yuqori bo‘lganida dozaga tuzatish kiritish talab etilmaydi; Kreatinin klirensi minutiga 10-30 ml – 15 mg/3,75 mg/kg sutkada 2 marta, maksimal doza 500 mg+125 mg (20 ml suspenziya 125 mg+31,25 mg/5 ml dozada yoki 10 ml suspenziya 250 mg+62,5 mg/5 ml dozada sutkada 2 marta; Kreatinin klirensi minutiga 10 ml – 15 mg/3,75 mg/kg sutkada 1 marta, maksimal doza 500 mg+125 mg (20 ml suspenziya 125 mg+31,25 mg/5 ml dozada yoki 10 ml suspenziya 250 mg+62,5 mg/5 ml dozada). Kattalar Kreatinin klirensi minutiga 30 ml dan yuqori bo‘lganida dozaga tuzatish kiritish talab etilmaydi; Kreatinin klirensi minutiga 10-30 ml – 500 mg+125 mg (20 ml suspenziya 125 mg+31,25 mg/5 ml dozada yoki 10 ml suspenziya 250 mg+62,5 mg/5 ml dozada) stkada 2 marta; Kreatinin klirensi minutiga 10 ml – 500mg+125 mg (20 ml suspenziya 125 mg+31,25 mg/ 5 ml dozada yoki 10 ml suspenziya 250 mg+62,5 mg/5 ml dozada) sutkada 1 marta. Gemodializda bo‘lgan patsiyentlar: Dozaga tuzatish kiritish amoksitsillinning tavsiya etilgan maksimal dozasiga asoslangan Bolalar – 15 mg/3,75 mg/kg sutkada 1 marta. Gemodializ seansi oldidan 15 mg/3,75 mg/kg qo‘shimcha bir dozani qabul qilish kerak. Qonda preparatning faol komponentlarining kontsentratsiyasini tiklash uchun 15 mg/3,75 mg/kg ikkinchi qo‘shimcha dozani gemodializ seansidan keyin qabul qilish kerak. Kattalar – 500 mg+125 mg (20 ml suspenziya 125 mg+31,25 mg/5 ml dozada yoki 10 ml suspenziya 250 mg+62,5 mg/5 ml dozada) xar 24 soatda bir marta. Dializ seansi vaqtida qo‘shimcha 1 doza va dializ seansi oxirida yana bir doza (amoksitsillin va klavulanat kislotasining zardobdagi pasaygan kontsentratsiyalarini kompensatsiya qilish uchun). Suspenziyani tayyorlash usuli: Suspenziya bevosita qo‘llash oldidan tayyorlanadi. Flakondagi kukun oldin silkitiladi, so‘ngra katta bo‘lmagan miqdorda qaynatilgan va xona haroratigacha sovutilgan suv qo‘shib, bir xil suspenziya olingunicha aralashtiriladi, so‘ngra suv flakondagi belgigacha qo‘shiladi. Suspenziyani aniq dozalash uchun dozalangan ikki tomonlama qoshiqchadan foydalanish kerak, uni har bir qo‘llashdan keyin suv bilan yaxshilab chayish kerak. Suyultirilganidan keyin suspenziyani sovutgichda 7 kungacha saqlash mumkin, muzlatish mumkin emas.

Preparat yaxshi o‘zlashtiriladi. Nojo‘ya ta’sirlari kam hollarda paydo bo‘ladi, asosan kuchsiz ifodalangan va o‘tkinchi xarakterga ega bo‘ladi. Ovqat hazm qilish tizimi tomonidan: ko‘ngil aynishi, qusish, diareya, gastrit, stomatit, glossit, xolestatik sariqlik, gepatit, jigar yetishmovchiligi (ko‘proq keksalarda, erkaklarda, uzoq muddatli davolashda), kolit (shu jumladan soxtamembranoz kolit), qora “tukli” til, tish emalini qorayishi, “jigar” transaminazalari faolligini oshishi, bilirubin miqdorini va ishqoriy fosfataza faolligini oshishi. Qon yaratish a’zolari tomonidan: protrombin vaqti va qon ketishi vaqtini qaytuvchan oshishi, trombotsitopeniya, trombotsitoz, eozinofiliya, leykopeniya, agranulotsitoz, gemolitik anemiya. Markaziy nerv tizimi tomonidan: bosh aylanishi, bosh og‘rig‘i, o‘ta yuqori faollik, xavotirlik, xulqni o‘zgarishi, tirishishlar. Allergik reaktsiyalar: eshakemi, eritematoz toshmalar, ko‘p shaklli ekssudativ eritema, anafilaktik shok, angionevrotik shishi, eksfoliativ dermatit, xavfli ekssudativ eritema (Stivens-Djonson sindromi), allergik vaskulit, zardob kasalligi bilan o‘xshash sindrom, o‘tkir yoyilgan ekzantematoz pustulyoz. Buyraklar va siydik chiqarish tizimi tomonidan: interstitsial nefrit, kristalluriya, gematuriya. Boshqalar: kandidoz, superinfektsiya rivojlanishi.

