oq yoki deyarli oq suspenziya Osmolyarligi: 280-320 mOsmol/kg rN 5,0-6,5.

ko‘z kasalliklarini davolash uchun preparatlar, mikroblarga qarshi preparatlar bilan kombinatsiyada yallig‘lanishga qarshi preparatlar, mikroblarga qarshi preparatlar bilan kombinatsiyada kortikosteroidlar.

S01C A01.

Deksametazonni kon’yunktiva bo‘shlig‘iga 0,1% li suspenziya ko‘rinishida mahalliy ravishda yuborilganda preparatning biokiraolishligi kataraktani olib tashlash bo‘yicha operatsiya o‘tkazgan patsiyentlarda o‘rganilgan. Dori preparatining ko‘z yoshi suyuqligidagi taxminan 30 kg/ml ni tashkil etuvchi maksimal kontsentratsiyasi preparat yuborilgandan so‘ng 2 soatdan keyin yuzaga kelgan. Maksimal kontsentratsiyaga yuzaga kelgandan keyin deksametazonning kontsentratsiyasi asta-sekin kamayib boradi, dori preparatining yarim chiqarilish davri esa 3 soatni tashkil etadi. Deksametazon organizmdan metabolizm yo‘li bilan chiqariladi. Dozaning taxminan 60% siydik bilan 6–ß–gidrogideksametazon ko‘rinishida chiqariladi. Siydikda o‘zgarmagan deksametazon aniqlanmaydi. Plazmadagi deksametazonning yarim chiqarilish davri nisbatan qisqa va 3-4 soatni tashkil etadi. Deksametazon zardob albuminlari bilan taxminan 77% – 84% ga bog‘lanadi. Deksametazonning klirensi soatiga 0,111 l/kg dan to soatiga 0,225 l/kg gacha o‘zgarib turadi, taqsimlanish hajmi esa 0,576 l/kg dan 1,15 l/kg gacha o‘zgarib turadi. Ichga qabul qilinganda deksametazon biokiraolishligi taxminan 70% ni tashkil etadi. Neomitsinning farmakokinetikasi boshqa aminoglikozid antibiotiklarning farmakokinetikasiga o‘xshash. Sog‘lom erkaklar terisiga 0,5% li neomitsin sulfati surtmasini 47,7 g gacha miqdorda surtilganda, zardobda va siydikda neomitsinning aniqlab bo‘ladigan kontsentratsiyasi aniqlanmagan. Polimiksin V ning shilliq qavatlardan so‘rilishi past va o‘zgaruvchan yoki umuman kuzatilmaydi. Polimiksin V ni kuyishning katta yuzalariga, kon’yunktivaga va gaymorov bo‘shliqlariga mahalliy qo‘llanganda zardobda yoki siydikda antibiotikning aniqlab bo‘ladigan kontsentratsiyasi topilmagan.

Steroidlar qo‘llanilishiga javob reaktsiyasi kuzatiladigan ko‘z kasalliklarini davolash, kortikosteroidlarni qo‘llashga ko‘rsatmalar bo‘lgan holatlarda va bir vaqtning o‘zida bakterial infektsiyaga shubha bo‘lsa yoki rivojlanish xavfi (masalan qovoq kon’yunktivasi, bulbar kon’yunktiva, shoh parda, ko‘z soqqasi segmenti yallig‘lanishlari, surunkali iridotsiklit va shox pardaning kimyoviy, radiatsion yoki yuqori harorat ta’sirida kuyishidagi shikastlanishlarida yoki yot jismlar tushgandagi shikastlanishlari) bo‘lgan holatlarda qo‘llaniladi.

