oq rangli, dumaloq, ikki tomonlama qavariq, bir tomonida riskali tabletkalar. Tabletkalarni teng ikki qismga bo‘lish mumkin.

siydik chiqaruvchi yo‘llariga ta’sir qiluvchi spazmolitik vositalar.

G04BD04.

Farmakokinetik hisobotlarning natijalariga ko‘ra, oksibutininni ichga qabul qilgandan keyin me’da-ichak yo‘llaridan tez so‘riladi, plazmadagi maksimal kontsentratsiyasiga 1 soatdan kamroq vaqtda erishiladi, so‘ngra esa 2 soatdan 3 soatgacha bo‘lgan yarim chiqarilish davri bilan ikki bosqichda kamayadi. Maksimal samarasi 3-4 soat davomida kuzatiladi, qoldiq ta’siri 10 soatdan ko‘proq saqlanishi mumkin. Muvozanat kontsentratsiyasiga preparatning peroral qabul qilingandan so‘ng 8 kundan keyin erishiladi. Faol hayot tarzini kechirayotgan keksa patsiyentlarda oksibutinin ehtimol, to‘planmaydi va uning farmakodinamikasi katta bemorlarnikidan farq qilmaydi. Ammo holsizlangan keksa bemorlarda Smax va AUC ko‘rsatkichlari ahamiyatli darajada oshadi. Oksibutinin jigarda, birinchi navbatda tsitoxrom R450 tizimi fermentlari, xususan jigar va ichak devorlarida mavjud bo‘lgan CYP3A4 ishtirokida jadal metabolizmga uchraydi; metabolitlari ham M-xolinobloklovchi ta’sirga ega. Chiqarilishining asosiy yo‘li – buyrak orqali; o‘zgarmagan preparatning atigi 0,3-0,4% 24 soatdan keyin kalamushlar siydigida va 1% – 48 soatdan keyin itlar siydigida aniqlanadi. Demak, oksibutinin kalamush va itlarda to‘liq metabolizmga uchraydi.

Siydikni tutib tura olmaslik, noturg‘un qovuq, yohud tarqalgan skleroz va spina bifida kabi kasalliklarda qovuqning neyrogen disfunktsiya (detruzorning giperrefleksiyasi) yoki detruzorning idiopatik noturg‘unligi (siydikni motor urgent tutib tura olmaslik) natijasida imperativ qistovlar yoki tez-tez siyish. Shuningdek, qovuq yoki prostata bezidagi jarroxlik operatsiyalaridan keyin yoki yo‘ldosh tsistitda paydo bo‘luvchi qovuqning giperfaolligida qo‘llanadi. Bolalarda qo‘llanishi Oksibutinin 5 yoshdan oshgan bolalarda quyidagi holatlarda: siydikni tutib tura olmaslik, qovuqning idiopatik giperfaolligi yoki qovuqning neyrogen disfunktsiyasi (detruzorning giperfaolligi) natijasidagi imperativ qistovlar yoki tez-tez siyishda;detruzorning giperfaolligi bilan bog‘liq tungi enurezni boshqa davolash usullari samarasiz bo‘lganda nomedikamentoz usullar bilan birga qo‘llash mumkin.

Ichga (peroral) buyuriladi. Kattalar Standart dozasi – 5 mg kuniga 2-3 martani tashkil qiladi. Nojo‘ya samaralarni o‘zlashtiraolinishida klinik javob olish uchun dozani 5 mg dan kuniga 4 martagacha oshirish mumkin. Keksa yoshdagi patsiyentlar Keksa yoshdagi patsiyentlarda yarim chiqarilish davri oshadi, shuning uchun kuniga 2 marta 2,5 mg dan dozadan buyurish (ayniqsa, xolsizlangan bemorlarda) odatda, adekvat hisoblanadi. Yaxshi o‘zlashtirilganida klinik javobni olish uchun dozani 5 mg dan kuniga 2 martagacha asta-sekin oshirish mumkin. Bolalar (5 yoshdan oshgan) Qovuqning neyrogen noturg‘unligi: 2,5 mg dan kuniga 2 marta buyuriladi. Yaxshi o‘zlashtirilganida klinik samaraga erishish uchun dozani 5 mg dan kuniga 2-3 martagacha asta-sekin oshirish mumkin. Tungi enurez: 2,5 mg dan kuniga 2 marta buyuriladi. Yaxshi o‘zlashtirilganida klinik natijaga erishish uchun bu dozani 5 mg dan kuniga 2 yoki 3 martagacha titrlash mumkin. Preparatning oxirgi dozasini uyqudan oldin qabul qilish kerak. Bolalar (5 yoshdan kichik) Preparatni 5 yoshdan kichik bolalarda qo‘llash tavsiya etilmaydi.

