shikastlanishsiz va oqib chiqish belgilari bo‘lmagan, bosim ostidagi germetik aerozol ballon.

glyukokortikosteroid.

R03BA01

So‘rilishi Ingalyatsiya qilinayotgan preparat dozasining 25% dan ko‘prog‘i nafas yo‘llariga cho‘kadi, qolgan qismi og‘iz, halqumga tushadi va yutib yuboriladi. Beklometazon dipropionati o‘pkada so‘rilishdan oldin faol metaboliti B-17-MP gacha jadal metabolizmga uchraydi. B-17-MP ning tizimli so‘rilishi o‘pkada (o‘pka fraktsiyasining 36%), me’da-ichak yo‘llarida (yutib yuborilgan dozaning 26%) amalga oshadi. O‘zgarmagan beklometazon dipropionati va B-17-MP ning mutloq biokiraolishligi muvofiq ravishda ingalyatsiya qilingan dozaning taxminan 2% va 62% ni tashkil qiladi. Beklometazon dipropionati tez so‘riladi, qon plazmasida maksimal kontsentratsiyasiga erishish vaqti (Tmax) 0,3 soatni tashkil qiladi. B-17-MP sekinroq so‘riladi, Tmax 1 soatni tashkil qiladi. Ingalyatsiya qilingan dozani oshirilishi va preparatning tizimli ekspozitsiyasi orasida proportsional bog‘liqlik kuzatiladi. Taqsimlanishi To‘qimalarda taqsimlanishi beklometazon dipropionati uchun 20 l, B-17-MP uchun 424 l ni tashkil qiladi. Qon plazmasi oqsillari bilan bog‘lanishi yuqori – 87%. Metabolizmi va chiqarilishi Beklometazon dipropionati va B-17-MP yuqori plazma klirensiga (muvofiq ravishda soatiga 150 l va 120 l) ega. Yarim chiqarilish davri muvofiq ravishda 0,5 soat va 2,7 soatni tashkil qiladi.

Kattalar va 4 yoshdan oshgan bolalarda bronxial astmaning turli shakllarini bazis davolash.Jadal nafas chiqarish xajmi (JNCHX1) kerakli ko‘rsatkichdan <50% bo‘lgan patsiyentlarda va anamnezida bronxodilatatorlar bilan muntazam davolashga qaramasdan kasallikning yaqqol simptomlari saqlanib qolgan patsiyentlarda o‘pkaning surunkali obstruktiv kasalligi (O‘SOK) da samarani bir maromda ushlab turuvchi davolashda qo‘llanadi.

“DЕKOMIT 100” faqat ingalyatsion yuborish uchun mo‘ljallangan. Bronxial astma Kattalar va 12 yosh va undan katta bolalar: Muntazam qo‘llanadi (hatto kasallik simplari bo‘lmaganda ham), beklometazon dipropionatining dozasi bronxial astmaning og‘irlik darajasi va har bir konkret holatda klinik samaraga qarab belgilanadi. Sutkalik dozani bir necha qabul qilishga bo‘linadi. Preparatning tavsiya etilgan boshlang‘ich dozalari: bronxial astmani yengil kechishi – sutkada 200-600 mkgbronxial astmani o‘rtacha og‘ir kechishi – sutkada 600-1000 mkgbronxial astmani og‘ir kechishi – sutkada 1000-2000 mkg 4 yoshdan 12 yoshgacha bo‘lgan bolalar: Sutkada 400 mg gacha bir necha marta qabul qilish uchun buyuriladi. Patsiyentning individual javobiga qarab, preparatning dozasini klinik samara paydo bo‘lgancha oshirish yoki minimal samarali dozagacha pasaytirish kerak. Ingalyatsion beklometazon dipropionatining yuqori dozasiga o‘tilganda, tizimli glyukokortikosteroidlarni qabul qilayotgan ko‘pgina patsiyentlar dozani kamaytirishlari yoki ularning umuman bekor qilishlari mumkin.

