oq rangli xushbo‘y kukun, suv qo‘shilganida to‘q sariq rangli suspenziya hosil bo‘ladi.

antibiotik (penitsillinlar guruhi).

J01CR02

Preparatning ikkala komponenti ham ichga qabul qilingandan keyin tez va yaxshi so‘riladi. Agar preparatni bevosita ovqatdan oldin qabul qilinsa, ularni so‘rilishi yaxshilanadi. Ichga qabul qilinganda amoksitsillin va klavulanat kislotasining biokiraolishligi taxminan 70% ga yetadi. Ikkala komponentning ham plazmadagi kontsentratsiyasining profili bir xil bo‘lib, har bir modda uchun cho‘qqi kontsentratsiyasiga (Tmax) erishish vaqti taxminan bir soatni tashkil qiladi. Ichga qabul qilingandan keyin zardobda erishiladigan amoksitsillin va klavulanat kislotasining kontsentratsiyalari, amoksitsillin yoki klavulanat kislotasining ekvivalent dozalarini alohida ichga qabul qilish natijasida olinadigan kontsentratsiyalari bilan bir xil. Plazmadagi klavulanat kislotasining umumiy miqdorini taxminan 25% va amoksitsillinning umumiy miqdorini taxminan 18% oqsillar bilan bog‘langan holda bo‘ladi. Taxminiy taqsimlanish hajmi amoksitsillin uchun taxminan 0,3-0,4 l/kg va klavulanat kislotasi uchun taxminan 0,2 l/kg ni tashkil qiladi. Amoksitsillin va klavulanat kislotasi qovuq, qorin devori to‘qimalari, teri, yog‘ to‘qimasi, mushak to‘qimalari, sinovial va peritoneal suyuqliklarda, safro va yiringda aniqlanadi. Amoksitsillin orqa miya suyuqligiga juda oz miqdorda kiradi xolos. Amoksitsillin dastlabki dozasining ko‘pi bilan 10-25% ga ekvivalent bo‘lgan hajmlarda faol bo‘lmagan penitsil kislotasi shaklida siydik bilan qisman chiqariladi. Klavulanat kislotasi odam organizmida jadal metabolizmga uchraydi, siydik va ahlat bilan, shuningdek nafas yo‘llari orqali karbonat angidridi holida chiqariladi. Amoksitsillinni asosiy chiqarilish yo‘li buyraklar orqali bo‘lsa, ayni paytda klavulanat kislotasi organizmdan buyrak va buyrakdan tashqari mexanizmlar yordamida chiqariladi.

Optimal so‘rilishi va me’da-ichak yo‘llari tomonidan mumkin bo‘lgan nojo‘ya samaralarini kamaytirish uchun, Duoklav®ni ovqat bilan qabul qilish tavsiya etiladi. Davolash davomiyligi ko‘rsatmalarga bog‘liq, lekin u klinik vaziyatni qayta baholashsiz 14 kundan oshmasligi kerak. Suspenziya bevosita birinchi qo‘llash oldidan, quruq kukunga muvofiq miqdordagi suvni qo‘shish yordamida tayyorlanadi. Ishlatish oldidan qopqog‘ining butunligini tekshirish kerak. Butilkadagi belgigacha qaynatib sovitilgan suv qo‘shing va yaxshilab chayqating. Zururati bo‘lganida belgigacha yana suv qo‘shing. Tayyorlangan suspenziya sovitgichda saqlanishi kerak. Tayyorlangandan keyin yetti kun davomida ishlatish kerak. Har bir qo‘llashdan oldin flakonni yaxshilab silkitish kerak. Odatdagi tavsiya etiladigan sutkalik doza:

Nojo‘ya reaktsiyalarining tez-tezligi quyidagicha aniqlangan: juda tez-tez (>1/10), tez-tez (>1/100 va <1/10), ba’zan (>1/1000 va <1/100), kam xollarda (>1/10000 va <1/1000), juda kam hollarda (<1/10000). Infektsiyalar va invaziyalar Tez-tez – shilliq qavatlar kandidozi; Qon yaratish tizimi va limfa tizimi tomonidan Kam hollarda – qaytuvchan leykopeniya (shu jumladan neytropeniya) va trombotsitopeniya; Juda kam hollarda – qaytuvchan agranulotsitoz va gemolitik anemiya, protrombin vaqti va qon ketishi vaqtini uzayishi Immun tizimi tomonidan Juda kam hollarda – angionevrotik shish, anafilaktik reaktsiyalar, zardob kasalligiga o‘xshash sindrom, allergik vaskulit; Nerv tizimi tomonidan: Ba’zida – bosh aylanishi, bosh og‘rig‘i Juda kam hollarda – qaytuvchan o‘ta yuqori faollik va tirishishlar. Tirishishlar buyrak faoliyati buzilishi bo‘lgan patsiyentlarda yoki preparat yuqori dozalarda qabul qilinganida namoyon bo‘lish mumkin. Me’da-ichak yo‘llari tomonidan: Kattalar: juda tez-tez – diareya; tez-tez – ko‘ngil aynishi, qusish; Bolalar: tez-tez – diareya, ko‘ngil aynishi, qusish; Barcha guruh patsiyentlari Ko‘ngil aynishi, asosan preparat yuqori dozalarda qabul qilinishi bilan bog‘liq. Me’da-ichak yo‘llari tomonidan nojo‘ya samaralari ehtimolini kamaytirish uchun, Duoklav® ni ovqatlanishni boshida qabul qilish tavsiya etiladi. Ba’zan – ovqat hazm qilishni buzilishi; Juda kam hollarda – antibiotiklarni qabul qilish bilan bog‘liq bo‘lgan kolit (shu jumladan, soxtamembranoz va gemorragik kolit), qora “tukli” til. Gepatobiliar tizimi tomonidan Ba’zan – AST va ALT larning darajasini o‘rtacha oshishi beta-laktam antibiotiklarini qabul qilgan patsiyentlarda kuzatilgan, biroq ushbu ko‘rinishlarning klinik ahamiyati noma’lum. Juda kam hollarda – gepatit va xolestatik sariqlik (boshqa penitsillinlar va tsefalosporinlar bilan yondosh davolanganda kuzatilgan). Teri va teri osti yog‘ qavati tomonidan Ba’zan – teri toshmasi, qichishish, eshakemi. Kam hollarda – ko‘p shaklli eritema; Juda kam hollarda – Stivens-Djonson sindromi, toksik epidermal nekroliz, o‘tkir yoyilgan ekzantematoz pustullyoz. Har qanday yuqori sezuvchanlik simptomlari rivojlanganida Duoklav bilan davolashni to‘xtatish kerak. Buyraklar va siydik chiqarish tizimi tomonidan Juda kam hollarda– interstitsial nefrit, kristalluriya (“Dozani oshirib yuborilishi” bo‘limiga qarang).

beta-laktam antibiotiklarga, masalan, penitsillinlar, tsefalosporinlarga o‘ta yuqori sezuvchanlik.anamnezdagi Duoklav® ni qo‘llash fonida jigar faoliyatini buzilishi yoki sariqlikda qo‘llash mumkin emas.

Duoklav®ni probenetsid bilan bir vaqtda qo‘llash tavsiya qilinmaydi. Probenetsid amoksitsillinning naychalar orqali sekretsiyasini pasaytiradi va shuning uchun Duoklav® va probenetsidni birga qo‘llash amoksitsillinning qondagi darajasini oshishiga va doimiy davom etishiga olib kelishi mumkin, lekin klavulanat kislotasini emas. Allopurinol va amoksitsillin bir vaqtda qo‘llanganida teri allergik reaktsiyalarini rivojlanish xavfi oshishi mumkin. Hozirgi vaqtda Duoklav® va allopurinolni bir vaqtda qo‘llash bo‘yicha ma’lumotlar yo‘q. Boshqa antibiotiklar kabi, Duoklav® ichak mikroflorasiga ta’sir ko‘rsatishi mumkin, bu estrogenlarning qayta so‘rilishini pasayishiga va muvofiq majmuaviy peroral kontratseptivlarning samaradorligini pasayishiga olib kelishi mumkin. Adabiyotda atsenokumarol yoki varfarin va amoksitsillinni buyurilgan kursini qabul qilayotgan patsiyentlarda xalqaro normallashgan nisbatni (XNN) oshishining kam hollari ta’riflangan. Shuning uchun Duoklav® va antikoagulyantlar bir vaqtda qo‘llanganida Duoklav® ni qo‘shish yoki bekor qilish bilan XNN va protrombin vaqtini muvofiq monitoringini o‘tkazish kerak.