Faol ingrediyentga yoki “yordamchi moddalar” bandida sanab o‘tilgan yordamchi moddalarga yuqori sezuvchanlik;miasteniya;yopiq burchakli glaukoma yoki ko‘zning old kamerasini kichikligi;giperpireksiya rivojlanishi xavfi sababli, bu preparatni tana harorati yuqori bo‘lgan bemorlarga yoki atrof-muhitni harorati yuqori bo‘lganda buyurish mumkin emas;5 yoshgacha bo‘lgan bolalar;qizilo‘ngach faoliyatini buzilishi, shu jumladan diafragmaning qizilo‘ngach teshigining churrasi;me’da-ichak yo‘llarining funktsional yoki organik obstruktsiyasi;ileostoma, kolostoma, toksik megakolon, og‘ir darajali yarali kolitni mavjudligi;qovuqni infravezikal obstruktsiyasi, bunda, masalan, siydikni tutilishiga prostata bezini kattalashishi sabab bo‘ladi;homiladorlik va laktatsiya davrida qo‘llash mumkin emas.

Antixolinergik ta’sirini kuchayishi mumkinligi sababli, Driptan®ni boshqa antixolinergik preparatlar bilan birga ehtiyotkorlik bilan qo‘llash kerak. Antixolinergik preparatlar va fenotiazinlar, amantadin, neyroleptik vositalar (masalan, fenotiazinlar, butirofenonlar, klozapin), boshqa antixolinergik dori mahsulotlari, parkinsonizmga qarshi vositalar (masalan, biperiden, L-dopa), antigistamin preparatlar, xinidin, digitalis, tritsiklik antidepressantlar, atropin va atropinli spazmolitik vositalar va dipiridamol kabi atropinsimon birikmalar orasida o‘zaro ta’sirning kam holatlari haqida xabarlar mavjud. Driptan®ni bu preparatlar bilan bir vaqtda qo‘llaganda ehtiyotkorlikka rioya qilish kerak. Oksibutinin me’da-ichak yo‘llari motorikasini pasaytirib, boshqa dori vositalarining so‘rilishiga ta’sir qilishi mumkin. Oksibutinin tsitoxrom R450 CYP3A4 izofermenti ishtirokida metabolizmga uchraydi. CYP3A4 ingibitori bilan bir vaqtda yuborilganida oksibutinin metabolizmini susaytirishi va oksibutininning ekspozitsiyasini oshirishi mumkin. Oksibutinin prokinetiklarga nisbatan antagonizm namoyon qilishi mumkin. Xolinesteraza ingibitorlari bilan bir vaqtda qo‘llash xolinesteraza ingibitorining samaradorligini kamayishiga olib kelishi mumkin. Alkogolni qabul qilish oksibutinin kabi antixolinergik vositalar chaqirgan uyquchanlikni kuchaytirishi mumkinligi haqida patsiyentlarni ogohlantirish kerak.