Tez-tezligi bo‘yicha nojo‘ya samaralar quyidagi toifalarga ajratilishi mumkin: juda tez-tez (≥1/10), tez-tez (≥1/100 va <1/10), tez-tez emas (≥1/1000 va <1/100), kam hollarda (≥1/10000 va <1/1000), juda kam hollarda (<1/10000). Moddalar almashinuvi tomonidan: kam hollarda – giperkortitsizm; juda kam hollarda – tizimli glyukokortikosteroid samaralarning simptomlari (shu jumladan buyrak usti bezi gipofunktsiyasi, Kushing sindromi), bolalar va o‘smirlarda o‘sishni kechikishi, katarakta, glaukoma. Immun tizimi tomonidan: kam hollarda – o‘ta yuqori sezuvchanlik reaktsiyalari, toshma, eshakemi, angionevrotik shish, qichishish. Tayanch-harakat apparati tomonidan: suyak to‘qimasining mineral zichligini pasayishi. Nafas tizimi tomonidan: tez-tez – yo‘tal; kam hollarda – paradoksal bronxospazm, halqumni ta’sirlanishi, davolash to‘xtatilgandan keyin yoki preparatning dozasi kamaytirilgandan keyin o‘tib ketadigan disfoniya. Teri va teri osti kletchatkasi: tez-tez – qon talashlar, terini yupqalashishi. Boshqalar: tez-tez – og‘iz bo‘shlig‘i va hiqildoq shilliq qavati kandidozi. Speyserni qo‘llash va ingalyatsiyadan keyin og‘iz va tomoqni suv bilan chayish bu nojo‘ya samaralar rivojlanishi ehtimolini kamaytiradi. Ingalyatsion glyukokortikosteroidlarni tizimli ta’siri preparatni yuqori dozada uzoq vaqt davomida qabul qilganda kuzatilishi mumkin.

Preparatning har qanday komponentiga yuqori sezuvchanlik.4 yoshgacha bo‘lgan bolalarda qo‘llash mumkin emas. Glaukoma, tiziml infektsiyalar (bakterial, virusli, zamburug‘li, parazitar), osteoporoz, o‘pka tuberkulyozi, jigar tsirrozi, gipotireoz, homiladorlik, laktatsiya davrida ehtiyotkorlik bilan qo‘llanadi.

Beklometazon beta-adrenomimetiklarni qo‘llash tez-tezligini kamaytirib, bemorning ularga reaktsiyasini tiklaydi. Mikrosomal oksidlanish induktorlari (shu jumladan fenobarbital, fenitoin, rifampitsin va boshqalar) bilan birga qo‘llanilganda beklometazonning samaradorligi pasayishi mumkin. Metandiyen, estrogenlar, beta-2-adrenomimetiklar, teofillin, shuningdek tizimli glyukokortikosteroidlar bilan bir vaqtda qo‘llanilganda beklometazonning samaradorligi oshadi. Bir vaqtda qo‘llanilganda beklometazon beta-adrenomimetiklarning samarasini kuchaytiradi.