O‘ta yuqori sezuvchanlik (shu jumladan tsefalosporinlar va boshqa beta-laktamli antibiotiklarga xam), infektsion mononukleoz, anamnezdagi amoksitsillin/klavulanat kislotasini qo‘llash natijasidagi sariqlik yoki jigar faoliyatini buzilishini epizodlari, fenilketonuriyada (aspartam saqlaydi) qo‘llash mumkin emas.

Amoksitsillin va klavulanat kislotasining majmuaviy preparatlarini probenetsid bilan bir vaqtda qo‘llash tavsiya etilmaydi. Probenetsid amoksitsillinning naychalar sekretsiyasini pasaytiradi, shuning uchun ularni birga qo‘llash zardobda amoksitsillinning kontsentratsiyasini oshishiga va persistentsiyasiga olib kelishi mumkin, bunda klavulanat kislotasining zardobdagi kontsentratsiyasi o‘zgarmaydi. Diuretiklar, allopurinol, fenilbutazon, nosteroid yallig‘lanishga qarshi preparatlar va naychalar sekretsiyasini bloklovchi boshqa dori vositalari amoksitsillinning kontsentratsiyasini oshiradi (klavulanat kislotasi asosan kalavalar filtratsiyasi yo‘li bilan chiqariladi). Antatsidlar, glyukozamin, surgi vositalari amoksitsillinning so‘rilishini sekinlashtirali va pasaytiradi; askorbin kislotasi – oshiradi. Allopurinol teri toshmasi paydo bo‘lishi xavfini oshiradi. Boshqa keng ta’sir doirali antibiotiklar kabi, amoksitsillin va klavulanat kislotasining majmuaviy preparati, peroral kontratseptivlarning samaradorligini pasaytirishi mumkin, bu xaqida patsiyentlarni xabardor qilish kerak. Adabiyotlarda atsenokumarol yoki varfarin va amoksitsillin birga qo‘llanganida patsiyentlarda xalqaro normallashtirilgan nisbatni (XNN) oshishini kamdan-kam hollari ta’riflangan. Amoksitsillin va klavulanat kislotasining majmuaviy preparatini bilvosita antikoagulyantlar bilan bir vaqtda qo‘llashning zarurati bo‘lganida, preparat buyurilganida yoki bekor qilinganida protrombin vaqti yoki XNN sinchiklab monitoring qilinishi kerak.

Quruq, yorug‘likdan ximoyalangan joyda, 25oS dan yuqori bo‘lmagan haroratda saqlansin. Tayyor suspenziya 2-8oS haroratda zich yopilgan flakonda saqlanadi.

Simptomlari: me’da-ichak yo‘llarining faoliyatini va suv-elektrolit balansini buzilishi. Davolash: simptomatik. Gemodializ samarali.

Retsept bo‘yicha beriladi Ulashish: 2 162 Views

25 g dan 125 ml hajmli, belgisi va buraluvchi plastmassa qopqog‘i bo‘lgan jigarrang shisha flakonlarda. Flakonga o‘zi yopishadigan etiketka yopishtiriladi. Har bir flakon dozalovchi ikki yoqlama qoshiqcha (kichik hajm – 2,5 ml, katta hajm – 5 ml) va qo‘llash bo‘yicha yo‘riqnomasi bilan karton qutida.

2 yil. Tayyor suspenziya – 7 kun.