DЕKSAPOL preparatini shifokor tavsiyalarga ko‘ra qo‘llash kerak. Agar shubha paydo bo‘lsa, shifokor yoki farmatsevtga murojaat qilish kerak. Oftalmologiyada qo‘llash uchun O‘smirlar va kattalarda, shu jumladan keksa yoshdagi patsiyentlarda qo‘llanilishi Kasallikning yengil shakllarida kon’yunktiva bo‘shlig‘iga (kon’yunktiva bo‘shliqlariga) 1–2 tomchidan sutkada maksimal 6 marta qo‘llaniladi. Klinik simptomlar yaxshilanib borgan sari qo‘llash soni kamaytirib boriladi. Lekin davolashni muddatidan oldin to‘xtatmaslik kerak. Og‘ir holatlarda kon’yunktiva bo‘shlig‘i (kon’yunktiva bo‘shliqlari) ga holat yaxshilanguncha har soatda 1–2 tomchidan tomiziladi. So‘ngra, shifokor tavsiyasiga muvofiq, preparatning dozasi asta-sekin kamaytirilib boriladi, yallig‘lanish simptomlari yo‘qolgandan keyin, preparatni qo‘llash to‘xtatiladi. Shifokor tavsiyasiga nisbatan yuqori dozalarni qo‘llash yoki preparatni ko‘proq qo‘llash mumkin emas. Dori preparati bilan davolash davomiyligini shifokor belgilaydi. Bolalarda qo‘llanishi Bolalarda qo‘llash samaradorligi va xavfsizligi aniqlanmagan, shuning uchun ushbu yosh guruhida preparatni qo‘llash tavsiya qilinmaydi. Jigar yoki buyrak funktsiyasini  buzilishi bo‘lgan patsiyentlarda qo‘llanishi DЕKSAPOL preparatining ushbu populyatsiya patsiyentlarda ta’sirini o‘rganish yuzasidan tadqiqotlar o‘tkazilmagan. Biroq, preparat mahalliy qo‘llanganida faol moddalarni past tizimli so‘rilishi tufayli, uning dozasini o‘zgartirishga zarurat yo‘q.

Har qanday preparatda bo‘lgani kabi, DЕKSAPOL xam garchi u har bir patsiyentda yuz bermasa-da, nojo‘ya ta’sirlar keltirib chiqarishi mumkin. Quyida DЕKSAPOL preparatini qo‘llash bilan bog‘liq nojo‘ya ta’sirlar keltirilgan: juda tez (≥1/10), tez-tez (≥1/100), tez-tez emas (≥1/1000 dan <1/100 gacha), kam hollarda (≥1/10000 dan <1/1000 gacha), juda kam hollarda (<1/10000), tez-tezligi noma’lum (ma’lum bo‘lgan ma’lumotlarga ko‘ra aniqlab bo‘lmaydi).

Faol moddalar yoki boshqa aminoglikozid antibiotiklar, yoki preparatning biron-bir yordamchi moddalarga yuqori sezuvchanlik.Herpes simplex (shoxsimon keratit – dendritic keratits), chinchechak yoki suvchechak viruslari chaqirgan keratit, shuningdek shox parda va konyunktivaning boshqa virusli kasalliklari.Kislotalarga chidamli bakteriyalar, xususan Mucobacterium tuberculosis, Mucobacterium leprae yoki Mucobacterium avium tomonidan chaqirilgan ko‘zning mikrobakterial infektsiyalari.Ko‘zning zamburug‘li kasalliklari.Ko‘zning davolanmagan yiringli infektsiyasida qo‘llash mumkin emas.

Hozirgi paytda qo‘llanilayotgan va oxirgi vaqtlarda qo‘llanilgan barcha preparatlar, shuningdek qo‘llash rejalashtirilayotgan preparatlar to‘g‘risida shifokorga xabar berish kerak. O‘zida deksametazon, neomitsin va polimiktsin V saqlovchi tomchilarning boshqa dorilar bilan o‘zaro ta’sirining tahliliga bag‘ishlangan hech qanday tadqiqotlar o‘tkazilmagan. Preparatning alohida ayrim komponentlari tizimli qo‘llanganidan keyin o‘zaro ta’sir kelib chiqishi holatlari ta’riflangan. Biroq, mahalliy qo‘llanganda, preparatni bunday yo‘l bilan yuborishda, faol moddalarni so‘rilishi juda ham past bo‘lgani uchun, o‘zaro ta’sirni yuz berish xavfi ham juda kam bo‘ladi. Mahalliy ta’sirga ega boshqa oftalmologik preparatlar bir vaqtda qo‘llanilganda, har xil dori preparatlarini qo‘llash orasida 10–15 minutli interval bo‘lishiga amal qilish kerak.