Ingalyatsion preparatlarni buyurishdan oldin patsiyentlarni dori vositasini o‘pkaning kerakli sohalariga to‘liq tushishini ta’minlovchi ularni qo‘llash qoidalari haqida xabardor qilish kerak. Og‘iz bo‘shlig‘i kandidozini oldini olish uchun ingalyatsiyadan keyin og‘iz bo‘shlig‘i va tomoqni suv bilan chayish kerak. Kandidozni davolash uchun davolashni bir vaqtda davom ettirish bilan mahalliy ta’sirga ega zamburug‘larga qarshi preparatlarni qo‘llash mumkin. Agar patsiyent glyukokortikosteroidlarni ichga qabul qilayotgan bo‘lsa, preparat glyukokortikosteroidlarning avvalgi dozasini qabul qilish fonida buyuriladi, bunda patsiyentlar nisbatan barqaror holatda bo‘lishlari kerak. Taxminan 1-2 xaftadan keyin peroral glyukokortikosteroidlarning sutkalik dozasi asta-sekin kamaytirish boshlanadi. Dozani kamaytirish sxemasi avvalgi davolash davomiyligi va glyukokortikosteroidlarning dastlabki dozasining kattaligiga bog‘liq. Ingalyatsion glyukokortikosteroidlarni muntazam qo‘llash ko‘pgina hollarda peroral glyukokortikosteroidlarni bekor qilish imkonini beradi (15 mg dan ko‘p bo‘lmagan prednizolonni qabul qilishga muhtoj bo‘lgan patsiyentlar to‘liq ingalyatsion davolashga o‘tkazilishlari mumkin), bunda o‘tkazilgandan keyin birinchi oylarda patsiyentning gipofizar-buyrak usti bezi tizimi stress holatlarga (masalan jarohat, jarroxlik aralashuvi yoki infektsiya) adekvat reaktsiyani ta’minlash uchun yetarli darajaga tiklanmaguncha patsiyentning holatini sinchkovlik bilan nazorat qilish kerak. Patsiyentlarni tizimli glyukokortikosteroidlardan ingalyatsion davolashga o‘tkazilganda, avval tizimli preparatlar bilan bartaraf etilgan allergik reaktsiyalar (masalan allergik rinit, ekzema) namoyon bo‘lishi mumkin. Ingalyatsion davolashga o‘tkazilgan, buyrak usti bezi po‘stlog‘ining funktsiyasi susaygan patsiyentlar har doim glyukokortikosteroidlar zahirasiga ega bo‘lishlari va har doim o‘zlari bilan stress holatlarda ular qo‘shimcha tizimli glyukokortikosteroidlarga muhtoj ekanliklari ko‘rsatilgan ogohlantiruvchi kartochkani olib yurishlari kerak (stress holati bartaraf etilgandan keyin glyukokortikosteroidlarning dozasini yana pasaytirish mumkin). Astmaning simptomlarini to‘satdan va avj olib boruvchi yomonlashishi ko‘pincha patsiyentning hayotiga xavf soluvchi potentsial xavfli holat hisoblanadi va glyukokortikosteroidlarning dozasini oshirishni talab etadi. Davolashning samarasizligini ko‘rsatuvchi bilvosita ko‘rsatkichlari bo‘lib qisqa muddatli ta’sirga ega beta-2-adrenostimulyatorlarni avvalgiga nisbatan tez-tez qo‘llash hisoblanadi. “DЕKOMIT 100” xurujlarni bartaraf etish uchun emas, balki har kuni muntazam qo‘llash uchun mo‘ljallangan. Xurujlarni bartaraf etish uchun qisqa muddatli ta’sirga ega beta-2-adrenostimulyatorlar (masalan salbutamol) qo‘llanadi. Bronxial astmani og‘ir zo‘rayishida yoki o‘tkazilayotgan davolashning samarasizligida preparatning dozasini oshirish va zarurati bo‘lgan hollarda tizimli glyukokortikosteroidlarni va/yoki infektsiya rivojlanganda antibiotik buyurish kerak. Paradoksal bronxospazm rivojlanganda preparatni qo‘llashni darhol to‘xtatish, patsiyentning holatini baholash, tekshiruv o‘tkazish va zarurati bo‘lganda boshqa dori preparatlari bilan davolashni buyurish kerak. Har qanday ingalyatsion glyukokortikosteroidlarni, ayniqsa yuqori dozalarda uzoq vaqt qo‘llaganda tizimli samaralar kuzatilishi mumkin (“Nojo‘ya samaralari” ga qarang), lekin ularni rivojlanish ehtimoli glyukokortikosteroidlarni ichga qabul qilgandagiga nisbatan past. Shuning uchun terapevtik samaraga erishilganda ingalyatsion glyukokortikosteroidlarning dozasi kasallikni kechishini nazorat qiluvchi minimal samarali dozagacha kamaytirish muhim. Preparat sutkada 1500 mkg dozada ko‘pgina patsiyentlarda buyrak usti bezi funktsiyasini sezilarli susayishini chaqirmaydi. Buyrak usti bezi yetishmovchiligi kuzatilishi mumkinligi tufayli, glyukokortikosteroidlarni ichga qabul qilayotgan patsiyentlarni preparat bilan davolashga o‘tkazilganda alohida ehtiyotkorlikka rioya qilish va buyrak usti bezi po‘stlog‘i funktsiyasining ko‘rsatkichlarini muntazam nazorat qilish kerak. Preparatni to‘satdan bekor qilish tavsiya etilmaydi. O‘pka tuberkulyozining faol yoki nofaol shakli bo‘lgan patsiyentlarni ingalyatsion glyukokortikosteroidlar bilan davolaganda alohida ehtiyotkorlikka rioya qilish kerak. Ko‘zlarni preparat tushishidan himoya qilish kerak. Ingalyatsiyadan keyin qovoq va burun terisini yuvish orqali ularni shikastlanishidan saqlanish mumkin. Ballonni teshish, bo‘laklarga ajratish yoki olovga tashlash mumkin emas, hatto u bo‘sh bo‘lsa ham. Aerozol o‘ramdagi boshqa ingalyatsiya uchun ko‘pgina vositalar kabi “DЕKOMIT 100” past haroratda samarasizroq bo‘lishi mumkin. Ballon sovutilganda uni plastmassa korpusdan olish va bir necha minut davomida qo‘llarda isitish kerak. Dori preparatini bekor qilganda uning ta’sirini o‘ziga xosligi Zo‘rayishlarni rivojlanishi xavfi tufayli, preparatni to‘satdan bekor qilishdan saqlanish kerak. Preparatning dozasini asta-sekin, shifokor nazorati ostida pasaytirish kerak. Homiladorlik va laktatsiya davri Homilador ayollarga faqat patsiyent uchun kutilayotgan foyda homila uchun potentsial xavfdan yuqori bo‘lgandagina qo‘llash mumkin. Pediatriyada qo‘llanishi 4 yoshgacha bo‘lgan bolalar. Maksimal sutkalik doza – 400 mkg. Sutkalik doza 2-4 marta qabul qilishga bo‘linadi. Avtotransportni haydash va mexanizmlarni boshqarish qobiliyatiga ta’siri Ta’sir qilmaydi. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Yorug‘likdan himoyalangan joyda, 30°S dan yuqori bo‘lmagan haroratda saqlansin. Muzlatilmasin.