Duoklav® bilan davolashni boshlashdan oldin penitsillinlar, tsefalosporinlar va boshqa allergenlarga nisbatan ilgari kuzatilgan yuqori sezuvchanlik reaktsiyalari bo‘yicha batafsil anamnez yig‘ish kerak. Penitsillinlarga nisbatan jiddiy, ba’zida esa o‘lim bilan tugagan yuqori sezuvchanlik reaktsiyalari (anafilaktik reaktsiyalar) ta’riflangan. Bunday reaktsiyalarning rivojlanishini xavfi anamnezida penitsillinlar guruhi antbiotiklariga nisbatan yuqori sezuvchanlik reaktsiyalari bo‘lgan patsiyentlarda juda yuqori (“Qo‘llash mumkin bo‘lmagan holatlar” ga qarang). Infektsion mononukleozga gumon qilingan holda, Duoklav® ni qo‘llash mumkin emas, chunki u bilan kasallangan patsiyentlarda amoksitsillin qizamiqsimon teri toshmalarini chaqirishi mumkin, bu kasallikka tashhis qo‘yishni qiyinlashtiradi. Duoklav® bilan uzoq muddat davolash ba’zida sezgir bo‘lmagan mikroorganizmlarni haddan tashqari o‘sishiga olib keladi. Duoklav® qabul qilayotgan patsiyentlarda, kam hollarda protrombin vaqtini oshishi (INR oshishi) kuzatiladi, shuning uchun Duoklav® va antikoagulyantlar bir vaqtda qo‘llanganida tegishli monitoring o‘tkazish kerak. Kerakli antikoagulyatsiya darajasiga erishish uchun og‘iz orqali qabul qilinadigan antikoagulyantlarning dozasiga tuzatish kiritish talab qilinishi mumkin. Duoklav® qabul qilayotgan ba’zi patsiyentlarda jigar faoliyatini aniqlash bo‘yicha o‘tkaziladigan sinamalarning natijalarida o‘zgarishlar kuzatilgan. Bu o‘zgarishlarning klinik ahamiyati noma’lum, ammo Duoklav® ni jigar faoliyati buzilgan patsiyentlarda ehtiyotkorlik bilan qo‘llash, jigar faoliyatini muntazam monitoring qilish kerak. Xolestatik sariqlik u jiddiy, biroq odatda qaytuvchan bo‘lishi mumkin, paydo bo‘lganligi haqida kam xabarlar berilgan. Simptomlari odatda davolash to‘xtatilganidan so‘ng olti hafta davomida o‘tib ketadi. Buyrak yetishmovchiligi bo‘lgan patsiyentlarga Duoklav® suspenziyasi tavsiya qilinmaydi. Diurezi pasaygan patsiyentlarda juda kam hollarda kristalluriya, asosan, parenteral davolanishda rivojlanishi mumkin. Amoksitsillinning yuqori dozalari yuborilgan vaqtda, amoksitsillinning kristallarini hosil bo‘lish ehtimolini kamaytirishi uchun, yetarli miqdorda suyuqlik ichish va adekvat diurezni tutib turish tavsiya qilinadi Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Quruq joyda 30ºS dan past bo‘lgan haroratda saqlansin. Tayyor suspenziyani sovutgichda saqlash kerak.

Me’da-ichak buzilishlari va suv-elektrolit muvozanatini buzilishi rivojlanishi mumkin. Davolash simptomatik, suv-elektrolit muvozanatini me’yorlashtirishga alohida e’tibor berish kerak. Ba’zi hollarda buyrak yetishmovchiligini rivojlanishiga olib keluvchi amoksitsillinli kristalluriya ta’riflangan (“Maxsus ko‘rsatmalar” ga qarang). Duoklav® qondan gemodializ yordamida chiqariladi.

Retsept bo‘yicha

Ichga qabul qilish uchun suspenziya tayyorlash uchun kukun HDPE flakonda. Bir flakon o‘lchov qoshiqchasi va qo‘llash bo‘yicha yo‘riqnomasi bilan birga karton qutiga joylangan.

Ichga qabul qilish uchun suspenziya tayyorlash uchun kukun – 24 oy. Tayyor suspenziya – 7 kun.