Oksibutininni keksa bemorlarda ehtiyotkorlik bilan qo‘llash kerak, chunki ular preparatning ta’siriga sezuvchanroq bo‘lishlari mumkin (dozani kamaytirish talab etilishi mumkin, “Qo‘llash usuli va dozalari” bandiga qarang) , shuningdek vegetativ neyropatiya, me’da-ichak yo‘llarining og‘ir darajali kasalliklari, jigar va buyrak yetishmovchiligi, tserebrovaskulyar kasalliklari bo‘lgan bemorlarda ehtiyotkorlik bilan qo‘llash kerak. Kognitiv buzilishlar xavfi sababli, antixolinergik vositalarni keksa patsiyentlarda ehtiyotkorlik bilan qo‘llash kerak. Oksibutininni qo‘llagandan keyin gipertireoz, yurak ishemik kasalligi, arterial gipertenziya, prostata bezi gipertrofiyasi simptomlari chuqurlashishi mumkin, yurak ritmini buzilishlari zo‘rayishi, taxikardiyani kuchayishi mumkin. Markaziy nerv tizimiga antixolinergik ta’siri qayd etilgan (masalan, gallyutsinatsiyalar, bezovtalik, ongni chalkashishi, uyquchanlik); ayniqsa davolash boshlanganidan yoki doza oshirilganidan keyin bir necha oy davomida kuzatish tavsiya etiladi; agar markaziy nerv tizimiga antixolinergik ta’siri rivojlangan bo‘lsa, davolashni to‘xtatish yoki dozani kamaytirish masalasini ko‘rib chiqish kerak (“Dorilarning o‘zaro ta’siri” bo‘limiga qarang). Oksibutinin yopiq burchakli glaukomani sababchisi bo‘lishi mumkinligi sababli, agar patsiyentlar ko‘rish o‘tkirligi to‘satdan yo‘qolishini yoki ko‘zda og‘riq sezsalar, darhol shifokorga murojaat etishlarini tavsiya qilish kerak. Oksibutinin gidroxloridini porfiriyasi bo‘lgan bemorlarda qo‘llash xavfsiz emas, chunki hayvonlarda o‘tkazilgan tadqiqotlarda va in vitro sharoitlarda preparat porfirinogenlarni sintezini kuchayishini chaqirgan. Preparatni uzoq muddat qo‘llash so‘lak ajralishini kamayishi yoki susayishi sababli, kariyes rivojlanishiga olib keladi. Shuning uchun preparatni uzoq muddat qabul qilganda muntazam stomatolog kuzatuvida bo‘lish kerak. Antixolinergik dori vositalarini ezofagitni chaqirishi yoki kuchaytirishi mumkin bo‘lgan dori vositalari (masalan, bifosfonatlar) ni bir vaqtda qabul qilayotgan patsiyentlarda ehtiyotkorlik bilan qo‘llash kerak.

Homiladorlik Ayollarda homiladorlik vaqtida oksibutininni qo‘llashning xavfsizligi oxirigacha aniqlanmagan. Hayvonlarda o‘tkazilgan tadqiqotlar ona organizmiga toksik ta’sir qiluvchi dozalarni qo‘llash reproduktiv toksiklikni chaqirishini ko‘rsatdi. Homiladorlik, embrion/homilani rivojlanishi yoki postnatal rivojlanishga ta’siri bo‘yicha hayvonlarda o‘tkazilgan tadqiqotlar yetarli hisoblanmaydi. Homiladorlik vaqtida, xavfsizroq muqobil davolash usuli yo‘q bo‘lgan hollardan tashqari hollarda qo‘llashdan saqlanish kerak. Laktatsiya Hayvonlarda o‘tkazilgan tadqiqotlarda oksibutinin ko‘krak suti bilan ajralishi aniqlangan. Shu sababli, bu preparatni emizayotgan ayollarga buyurish mumkin emas.

30oS dan yuqori bo‘lmagan haroratda saqlansin.

Oksibutininning dozasini oshirib yuborilishi simptomlari markaziy nerv tizimi tomonidan oddiy nojo‘ya samaralarini kuchayishidan (harakat bezovtaligi va emotsional qo‘zg‘alishdan psixotik hatti-harakatgacha) tsirkulyator buzilishlar (qon oqib kelishlari, arterial bosimni tushishi, qon aylanishi yetishmovchiligi va boshqalar), nafas yetishmovchiligi, falaj va komagacha asta-sekin avj olib boradi. Preparatning dozasini oshirib yuborilishini davolash – simptomatik: darhol me’dani yuvish;hayotga xavf soluvchi antixolinergik sindrom rivojlangan hollarda qo‘llash bo‘yicha yo‘riqnomasida tavsiya etilgan dozalarda neostigminni (yoki fizostigminni) qo‘llash mumkin. Tana haroratini oshishi davolanadi. Yaqqol bezovtalik yoki qo‘zg‘alishda – inyektsiya shaklida 10 mg diazepam vena ichiga yuboriladi. Taxikardiyada – inyektsiya shaklida propranolol vena ichiga yuboriladi. Siydik tutilishida – qovuq kateterizatsiya qilinadi. Nafas mushaklari falajida o‘pkani sun’iy ventilyatsiyasi talab etilishi mumkin.

Retsept bo‘yicha

30 tabletkadan PVX/alyumin folgali blisterda. 1 blisterdan qo‘llash bo‘yicha yo‘riqnomasi bilan karton qutida.

3 yil.