Simptomlari: Preparatning dozasini o‘tkir oshirib yuborilishi buyrak usti bezi po‘stlog‘i funktsiyasini vaqtincha pasayishiga olib kelishi mumkin, bu shoshilinch davolashni talab etadi, chunki buyrak usti bezi po‘stlog‘i funktsiyasi bir necha kun davomida tiklanadi, bu plazmadagi kortizolning darajasi bilan tasdiqlanadi. Doza surunkali oshirib yuborilganda buyrak usti bezi po‘stlog‘i funktsiyasini turg‘un bostirilishi kuzatilishi mumkin. Bunday hollarda buyrak usti bezi po‘stlog‘i zahira funktsiyasini monitoring qilish kerak. Davolash: Dozani oshirib yuborilganda beklometazon dipropionati bilan davolashni terapevtik samarani tutib turish uchun yetarli dozalarda davom ettirish mumkin. Dozani oshirib yuborilishidan saqlanish uchun patsiyentlar tavsiya etilgan dozadan yuqori dozada qo‘llamasliklari kerak. Davolashning samaradorligini muntazam baholash va dozani kasallik simptomlarini samarali nazoratini ta’minlovchi minimal darajagacha kamaytirish muhim ahamiyatga ega.

Retsept bo‘yicha

Himoya qalpoqchali purkovchi uchlik bilan ta’minlangan dozalovchi klapanli germetik alyumin ballon. Ballon, qalpoqchali uchlik va qo‘llash bo‘yicha yo‘riqnomasini saqlovchi karton quti.

24 oy.