Preparatni qo‘llashdan oldin shifokor yoki farmatsevt bilan maslahatlashish kerak. Preparatni davomli qo‘llash yoki intillyatsiyalar tez-tezligini oshirish ko‘z gipertenziyasiga va (yoki) glaukomaga olib kelishi va bu keyinchalik, ko‘rish nervini shikastlanishi va ko‘rish o‘tkirligi va ko‘rish maydonini yomonlashishiga, shuningdek ko‘z orqa kamerasida subkapsulyar katarakta paydo bo‘lishiga olib kelishi mumkin.Sezgir patsiyentlarda, preparat hatto qisqa muddatda qo‘llanganda ham ko‘z ichki bosimi oshishi mumkin.Agar preparat glaukomasi bo‘lgan patsiyentlarga buyurilgan bo‘lsa, davolash muddatini ikki hafta bilan cheklash kerak, agar uzoq vaqt davolash kerak bo‘lsa, u istisno sifatida davom ettirilishi kerak; bu patsiyentlarda muntazam ravishda ko‘z ichki bosimi nazorat qilinib turilishi kerak.steroidlarni antibiotiklar bilan majmuada saqlaydigan preparatlar qo‘llanilgandan keyin ikkilamchi infektsiyani rivojlanishi kuzatilgan. Shox pardaning zamburug‘li infektsiyalari, ayniqsa steroidlarni davomli qo‘llash natijasida faol rivojlanadi. Steroidlar bilan davolashdan keyin shox pardada barqaror yara paydo bo‘lganda zamburug‘li infektsiyani rivojlanishi mumkinligini hisobga olish kerak. Ko‘zning ikkilamchi bakterial infektsiyasi patsiyent organizmining infektsiyaga reaktsiyasi susayganida ham rivojlanish mumkin. Kortikosteroidlar saqlovchi preparatlarni qo‘llash ko‘zning o‘tkir yiringli infektsiyasini niqoblashi yoki kuchaytirishi mumkin. Ma’lumki, shox parda yoki sklera ingichkalashishiga olib keladigan kasalliklarda mahalliy steroidlarni qo‘llash, ularni teshilishiga sabab bo‘lishi mumkin.Ba’zi patsiyentlarda mahalliy qo‘llanilayotgan aminoglikozidga nisbatan yuqori sezuvchanlik rivojlanishi mumkin va u qovoqlarni qichishishi, kon’yunktiva shishi va giperemiyasi bilan namoyon bo‘ladi. Yuqori sezuvchanlik rivojlangan holatlarda DЕKSAPOL prepartini qo‘llashni to‘xtatish va shifokorga murojaat qilish kerak.Kortikostiroidlar mahalliy qo‘llanilganda ko‘z shox pardasi shikastlanishini davolash jarayoni sekinlashishi mumkin.DЕKSAPOL preparatini shifokor tavsiya qilgan muddat davomidagina qo‘llash kerak. Agar kasallik semptomlari kuchaysa yoki o‘tib ketmasa, shifokor bilan maslahatlashish kerak.

Agar patsiyent homilador bo‘lsa, bola emizayotgan bo‘lsa, homiladorman deb taxmin qilsa yoki rejalashtirayotgan bo‘lsa, u ushbu preparatni qo‘llashdan oldin shifokor yoki farmatsevt bilan maslahatlashishi kerak. DЕKSAPOL preparatini, homiladorlik davrida, faqat shifokorning tavsiyasiga ko‘ra ona uchun bo‘lgan foyda homila uchun bo‘lgan potentsial xavfdan ustun bo‘lgandagina qo‘llash mumkin. Emizikli ayollar DЕKSAPOL preparatini qo‘llamasliklari kerak, chunki faol moddalarning juda oz miqdori ko‘krak sutiga ajralib chiqish ehtimoli mavjud.

25°S dan yuqori bo‘lmagan haroratda saqlansin. Flakon zich berkitilgan holda saqlansin.

Simptomlari DЕKSAPOL preparatining dozasini oshirib yuborilishining klinik ahamiyatli simptomlari (nuqtali keratit, eritema, ko‘z yoshi ajralishini ko‘payishi, qovoqlar shishi va qichishi) ba’zi patsiyentlarda ko‘rilgan nojo‘ya samaralarga o‘xshash bo‘lishi mumkin. Davolash DЕKSAPOL preparatini mahalliy qo‘llanganda dozasini oshirib yuborilishini tomchilarning ortiqcha miqdorini ko‘zdan (ko‘zlardan) iliq suv bilan yuvib tashlash orqali oldini olish mumkin.

Retsept bo‘yicha

5 ml dan PENP tomchi dozatori PENPli birinchi ochish nazorati bo‘lgan qopqoqli, PENP dan polietilen  flakonlarda. 1 flakondan qo‘llash bo‘yicha yo‘riqnomasi bilan birga karton pachkaga joylashtiriladi.

2 yil. Ochilgan flakon 4 hafta davomida ishlatilishi kerak.